ޑީސަލުން ޑިއުޓީ ކަނޑާލައި ކަރަންޓުގެ އަގުހެޔޮ ކުރަނީ

ޖަނެރޭޓަރެއް ބޭނުންކޮށްގެން މާލެ އަށް ކަރަންޓު ދެނީ. އެކްސްޕޯޓްސް އިމްޕޯޓް ގާނޫނަށް އިސްލާހު ގެނައުމުގެ ބިލްގައި ވަނީ ޑީސަލުން ނަގާ ޑިއުޓީ ކަނޑާލަން ހުށަހަޅާފައި.---މިހާރު ފޮޓޯ

މުހައްމަދު ޔާމީން، މިހާރު

11 ޑިސެމްބަރ 2018 - 09:54

26 comments

ޑީސަލުން މިހާރު ނަގަމުން އަންނަ ޑިއުޓީ ކަނޑާލައި، ކަރަންޓުގެ އަގު ހެޔޮ ކުރުމަށް އެކްސްޕޯޓް އިމްޕޯޓް ގާނޫނަށް އިސްލާހު ގެނައުމުގެ ބިލެއް ސަރުކާރުން ރައްޔިތުންގެ މަޖިލީހަށް މިއަދު ހުށަހަޅައިފި އެވެ.

ސަރުކާރުގެ ފަރާތުން ތިމަރަފުށީ ދާއިރާގެ އެމްޑީޕީގެ މެމްބަރު މުހައްމަދު މުސްތަފާ ބިލް ހުށަހެޅުއްވި ސަބަބެއްގެ ގޮތުގައި ވިދާޅުވީ ކަރަންޓުގެ ހިދުމަތުން ނަގާ އަގު މިހާރަށްވުރެ ހެޔޮ ކުރުމަށާއި މަސްވެރިކަމަށް ނުކުންނަ ފަރާތްތަކުން ކުރަން ޖެހޭ ހަރަދު ކުޑަކޮށް ދިނުމުގެ ގޮތުން ކަމަށެވެ.

ޑީސަލުން މިހާރު ޑިއުޓީގެ ގޮތުގައި ނަގަމުން އަންނަނީ ފަސް ޕަސަންޓެވެ.

އެހެންވެ، މުސްތަފާ އިސްލާހު ހުށަހެޅުއްވީ މަސްވެރިކަން ކުރާ ދޯނިފަހަރުގައި ބޭނުން ކުރާ ޑީސެލުންނާއި ކަރަންޓުގެ ހިދުމަތް ދޭ ފަރާތްތަކުން ކަރަންޓު އުފެއްދުމަށް ބޭނުން ކުރާ ޑީސަލުން ނަގާ އިމްޕޯޓް ޑިއުޓީ މާފު ކޮށްދިނުމަށެވެ. ކަރަންޓުގެ ހިދުމަތް މިހާރު ރާއްޖޭގައި ދެނީ ސްޓެލްކޯ އާއި ފެނަކަ ކޯޕަރޭޝަނުންނެވެ.

އިސްލާހުގައިވާ ގޮތުން، މަސްވެރިކަން ކުރާ ދޯނިފަހަރުގައި ބޭނުން ކުރާ ޑީސަލުންނާއި ކަރަންޓު އުފެއްދުމަށް ބޭނުން ކުރާ ޑީސަލުން ޑިއުޓީ މާފުކޮށް ދެވޭނީ އެކަމަށް އެދި މޯލްޑިވްސް ކަސްޓަމްސް ސާވިސް އަށް ހުށަހެޅުމުންނެވެ. އަދި ޑިއުޓީ މާފް ކޮށްދިނުމުގައި އަމަލުކުރާ އުސޫލު ގަވައިދުގައި ބަޔާން ކުރަން ޖެހެ އެވެ.

ބިލަށް އަމަލު ކުރަން ފަށާނީ ބިލް ފާސްވެ، ރައީސް ތަސްދީގުކޮށް ސަރުކާރުގެ ގެޒެޓްގައި ޝާއިއުކުރުމުންނެވެ.

ޑީސަލުން ޑިއުޓީ ކަނޑާލުމަށް މަޖިލީހަށް ހުށަހެޅި އިރު، ޕެޓްރޯލާއި ޑީސަލުން މީގެ ފަސް އަހަރެއްހާ ދުވަސް ކުރިން ޑިއުޓީގެ ގޮތުގައި ނަގަމުން އައީ 10 ޕަސަންޓެވެ. އެކަމަކު، މިދިޔަ އަހަރުގެ ޖޫން މަހުގެ ތެރޭގައި ޕެޓްރޯލާއި ޑީސަލުން 10 ޕަސަންޓުގެ ބަދަލުގައި ފަސް ޕަސެންޓަށް ވަނީ ކުޑަކޮށްފަ އެވެ.

އެމްޑީޕީ ސަރުކާރުގައި ޕެޓްރޯލާއި ޑީސަލުން ޑިއުޓީ ނުނަގަން ނިންމާފައި އޮތް އޮތުން ނިމުމަކަށް ގެނެސް، ތެލުގެ ބާވަތްތަކުން ޑިއުޓީ ގޮތުގައި 10 ޕަސަންޓް ނަގަން ފެށީ ކުރީގެ ރައީސް އަބްދުﷲ ޔާމީންގެ ސަރުކާރުގަ އެވެ. އެކަމުގެ ސަބަބުން ޑީސަލާއި ޕެޓްރޯލްގެ އަގު ވަރަށް ބޮޑުވި އެވެ. އެކަމަކު، މިދިޔަ އަހަރުގެ މެދުތެރޭގައި ގާނޫނަށް ބަދަލު ގެނެސް، ޑީސަލާއި ޕެޓްރޯލްގެ އަގު ހެޔޮ ކުރި އެވެ.

ރައީސް އިބްރާހިމް މުހައްމަދު ސޯލިހްގެ ސަރުކާރުގެ 100 ދުވަހުގެ އެޖެންޑާގެ ތެރޭގައި މަސްވެރިކަމަށް ނުކުންނަން ކުރަން ޖެހޭ ހަރަދު ކުޑަ ކުރުމަށް މަސްވެރިންނަށް ޑީސެލުން ނަގަމުން އަންނަ އިމްޕޯޓު ޑިއުޓީ އެއް މަސް ތެރޭގައި ކަނޑާލަން ވައުދުވެފައިވެ އެވެ. އަދި އަންނަ އަހަރަށް ފާސް ކުރި 30.2 ބިލިއަން ރުފިޔާގެ ބަޖެޓުގައި ކަރަންޓުގެ އަގުހެޔޮ ކުރުމަށް 272 މިލިއަން ރުފިޔާ ހިމަނާފައިވެ އެވެ.

ރައްޔިތުންގެ މަޖިލިސް އިމްޕޯޓް ޑިއުޓީ މެމްބަރު މުހައްމަދު މުސްތަފާ ތެޔޮ އިމްޕޯޓް އެކްސްޕޯޓް ގާނޫނު ޑީސަލް

26 ކޮމެންޓް, 82 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކޮމެންޓޭ1

11 December 2018

ތިޔަ ގޮތަށް ތަރުކާރީގެ ޑިއުޓީވެސް ކަނޑާލި އެކަމު ހަގީގަތަކި އެތެރެކުރާ ތަރުކާރީގެ 90 ޕަރސެންޓު ބޭނުނުްކުރަނީ މަހުޖަނުންގެ ރިސޯޓުތަކުގައި. އަދި އެތެރެކުރަނީ އިންޑިޔާ މީހުން. ދިވެހިންނަށް ވީ ފައިދާއެއް ނެތް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިޓައްޕު ހަސަނު

11 December 2018

އެސްޓިއޯއަށް ރާއްޖޭއިން ބޭރުން ގަންނަ ކާޑު، ޑީސެލް ޕެޓްރޯލް ފަަދަ މުދާ ބޭރުން ވިއްކާ ފަރާތް ޚިޔާރުކުރު ކުރުމުގެ ބާރު އެސްޓީއޯއިން ވަކިކޮށް ވަރަށް ޓްރާންސްޕޭރެންޓް ބިޑް އުސޫލަކުން އެކަންތައް ކުރެވޭނެ އުސޫލެއް ގާއިމް ކުރަނިކޮށް ކާޑާއި ތެލުގެ ބާވަތުގެ އަގު ހެޔޮވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

11 December 2018

ތިޔައުޅެނީ ޑީސަލުން ބޮޑު ޖަރީމާއެއް ހިންގަން. ބަލަންތިބޭ ކާޑުގެ އަގު ބޮޑުކުރީ ރިސޯޓް ތަކުގައިވެސް ހަމަ ރައްޔިތުންނަށް ވިއްކާ އަގުގައި ފުށާއި ހަނޑު ގަނެގެން ވިއްކާތީ އެކަން ހުއްޓުވަން. ނަމަވެސް ތިގޮތަށް ހެދީމާ ރިސޯޓްތަކުގެ އިންޖީނުގެވެސް ހިންގާނީ ޑިއުޓީ ފްރީ ޑީސަލުން. ތިއުޅެނީ ކިރުތައްޓާއި ދޮންކެޔޮވަށް ދޭގޮތާށް ބެލެހެއްޓޭނެ އެއްވެސް މެކޭނިޒަމެއް ނެތްގޮތަށް ކަމެއްކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނެޝަނަލިސްޓް

11 December 2018

މިކަމުން ކަރަންޓުގެ އަގު ހެޔޮވާނެކަން ޔަގީންކުރަން ޖެހޭނެ! ޑީސަލް ބޭނުންކޮށްގެން ކަރަންޓު އުފައްދާ ފަރާތެއް ރެސޯޓު ތަކަކީ ވެސް! އެވެރިންގެ ޙަރަދުވެސް ކުޑަވާނެތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހޮޓްކިންގ

11 December 2018

ޑީސަލް ގަނެގެން ދަނީ މަހައްތޯ ނުވަތަ ދުއްވަނީ ސަފާރީތޯ ބަލާނެ ގޮތެއް ކޮބާ؟ ކޮންމެ ޑީސަލް ލީޓަރެއްގެ ފަހަތުގައި ފުލުހެއްތޯ ބަހައްޓާނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ABDULLLAH JALEEL

11 December 2018

ކަރަންޓު އަގު ހެޔޮ ނުވުމުގެ އަސްލަކީ އެސްޓީއޯއިން ޑީސެލް ރާއްޖެއިން ބޭރުން ފުރަތަމަ ގަންނަ އިރު މިއޮނަނަނީ ބައިއަޅައިފައި، 100 ޑަލަރަށް ލިބޭ ޑީސެލް ފީފާ މިއޮންނަނީ 135 ޑޮލަރަށް ލިބުނު ކަމަށް ހަދައިފައި. އޭގެ ފަހުން ރައްޔިތުންގެ މަޖްލިސް މެމްބަރުން ޑީސަލް ލިޓަރެއް 8/50ރ ރޭޓުން އެސްޓީއޯއިން ދަރަންޏަށް ނަގައިގެން ފެނަކާއަށް ނުވަތަ ސްޓެލްކޯއަށް މިވައްކާލަނީ 12/50ރ. ސްޓެލްކޯއާއި ފެނަކައިގެ އިންޖީންގެތަކަކަށް ބޭނުންވާ ސްޕެއާޕާޓްވެސް ގަންނީ ހަމަ އެހެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނަން

11 December 2018

އެސްޓީއޯ އިނދަޖެހުނީ ތި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ތިމާވެށި

11 December 2018

އަތޮޅު ތަކުގެ 4 ވަރަކަށް ސަރަހައްދުގައި ތެޔޮ ރައްކާކުރާނެ ބޮޑެތި ތާނގީ ހަދާ އަދި އެތަންތަނައް މަހަކު އެއްފަހަހރު ނޫނީ ދެ ފަހަރު ތެޔޮ ސަޕްލައި ކުރެވޭނެ އަމިއްލަ ކުދި ބޯޓް ފަހަރު ނެތި ދެމެހެއްޓެނިވި ގޮތަކަށް ކަރަންޓް ގެ އަގުހެޔޮ ނުކުރެވޭނެއެވެ. ރައްޔިތުން މިކަމަށް ޑިމާންޑް ކުރަން ވީއެވެ. މުޒާހަރާ ވެސް ކުރަން ީއެވެ. ސޯސަލް މީޑިޔާގަވެސް މިވާހަކަ ދައްކަން ވީއެވެ.