މި މަހުގެ 20 ގައި އުފެއްދުންތަކެއް ނެރެން އިވެންޓެއް ބާއްވާނެކަން އެޕަލް އިން ސިއްރުކޮށްގެން އުޅެނިކޮށް ކުންފުނީގެ ވޮއިސް އެސިސްޓަންޓް ސިރީ އެކަން ފަޅާއަރުވާލި ފަހުން އެޕަލް އިން އިވެންޓް ކަވަރުކޮށް ދީފި އެވެ.
އެޕަލް އިން ބުނީ "ސްޕްރިންގް ލޯޑެޑް" ގެ ނަމުގައި ބާއްވާ އިވެންޓް އޮންނާނީ ކޮވިޑް-19އާ ހެދި ވާޗުއަލްކޮށް ކަމަށެވެ. މި އިވެންޓްގެ ވާހަކަ އެޕަލްގެ ސީނިއާ ވައިސް ޕްރެޒިޑެންޓް ޓްވިޓާގައި ހިއްސާކުރެއްވީ ވީޑިއޯއަކުންނެވެ.
އިވެންޓް މި މަހު 20 ގައި އޮންނާނެކަން ކުންފުނީގެ ވެބްސައިޓްގައި އިއުލާންކޮށްފައިވެ އެވެ. އެކަމަކު އިވެންޓާ ބެހޭ އެއްވެސް ތަފުސީލެއް ނުދެ އެވެ.
ނަމަވެސް ބައެއް މީޑިއާތަކުން ބުނެފައިވާ ގޮތުގައި އިވެންޓްގައި އާ އައިޕެޑާއި އައިމެކާއި އެއާޓެގްސް ލޯންޗްކުރާނެ އެވެ.
