އައްޑޫގެ ތިން ރަށް، ސިޓީ ކައުންސިލުން ވަކިކުރުމާ މެދު ހިޔާލު ތަފާތު

އައްޑޫ ސިޓީ ކައުންސިލްގެ އިދާރާ: އެ ކައުންސިލްގެ ދަށުން ފޭދޫ، ހުޅުދޫ އަދި މީދޫ ވަކިވުމާ ގުޅޭ ގޮތުން ނަގާ ވޯޓާ މެދު ހިޔާލު ތަފާތު. -- ފޮޓޯ: މިހާރު

އާސިމާ ނިޒާރު، މިހާރު

11 އޮކްޓޯބަރ 2025 - 22:09

72 comments

އައްޑޫ ސިޓީ ކައުންސިލްގެ ދަށުން ފޭދޫ، ހުޅުދޫ އަދި މީދޫ ވަކިކޮށް އެ ރަށްތަކަށް ވަކި ކައުންސިލްތައް އުފައްދަން ފެނޭތޯ ބެލުމަށް ނަގާ ވޯޓުގައި އެ ސިޓީގެ މެންބަރުން މައްސުނި ހިޔާލުތަކެއް ފާޅުކުރައްވައިފި އެވެ.

އައްޑޫ ސިޓީ ކައުންސިލްގެ ދަށުން، އެ ސިޓީގައި ވަކިން އޮންނަ ތިން ރަށް ވަކިކޮށް، ވަކި ކައުންސިލްތަކެއް ހެދުމާ މެދު އެ ތިން ރަށު މީހުންނަށް ފެންނަ ގޮތެއް ބެލުމަށް މި މަހުގެ 25 ވަނަ ދުވަހު ވޯޓު ނަގަން ތައްޔާރުވެފައި ވާއިރު ހިތަދޫ މެދު ދާއިރާގެ މެންބަރު އަހްމަދު އަޒާން ވަނީ އެ ރަށްތައް ވަކިކުރުމާ ދެކޮޅަށް ވޯޓު ދިނުމަށް ގޮވާލައްވައިފަ އެވެ.

އަލަށް އަމަލުކުރަން ފެށި ރިފަރެންޑްރަމް ގާނޫނުގެ ދަށުން ނަގާ ފުރަތަމަ ވޯޓާ ގުޅޭ ގޮތުން އަޒާން ސޯޝަލް މީޑިއާގައި ލިޔުއްވާފައިވާ ގޮތުގައި ސިޔާސީ މައިދާނުގައި، އައްޑުއަށް ނިސްބަތްވާ ސިޔާސީ މީހުންނަށް އޮތް އެންމެ ބޮޑު ބާރުވެރިކަމަކީ އަދި އައްޑޫ ރައްޔިތުންނަށް އޮތް އެންމެ ބޮޑު ބާރުވެެރިކަމަކީ، މާލެ ފިޔަވައި ރާއްޖޭގެ ދެ ވަނައަށް އެންމެ ބޮޑު އާބާދީ، އެއް އަޑަކުން އަޑު އިއްވުމުގެ ފުރުސަތު އޮތުމެވެ.

މިރާއްޖޭ ސިޔާސީ މައިދާނެ، އައްޑޫއަށް ނިސްބަތްވޭ ސިޔާސީ މީހުންނަށް އޮތް އެންމެ ބޮޑޮ ބާރަވެރިކަމަކީ، އަދި އައްޑޫ ރައްޔިތުންނަށް އޮތް އެންމެ ބޮޑޮ ބާރަވެރިކަމަކީ، މާލެ ފިޔަވައި ރާއްދޭ ދެވަނާއް އެންމެ ބޮޑޮ އާބާދީގެ ގޮތެއް އެއް އަޑަކުން އަޑަ އިއްވުމުގެ ފުރުސަތު އޮތުން. ވަކި ވަކި…
— Ahmed Azaan (@axanner) October 11, 2025

އޭނާ ވިދާޅުވި ގޮތުގައި ވަކި ވަކި ކައުންސިލް ހަދައި މިހާރު އޮތް ސިޓީ ކައުންސިލުން ވަކިވުމަކީ އެ ބާރުވެރިކަން އަތުން ދޫވެ، ސިޔާސީ ގޮތުން އައްޑުއަށް ނިސްބަތްވާ މީހުންނަށް ޖުމްލަ ގޮތެއްގައި ނިކަމެތިކަން ލިބުމުގެ ފުރުސަތު ވަރަށް ބޮޑު ކަމެކެވެ.

"ޒަމާނުއްސުރެ އައްޑޫގެ ވެރިކަން ކުރަނީ ހިތަދޫ ކަމަށް ވާތީ އިދާރީ އިންތިޒާމުތައް ގާއިމްވެފައި ހުރިގޮތުން އެހެން އަވަށްތަކުގެ މީހުންނަށް ދަތިތަކާއި ކަންބޮޑުވުންތަކާ ކުރިމަތިވާނެ ކަމީ ހަގީގަތެއް،" ރަށު ބަހުރުވައިން ކުރެއްވި ޕޯސްޓުގައި އަޒާން ވިދާޅުވި އެވެ.

އޭނާ ވިދާޅުވީ އެ ކަންބޮޑުވުންތައް ހުރި ނަމަވެސް އައްޑޫ އެކަތިގަނޑަކަށް ވެ، ސިޓީ ކައުންސިލްގެ އިދާރީ އިންތިޒާމްތައް ރާވާފައި ހުރި ގޮތްތަކަށް ބަދަލުތަކެއް ގެނެސް ހައްލު ހޯދޭނެ ކަމަށް ގަބޫލުކުރައްވާ ކަމަށެވެ. އެކަމަށް މަސައްކަތްކުރުމަށް ތައްޔާރަށް ހުންނެވި ކަމަށް ވެސް އަޒާން ވިދާޅުވި އެވެ.

"އަޅުގަނޑު އެދެނީ މި މަހުގެ 25 ވަނަ ދުވަހު ނަގާ ވޯޓުގައި ފޭދޫ، މީދޫ އަދި ހުޅުދޫ ރައްޔިތުން ވެސް އައްޑޫ ވަކި ކައުންސިލްތައް ހަދަން ނުފެންނަ ކަމަށް ވޯޓު ދިނުން،"

ފޭދޫ ދެކުނު ދާއިރާގެ ޕީއެންސީ މެމްބަރު އިބްރާހިމް ދީދީ (އައިބީ) ވަނީ ކޮންމެ ރަށެއްގައި ވަކި ކައުންސިލެއް އުފެއްދުމަށް ތާއިދުކުރައްވައިފަ އެވެ. ފޭސްބުކްގައި އޭނާ ކުރެއްވި ޕޯސްޓުގައި ވަނީ ކައުންސިލްތައް ވަކިކުރުމުން ލިބޭނެ ފައިދާތައް ބަޔާންކުރައްވައިފަ އެވެ.

އައްޑޫ މީދޫ ދާއިރާގެ އަމިއްލަ މެމްބަރު އަބްދުއްރަހުމާން ވެސް ވަނީ އެކަމަށް ތާއިދުކުރައްވައިފަ އެވެ.

ފޭސްބުކްގައި އޭނާ ކުރެއްވި ޕޯސްޓުގައި ސިފަކުރެއްވީ މީދޫއަކީ ބެލެނިވެރިއަކު ނުފެނިގެން އުޅޭ، ޔަތީމު ބައެއްގެ ގޮތުގަ އެވެ.

"އެއްވެސް މީހަކު އަހަރެމެން ބަލާ ހިތުން އުޅޭނެ ކަމެއް ނެތް. އަހަރެމެންނާ އެހެން ބަޔަކު ހަވާލުކުރަން އުޅޭނެ ކަމެއް ވެސް ނެތް. އަހަރެމެންނަށް އަހަރެމެންގެ ހާލައިގެން މާ ރީއްޗަށް އުޅެވޭނެ،" މިދިޔަ އަންގާރަ ދުވަހުގެ ރޭ އޭނާ ކުރެއްވި ޕޯސްޓުގައި ވިދާޅުވި އެވެ.

އައްޑޫ ސިޓީ ކައުންސިލް އެކުލެވިގެންވާ ގޮތަށް ބަދަލު ގެންނަން ހިޔާލު ހޯދުމުގެ ވޯޓެއް ނަގަން ނިންމެވީ އެ ސިޓީގެ ބައެއް މީހުންގެ ފަރާތުން އެ މައްސަލަ ލިބިވަޑައިގެންފައިވާތީ ކަމަށް ރައީސް ޑރ. މުހައްމަދު މުއިއްޒު ވަނީ ވިދާޅުވެފަ އެވެ.

ރައީސް އޮފީހުން ބުނެފައިވާ ގޮތުގައި، ހިޔާލު ހޯދުމުގެ ވޯޓުގެ ނަތީޖާއާ ގުޅިގެން އައްޑޫގެ ރަށްރަށުގެ އިހުތިސާސަށް އަތުވެދާނެ ބަދަލުތައް ދެނެގަތުމަށްޓަކައި ލޯކަލް ގަވަމެންޓް މިނިސްޓްރީން އިސްވެ، މިނިސްޓްރީ ލެވެލްގެ ޓީމެއް އެކުލަވައިލާނެ އެވެ. އެ ޓީމުގެ ދަށުން "އައްޑޫގެ ކޮންޓެކްސްޓް" އެނގޭ މީހުންގެ ފަންނީ ޓީމެއް އެކުލަވާލައިގެން އައްޑޫގެ ރަށްރަށުގެ އިހުތިސާސާ ގުޅޭ މަސައްކަތްތައް ފެށުމަށް ވެސް ނިންމާފައިވާ ކަމަށް ރައީސް އޮފީހުން ބުންޏެވެ.

އައްޑޫ ސިޓީ ކައުންސިލް މެމްބަރު އަހުމަދު އަޒާން (ހިތަދޫ މެދު ދާއިރާ) އިބްރާހިމް ދީދީ (ފޭދޫ ދެކުނު ދާއިރާ)

72 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އަތްޖަހާ ދެން

13 October 2025

ޕީއެންސީ މުއީޒުއާއި ދޯޕައްޓާ ނިޒާރު މިޔޮތީ އަފިރިން ބޮލަށް ބޮޑު ސީތަފާލެއް ލާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުޅުމާލޭ ބޮޑުމީހާ

12 October 2025

އެޗް.ޑީ.ސީ ގެ މުށުން ހުޅުމާލޭގެ މުނިސިޕަލް ކަންކަން އުނިކޮށް ރަށްވެހިކަމުގެ ރޫހުއަންނަ ގޮތަށް “ހުޅުމާލޭ ސިޓީ” އުފެއްދުން ނުހަނު މުޙިއްމު!!!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭން

12 October 2025

މިހާރުދެން ތިއޮތީ ވަރަށް ރަނގަޅު އެއްޗެއް ހެދިފަ. އައްޑޫމީހުން އައްޑޫމީހުނާ ޖައްސާފަ ތިއޮތީ. މާލޭ މީހުނާ ސަރުކާރުގަތިބި މީހުނާ ރާއްޖޭގެ އެހެން ރަށްރަށުގެ މީހުން ތިބޭނެ ހޭން. އައްޑޫމީހުން އެބަޖެހޭ ވިސްނަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިސް

12 October 2025

ނިޒާރުން އަތޮޅު ސަލާމަތްވުން މުހިންމީ. ވެރިކަންކުރަންނޭގޭނެ އަދި ޓައި އަޅަން އެގުނަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުބޭދާދީދީ

12 October 2025

ރަށު އޮފީސްހަދާފަ ކަތީބުން އައްޔަންކުރުން ރައީސަށް ދޭންވީ. ދެން އަތޮޅުއޮފީސްހަދާފަ ރައީސް ބޭނުންމީހަކު އަތޮޅުވެރިއަކަށް ހަދަންވީ. އައްޑުއަށް އިއްޒައްތެރި މުހައްމާވެސް ރަނގަޅުވާނެ. ކޮންތާކުތަ އެޓޯލްސް މިނިސްޓްރީ ހުންނަނީ؟ އެޓޯލްސް މިނިސްޓްރީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރުހުސާނު

12 October 2025

މާދަމާ އަޑުއިވޭނީ ފޭދޫ ކައުންސިލުން ނިންމައިފިއޭ ފޭދޫ ހުރަސްކޮށް ގަމަށްދާ މީހުންއަތުން ޓޯލްއެއްނަގަން. ހަމަ އެގޮތަށް ހިތަދޫ ސިޓީކައުންސިލުން ނިންމައިފިކަމަށް ހޮސްޕިޓަލަށްދާ މީހުންއަތުން ފީއެއްނަގަން. އައްޑޫ މީހުނަކީ އެއްގަލަކަށްއެރޭވަރަށްވުރެ ހަސަދަވެރި ބައިބައިވުންބޮޑު ބައެއް. އަވަށްތަކުގެ ހަނގުރާމަ އަބަދުވެސް އޮވޭ. ފުށްޖަހާ ރީތިވެލައިގެން އިނގިރޭސިހެދިފަ ތިއްބަސް އައްޑޫ ތަރައްގީނުވަނީ އެއްބައިވަންތަކަން ނެތުމުން. އަދިވެސް ބައިބައިވޭތޯ ބަލާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކުހޫ

13 October 2025

ހަސަދައީކީ ނޫން. ބޭނުންވަނީ އެންމެންގެ ހަމަހަމަކަން. އައްޑޫ މީހުން ފަރިތަވާނެ ޑިމޮކްރަސީ އަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެވިން

12 October 2025

މި އިންތިހާބުގައި ވޯޓް ލުމުގެހައްގު ލިބިފައިނުވާ އެހެން ރަށްރަށުގެ މީހުން އިންތިބަށް ނުފޫޒު ފޯރުވުވަން މިވެނިހެންވާނޭ ވާނީ މިވެނި ގޮތަކަށޭ އެރަށުމީހުން ވޯޓް ދޭންވާނީ ކިޔާ. ވަކި ކައުންސިލެއް އެރަށުގައި ހަދަން ތިމަންނަމެންނަށް ނުފެނެއޭކިޔާ. އެ ރަށްރަށުގެ މިހުންގެ ހިތުގައި ޝައްކު އުފައްދާ ފިތުނަ ކުރަން ނޫޅެށެވެ. އެރަށު މީހުން ކައްކާގެން ކެއުމަށްވުރެ ތިމަން ރަށުމީހުން ކައްކާފަ ދޭ ބާކީ އެތިކޮޅު މާމީރުވާނޭ ބުނަނީ ޖޫސް ފޮދެއްހާވެސް ނުދޭ މީހުންނެވެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބެކަމް

12 October 2025

ފެންނަނުފެންނަ ވޯޓެއް ނަގަންޖެހޭނީ ވޯޓުލާ މީހުންނަށް ފުރިހަމަ މައުލޫމާތުދީ ހޭލުންތެރިކޮށްގެން. އެއްކޮޅަށްލާ ވޯޓަކުންނާއި ދެކޮޅަށްލާ ވޯޓަކުން ލިބޭނެ ފައިދާއާއި ގެއްލުން ރަނގަޅަށް އޮޅުންފިލުވައިދީގެން. ޢެހެންނޫނީ ބެލެވޭނީ ބަޔަކު އަމިއްލަފައިދާއެއް ހޯދުމަށްޓަކައި ރައްޔިތުންނަށް އޮޅުވާލީކަމަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 October 2025

މަލްޓިޕާޓީ ޑެމޮކްރަޓިކް ނިޒާމް އައިފަހުން ދުވަހަކުވެސް އައްޑޫސިޓީގެ ޕާލެންޓް ގޮނޑިތަކުގެ މެޖޯރިޓީ އެމްޑީޕީ ނޫން ޕާޓީއަކަށް ލިބިފަައިނުވޭ. ނަމަވެސް 2023 ގެ ރިޔާސީ އިންތިޙާބާއި 2024 ގެ މަޖިލިސް އިންތިޙާބް ގައި PPM ޕީއެންސީގެ ކެންޑިޑޭޓްގެ ގޮތުގައި ނިކުތް ޑރ މުއިއްޒު "އައްޑޫގެ ވޯޓް ހޯދަންވެގެން" އައްޑޫގެ ވަކިންއޮންނަ ހުޅުމީދޫ އެހެން ރަށްތަކާއި ގުޅާލަން ބުރިޖް އަޅާނެކަމަށް ވަޢުދުވުމުން އައްޑޫމީހުންގެ ވޯޓް މިޕާޓީތަކަށް އެމީހުންދިންކަން އެންމެނަށް އިގޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 October 2025

ވެެރިކަމުގެ ފުރަތަމަ 100 ދުވަހުގެ ތެރޭގައި މަސައްކަތް ފައްޓަވަން ވިދާޅުވެ އައްޑޫ ރައްޔިތުންގެ ވޯޓް ހޯދަން ވަޢުދުވި ހުޅުމީދޫ ހިތަދޫ ގުޅާލާ ކޯއްޓޭ ބުރިޖް މަސައްކަތް ނުފައްޓާ ވެެރިކަމުގެ ދައުރު ދެބައިވެފައިވާތީ، "ބުރިޖްގެ މަތިން ރައީސް އާއި ވަޒީރުން ހަދުމަފުޅު ނެތިގެން ދިޔަ ކަމަށް ވިޔަސް" އަހަރުމެން އައްޑޫ މީހުން މިއަދު ދެންމެއަކު ހިގިކަމެއް ފަދައިން އެވާހަކަތައް މަތިން ހަދާން އެބަހުރި. ތިޔަ ބުރިޖް އަޅާ ހުޅުމީދޫ އެއްފަސް ކުރާންވީމާ ތިއީ ކޮން ކަމެއް؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލްކީ

12 October 2025

ހިތަދޫގެ އަމިއްލަ އެދުން ބޮޑުވުމާއި ނަސްލީއިމްތިއާޒުގެ ސަބަބުން ހިތަދޫ އަކީ އެހެން ރަށްރަށާއި އެކުވެގެން އަތޮޅު ތަރައްގީ ކުރުމުގެ ގާބިލު ބައެއްނޫން. އެތަޖުރިބާ އެތައްޒަނުއްސުރެ އެހެން ރައްރަށު މީހުން ކޮށްފި. ވީމާ ދެންތިބި ރަށްރަށުގެ ކުރިމަގާ ތަރައްގީއަށްޓްކައި ރަށްރަށް ޑިސެންޓަރލައިޒު ކޮށް ވަކި ކައުންސިލްތަށް އެކުލަވާލްންޖެހޭ. ހިތަދޫގެ ވެރިކަމަކީ އެހެން ރަށްރަށަށް ހެޔޮނޭދޭ އެހެން ރަށްރަށުގެ ކުރިއެރުމަށް އޮތް ހުރަހަކަށް ވަނީވެފަ.