ރ. އަތޮޅުގައި ތަރައްގީކޮށްފައިވާ ފާރުފުށި ރިސޯޓު ވިއްކާލަން ނިންމައިފި އެވެ.
ޓޫރިޒަމް މިނިސްޓްރީން ވަނީ ފާރުފުށި ވިއްކާލަން ވެރިފަރާތުން ބޭނުންވާތީ އެއްވެސް ދަރަންޏެއް ނުވަތަ މައްސަލައެއް އޮތްތޯ ބަލަން އިއުލާން ކޮށްފަ އެވެ. އެ އިއުލާނުގައި ބުނެފައިވަނީ ފާރުފުށި ކުއްޔަށް ހިފާފައިވާ ފަރާތަށް ލިބިދީފައިވާ އެންމެހާ ހައްގުތައް، އެހެން ފަރާތަކަށް ބަދަލުކުރުމުގެ ހުއްދަ އަށް އެދި އެ ފަރާތުން ހުށަހަޅާފައިވާ ކަމަށެވެ.
ފާރުފުށި ރިސޯޓު ހުޅުވީ 2019 ވަނަ އަހަރުގެ މާޗު މަހުގެ ތެރޭގަ އެވެ. އެ ރިސޯޓަކީ ލަގްޒަރީ ޓޫރިޒަމަށް ހާއްސަކޮށްގެން ތަރައްގީކުރި ރިސޯޓެކެވެ.
މި ރިސޯޓުގައި 80 ވިލާ ހުންނައިރު މީގެ ތެރޭގައި ބީޗް ބަންގްލޯ އާއި ބީޗް ރިޓްރީޓާއި އޯޝަން ރިޓްރީޓް އަދި އޯޝަން ސުއީޓުތައް ހިމެނެ އެވެ. އަދި އެކި ގައުމުތަކުގެ ކެއުންތަކަށް ހާއްސަ ފަސް ރެސްޓޯރެންޓާއި ބާ މި ރިސޯޓުގައި ހުރެ އެވެ.
