އަންނަ ޖެނުއަރީ އިންޓޭކަށް ހާއްސަކޮށްގެން ވިލާ ކޮލެޖުން އާ ތިން ކޯހެއް މިއަދު ތައާރަފުކޮށްފި އެވެ.
އެ ކޯސްތަކަކީ، މާސްޓާ އޮފް ސައިންސް ނާސިން، ބެޗެލާ އޮފް ސައިކޮލޮޖީ އަދި ސެޓްފިކެޓް ލެވެލް 4 އިން ކްރިއޭޓިވް އާޓްސް އެންޑް ޑިޒައިނެވެ. އޭގެ ތެރެއިން ސައިކޮލޮޖީ ޕްރޮގްރާމާއި ކްރިއޭޓިވް އާޓްސް އެންޑް ޑިޒައިން ކޯހަކީ ވިލާގެ އަމިއްލަ ޕްރޮގްރާމެވެ.
ނާސިންގެ މާސްޓާސް ޕްރޮގްރާމް ފަރުމާކޮށްފައިވަނީ އިނގިރޭސިވިލާތުގެ ޔުނިވާސިޓީ އޮފް ދަ ވެސްޓް އިންގްލެންޑުންނެވެ.
ވިލާއިން ބުނިގޮތުގައި އެ ކޮންމެ ކޯހަކީ ވެސް އެ ދާއިރާއަކުން ކުރިއަށް ދިއުމަށްޓަކައި ދަރިވަރުންނަށް ރަނުގެ ފުރުސަތުތަކެއް ހުޅުވިގެންދާނެ ކޯސްތަކެއް ކަމަށެވެ. އަންނަ ޑިސެމްބަރު 26 ވަނަ ދުވަހާ ހަމައަށް ކޯސްތަކަށް ކުރިމަތިލެވޭނެ އެވެ.
އޭގެ އިތުރުން ވެސް ތަފާތު އެކި ދާއިރާތަކުން ޖުމްލަ 97 ކޯހަކަށް ކުރިމަތިލުމަށް މިހާރު ވަނީ ހުޅުވާލައިފަ އެވެ. އޭގެތެރޭގައި އިންފޮމޭޝަން ޓެކްނޮލޮޖީ، ކޮމްޕިއުޓާ ސައިންސް، ޓީޗިން، އެޑިއުކޭޝަން، ޝަރީއާ، ލޯ، އިސްލާމް، ޓޫރިޒަމް އެންޑް ހޮސްޕިޓަލިޓީ، ބިޒްނަސް މެނޭޖްމަންޓް، އިކޮނޮމިކްސް، އެކައުންޓިން އެންޑް ފައިނޭންސް ފަދަ ކޯސްތައް ހިމެނެ އެވެ.