ހުޅުމާލޭގެ ރެހެންދި ދަނޑުގައި މިހާރު ފޯރިއާ އެކު ކުރިއަށްދާ ގޯލްޑަން ފުޓްސަލް މުބާރާތުގައި އުރީދޫން ކުރިއަށް ގެންދާ ހާއްސަ އޮން-ސައިޓް ޕްރޮމޯޝަންގެ ދެވަނަ ނަސީބުވެރިޔާ ހޮވައިފި އެވެ.
މި ޕްރޮމޯޝަނުގެ ދެވަނަ ނަސީބުވެރިއަކަށް ހޮވުނީ އަލީ ޝާހިދު އެވެ.
އުރީދޫން އަގުހުރި އިނާމުތަކެއް ހުށަހަޅާފައިވާ މި ޕްރޮމޯޝަނަކީ އުރީދޫ ސުޕަނެޓް، ޕޯސްޓްޕެއިޑް އަދި 5ޖީ އެއާފައިބާގެ 400ރ. އިން މަތީގެ ޕެކޭޖުތައް ހިޔާރުކުރާ މީހުންގެ މެދުގައި ގުރުއަތެއް ނަގައި އިނާމު ދޭ ޕްރޮމޯޝަނެކެވެ. މި ޕްރޮމޯޝަނުގައި ހުށަހަޅާފައިވާ އިނާމުތަކުގެ ތެރޭގައި ސޯފާ، ފްރިޖު، މައިކްރޯވޭވް، ތެލި ސެޓާއި ކޮންސިއާޖް ގުރޫޕުގެ ފަރާތުން މެލޭޝިއާ އަށް ދިއުމަށް ދޭ ދެކޮޅު ޓިކެޓް ހިމެނެ އެވެ.
އުރީދޫން ބުނީ، ޕްރޮމޯޝަންގެ ބޭނުމަކީ ތަފާތު އިވެންޓުތަކާއި ތަޖުރިބާތައް މެދުވެރިކޮށް މުޖުތަމައާ ގުޅުވާލުން ކަމަށެވެ.
އެ ޕްރޮމޯޝަނުގައި ބައިވެރިވެވޭނީ ރެހެންދި ޓާފުގައި ބަހައްޓާފައިވާ އުރީދޫ ޓެންޓުންނެވެ. ގޯލްޑަން ފުޓްސަލް މުބާރާތުގެ މެޗުތައް ކުރިއަށް ގެންދާއިރު ކަސްޓަމަރުންނަށް ހިދުމަތް ދިނުމަށް އުރީދޫ ޓެންޓުގައި އުރީދޫގެ މުވައްޒަފުން ހަރަކާތްތެރިވާނެ އެވެ.
މި ޕްރޮމޯޝަން ގޯލްޑަން ފުޓްސަލް ޗެލެންޖު ނިމެންދެން ކުރިއަށް ގެންދާނެ އެވެ.