މަތީ ދަރަޖަ ހޯދާ މީހުންނަށް އިނާމު ދޭ ކޮމެޓީ އަލުން އެކުލަވާލައިފި

މަތީ ދަރަޖަ ހޯދާ ފަރާތްތަކަށް ދޭ އިނާމާބެހޭ ކޮމެޓީގެ މެމްބަރުން.-- ފޮޓޯ: ރައީސް އޮފީސް

އާސިމާ ނިޒާރު، މިހާރު

10 ޖެނުއަރީ 2018 - 11:28

މަތީ ދަރަޖަ ހޯދާ ފަރާތްތަކަށް ދޭ ހާއްސަ އިނާމާބެހޭ ފަންނީ ކޮމެޓީ، ރައީސް އަބްދުﷲ ޔާމީން އަލުން އެކުލަވާލައްވައި މިއަދު އާންމުކޮށްފި އެވެ.

ރައީސް އޮފީހުގެ ވެބްސައިޓުގައި ބުނެފައިވާ ގޮތުން ކުރިން އެކުލަވައިލި ކޮމެޓީގެ މުއްދަތު ވަނީ މިދިޔަ އަހަރު ހަމަވެފަ އެވެ. އެހެންވެ އަލަށް އެކުލަވައިލި ކޮމެޓީގައި ފަސް ބޭފުޅުން ހިމެނެ އެވެ.

އަލަށް އެކުލަވައިލި ކޮމެޓީގެ ޗެއާމަނަކީ ފޮރިން މިނިސްޓަރު ޑރ. މުހައްމަދު އާސިމެވެ. އެ ކޮމެޓީގައި ދެން ހިމެނިވަޑައިގަންނަވަނީ މ. ދާޝިން، ޑރ. އިބްރާހިމް ޒަކަރިއްޔާ މޫސާ، މ. އެމޭޒަން، ޑރ. މަރިޔަމް ސުޒީ އާދަމް، ގައުމީ ޔުނިވާސިޓީގެ ޑެޕިއުޓީ ވައިސް ޗާންސެލާ މއ. ވިލާރޮދި، އައިޝަތު ޝާހީން އަދި ވ. އަކީލާ ޑރ. އަބްދުލްއަޒީޒް ޔޫސުފެވެ.

މަތީ ދަރަޖަ ހޯދާ ފަރާތްތަކަށް ދޭ ހާއްސަ އިނާމުގެ ބޭނުމަކީ ރާއްޖެއަށް ރީތި ނަން ހޯދައިދޭ ފަރާތްތަކުގެ ކާމިޔާބީ ފާހަގަކޮށް އެފަދަ ކާމިޔާބީތައް ހޯދަން ހިތްވަރު ދިނުމާއި ރާއްޖެއަށް ބޭނުންވާ ދާއިރާތަކަށް ދިވެހިންގެ އުފެއްދުންތެރިކަމާއި މަސައްކަތްތެރިކަން މިސްރާބު ކުރުމެވެ.

ހާއްސަ އިނާމު ދޭން ހަމަޖައްސާފައިވަނީ މި އަހަރުގެ މިނިވަން ދުވަހުގެ މުނާސަބަތުގައި ބާއްވާ ރަސްމިއްޔާތުގަ އެވެ.

ރައީސް އޮފީސް

7 ކޮމެންޓް, 18 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދޮންދޫނި

10 January 2018

ޑޮކްޓަރ ޝައިނީ ކޮމިޓީން ވަކިކުރިކަން އެއީ ތަމެން އެޅި ވަރަށް މުހިއްމު ފިޔަވަޅެއް. ވަރަށް ގިނަ ކުދިން އުފާކުރަންޖެހޭހެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަންނަތު

10 January 2018

މިއީ ސިޔާސީ އިނާމެއް ނޫން. އެހެންނަމަވެސް މާބޮޑަށް އެއްޕާޓީއަކަށް އަރިވެފައި ތިބޭ މީހުން އިނާމު ލިބޭކަން އެންގީމާ އިނާމު ބަލާ ޖަލްސާއަށް ނުދާކަން އެނގޭ. އެއިން މީހަކު އެވާހަކަ ބުނި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފައުނު

10 January 2018

ޑޮކްޓަރ ޢާޞިމަކީ މަމޮޅު ހެދިފައި ހުންނަ މީހެއް ނޫން. އެންމެންގެ ރައުޔުއަށް އިޙްތިރާމް ކުރާނެ. ކޮމިޓީގެ މެންބަރުގެ ޚިޔާލާނުލައި ޢާޞިމަށް ފެންނަ ގޮތަކަށް ކަންކަން ނުނިންމާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މަރީ

10 January 2018

މިކޮމިޓީން ހިއެއްނުވޭ ސަރުކާރަށް ސަޕޯޓުކުރާފަރާތެއް ނޫން އެހެން ފަރާތަކަށް އިނާމެއް ދޭން ނިންމާނެހެނެއް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްކޫލު

10 January 2018

މިއީ މިބޭފުޅުންނަށް ގޯސްބަހެއް ބުނަން ބުނާ އެެއްޗެއް ނޫން.. އެކަމަކު، ބޭރުގެ ބައެއް ޔުނިވާސިޓީ ތަކުން މީހުން ޕީއެޗްޑީ ހަދަނީ ފަޔާ-ފައިޓިންގ ކޯހެއް ހަދާހާ ފަސޭހަކަމާއި ހަކުވިކަމާއެކު.. އެހެނަސް އޮސްޓްރޭލިޔާ ފަދަ ކުރިއަރާފައިވާ ޤައުމުތަކުގެ ޔުނިވާސިޓީތަކާއި، ސައުދީގެ އުއްމުލްޤުރާ ޔުނިވާސިޓީ ފަދަ އިންސްޓިޓީއުޝަންތަކުގައި ޕީ.އެޗް.ޑީ ހެދުމަކީ ވަރަށް ބުރަ، ބޮޑު އަދި އެހާމެ ބޮޑު ތަޢުލީމީ މަސައްކަތެއް. ބައެއްފަހަރު އެތައް އަހަރުތަކަކަށް ޕީއެޗްޑީ ދިރާސާ ދެމިގެންދޭ. މަތީ ވަނަތައް ހޯދާ މީހުންނަށް ޢިނާމު ދިނުމުގައި މިފަދަކަންތަކަށް ރިޢާޔަތްކުރެއްވެވުން އެދެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިބްނު ސީނާ

10 January 2018

ޑރ މަރިޔަމް ސްޒީ އާދަމް މެންފަދަ ޤާބިލު ޒުވާނުން މިފަދަ ކޮމިޓީތަކުން ފެނުމަކީ މިފަދަ ޤައުމީ މަސައްކަތުގެ ފެންވަރާއި އިތުބާރު ދެމެހެއްޓުމަށް ނުހަނު މުހިއްމު ކަމެއް. ޟަރުޙަބާ އެންމެހައި ބޭފުޅުންނަށް!