އާސަހަރާ: އެތަން ފުުރިގެން އަނެއްކާ ވެސް ފަސް އަޅަން ވަނީ ނިންމާފައި.-- މިހާރު ފޮޓޯ
17 މާޗް 2019 - 11:37
17 comments
މާލޭގައި މިހާރު މީހުން ވަޅުލަން އޮންނަ ހަމައެކަނި ތަން، އާ ސަހަރާ ފުރިގެން އަނެއްކާވެސް އެތަނަށް ފަސް އަޅަން ނިންމައިފި އެވެ.
އާ ސަހަރާ ފުރިގެން މީގެ ކުރިން ހަތަރު ފަހަރެއްގެ މަތިން ފަސް އަޅާފައިވާއިރު އެކަމަށް ދާއިމީ ހައްލެއް ގެންނަން، 2017 ގައި އޭރުގެ ސަރުކާރުން ވަނީ، މީހުން ވަޅުލުން ހުޅުމާލެއަށް ވެސް ބަދަލުކޮށްފަ އެވެ.
އެކަމަކު އޭރު ކަނޑު ހުރަސްކޮށް މައްޔިތާ އުފުލަން ޖެހުމާއި ދަތުރުފަތުރުގެ އުނދަގޫތައް ހުރުމުން ގިނަ ބަޔަކު ހިތްހަމަނުޖެހުން ފާޅުކުރަން ފެށުމާ އެކު މާ ގިނަ ދުވަހެއް ނުވެ އެކަން ހުއްޓާލީ އެވެ. ފަހުން ނިންމީ ސިނަމާލެ ބްރިޖް ބޭނުންކުރަން ފެށުމުން އެކަން އަލުން ކުރިއަށް ގެންދާށެވެ.
މާލޭ ސިޓީން އިއްޔެ ކުރި އިއުލާނެއްގައި ބުނީ އާ ސަހަރާގެ ޖާގަ މިހާރު އަނެއްކާވެސް ފުރިފައި ވުމުން އެތަނަށް ފަސް އަޅަން ނިންމާފައިވާ ކަމަށެވެ. އެހެންވެ، ސަހަރާގެ އިރުމަތީ ފަރާތަށް ފަސް އެޅުމަށް، އެތަނުގައި ހުރި މަހާނަތަކުގެ ގާތައް މި މަސް ނިމުމުގެ ކުރިން ނަގަން އާއިލާތަކަށް، އެ އިއުލާނުގައި ވަނީ އަންގައިފަ އެވެ.
"އެ މުއްދަތުގެ ފަހުން [އާއިލާއިން] ނުނަގާ ހުރި ގާތައް ނަގައި، އެތަނަށް ވެލި އެޅޭނެ ވާހަކަ ދެންނެވީމެވެ،" ސިޓީ ކައުންސިލްގެ އިއުލާނުގައި ބުނެފައިވެ އެވެ.
އާ ސަހަރާގައި މިހާރު ވަޅުލަމުން އަންނަނީ މާލެ އާއި ވިލިމާލޭގައި މަރުވާ މީހުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަލިފުޅު3
17 March 2019
ބިމުގެ ދަތިކަން ނުވަތަ އެނޫންވެސް ގޮތަކުން މައްޔިތާ ވަޅުލުމުގެ ދަތިތައް ހުންނަ ގޮތަކުން މައްޔިތާ ކޮޅަށް ވަޅުލެވޭނަމަ މިހާރަށް ވުރެ ކުޑަ ޖާގަ އެއްގައި މައްޔިތާ ވަޅުލެވޭނެއެވެ. މި ކަމަކީ ހުއްދަ ކަމެއްތޯ ދަންނަބޭކަލަކު އެއްޗެއް ވިދާޅުވާނޭ ކަމަށް ހީކުރަމެވެ.
ވިގަނި ފައިބައިފި
17 March 2019
ސަހަރާތަކާމެދު މިހާރަށް ވުރެ ބޮޑަށް ފަރުވާ ބަހައްޓަން އެބަ ޖެހެއެވެ އެތަންތަނުގެ ތެރަެގަ ހުންނަ މަހާނަގާތަކުގެ މަތިން އެކްސްކަވޭޓަރ ނުދުއްވުމާ އެތަންތަނުގެ ތެރޭގަ ކާބޯތަކެތި އަޅާ ގަސްގަހުގެ ބާވަތްތައް ހެއްދުމާ ރުއްހެއްދުމާ މިބާވަތުގެ ކަންކަން މިހުންނަނީ ފެންނަމުންދާ އެކަންކަމުން ދުރުހެލިވާން ޖެހޭ ކަންކަމެވެ ޕާކިނގް ހަދާސޯ ކިޔާ ވިގަނި ހުރި އިރު މާފަންނު ސަހަރާއިން ގަބުރުތައް ކޮނެ ނަގާ އުކި އިރުވެސް އެކަމާ ބަހަކުން ބަހެއް ބުނެލި މީހަކު ނޫޅެއެވެ
ބަރުސީލަ
17 March 2019
ކަނޑުގެ ބޭނުން ހިިފުން ކިހިނެއްވާނެބާ.
.. .
17 March 2019
ކީއްކުރާނީ. ގުނބޯއިންވިއްޔާ ހައްތަހާވެސް...
ސަހަރާމޯޑް
17 March 2019
އާސަހަރާގައި ހަމައެކަނި ވަޅުލަނީ މާލެއާއި ވިލިގިލީ މަރުވާމީހުންނެއްނޫ ރާއްޖެތެރޭ ރަށްރަށުނާއި ބޭރުޤައުމުތަކުގައި މަރުވާ ދިވެހިންވެސް މާލެ ގެނައިސް އާސަހަރާގައި ވަޅުލައިފާއބަހުރި
ޙަސީ
17 March 2019
މާލޭގައި ފަސޭހަކޮށް ދިރިއުޅެވެނީކީނޫން. ދިރިތެޅިތެޅި ތިއްބާ މަރުވެގެން ވަޅުލީމަ ކަށްވަޅުގައި ވެސް އޮވެވޭކަށްނެތް.
ކޮލެޖު ބޯއީ
17 March 2019
އާސަހަރާގައި ވަޅުލަނީ ހަމައެކަނި މާލެ އާއި ވިލިމާލޭ މީހުނެއް ނޫން. ރާއްޖޭގެ އަތޮޅުތަކުން ބަލިވެގެން މާލެ ގެނެސް މަރުވާ މީހުން ވެސް ހިމެނޭ.
ސާބަހޭ
17 March 2019
ކޮލެޖު ބޯއީ....ޚަބަރުގައި އޮތީ މާލެ އާއި ވިލިމާލޭގައި މަރުވާމީހުންނޭ ޖަހާފަ.. ހަމައެކަނި މާލެ އާއި ވިލިމާލޭ މީހުނެކޭ ނޫން.. ބޮޑުވަރު
ގުދޯ ވޯލްޑް
17 March 2019
ސުންނަތުގަ އޮންނަ ގޮތަށްކަން ކުރީމާ އިންނާނީ ރަނގަޅަށް ނޫންތޯ؟ އެހެނީ، ގިނަވެގެން ފުރި ބާރުވީމާ، ކޮނެފައި، ހުރިހާ ކަށިތައް ގާދޫ ކޮލައިން ބޭރަށް އަޅަންވީ ނޫންތޯ. ޢައިރު މުސްލިމުން ގަބުރުސްތާނަަކީ މާ މާތްވެގެންވާ ތަނަކަށް ހެދިޔަސް، މުސްލިމުން އެގޮތަށް އެކަން ކުރާކަށް ނުޖެހޭ ނޫންތޯ<
އާދަމްބެ
17 March 2019
ޔާމީން ސަރުކާރުން މާލޭގައި މަރުވާ މީހުންނަށް ހުޅުމާލޭގައި ވަޅުލުމަށް ބިމެއް ހަމަޖައްސައި އެކަމުގެ އިންތިޒާމުތައް މަހަ ޖެއްސި، އެކަމަށް ޚާއްސަ ދޯންޏެއް ވެސް ގެންގުޅުނު. އަދު ބްރިޖް އަޅާފައި ކަންކަން ފަސޭހަ ވީމަ ވެސް ނުކުރެވިގެން މިއުޅެނީ ކީއްވެބާ؟ ބިން އޮއްވައި މަތި މައްޗަށް މީހުން ވަޅުލުމަކީ އެންމެ ރަނގަޅު ގޮތެއްބާ؟
ޙަސަން އަރީފް
17 March 2019
ކިހާ ދުވަހަކު ތިގޮތަށް ފަސް އަޅައިގެން ވަޅުލެވޭނެބާ؟ ދެން ވެއްޖެއެއްނު ތިޔަނޫންތާކު ވަޅުލަން. މާތާހިރެއް ނުވާނެ ފާރުތައް ކަނޑާގެން ގޮސް ހަތަރު ބިއް އެކީ ވެއްޓުނީމަކާ. ކިހިނެއް ދުނިޔެ އުމުރު ތިގޮތަށް ތިޔަތަނަށް ވެލިއަޅައިގެން ތިކަން ކުރާނީ. މިހާރު ބުރިޖެއް އޮތް އިރު ހުޅުމާލޭގަ ވަޅުލާގޮތަށް ނިންމަ ބަލަ.