މާފަރުގައި ނަރުދަމާއަށް ބޭނުންވާ ހޮޅި ވަޅުލުމުގެ މަސައްކަތް ކުރަނީ. އެމްޑަބްލިއުއެސްސީން އަންނަނީ 31 ރަށެއްގައި ނަރުދަމާ އާއި ފެނުގެ ހިދުމަތް މަސައްކަތް ކުރަމުން--
22 ނޮވެމްބަރ 2021 - 06:29
2 comments
މިދިޔަ ތިން އަހަރު ތެރޭ އެމްޑަބްލިއުއެސްސީން 31 ރަށެއްގައި ފެނާއި ނަރުދަމާގެ ނިޒާމް ގާއިމް ކުރުމުގެ މަޝްރޫއު ހިންގަމުން އަންނަ ކަމަށް އެ ކުންފުނިން ބުނެފި އެވެ.
އެމްޑަބްލިއުއެސްސީން ބުނީ އާބާދީ އަށް ބެލުމެއް ނެތި ރަށްރަށަށް ބޭނުންވާ ނަރުދަމާގެ ޕްރޮޖެކްޓްތަކަށް އިސްކަން ދިނުމަކީ ސަރުކާރުގެ ވައުދަކަށްވާ އިރު އެ ވައުދު ފުއްދުމުގައި އެ ކުންފުނީގެ ދައުރު ބޮޑު ކަމަށެވެ. މިއީ އެ ކުންފުނިން އެއްފަހަރާ މިހާ ގިނަ އަދަދެއްގެ ޕްރޮޖެކްޓްތަކެއް ކުރިއަށްގެންދާ ފުރަތަމަ ފަހަރެވެ.
މި މަޝްރޫއުތަކުގެ ތެރޭގައި ހިމެނެނީ 23 ރަށެއްގެ ފެނާއި ނަރުދަމާ ނިޒާމް ގާއިމްކުރުމާއި ހަ ރަށެއްގެ ފެނުގެ ނިޒާމް ގާއިމް ކުރުމާ އަދި ދެ ރަށެއްގެ ނަރުދަމާ މަޝްރޫއު އެވެ.
ގިނަ އަދަދެއްގެ ޕްރޮޖެކްޓަތެއްގެ އަމަލީ މަސައްކަތް ކުރަމުން އަންނަ އިރު މިދިޔަ ދުވަސްތަކުގައި ބޮޑެތި ބައެއް ޕްރޮޖެކްޓްތައް ނިމިފައިވާ ކަމަށް ވެސް އެ ކުންފުނިން ބުންޏެވެ. އޭގެ ތެރޭގައި އއ. ރަސްދޫ ފެނުގެ ނިޒާމް އާއި ޅ. ކުރެންދޫ ނަރުދަމާ ނިޒާމް ގާއިމްކުރުމުގެ މަސައްކަތް ވަނީ ނިންމާލައިފަ އެވެ. މި މަޝްރޫއުތަކުގެ ސަބަބުން 3،000 އަށް ވުރެ ގިނަ ގެއަށް ބޭނުންވާ ނަރުދަމާ އާއި ފެނުގެ ހިދުމަތް ގާއިމްކޮށްދެވިފައިވާ ކަމަށް އެ ކުންފުނިން ބުނެފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުރެންޑު
22 November 2021
ފައިސާ ވެސް ޗާކު ކުރަނީ ހަމަ ހުއްޓާ ނުލާ
އޮނަރަބްލް އަފީފު ދީދީ
22 November 2021
މާލޭގައި ކިތަންމެ ރަނގަޅަށް ސްވަރޭޖްގެ ކަންކަން ބެލެހެއްޓި ކަމުގައިވިޔަސް MWSC އަކީ އެއްފަހަރާ 31 ރަށުގައި ތިފަދަ ބޮޑު މަޝްރޫއެއް ހިންގާނެ އިންސާނީ ވަސީލަތާއި އެހެން ހުރިހާ ކަމެއް ފުރިހަމަވެފައިވާ ކުންފުންޏެއްނޫން. # އެހެން ނަމަވެސް ތިއީ "މާލޭސަރުކާރު ބޭނުންވާ ޙަބަރާއި ފޮޓޯ ހަދާލުމަށް" ކުރާމަސައްކަތެއްނަމަ ވަރަށް ފުރިހަމައަށް އެމް ޑަބްލިއު އެސް ސީ ކިތަންމެހާ ރަނގަޅަކަށްވެސް ތިކަން ކުރާނެ. އަދި ފޮޓޯ ތަކަކީ "ޙަޤީގަތް ނޫންކަން" އިގޭނީ މަދުބަޔަކަށް.