ރައީސް އިބްރާހިމް މުހައްމަދު ސޯލިހްގެ މަންމާފުޅު މޫމިނާ ހަސަންފުޅު ކޮވިޑް-19 އަށް ޕޮޒިޓިވްވެ ފަރުވާ ދޭން ފަށައިފި އެވެ.
ރައީސްގެ މަންމާފުޅު މޫމިނާއަށް މިހާރު ފަރުވާ ދެމުން ދަނީ ދަރުމަވަންތަ ހޮސްޕިޓަލްގަ އެވެ. އުމުރުފުޅަކީ 77 އަހަރެވެ.
ދާދިފަހުން ރައީސްގެ އަނބިކަނބަލުން ފަޒްނާ އަހުމަދު ވެސް ކޮވިޑް-19 އަށް ޕޮޒިޓިވްވި އެވެ. ނަމަވެސް މިހާރު ވަނީ ބަލިން ރަނގަޅުވެފަ އެވެ.
ކޮވިޑް-19 އަށް ރާއްޖެއިން ޕޮޒިޓިވްވާ މީހުންގެ އަދަދު އަނެއްކާވެސް އިތުރުވާން ފެށުމުން ރައްކާތެރިކަމުގެ ފިޔަވަޅުތައް ރާއްޖޭގައި އަންނަނީ ވަރުގަދަ ކުރަމުންނެވެ.