18 ނޮވެމްބަރ 2021 - 23:38
5 comments
ދަރިވަރުންނާމެދު ބެލެނިވެރިންނާއި ޓީޗަރުންކުރާ އުއްމީދުތައް މަތިކުރަންޖެހޭ އެޑިއުކޭޝަން މިނިސްޓަރު ޑރ. އައިޝަތު އަލީ މިރޭ ވިދާޅުވެއްޖެ އެވެ.
މީގެ ދެ އަހަރުކުރިން ބޭއްވި އޭ ލެވެލް އިމްތިހާނުގެ ގަދަ 10 ގައި ހިމެނުނު ދަރިވަރުންނަށް އެވޯޑު ދިނުމަށް ބޭއްވި ރަސްމިއްޔާތުގައި މިނިސްޓަރު ވިދާޅުވީ ދަރިވަރަކާ ދޭތެރޭގައި މައިންބަފައިންނާ ޓީޗަރުން އަދި ގައުމު ދެކޭގޮތުން އެ ދަރިވަރެއްގެ ނަތީޖާއަށް އަސަރުކުރާ ކަމަށެވެ.
ދަރިވަރުންގެ ކިޔެވުމަށާއި އުޅުމަށް އެންމެ ބޮޑަށް އަސަރުކުރާ އެއްކަމަކީ ވެސް މިނިސްޓަރު ވިދާޅުވި ގޮތުގައި އެ ކުދިންނަށް ކިޔެވޭނެ މިންވަރާއި ނެރެވޭނެ ނަތީޖާއާ އުއްމީދުތައް ސީދާކޮށް އަދި ނުސީދާކޮށް ހާމަކުރުމެވެ.
ކުދިން މޮޅުވާނެ ކަމަށް ޓީޗަރަކު ދެކި، އެކަން އެ ކުދިންނަށް ހާމަކުރާނަމަ އެ އުއްމީދުކުރާ ވަރަށް ނަތީޖާ ލިބޭތޯ ދަރިވަރުން ބަލާނެ ކަމަށް، އަމީނިއްޔާ ސްކޫލުގައި ބޭއްވި ރަސްމިއްޔާތުގައި މިނިސްޓަރު ވިދާޅުވި އެވެ.
"ކުއްޖަކު ކިޔެވުމަށް ދެރަވާނެ ކަމަށް މުދައްރިސުން ދެކި އެކަން އެ ކުދިންނަށް ހާމަކުރާނަމަ ތޫނު ފިލި ކުދިން ވެސް ނެރޭނީ ދެރަ ނަތީޖާއެއް،" އޭނާ ވިދާޅުވި އެވެ.
މިނިސްޓަރު ވިދާޅުވީ ދަރިވަރުން މޮޅުވާނެ މިންވަރާ މެދު ގައުމީ ނަޒަރުން، ޓީޗަރުންގެ އަންދާޒާ ނުވަތަ ބެލެނިވެރިން ހީކުރާ ގޮތް ދަށްނަމަ ދަރިވަރުންގެ ފެންވަރު ރަނގަޅެއް ނުވާނެ އެވެ.
— The President's Office (@presidencymv) November 18, 2021
"އަޅުގަނޑު މި ވާހަކަ މި ދަންނަވާލީ ދަރިވަރުންނާ މެދު އަޅުގަނޑުމެން ދެކޭގޮތް، އަޅުގަނޑުމެން ކުރާ އުއްމީދުތައް މަތިކުރަންޖެހޭ ވާހަކަ ދަންނަވާލުމަށް،" މިނިސްޓަރު ވިދާޅުވި އެވެ.
އޭނާ ވިދާޅުވީ އިނގިރޭސިވިލާތުގައި އޯ ލެވެލް އިމްތިހާނުގައި 60 ޕަސެންޓު ދަރިވަރުން ނުވަ މާއްދާ ނުވަތަ އެއަށްވުރެ ގިނަ މާއްދާއިން އިމްތިހާނު ހަދާ ކަމަށެވެ. ދަށު ސާނަވީގައި ދަރިވަރުންނަށް ފުޅާ ތައުލީމީ ބިންގަލެއް އެޅުމަކީ އެ ކުދިންގެ މުސްތަގުބަލު ހަރުދަނާވެ، ފަހިވެގެންދާނެ ކަމެއް ކަމަށާއި އެއީ ކުރަންޖެހިފައިވާ ކަމެއް ކަމަށް މިނިސްޓަރު ވިދާޅުވި އެވެ.
"އަޅުގަނޑުމެން ދަރިވަރުންނާ މެދު އެކްސްޕެކްޓޭޝަންތައް މަތިކުރާނަމަ އެ ކުދިން އެ މިންގަނޑުތަކަށް ވާސިލްވޭތޯ މަސައްކަތްކުރާނެ،" އޭނާ ވިދާޅުވި އެވެ.
ރާއްޖޭގެ ތައުލީމު ކުރިއަރާނީ ބެލެނިވެރިންނާއި ޓީޗަރުން ދަރިވަރުންނާ މެދު ދެކޭގޮތް ކުރިއަރުވައިގެން އެ އުއްމީދުތައް މަތިކޮށްގެން ކަމަށް މިނިސްޓަރު ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އެމްސް
20 November 2021
ކޮން އުއްމީދެއްތޯ ކުރެވެން އޮތީ؟ މުޅި ރޭޓެއިލް ވިޔަފާރީގަ ބިދޭސީން! ރިސޯރޓްތަކުގަވެސް މެދުފަންތީގަ މުޅިން ލަންކާ/އިންޑިއާ މީހުން! ދިވެހިންނަށް އޮތީ ވެމްކޯ އެކަނި! ކިޔަވައިގެން މަގުމައްޗަށް ގިނަވުން ނޫން ކަމެއް އެބަ އޮތްތޯ؟
ހަނުހުންނަ މީހާ1
19 November 2021
6:30 ގަ ސުކޫލަށް ދާ ޓީޗަރުންނަށް އިރުއޮއްސި 8 ޖަހާއިރުވެސް ނާދޭދުވަސްތައް ދޭ. އެކަމަކު އޯޓީ ދެނީ 10% އުންމީދުތައް މަތިކުރުމަށް ކޯކަރިކިއުލާ ހަރަކާތްތައް ހިންގަންޖެހޭ. ހިންގަން ޖެހެނީ ގާނޫނާ ޚިލާފަށް މުއައްޒަފުން ނެރެގެން. މަސައްކަތްތެރިކަމުގެ ގާނޫނުގައި ކަޅާހުދުން ބޮޑުކޮށް ލިޔެފައޮވޭ އިތުރުގަޑީގެ ފައިސާ ނުދީ އިތުރުގަޑީގަ މަސައްކަތް ނުކުރުވޭނެ ކަމަށް. ސުކޫލުތްކުގެ ހިންގުންތެެރިންނާ މިނިސްޓްރީ ގާނޫނަށް ބޯލެބުމަށް ގޮވާލަން
މުހައްމަދު މުހައްމަދު
19 November 2021
ދަރިވަރުންނާމެދު ކުރާ އުއްމީދުތައް މަތިކުރެވޭނީ މައިންބަފައިން ސުކޫލަށާއި ޓިއުޝަނަށް ހިގަންޖެހޭ ވަގުތު މަދު ކޮށް ދަރިންނާއެކު މައިންބަފައިންނަށް ގިނަވަގުތު ހޭދަކުރެވޭ ގޮތަށް ގައުމުގެ ނިޒާމު ބަދަލުކުރެވޭވަރުގެ ގާބިލުބަޔަކު އަޚުލާގު ރަގަޅުބަޔަކަށް ގައުމު އިސްމަގާމުތައް އަދާކުރުމުގެ ފުރުސަތު ރައްޔިތުން ދިން ދުވަހަކުން.
ސަންޕަދަރި
19 November 2021
ކޮންމެ މީހަކުވެސް އެމީހެއްގެ ދަރިއާ ދޭތެރޭ ފޮނި އަދި ބޮޑަތި އުންމީދުތަކެއް ކުރޭ އަދި ކުރާނެ, އެކަމަކުވެސް ދަރިއަކު ނެއް މީހަކު ކުރާނެ އުންމީދެއް އަދި ކުރެވޭ އިހުސާސެއްވެސް ނޯންނާނެ ނުވެސް އެނގޭނެ. މައިން ބަފައިން ދަރިންނަށް އުރާ އުންމީދާ ނުބައްދަލު މިންވަރަކަށް,200 ކިލޯއިން 300 ކިލޯއިން އެތެރެކޮށް ބަހާއިރު މުސާރަ ކާލަ ކާލާ އަދި އޭގެންވެސް 10 ވަރަކަށް ކިލޯގެ ކަޓު ނަގައިގެން ސަރުކާރު ޕާރޓީ ކުރަން ތިޔަތިބީ.
މަތި
19 November 2021
އެޑިއުކޭޝަން މިނިސްޓްރީގެ ޕޮލސީ ސެކްޝަނުގައި ތިބިމީހުން އެތަނުގައި ތިބޭތާ މާގިނަދުވަސްވެ ނުފޫޒުންނޫނީ އެއްކަމެއްވެސް ނުކުރެވޭ. މިކަމަށް ބަދަލެއް ގެނައުން މުހިންމު.