ޚަބަރު / އަރަބިއްޔާ ސްކޫލް

ހަލާކުވަމުންދާ އަރަބިއްޔާ އިމާރާތުގެ ބޮޑު އެސެސްމަންޓެއް ހަދަން ހަވާލުކޮށްފި

އަރަބިއްޔާ ސްކޫލުގެ އިމާރާތުގެ ކޮންކްރީޓުގަނޑު ހަލާކުވެގެން ގޮސްފައި.-- ޓްވިޓާ ފޮޓޯ: ޑރ. ޝަހީމް

އާސިމާ ނިޒާރު، މިހާރު

21 ނޮވެމްބަރ 2021 - 15:45

12 comments

އަރަބިއްޔާ ސްކޫލު އިމާރާތުގެ ބޮޑު އެސެސްމަންޓެއް ހެދުމަށް މިއަދު ބަޔަކާ ހަވާލުކޮށްފި އެވެ.

އެޑިއުކޭޝަން މިނިސްޓްރީގެ ސީނިއާ ޕޮލިސީ ޑިރެކްޓަރު ނައުޝާދު އިބްރާހިމް "މިހާރު" އަށް ވިދާޅުވީ ދިގު މުއްދަތަކަށް އެ އިމާރާތް ބޭނުންކުރެވޭނެ ގޮތަށް މަރާމާތުކުރަން ނިންމާފައިވާ ކަމަށެވެ. އެކަމަށް ބޭނުންވާ ސްޓްރަކްޗަރަލް އެސެސްމަންޓުގެ އަމަލީ މަސައްކަތް މާދަމާ ފަށައި، ދެ މަސް ދުވަހުގެ ތެރޭގައި ނިންމާލެވޭނެ ކަމަށް ނައުޝާދު ވިދާޅުވި އެވެ.

"ކުރު މުއްދަތަކަށް ބަލާފައި މަރާމާތުކުރެވިދާނެ މިހާރު ވެސް. ނަމަވެސް އަޅުގަނޑުމެން ބޭނުންވަނީ ދިގު މުއްދަތަކަށް އެތަން ބޭނުންކުރެވޭނެ އެންމެ ރަނގަޅަކަށް މަރާމާތުކުރަން. އެކަން މި ފެށީ މިހާރު،" އޭނާ ވިދާޅުވި އެވެ.

"ސްޓްރަކްޗަރަލް އެސެސްމަންޓް ނިމޭހާ އަވަހަކަށް މަރާމާތުކުރަން ފަށާނަން."

އެ އިމާރާތުގެ މައްސަލަ މީގެ ކުރިން ފެންމަތިވުމުން އެޑިއުކޭޝަން މިނިސްޓްރީން ޕްލޭނިން މިނިސްޓްރީއާ ގުޅިގެން ވިޝުއަލް އިންސްޕެކްޝަނެއް ހަދައިފަ އެވެ.

އަރަބިއްޔާ ސްކޫލުގެ އިމާރާތުގެ ކޮންކްރީޓުގަނޑު ހަލާކުވެފައި-- ޓްވިޓާ ފޮޓޯ: ޑރ. ޝަހީމް

އެ އިންސްޕެކްޝަނުން ދެއްކީ އިމާރާތުގައި ވަގުތުން ވަގުތަށް ކުރަންޖެހޭ މަރާމާތުތައް އެނގޭނީ ސްޓްރަކްޗަރަލް އެސެސްމަންޓެއް ހަދައިގެންނެވެ.

އިމާރާތުގައި ރެނދުލައި، އެ ތަން ވަރަށް ބޮޑަށް ބާވެފައިވާތީ ދަރިވަރުންގެ ސަލާމަތްތެރިކަމާ މެދު ބެލެނިވެރިން ދަނީ ކަންބޮޑުވުން ފާޅުކުރަމުންނެވެ. އެކަމާ ގުޅިގެން އެޑިއުކޭޝަން މިނިސްޓަރު ޑރ. އައިޝަތު އަލީ ވަނީ، މައްސަލަ ހައްލުކުރަން ކުރަމުން އަންނަ މަސައްކަތްތައް ބެލެނިވެރިންނާ ހިއްސާކުރައްވައިފަ އެވެ.

އަރަބިއްޔާ ސްކޫލު އެންމެ ފުރަތަމަ ހިންގީ އީޕީއެސް ކުރިން ހުރި އިމާރާތުގަ އެވެ. އޭގެ ފަހުން މަޖީދީ މަގުގައި ޓާޓާ ފްލެޓުތައް އަޅާފައި ހުރި ތަނާއި މަންދު ކޮލެޖު ހިންގި އެމްއީއެސް އިމާރާތުގައި ވެސް އަރަބިއްޔާ ސްކޫލު ހިންގި އެވެ.

މިހާރު އެ ސްކޫލު ހިންގާ އާ އިމާރާތް އެއްކޮށް ނިމުމުން އެ ތަނަށް ބަދަލުވީ ޖެނުއަރީ، 2013 ގަ އެވެ.

އެޑިއުކޭޝަން މިނިސްޓްރީ ކިޔަވާކުދިން އަރަބިއްޔާ ސްކޫލް ޑރ. އާއިޝަތު އަލީ، އެޑިއުކޭޝަން މިނިސްޓަރު

12 ކޮމެންޓް, 6 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ސިޓިޒަން އޮފް މާލެ

23 November 2021

"ބޮޑު" އެސެސްމަންޓާއި "ކުދި" އެސެސްމަންޓް އަކީ ކޮބައިތޯ؟؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ލާމަސީލު

21 November 2021

މިތަން އިމާރާތްކުރި ކޮންސްޓްރަކްޝަން ކުންފުންޏަށް ސަރުކާރުގެ އިމާރާތް ހަދްން ދިނުން ނުއްދިވެރިއެއްނޫން. މިމައްސަލަ ބެލެވެން ޖެހޭނެ. މިއީ ވަރަށްވެސް ދެރަ އެހާމެ ހިތާމަހުރިކަމެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

21 November 2021

އިމާރާތް ކުރާ ފަރާތް އެނގޭނެ ކަހަލަ ބޯޑެއް ކޮންމެ އިމާރާތެއްގައިވެސް ބެހެއްޓުން މުހިންމު. އިންޓަރނެޓުން ހޭވީމަ ފެންނަނީ ސިންގަޕޫރުގެ އެލްއެސް ކޮންސްޓްރަކްޝަން ކިޔާ ބަޔަކާ ޕްރިޖެކްޓް ހަވާލުކުރާނެ ކަމަށް އެޑިއުކޭޝަނުން ބުނި ހަބަރެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރިޔާޒު ރަށީދު

21 November 2021

އަންނި ޒަމާނުގައި ހެދި އިމާރާތެއް. ހާދަ އަވަހަށޭ ދުވަސް އެ ދިޔައީ. 10 ވަރަކަށް އަހަރެއްނު އަދި އެވީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

21 November 2021

ޚޮރަޕްށަން ކޮރަށަން، ދައުލަތައް ތިޙާ ބޮޑު ގެއްލުމެއް ވީއިރުވެސް ތި އިމާރާއް ކުރި ކުންފުނީގެ ނަމެއް ހާމަނުކޮއް މައްސަލަ ނުބަލަނީ ކީއްވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

21 November 2021

ސަރުކާރުގެ ގިނަ ބޮޑެތި އިމާރާރް ތައް ހަދަން ފެށުމުގެ ކުރީގަ ވެސް އޮންނަީ ކޮރަޕްޝަން އެވެ. ކޮންޓްރެކްޓަރަށް މަސައްކަތް ލިބެނީ އެތައް ބަޔަކަށް ފައިސާ ދޭ ފަހުންނެވެ. ދެން މަސައްކަތް ކުރާ އިރު ފެންވަރު ނުބަލާނެ އެވެ. ހަދާނިމޭ އިރު ބޭރުން ވ ރީތި ވާނެ އެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ށަވިޔަނި

21 November 2021

ތި އިމާރާތް ކުރި މީހުނަށް އަދަބުދޭންޖެހޭ. ތިތަން އެއްކޮށް ތަޅާފަ އަލުން އިމާރާތްކުރުވުން. ނުވަތަ ތިކުންފުންޏަށް އެއްވެސް މަސައްކަތެއް ނުކުރެވޭގޮތް ހެދުން. އިމާރާތެއްގެ ސްޓްރަކްޗާރ އަށް ތިހާއަވަހަށް ތިގޮތަށް ގެއްލުންވުމުން އިމާރާތްކުރި މީހުން ޒިންމާކުރުވަންޖެހޭނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަތްދައްތަ

21 November 2021

އެސްޖޭ ކޮންސްޓްރަކްޝަންގެ ފެންވަރު. ދެކޮޅުގަ އަގަފަޅާފަ ހުންނަ މީހެއް ހިންގާ ކުންފުންޏެއްތީ. އެމްޑީޕީ ވެރިކަމުގަ ޕްރޮޖެކްޓްތައް ނަގައިގެން ހޭވި ހަޑި.ޔާމީން ދުވަސްވަރު ޒިކުރާ މިސްކިތް ޕަކަޅާލީ. މިހާރު އަނެއްކާ ދަރުމަވަންތަ ސްކޫލުގެ ދުވަސް އެދުއްވާލަނީ.