ޓެކްސް އެޕީލް ޓްރައިބިއުނަލަށް ހަތަރު ބޭފުޅުން އައްޔަންކޮށްފި

ސުޕްރީމް ކޯޓުގެ ކުރީގެ ފަނޑިޔާރު ޣަނީ: ޓެކްސް އެޕީލް ޓްރައިބިއުނަލަށް އޭނާ ވަނީ އައްޔަން ކޮށްފައި - ފޮޓޯ: މިހާރު

ނާޒިމް ހަސަން، މިހާރު

24 އޮކްޓޯބަރ 2024 - 19:35

ޓެކްސް އެޕީލް ޓްރައިބިއުނަލުން ހުސްވެފައިވާ މަގާމްތަކަށް އައްޔަންކުރަން ރައްޔިތުންގެ މަޖިލީހުން މިއަދު ރުހުން ދިން ހަތަރު ބޭފުޅުން އެ މަގާމަށް ރައީސް ޑރ. މުހައްމަދު މުއިއްޒު އައްޔަން ކުރައްވައިފި އެވެ.

ޓެކްސް އެޕީލް ޓްރައިބިއުނަލްގެ ހަތަރު މަގާމަކަށް ކުރިމަތިލުމަށް އާންމުކޮށް އިއުލާން ކުރުމުން 13 ބޭފުޅަކު ކުރިމަތިލެއްވި އެވެ. އެ ނަންތައް ދިރާސާ ކުރުމަށް ފަހު ޖުޑީޝަރީ ކޮމިޓީން ފޮނުވުމުން މަޖިލީހުގެ ތަޅުމުގައި މިއަދު ވަނީ ވަކިވަކިން ހުރިހާ ނަމަކަށް ވޯޓަށް އަހައިފަ އެވެ.

އޭގެ ތެރެއިން މަޖިލީހުން ރުހުން ދިން ނަންތައް:

- އަބްދުލްޣަނީ މުހައްމަދު

- އިބްރާޙިމް ޝަރީފް

- ހަސަން ޒުހައިރު މުހައްމަދު

- ޝިފްޒާ އަބްދުލްގައްޔޫމް

މީގެ ތެރެއިން އަބްދުލްޣަނީ އަކީ ސުޕްރީމް ކޯޓުގެ ކުރީގެ ފަނޑިޔާރެކެވެ.

ޓެކްސް އެޕީލް ޓްރައިބިއުނަލުން ހަތަރު މަގާމެއް ހުސްވީ އެ ޓްރައިބިއުނަލްގެ މެމްބަރުންގެ މައްސަލަތަކެއް ބެލުމަށް ފަހު ޓްރައިބިއުނަލްގެ މެންބަރު އިސްމާއީލް ސާޖިދު ފިޔަވައި ބާކީ ތިއްބެވި ހަތަރު މެމްބަރުން މަގާމުން ވަކިކުރުމުންނެވެ.

އެ ބޭފުޅުން މަގާމުން ވަކިކުރީ އެގޮތަށް މަޖިލީހުން ފާސް ކުރުމަށްފަހު ރައީސް ޑރ. މުހައްމަދު މުއިއްޒަށް ލަފާ ދެއްވުމުންނެވެ.

ޓެކްސް އެޕީލް ޓްރައިބިއުނަލް

6 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އެހެން

25 October 2024

މީހާ ކޮރޮޕްޓް ވިވަރަކައް މި ސަރުކާރުގެ ވަޒީފާތަކައް ޝަރުތު ފުރިހަމަވާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތުއްތޭ

25 October 2024

ޖެންޑަރ ބެލެންސްކުރުން ނޫނީ އެހެން ނަމެއްގައިވެސް އަންހެނަކު ކޮންމެހެން ނެގުމުގެ ވިސްނުން މިކަހަލަ ތަންތަނުން ގެންގުޅޭނަމަ އިއުލާން ކުރާއިރު އެކަން ބުނެލާފަ ނިކަން އެހެން ކުރާކަން ބުނެފަ ކެރިގެން ކޮށްބަލަ. މިހާރު ކޮމިޓީން މަތިން މާކްސްދިން މީހަކު މި ބުރުވާލަނީ އަންހެނަކު ހަމަ ބައިންދަން. ދަށުން ނަތީޖާ ލިބުނަސް އަންހެނަކު ބައިންދަން ބޭނުންވީމަ ފުލުން ނަގާފަ ވެސް ލާންވީ. ދެން ކޮން ތައުލީމީ ގާބިލެކޭ ކިޔަނީ. ޖިންސަށް ބަލައިގެނެއްނު ނަގަންވީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޮރީ

25 October 2024

ވަރަށް ގިނައިން ތިހެން ކަންކޮށްފަ އެބަހުރި. ތިބުނި ގޮތަށް އިއުލާން ކުރާއިރު އެހެން ޖަހާކަށް ނުކެރޭ. ބައެެއްގެ ވަގުތާ ނިދި ނަގާލަނީ ވަކި މީހެއް ނަގަން ކުރީބައިގަ ނިންމާފަ އޮވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަފްރާސިޔާބު

25 October 2024

ޚަބަރުގައި އެބައޮތް ކުރީގެ ހަތަރު މެންބަރުން ވަކިކޮށްފައި ވަނީ އެމީހުންގެ މައްސަލަތަކެއް ބެލުމަށް ފަހުގައޭ. އެމީހުންގެ މައްސަލަ އަކީ އިބޫ ސަރުކާރުގެ ދުވަސްވަރު އެމީހުން އެކަމަށް ކުރިމަތި ލައިގެން ހޮވުން. ދެން އޮތީ އެމީހުން އެކަން ގަބޫލުކުރުން. މިނޫން މައްސަލައަކަށް ބުނީ ސަރުކާރުން ކުރަން ކުއްޔަށް ހިފަން ބޭނުން ނުވާއިމާރާތެއް ކުއްޔަށް ހިފުމޭ. އެތަން ދޫކޮށްލާފައި ކުޑަތަނެއް ހިފަންޖެހޭނޭ. އެހެންވީމާ ވަކިކުރަން ލަފާދެނީއޭ.