ފިނޮޅަކަށް ދަތުރުދިޔަ މީހަކު ގެއްލިގެން އުޅޭތާ 24 ގަޑިއިރު

ގެއްލިގެން ހޯދަމުން އަންނަ ތަސްލީމް މުހައްމަދު، 43އ، -- ފޮޓޯ: އާއިލާ

އައިޝަތު ނުޒުހާ، މިހާރު

31 އޯގަސްޓް 2024 - 14:05

ފިނޮޅަކަށް އިއްޔެ ދަތުރު ދިޔަ މީހަކު ގެއްލިގެން ރިޕޯޓްކޮށްފައި ވާތީ އޭނާއާ ބެހޭ މައުލޫމާތެއް އެނގޭ މީހަކު ހުރި ނަމަ އެކަން ފުލުހުންނަށް އަންގަން އެދެފި އެވެ.

ގެއްލިގެން ހޯދަމުން އަންނަނީ އުމުރުން 43 އަހަރުގެ ތަސްލީމް މުހައްމަދު، މ. އަސަރީ ހަނދާން އެވެ.

ފުލުހުން ބުނީ ތަސްލީމް ގޮސް އުޅުނީ ކ. ހުވަފެންފުށި ދެކުނުން ހިއްކާފައި އޮންނަ، ފަސްގަނޑަށް ކަމަށާއި އެތަނަށް ދިޔައީ އިއްޔެ ކަމަށެވެ.

އޭނާއާއެކު ދަތުރު ދިޔަ މީހުންނާ ހަވާލާދީ ފުލުހުން ބުނެފައިވާ ގޮތުގައި ތަސްލީމް އެންމެ ފަހުން ފެނިފައިވަނީ ވެސް އިއްޔެ ހެނދުނު 10:00 އާއި 11:00 އާ ދެމެދުގަ އެވެ. އޭނާ ގެއްލިގެން ފުލުހުންނަށް ރިޕޯޓްކުރި ވަގުތެއް، އޭނާއާ ބެހޭ ގޮތުން ފުލުހުން އާންމުކުރި މައުލޫމާތުގައި ބުނެފައެއް ނުވެ އެވެ.

އޭނާއާ ގުޅޭ އެއްވެސް މައުލޫމާތެއް ލިބިފައިވާ ނަމަ އަދި އިއްޔެ އާއި އޭގެ ކުރީ ދުވަހު އެ ފިނޮޅަށް ދަތުރު ދިޔަ ބަޔަކު އުޅޭ ނަމަ ހިންމަފުށި ޕޮލިސް ސްޓޭޝަންގެ ނަންބަރު، 9794639 ގުޅައި އެންގުމަށް ފުލުހުން ވަނީ އެދިފަ އެވެ.

ފުލުހުން ގެއްލިގެން ހޯދާ މީހުން

7 ކޮމެންޓް, 2 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

raajje

31 August 2024

މިފަދަގޮތްނޭންގޭކަންކަމުގެ ތަހުގީގު މިޒަމާނުގައި ފަށައިގަންނަ އެއްސޯސްއަކީ ފޯނުލޮކޭޝަން، ގެއްލުނުފަރާތުގެ މޮބައިލްނަންބަރުގެ ލޮކޭޝަންތައް ޓުރޭސްކުރަނިކޮށް ތިޔަކަމުގައި ކުރިޔަށްދާނެ ލިންކުތަކެއްލިބޭނެކަމަށްބެލެވޭ، އަދި އެކީގާއުޅުނުމީހުން ދަށްކާވާހަކަތަކާ އެމީހުންގެ ފޯނުލޮކޭޝަންތައް ދިމާވޭތޯ ވެރިފައިކުރަންވެސްޖެހޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީގެ ދަރި

31 August 2024

ނޫސްވެރިޔާއަށް ދަންނަވަލަން އޮތީ ކ. "ހުވަފެންފުށި" އެއް ނޯންނާނެ ވާހަކަ އާއި "ނަކައްޗާފުށި" އެއް އޮންނަވާހަކަ. ދިވެހި ރާއްޖޭގެ ޖޯގްރަފީގެ ނަންތައް އޮޅުވާނުލުމަށް ނަސޭޙަތްތެރި ވަން. ހުވްފެންފުށި ރިސޯޓް ކަމަށް ލިޔުނު ނަމަ އެކަމުގައި މާކަބޮޑު މައްސަލައެއް ނެތް. އެކަމަކުވެސް ދިވެހި ރާއްޖޭގެ ރަށްތަކުގެ ދިވެހި ނަންތަކަށް ޚާއްސަ ސަމާލުކަމެއް ދޭން އެބަޖެހޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

raajje

31 August 2024

ރަނގަޅުވާހަކައެއް، ނަމަވެސް ދިވެހިނަންތައް އެކަށީގެންވާގޮތެއްގައި ޑޮކިއުމެންޓުކުރެވިފައިނެތުމުން ދުވަހެއްދުވަހަކަށްދާނީ ރައްތަކުގެ ނަންތަން އޮޅެމުން ނެތެމުން، ގޫގަލްމެޕުން ރަށްރަށުގެ އަސްލުނަންޖަހައިގެން ސާޗުކުރީމާ ބައެއްރަށްރަށްނުފެނޭ، ނަމަވެސް ރިސޯޓުހަދަންވެގެން ބަދަލުކޮށްގެންއުޅޭނަންޖެހީމާ މެޕުންފެނޭ، ބައެއްރަށްތަކުގެ އަސްލުނަންވެރިފައިކުރާނެ އެއްވެސްސޯސްއެއް އިންޓަރނެޓުގައިނެތް، ދިވެހިބަހުގެ އެކަޑަމީއާއެއްޗެހިހަދައިގެން ކީއްމިކުރެވެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މޯހިރު

31 August 2024

ތެދުފުޅެއް. އެކަމަކު ކާކުތޯ މިއަދު ހުރީ މަލިކައްޑޫއޭ ބުނީމަ އެނގޭ؟ ކާކުތޯ މިއަދު ހުރީ ފަސްދޫތެރެއޭ ބުނީމަ އެނގޭ. ކާކުތޯ ހުރީ އިހައްދުންމައްޗޭ ބުނީމަ އެނގޭ؟ ރަށްރަށާ އަތޮޅުތަކާ ކަނޑުފަޅާ ގިރިތަކުގެ ރީތީ ނަމާ ދޭތެރޭ މިއަދު ކާކުތޯ ފަރުވާ ބަހައްޓަނީ؟ ހަމަގައިމުވެސް ރަށްރަށާ ކަނޑުފަޅާ އަތޮޅުތަކުގެ ދިވެހި ނަން އިވުނީމަ އަޅުގަނޑުގެ ހިތާ ވިންދާ ކުޅެލާ..