ކާބޯތަކެތީގެ ހިދުމަތްދޭ ތަންތަނުން ނަގަމުން އަންނަ ފީ އާއި ކެޓަގަރީ ފީ މޯލްޑިވްސް ފުޑް އެންޑް ޑްރަގު އޮތޯރިޓީ (އެމްއެފްޑީއޭ) އިން 50 ޕަސެންޓަށް މިއަދުން ފެށިގެން ކުޑަކޮށްދީފި އެވެ.
އެ އިދާރާ އިން ބުނީ ކާބޯތަކެތީގެ ހިދުމަތްދޭ ތަންތަނަށް ހުއްދަ ދޫކުރަން އަމަލުކުރަމުން އަންނަ ކާބޯތަކެތީގެ ހިދުމަތްދޭ ތަންތަނާއި ފަރާތްތައް ރަޖިސްޓަރީކޮށް، ލައިސަންސް ދޫކުރުމުގައި އަމަލުކުރާނެ ގޮތުގެ އިންތިގާލީ އުސޫލުގެ ދަށުން ކާބޯތަކެތީގެ ހިދުމަތްދޭ ތަންތަން ރަޖިސްޓަރީ ކުރުމުގައި އެ އޮތޯރިޓީން ނަގަމުންދާ ރަޖިސްޓްރޭޝަން ފީ އާއި ކެޓަގަރީ ފީ ކުޑަކުރަން ނިންމާފައިވާ ކަމަށެވެ.
އެ އޮތޯރިޓީން ބުނި ގޮތުގައި ކާބޯތަކެތީގެ ހިދުމަތްދޭ ތަންތަނުގެ ރަޖިސްޓްރޭޝަން ފީ އާއި ކެޓަގަރީ ފީ 50 ޕަސެންޓަށް މިހާރު ވަނީ ކުޑަކޮށްދީފަ އެެވެ.
އަގަށް ބަދަލު ގެނައީ މިއަދުން ފެށިގެން ދެ އަހަރު ދުވަހުގެ މުއްދަތަކަށް ކަމަށް އެމްއެފްޑީއޭ އިން ބުންޏެވެ.