ތަފާތު އެކި ދާއިރާތަކުން ފާހަގަކޮށްލެވޭ އަންހެނުންނަށް ދެމުން އަންނަ ރެހެންދި އެވޯޑު މި އަހަރު ހަތަރު މީހަކަށް ދީފި އެވެ.
ބައިނަލްއަގުވާމީ އަންހެނުންގެ ދުވަސް ފާހަގަކުރަން ދަރުބާރުގޭގައި މިއަދު ބޭއްވި ޖަލްސާގައި އެވޯޑު ހަވާލުކޮށްދެއްވީ ރައީސް ޔާމީނެވެ. އެވޯޑު ލިބުނު މީހުންނަށް ހާއްސަ ބެޖު ހަވާލުކޮށްދެއްވީ، ފަސްޓް ލޭޑީ ފާތުމަތު އިބްރާހީމެވެ.
އެވޯޑު ލިބުނު މީހުން
ނ. ވެލިދޫ ދިއްގާމާގެ، ނަޒީރާ އިބްރާހިމް މަނިކު / ސިޔާސީ ދާއިރާ
ހދ. ކުޅުދުއްފުށީ، އަމާޒު، އައިމިނަތު މަޖީދާ / އިގްތިސާދީ ދާއިރާ
ކ. މާފުށީ، ސީސަންގެ، ސާމިޔާ ޒަކަރިއްޔާ / އިޖުތިމާއީ ދާއިރާ
މ. ޖަވާހިރުވާދީ، އިފްހާމް ހުސެއިން
މި އަހަރު ރެހެންދި އެވޯޑަށް ކުރިމަތިލާން ހުޅުވާލީ ފަސް ދާއިރާއަކުންނެވެ. އާންމުންނާއި މުއައްސަސާތަކާއި އަމިއްލަ ޖަމިއްޔާ، ޖަމާއަތްތަކަށް ވެސް އެވޯޑަށް ނަން ހުށަހެޅުމުގެ ފުރުސަތު ހުޅުވާލި އެވެ.
މިއީ މި އެވޯޑު ދިން ތިން ވަނަ އަހަރެވެ. ރާއްޖޭގައި ފާހަގަކޮށްލެވޭ 14 އަންހެނަކަށް މިހާތަނަށް ރެހެންދި އެވޯޑު ދީފައިވެ އެވެ.