17 މާޗް 2020 - 13:07
21 comments
ކޮވިޑް-19 އާ ގުޅިގެން ރާއްޖޭގެ ރިސޯޓްތަކުން މީހުން ދިރިއުޅޭ ރަށްތަކަށް މީހުން ދިއުން މަނާކޮށްފައި ވަނިކޮށް އައްޑު އަތޮޅު ރިސޯޓަކުން އެ އަތޮޅު މީދުއަށް ފަތާފައި ދިޔަ މީހަކު އިއްޔެ ހައްޔަރުކޮށްފި އެވެ.
ފުލުހުން ބުނީ އިއްޔެ މެންދުރު ފަތާފައި މީދުއަށް އެރީ، މީދުއާ ޖެހިގެން އޮންނަ ސައުތު ޕާމް ރިސޯޓްގެ މުވައްޒަފެއް ކަމަށެވެ.
އޭނާ ހައްޔަރުކުރީ ޑޮކްޓަރަށް ދެއްކުމަށް ފަހުގައި އެއްވެސް ނުރައްކަލެއް ނެތްކަން ޔަގީން ކުރުމަށް ފަހު ކަމަށް ވެސް ފުލުހުން ބުންޏެވެ.
ފުލުހުން ބުނީ ކޮވިޑް-19 އާ ގުޅިގެން ސަރުކާރުގެ އެކި އިދާރާތަކުން ނެރެފައިވާ އެންގުންތައް ތަންފީޒު ކުރުމުގައި ފުލުހުން ހަރަކާތްތެރިވަމުން އަންނަ ކަމަށެވެ.
ދުނިޔޭގައި ހަލުވިކަމާ އެކު ފެތުރެމުން ދާ ކޮރޯނާ ވައިރަސް ހުރި 13 މީހަކު ރާއްޖެ އިން ފެނުމުން މުޅި ރާއްޖޭގައި ސިއްހީ ނުރައްކަލުގެ ކުއްލި ހާލަތު އިއުލާންކޮށް، ޚާއްސަ ފިޔަވަޅުތަކެއް ދަނީ އަޅަމުންނެވެ. އަދިި އެ ވައިރަސްގެ އަލާމާތްތައް ހުރި ބައެއް މީހުން ކަރަންޓީން ކުރުމުގެ އިތުރުން ގޭގައި އެކަހެރި ވެސް ކޮށްފައިވެ އެވެ. އެކަމަކު އުސޫލާ ޚިލާފަށް އޭގެ ތެރެއިން ބައެއް މީހުން އާންމުންގެ ތެރެއަށް ނުކުންނަ ކަމުގެ ޝަކުވާ އާންމުންކުރެ އެވެ.
މިހާތަނަށް ކޮރޯނާވައިރަސް ފެނުނު އެންމެންނަކީ ވެސް ބިދޭސީންނެވެ. އޭގެ ތެރޭގައި ގިނައީ ރާއްޖެ އައި ޓޫރިސްޓުންނެވެ. ދެން ތިބީ ރިސޯޓްތަކުގެ ބިދޭސީ މުވައްޒަފުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކުނިއަނގަ
17 March 2020
ސ.ގަމުގައި ކޮރަންޓީނު ކޮށްފައި ހުރި މީހާ ވެސް ރަށުތެރެއިން މީހުނާއި ބައްދަލު ކުރާ ކަމުގެ އަޑުތައް އިވޭ. މިއީ ކިހާ ބޮޑު ކަމެއް.
ފަހުދު
17 March 2020
ތިހުރިހާ ރައްތަކަކައް ސީޕްލޭން ބޫންބޫން ކިޔާފަ ދަތުރުކުރޭ. ކީއްވެތަ ނުހުއްޓުވިގެން މިއުޅެނީ؟
ގޯލޭ
17 March 2020
ޕޮސިޓިވް ވި މީހަކާ ކޮންޓެކްޓްވި ރިސޯޓުުުު މީހަކުވެސް މީދޫއަށް އައިސް އުޅޭ ވާހަކަ ރަށުތެރެއިން އަޑުއިވުޭ! ކުރިޔަސް އޮތް ހަފުތާއެއް ތެރޭ ނުކިޔަމަންތެރިކަން ދައްކާ މީހުންގެ ފަރާތުން ރަށްރަަށަށް ތިބަލި ފެތުރިއްޖެޔާ ވަރަށް ނުރައްކާ ވާނެ.
ހަވާދުލީބިސް
17 March 2020
ސަރވިސް ޗާޖު 80000، 35000، 45000 ލިބުމުންވެސް ޝުކުރެއްނުކުރި، މޮޅު އެކޮމޮޑޭޝަން ލިބުމުންވެސް ޝުކުރެއްނުކުރި، ރިސޯޓު މުއައްޒަފުންނަށް ހީވަނީ އެމީހުންނަށް ބަލަދު އަރާފައޭ ރިސޯޓު އޯނަރުން ތިބެނީ. ރިސޯޓުބޯއިސް އަކަށް ނޭންގޭ މި ކުރަނީ ވަޒީފާއެއްކަމެއް. މަސްވެރިން ދަނޑުވެރިން، ހޮޓާ ފިހާރަ ހިންގާ މީހުން އުޅޭ ހާލެއްވެސް ނޭންގޭ. ކޮރޯނާއަށް ކަރަންޓީނުކުރީމަ ފިލައިގެން ރަށަށްވެސް އަންނަނީ، މި ފަހަރު ނިއުމަތަށް ޝުކުރު ނުކުރުމުން ވީގޮތް މިފެންނަނީ،
މަމެންގޭ މަ
17 March 2020
ކޮން ރިސޯޓެއްގަތޯ ސަރވިސް ޗާޖު 80000، 35000، 45000 ދިނީ މިހާތަނަށް ؟؟ ވެލާ ރިސޯޓު ފިޔަވައި އަޑެއްނާހަން. މަށަށްފެންނަނީ ރިސޯޓުތަށް ސަރުކާރަށްނަގާ ސަރުކާރުން ތިޔަތަންތަން ހިންގުން! ތިޔަބުނާ އޯނަރުނަނަށް 50 އަހަރު ވީއިރު 1 މަސްދުވަހުގެ ކޮންޓިންޖެންސީ ޙާލަތަށް ތައްޔާރުވެވިފަ ނެތުމަކީ އެއްވެސް މިންވަރެއްގެ ޤާބިލުކަންނެތުން ނޫން އެހެންކަމެއްނޫން! މިއިން މަށަށް ދޭހަވަނީ ކޮންމެ މީހަކަށްވެސް ރަށެއް ދީފިއްޔާ މަހުޖަނަކަށް ވާނެޔޭ!
ޙަމް
17 March 2020
މިއީ ރައްޔިތުން ދެވޭ އިރުޝާދު މިކަން ސީރިއަސްކޮށް ނަގާ މިންވަރު ދައްކުވައިދޭ ކަމެއް.
ކޮލެޖު ޑޮކްޓަރު
17 March 2020
ކުއްލި ހާލަތުގެ އަމުރަށް ނުކިޔަމްންތެރިވީތީޯ މީނާގެ މައްޗަށް ޖިނާއީ ތަހުގީގުކޮށް ޝަރީއަތަށް ހުށައަޅަން ޖެހޭ. މީ ކުޅިވަރުކުޅޭން ޖެހޭ ވަގުތެއް ނޫން. މިއީ އަކީ ސީރިއަސް ވަގުތެއް
ހަސަނު1
17 March 2020
ދެރަށް ދޭތެރޭ އޮތީ 50 މީޓަރު.
ދަތްނެތްކުއްޖާ
17 March 2020
މި ވަޤުތަކީ ފާޑު ފާޑަށް ސަކަރާތް ޖަހާ ކުޅި މަޖާ ކުރަންވީ ވަޤުތެއްނޫން. މިހާރުން މިހާރަށް މީނައާއި މެދު ޖިނާއީ ތަޙުޤީގެއް ކޮއް ޙައްޤު އަދަބު ދިނުމަށް ރައްޔިތުން ގޮވާލަނމު މިކަމުންވެސް އެހެން މީހުނަށްވެސް އިބްރަތް ލިބިގަތުމަށްޓަކައި ކުރަންޖެހޭނެކަމެއް.
ޢަދު
17 March 2020
މަޖަލެއްނޫން.
ފެންސު
17 March 2020
އެހެންމީހުނަށް ޢިބުރަތަކަށްޓަކާވެސް ތިމީހާ ބަންދުކޮށް ރަގަޅު ޢަދަދަކުން ޖޫރިމަނާކުރަން ފެނޭ.