ޔޫތު އެންޑް ސްޕޯޓްސް މިނިސްޓަރު އަހުމަދު މަހުލޫފު: އޭނާ ވިދާޅުވީ، އޭނާއާ ދެކޮޅަށް ހެކި ހޯދާފައި ވަނީ ގާނޫނާ ހިލާފަށް ކަމަށް -- މިހާރު ފޮޓޯ/ ނިޝާން އަލީ
20 ޖޫން 2021 - 14:14
41 comments
އެމްއެމްޕީއާރްސީގެ ހިޔާނާތުގެ މައްސަލައިގައި އޭނާއާ ދެކޮޅަށް ހެކި ހޯދާފައި ވަނީ ގާނޫނާ ހިލާފަށް ކަމަށާއި ޕްރޮސެކިއުޓާ ޖެނެރަލްގެ އޮފީހުން ބޭނުންވާ ވަރަށް ދައުވާ ފުރިހަމަ ނުވާނެ ކަމަށް ޔޫތު އެންޑް ސްޕޯޓްސް މިނިސްޓަރު އަހުމަދު މަހުލޫފު ވިދާޅުވެއްޖެ އެވެ.
މަހުލޫފުގެ މައްސަލައިގައި ބައެއް ކަންކަން ފުރިހަމަ ކުރަން ޕީޖީން ވަނީ އޭސީސީގައި އެދިފަ އެވެ. އެ ކަންތައްތައް ފުރިހަމަވުމުން މައްސަލައިގައި ދައުވާ ކުރުމާއި ނުކުރުމާ މެދު ގޮތެއް ނިންމަވާނެ ކަމަށް މިއަދު ޕީޖީ ހުސެއިން ޝަމީމް ވެސް ވަނީ ވިދާޅުވެފަ އެވެ.
މަހުލޫފު އޭނާގެ ފޭސްބުކް ޕޭޖްގައި މިއަދު ވިދާޅުވީ، ޖެނުއަރީ މަހު ފުލުހުން އޭނާގެ މައްސަލަ ޑިއުޓީ ޕްރޮސެކިއުޝަން ޕޯޓަލް މެދުވެރިކޮށް ހުށަހެޅުމުން ތަހުގީގު ފުރިހަމަކުރަން ޕީޖީން އަންގާފައިވާ ކަމަށެވެ.
މިހާރު އަލުން އިސްލާހުކުރަން ޕީޖީން އެދިފައި ވަނީ ކުރިން ފުލުހުން ފޮނުވި ގޮތަށް އޭސީސީން އެއްވެސް އިސްލާހެއް އަދި ބަދަލެއް ވެސް ގެނައުމެއް ނެތި މައްސަލަ ހުށަހެޅުމުން ކަމަށް މަހުލޫފު ވިދާޅުވި އެވެ.
މަހުލޫފު ވިދާޅުވި ގޮތުގައި، އޭނާއާ ދެކޮޅަށް ހޯދާފައިވާ ހެކިތަކަކީ ގާނޫނާ ހިލާފަށް ހޯދާފައިވާ ހެކިތަކެއް ކަމަށެވެ. އަދި ދައުވާ ފުރިހަމަ ވެސް ނުވާނެ ކަމަށް ވިދާޅުވެފައިވެ އެވެ.
ދައުވާ ކުރިޔަސް އަދި ނުކުރިޔަސް އެއީ ގާނޫނާ ހިލާފަށް ހޯދާފައި ހުރި ހެކިތަކެއް ކަމުން އަދި ޕީޖީ އެ ވިދާޅުވާ ގޮތަށް ދައުވާ ފުރިހަމަ ވެސް ނުކުރެވޭނެ. އަޅުގަނޑު އެދެނީ އަވަހަށް ގޮތެއް ނިންމަވައިދޭން-- މަހުލޫފް
"ދައުވާ ކުރިޔަސް އަދި ނުކުރިޔަސް އެއީ ގާނޫނާ ހިލާފަށް ހޯދާފައި ހުރި ހެކިތަކެއް ކަމުން އަދި ޕީޖީ އެ ވިދާޅުވާ ގޮތަށް ދައުވާ ފުރިހަމަ ވެސް ނުކުރެވޭނެ. އަޅުގަނޑު އެދެނީ އަވަހަށް ގޮތެއް ނިންމަވައިދޭން،" މަހުލޫފު ވިދާޅުވި އެވެ.
އެމްއެމްޕީއާރްސީގެ ހިޔާނާތުގެ ފައިސާގެ ތެރެއިން 33،000 ޑޮލަރު މަހުލޫފަށް ލިބުނު މައްސަލައިގައި ފުލުހުންނާއި އެސެޓް ރިކަވަރީ ކޮމިޝަނާއި އޭސީސީގެ ޖޮއިންޓް އިންވެސްޓިގޭޝަނަށް ފަހު މަހުލޫފަށް ދައުވާކުރަން އޭސީސީން ފޮނުވީ މި މަހުގެ ނުވަ ވަނަ ދުވަހު އެވެ.
މަހުލޫފުގެ އެކައުންޓަށް ޖަމާވި ފައިސާ އަކީ ޑޮލަރު ގަތުމުގެ ސައްހަ މުއާމަލާތެއް ކަމަށް އޭނާ ވިދާޅުވެ އެވެ. ނަަމަވެސް، އޭސީސީން ބުނެފައި ވަނީ އެއީ އެފަދަ މުއާމަލާތެއް ނޫން ކަމަށާއި މަހްލޫފު ދޮގު މައުލޫމާތު ދެއްވާފައިވާ ކަމަށެވެ.
އޭސީސީން ބުނެފައި ވަނީ މަހުލޫފަށް ލިބުނު ފައިސާ އަކީ މަހުލޫފު ގަލޮޅު ދެކުނު ދާއިރާގެ މެމްބަރުގެ ގޮތުގައި ހުންނެވިއިރު، ރައްޔިތުންގެ މަޖިލީހުގެ ތަޅުމުގައި ބަހުސްކޮށް ވޯޓަށް އެހި ސްޕެޝަލް އިކޮނޮމިކް ޒޯން (އެސްއީޒެޑް) ބިލަށް ވޯޓު ދިނުމާއި ޕީޕީއެމްގައި ދެމިހުރުމުގެ ބަދަލެއްގެ ގޮތުގައި ކުރީގެ ނައިބު ރައީސް އަހުމަދު އަދީބު ދިން ފައިސާ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރެކޭ
21 June 2021
އޯކޭ، ހެކިހޯދިގޮތް ގާނީނީގޮތުން ގޯސްވެދާނެއެވެ. އަދި މަަހުލޫފަށް މިޔަދު މަގުމަތީގައި މޭފުއްޕާލާފައި އުލެވިދަނެއެވެ. އެކަމަދު އެ ހެކިތަކަކީ ތެދު ހަގީގަތެއް ނޫންތޯ؟ ތިބޭފުޅާ އެއްގޮތަކައްވެސް އެއަކަށް އިންކާރެއް ނުކުރޭ، މުޅިންވެސް ތިޔަ އުޅުއްވަނީ ގާނޫނީގޮތުން ކޮންމެވެސްގޮތެއް ހޯއްދަވައިގެން ސަލާމަތްވާން. މަހުލޫފުގެ އަގު މުޅިންވެއްޓިއްޖެ.
ހެކިއަކީ ހެކި
21 June 2021
އެކި ފެކްޓްސް، އެވިޑެންސް ހޯފުމުގަ ޤާނޫނޫނެއް އޮންނަންނުޖެހޭ، އެއީ ހަމަ ކަންތައް ހިގިގޮތްކަމަށް ވަންޏާ އެ ނިމުނީ. ތިފަދަ ގޮތްގޮތަށް އޮޅުވާލަން އަދި ރެކެން ނޫޅޭ.
މަހޭ
21 June 2021
ހެކި ހޯދީ ޤާނޫނާ އެއް ގޮތައްތޯ ނޫން ތޯ ނިންމާނީ ކޯޓުން ، ދެން އެންމެ ރަނގަޅުވާނީ އިސްތިއުފާ ދިނީޔާ
ގަމަރުއްނިސާ
20 June 2021
ލައްގަނދު ޖެހިފަ ތިއޮތީ އަވަހައް ވަޒީރުކަމުންްްްްް ދުރުކުރޭ ޒީރޯ އިބޫ
ބޮޑުމީހާ
20 June 2021
33000 ޑޮލަރު ހޯދީ ގާނޫނާއި އެއްގޮތަށްތަ! ގާނޫނާއި ޚިލާފު ހެކިގަން ކަޑައަޅާނީ ކޯޓުން
ގަމަރިއްޔު
20 June 2021
ރައީސްްްްް މީހާ އެކަމު ބުނި ޒީރޯ ޓލޮރެންސޭ
މަހޭހޭހޭހޭ
20 June 2021
އެންމެ ފަހުން ފައިސާގަ ޖެހުނު ތިމާމީހާ ކުށެއްނެތް އޮންނަންވީ ކަމަށް ތި ދެކެނީ ހެކި ހޯދި މީހުންގެ ކުށް ތިޔަދައްކާ ވާހަކައަކީ ހަމަހޭ ގަހުރި އެކަކުވެސް ގަބޫލް ކިރާނެ ވާހަކައެއް ނޫން ތިޔަނޫން ވާހަކައެއް ދައްކަން ނޭ ގުނީހެވެ
ރަދުން999
20 June 2021
ބޭކާރު ވާހަކަ ނުދައްކާ. ފައިސާ ސަރުކާރަށް ދައްކާ. އޭސީސީން އެބަނުނަީ ދޮގުހެދިއްޔޭ. ފައިސާ ޖަމާވެފައޭ ހުރީ. ދެން ކޮންހާސަރެއް ތިޔަ އަމުނަނީ. މޭލޭސިއާގައި ހުރެފައި ވޯޓަށް މާލެއަޢީ. އެވޯޓް ޑޮލަރުކޮޅަކަށް ވިއްކާލާފައި، އެހާ ޗީޕް މީހުންތީ. އަގެއްނެތް.
މަހޭކިހިނެތްތަ
20 June 2021
ތަންކޮޅެއް ކުރިން މިގައުމުގަ ތިބި އިންޑިއާ ޓީމަކާ ދިމާލަށް މަހޭ ތަންކޮޅެއް ހަރުކަށިކޮށް އެއްޗެއް ބުނި ވާހަކަ ޚަބަރުތަކުގަ އޮތް. ހިތަށް އެރި ކިހާވަރަކުން ދާނެބާއޭ އެކަން. މަހޭ ސިޔާސީ ކަންބަޅިއަކަށް ހަދައިގެން އުޅެނީ ކީއްވެތޯ ބަލާ ހޯދިއްޖެތަ މިހާރު؟
ޙައިރާ
20 June 2021
ސިޔާސީ ކަންބަޅިއަކަށްވީ ރިޝްވަތުގަ ހިފާ ހިޔާނާތުގަ ބައިވެރިވީމަ. ނޮޓް ރޮކެޓް ސައިންސް
ކަންބަޅިން
21 June 2021
ސިޔާސީ ކަންބަޅިއަކަށްވީ ހިޔާނާތުގެ ކަންބަޅިއަކަށް އަމިއްލަ މީހާވީދުވަހު ކަމަށް ލަފާކުރެވޭ.
ބަބޫ
20 June 2021
ކުއްކުރި މީހާ ކުއްވެރި ވުމުހެ ބަދަލުގައި ތަންފީޒީ އިދާރާތަށް ކުށްވެރި ވާތަން މިފެންނަނީ. ފުލުހުން މީހާގެ ހެކިހޯދުމާއި ހައްޔަރު ކުރުމުގައި ހަމަކުރަނ ޖެހޭ އިޖުރާތްތްށް ގިނަކްމުން އޭގެއިން ފިއްޔެއް މަދުވިޔަސް މައްސަލަ ނިމުނީ. ކުއްކުރި މީހާ މިނިވަންވީ. މީގެއިން މިދޭހަވަނީ މީހުން ހައްޔަރުކޮށް އަދަބު ދޭން ތިބޭމީހުން ކުއްވެރިކޮށް އެމީހުންގެ ކުށް ހޯދުމަށޭ ގާނޫނު ހެދިފަ މިއޮތީ. މިއީ ގޯހެއް.
ހެކިހޯދުން
20 June 2021
ގާނޫނާ ހިލާފައް ހެކިހޯދިނަމަ ކޯޓަކުން އެހެކި ގަބޫލުނުކޮއްފާނެ އެއައްބިނާކޮއް ހުކުމެއް ނައިއްސާނެ އެކަމަކު ރައްޔިތުންނައް އެހެކިފުދޭ. އަދިމަށައް ހީވަނީ އެފަދަ ހެއްކެއް ވެރިކަމައްވެސް ފުދެންޖެހޭނެހެން.