ކ. ތިލަފުށީ ފަޅު ތެރޭގައި ދިވެއްސަކު މަރުވެފައި އޮއްވާ މިއަދު ފެނިއްޖެ އެވެ.
ފުލުހުންގެ މީޑިއާ އޮފިޝަލަކު ވިދާޅުވީ އެ މީހާ މަރުވި ކަމުގެ ރިޕޯޓު ފުލުހުންނަށް ލިބުނީ ހަވީރު ފަހެއް ޖަހާކަން ހާއިރު ކަމަށެވެ. ފުލުހުން އިތުރު ތަފްސީލެއް ނުދެ އެވެ.
އެނގިފައިވާ ގޮތުގައި މަރުވެފައި ވަނީ މޯލްޑިވްސް ޓްރާންސްޕޯޓް ކޮންޓްރެކްޓިން ކޮމްޕެނީ (އެމްޓީސީސީ) ގެ ޓަގް ބޯޓެއްގެ ވަޒީފާގައި އުޅޭ އަހުމަދު މުހައްމަދެވެ. އަހުމަދު އެމްޓީސީސީ ސައިޓްގެ ތޮށިގަނޑު ކައިރީގައި ވެއްޓިފައި އޮއްވާ ފެނިފައިވަނީ އެ ރަށުގައި އުޅުނު އާންމުންގެ ބަޔަކަށެވެ.
އަހުމަދު އައިޖީއެމްއެޗަށް ގެންދިޔަ އިރު ވެސް މަރުވެފައިވާ ކަމަށްވެ އެވެ.
ނަމަވެސް، މިކަމާ ގުޅިގެން އައިޖީއެމްއެޗްގެ ބަހެއް އަދި ނުލިބެ އެވެ.