ހުމާމް އިއްޔެ ސުޕްރީމް ކޯޓަށް ވައްދަނީ. -- ފޮޓޯ: މުހައްމަދު ޝަރުހާން/މިހާރު
23 ޖޫން 2016 - 21:06
36 comments
އުނގޫފާރު ދާއިރާގެ ކުރީގެ މެންބަރު ޑރ. އަފްރާޝީމް އަލީ އަވަހާރަކޮށްލި ކަމުގެ ކުށް ސާބިތުވެ މަރަން ހުކުމް ކޮށްފައިވާ ހުސެއިން ހުމާމްގެ މައްޗަށް އަދި އެ ހުކުމް ތަންފީޒުކުރަން ބޭނުން ނުވާ ކަމަށް ބުނެ އަފްރާޝީމްގެ ވާރިސުން ސުޕްރީމް ކޯޓަށް ސިޓީއެއް ފޮނުވައިފި އެވެ.
އަފްރާޝީމްގެ ބައްޕަ އަލީ ޒާފިރު އާއި ބޭބެ އަބްދުއްނާސިރު ފޮނުވި ސިޓީގައި ބުނެފައި ވަނީ އަފްރާޝީމް އަވަހަރާކޮށްލަން ބަޔަކު ފައިސާ ދިން ކަމަށް ފުލުހުން ބުނެފައި ވާއިރު އެއީ ކޮން ބައެއްކަން އަދިވެސް ހޯދިފައި ނުވާ ކަމަށާއި މިފަދަ އެތައް ކަމަކާ ހުރެ ތަހުގީގު ފުރިހަމަވެފައިވާ ކަމަށް ގަބޫލު ނުކުރެވޭ ކަމަށެވެ. ގިސާސް ހިފަން ބޭނުން ނުވަނީ އެކަންކަން އަދި ފުރިހަމަ ނުވާތީ ކަމަށް ސިޓީގައި ވަނީ ބުނެފަ އެވެ. އަދި ހުމާމަށް މަރުގެ އަދަބު ދިނުމާ ބެހޭ ގޮތުން މިހާރު ސުޕްރީމް ކޯޓުގައި ކުރިއަށްދާ ޝަރީއަތުގައި ބަޔާން ދޭން ބޭނުންވާ ކަމަށް ވެސް ސިޓީގައިވެ އެވެ.
ނަމަވެސް "މިހާރު" އަށް އެނގިފައިވާ ގޮތުގައި ސުޕްރީމް ކޯޓުން މި ސިޓީ ބަލައިގެންފައެއް ނުވެ އެވެ.
އިސްލާމީ ޝަރީއަތުގައި އޮންނަ ގޮތުން ނަމަ މީހަކު މަރައިގެން ކުށްވެރިވާ މީހާގެ ކިބައިން މަރަށް މަރު ހިފުމާއި މަރުގެ ދިޔަ ހޯދުމާއި މައާފް ދިނުމުގެ ބާރު އޮންނަނީ މަރުވި މީހާގެ ވާރިސުންނަށެވެ. އަދި މަރަށް މަރު ހިފަން ވާރިސުންގެ ތެރެއިން އެންމެ މީހަކު ބޭނުން ނުވިޔަސް، މަރުގެ އަދަބު ތަންފީޒެއް ނުކުރެވޭނެ އެވެ.
ހުމާމްގެ މަރުގެ އަދަބާ މެދު ގޮތެއް ކަނޑައެޅުމުގެ އެންމެ ފަހު މަރުހަލާގެ އަޑުއެހުން ސުޕްރީމް ކޯޓުން އިއްޔެ ނިންމާލުމަށް ފަހު މިރޭ 10:00 އަށް ވަނީ އަޑުއެހުމެއް ތާވަލްކޮށްފަ އެވެ. މިއީ ކޮން ބޭނުމަކު ބާއްވާ އަޑުއެހުމެއްކަން އެނގިވަޑައިނުގަންނަވާ ކަމަށް ހުމާމްގެ ވަކީލް އަބްދުﷲ ހަސީން ވަނީ ވިދާޅުވެފަ އެވެ.
އަފްރާޝީމަށް ހަމަލާދީ އަވަހާރަކޮށްލި ކަމަށް ހުމާމް ކުރިން އެއްބަސްވުމަށް ފަހު، މިހާރު ބުނަމުން ދަނީ އޭނާ އެގޮތަށް ބުނީ ފުލުހުން ބިރު ދެއްކުމުން ކަމަށެވެ. ނަމަވެސް ދައުލަތުން ބުނަނީ ހުމާމް ނުކުރާ ކަމަކަށް އެއްބަސްވާންޖެހޭ ކަމެއް މެދުވެރިވެފައި ނުވާ ކަމަށެވެ.
ހުމާމްގެ މަރުގެ ހުކުމަށް ސުޕްރީމް ކޯޓުން ތާއީދުކޮށްފި ނަމަ އެ އަދަބުން ހުމާމަށް ސަލާމަތްވެވޭނެ ހަމައެކަނި ގޮތަކީ އަފްރާޝީމްގެ ވާރިސުން އޭނާ އަށް މައާފް ދިނުން ނުވަތަ މަރަށް މަރު ހިފަން ބޭނުން ނުވާ ކަމަށް ބުނުމެވެ. ސަރުކާރުން ބުނެފައިވަނީ ސުޕްރީމް ކޯޓުން މައްސަލަ ނިމޭތާ 30 ދުވަސް ތެރޭގައި ދަން ޖައްސައިގެން މަރުގެ އަދަބު ދޭނެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަނު
24 June 2016
މީގައި އެންމެ ހެއްވާ ތަންކޮޅަކީ ހުމާމް ވަކި ގޮތަކަށް ބުނީމަ އޭނަ ވޭ ހުދު ކަފަ ކޮޅަކަށް. ހުމާމް ވާހަކަ ބަދަލުކޮށްލާ ހިސާބުން އޭނައަށް ބިރުދައްކާފައިވާ ކަމަށް ވަނީ.
ހަެޖހގގފސ
24 June 2016
ދެން
މޯޑިސް ޕވޓ ލޓޑ
24 June 2016
މިކަހަލަ ދޯހަޅި ބޯދާ ދެކޮޅު ނުޖެހޭ ކިތަންމެ ޝަރީއަތްތަށް މިގައުނުގައި ހިނގާނެ. މިއީ ހަމަ ރައްޔިރުންފިނޑި ކަމުގެ ނަތީޖާ. އެންމެ މަންމަނަކައްވުރެ މުޅި ރައްޔިތުންވެސް މާ ފިނޑި.
ފަސާ
24 June 2016
ސާބިތު ހެކި ހުމާމް ގެ މައްޗަށް ހުރިއްޔާ ކޮމެހެން ފަސްކުރަންވީ ސަބަބެއްނެތް. ދެންތިބިމިހޫން ގެ ބައި ހޮދިގެން ދޯވަނީ. މަށަށް ވާރިސުންގެ ތިވާހަކަ ތަކުން ދޭހަވަނީ ސިޔާސީ ބަޔަކު ކޮންމެވެސް މޮޅު ޗިޕެއް ވާރިސުންނަށް ޖަހައިގެން އުޅޭހެން. ޢެހެން ނޫނީ ކޮބަބޭނުމެއް ސާބިތު ހެކި ލިބުނު މީހާޔަށް ޤިސޯސޯ ނުހިފަން އޮތީ.
ދޮންދީދީ
24 June 2016
އަމައްޔާއި!؟ ހުމާމު ނުމަރައި ދޫކޮށްލަން ވާރިސުން އެދުނީޔޭ! ތިހެން ހަދާކަށް ނުވާނެ. އެސޮރު ނުލަފާވީމާ ނޫންތޯ މީހަކު މަރާލީ ކަމަށް ކޮޓުން އެބުނީ.
ސީއައިއޭ
23 June 2016
ސީއައިއޭ އަށް ހީވަނީ މިހާރު މިދާ ގޮތުން މިކަލޭގެ ދުވަސް ދުއަްވާލާނެހެން. މީނަ ދުނިޔޭގަ ހުންނަން ވެއްޖެއްޔާ ސަރުކާރުގެ މަތީފަޑީގައި ތިބި ވަރަށް ގިނަ ބަޔަކަށް ނުރައްކާ އެބަވޭ. އެހެންވެގެން އަވަހަށް މިކަން ނިންމަ އެއުޅެނީ...
ސައްބަޑީ
23 June 2016
މިހާރު ކޮންމެ މީހަކު ކޮންމެ އެއްޗެކޭ ބުންޏަސް ހުމާމު މެރުމަށް ބޭނުންވެފައިވާ "މީހުން" އެ މީހުންގެ އަތުގަ ބާރު އޮތަތީ، ހުމާމުގެ މައްޗަށް މަރުގެ ހުކުމް ތަންފީޒުކުރާނެ. ޝައްކެއް ވަސްވާހެއް ނެތް. ކުހުމް ތަންފީޒުކުރާ ފަހުން އައު ހެކިފެނި އަސްލު ހެކިލިބި އަސްލު ގާތިލް އާންމުނަށް ތިލަވީމާ، އެ ހުކުމެއް ތަންފީޒުކުރި ބަޔަކު ބުނާނެ "ދުނިޔޭގެ އެންމެ ކުރިއަރައިފައިވާ ގައުމުތަކުގައިވެސް ގޯސްކޮށް ކަންކަން ހިނގައިފައި އެބަހުއްޓޭ" އެ ބީދައިން މީވެސް އެފަދަ މައްސަލައެކޭ. ދެންވެސް ދެންނެވޭނީ ދިވެހިން ތިބޭނީ ހަމަ ދިވެހިންގެ ގޮތުގައޭ.
ޓތ
23 June 2016
ނިންމުމަށް މަރުހަބާކިޔަން. ހުރިހާ ދިވެހިން ގަބޫލުކުރޭ މިޝަރީއަތް އަދި ނުނިމޭކަން. ސަރުކާރުން ނިންމާލަން މިއުޅެނީ ކީއްވެކަމާމެދު ސުވާލު އުފެދޭ
ޙަސަނު
23 June 2016
ތިކަން ތަޙްޤީގު ކުރި ކުރީގެ ޕޮލިސް ކޮމިޝަނަރ ރިޔާޒަށް ކީއްވެތަ އެކަން ރޭވި މީހުން ނޭގުނީ
ޢަބޫ ޖުރެއިޖް
23 June 2016
ޚަހަހާ،ސަރުކާރަށް މިލިބުނީ ހާދަނުބައި ލަނޑެކޭ،ތެޅިފޮޅި ގަނެފަ ހެކި ފޮހެލަން އެސޮރު މަރާލަން އުޅެނިކޮން....
އެމްސް
23 June 2016
އަފްރާޝީމް އަށް ދީފަ އިން ޙަމަލާ އަށް ބަލާއިރު އެއަކީ ޢަމަލީގޮތުން އެކަކު އެކަނި ކޮއްފަ އިން ކަމެއް ނޫންކަން ދޭހަވޭ. ލަފާކުރެވޭ ގޮތުގަ ބޯކޮޅު ބަލަމުން އައި ބަޔަކުވެސް އުޅޭނެ އަދި ޙަމަލާ ހިނގި ވަގުތު ބޭރުގަ ފާރައަށްވެސް ބަޔަކު ތިބޭނެ. ޝަރީޢަތް ގެންގޮއްސަ އިން ގޮތަށް ބަލާއިރު ޙުމާމް އަކީ ތިކަމުގަ އަސްލު ޤާތިލު ކަމާއި މެދުވެސް ޝައްކު، އެހެނީ ތިކަމުގައި ހުމާމު ނޫން މީހަކު ހޯދާކަށް އެއް އިރެއްގައިވެސް ސަރުކާރަކުން ނޫޅޭ
އަލްމުދިޝް
23 June 2016
އަދުލު އިންސާފުގެ ފުރިހަމަ ބާރު މިހާރުހިނގަނީ ކުށްވެރިންގެ އަތުމުލައްދަނޑިންނެވެ.