ޓްރާންސްޕޯޓް މިނިސްޓަރު އާއިޝަތު ނަހުލާ، ރައްޔިތުންގެ މަޖިލީހުގެ މިއަދުގެ ޖަލްސާގައި މެމްބަރުންގެ ސުވާލުތަކަށް ޖަވާބުދެއްވަނީ. އޭނާ ޓްރާންސްޕޯޓާ ބެހޭ ގޮތުން އޮތް ޝަކުވާ ސާފުނުވާ ކަމަށް. ފޮޓޯ: ރައްޔިތުންގެ މަޖިލީހުގެ އިދާރާ.
29 ނޮވެމްބަރ 2021 - 10:20
29 comments
ޓްރާންސްޕޯޓް އޮތޯރިޓީގެ ހިދުމަތްތަކާ ބެހޭ ގޮތުން ރައްޔިތުންގެ މަޖިލީހަށް ޝަކުވާ ލިބޭ ކަމަށް މެމްބަރުން ތަކުރާރުކޮށް ވިދާޅުވަމުން ގެންދެވި ނަމަވެސް، ލިބެމުން ދަނީ ކޮން ޝަކުވާއެއްކަން ސާފުކޮށްދެއްވާފައި ނުވާ ކަމަށް ވިދާޅުވެ ޓްރާންސްްޕޯޓް މިނިސްޓަރު އާއިޝަތު ނަހުލާ މިއަދު ހިތްހަމަނުޖެހުން ފާޅުކުރައްވައިފި އެވެ.
ރައްޔިތުންގެ މަޖިލީހުގެ މިއަދުގެ ޖަލްސާގައި ވަޒީރުންނާ ސުވާލުކުރުމުގެ ވަގުތުގައި މެމްބަރަކު ކުރެއްވި ސުވާލަކަށް ޖަވާބު ދެއްވަމުން ނަހުލާ ވިދާޅުވީ ޓްރާންސްޕޯޓް އޮތޯރިޓީއާ ބެހޭ ގޮތުން ޝަކުވާ ލިބޭ ކަމަށް ރައްޔިތުންގެ އެކިއެކި މެމްބަރުންގެ ފަރާތްޕުޅުން އިވިވަޑައިގެންފައިވާ ކަމަށެވެ. އާއްމުންގެ ޝަކުވާ ލިބޭ ކަމަށް މަޖިލީހުގެ ކަމާ ބެހޭ ކޮމިޓީން އެންގުމުން ވެސް، އެ ޝަކުވާއަކީ ކޮބައިކަން ސާފުކޮށްދެއްވަން އެދިވަޑައިގެންފައި ވާނެ ކަމަށް އޭނާ ވިދާޅުވި އެވެ.
އިހަވަންދޫ ދާއިރާގެ މެންބަރު މުޙައްމަދު ޝިފާޢު، މިނިސްޓަރ އޮފް ޓްރާންސްޕޯޓް އެންޑް ސިވިލްއޭވިއޭޝަން އަލްފާޟިލާ ޢާއިޝަތު ނަހުލާއާ ސުވާލުކުރެއްވުން pic.twitter.com/lMM2lwY8mD
— People's Majlis (@mvpeoplesmajlis) November 29, 2021
"ޝަކުވާ ހުށަހެޅޭ ވާހަކައިގެ ސިޓީ އައުމާ އެކު އަޅުގަނޑު، އިއްޒަތްތެރި މަޖިލީހުގެ އިއްޒަތްތެރި ކޮމިޓީ އަށް ސިޓީއެއް ފޮނުވިން، ޝަކުވާ ހުށަހެޅެނީ ކޮން ކަމަކާތޯ، އިއްޒަތްތެރި މަޖިލީހުގެ ކޮމިޓީއަށް ހުށަހެޅިފައި ވަނީ ކޮން ޝަކުވާއެއްތޯ، [އެ މައުލޫމާތު] އަޅުގަނޑާ ހިއްސާކޮށްދެއްވުމަށް [އެދި]،" އޭނާ ވިދާޅުވި އެވެ.
މަޖިލީހަށް ފުރިހަަމައަށް ޖަވާބުދާރީ ވެވަޑައިގެންނެވޭނީ ޝަކުވާާ އެނގިގެން ކަމަށް ސީޓީގައި ވިދާޅުވެފައި ވާނެ ކަމަށް ވެސް ނަހުލާ ވިދާޅުވި އެވެ.
"އެހެން ނަމަވެސް ހިތާމައާ އެކު ފާހަގަކޮށްލަން، ވަކި ޝަކުވާއެއް ބަޔާން ނުކުރެވި އަޅުގަނޑަށް އަނެއްކާ ވެސް ދެވަނަ ސިޓީގައި އަންނަނީ ޝަކުވާތައް ހުށަހެޅެޔޭ، ޝަކުވާތައް ހުށަހެޅެޔޭ،" އޭނާ ވިދާޅުވި އެވެ.
މަޖިލީހުގެ ކޮމިޓީ އަށް (ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީ) އަށް ހާޒިރުކުރުމުން ވެސް އެ ސުވާލު ތަކުރާރުކުރައްވާފައި ވާނެ ކަމަށާއި ވަސީލަތްތައް ހުރިވަރާ އަޅައި ބަލާއިރު ޓްރާންސްޕޯޓްގެ ހިދުމަތް ލަސްކަަމަށް ގަބޫލުނުކުރައްވާ ކަމަށް ވެސް ނަހުލާ ވިދާޅުވި އެވެ.
ނަހުލާ މިނިސްޓްރީއާ ހަވާލުވެވަަޑައިގެންނެވި އިރު ޓްރާންސްޕޯޓް އޮތޯރިޓީ އޮތީ ވަރަށް ހާލުގައި ކަމަށާއި އެތަނުގެ މުވައްޒަފުން މަދުވެފައި، ބޭނުންވާ ސޮފްޓްވެއާތައް ނެތުމުގެ މައްސަލަ ވެސް އޮތް ކަމަށް އޭނާ ވިދާޅުވި އެވެ. ބޭނުންވާ މުވައްޒަފުންނާއި ވަސީލަތް ހޯދަން، ބަޖެޓް ލިބިއްޖެ ނަމަ ހިދުމަތް ރަނގަޅުވާނެ ކަމަށް ވެސް އޭނާ ވިދާޅުވި އެވެ.
"މި ހުރިހާ ދުވަހު ޓްރާންސްޕޯޓް އޮތޯރިޓީން ގެންގުޅޭ ސޮފްޓްވެއާއަކީ އެންމެ ކުރީގެ ސޮފްޓްވެއާ، ބުރިބުރި ވެފައި އޮތް ރޭލެއްގެ ކޮޅުކޮޅު ގުޅާހެން، މޮޑަން ޓެކްނޮލޮޖީގައި މިހުންނަ ކުދިކުދި ތަންކޮޅުކޮޅު ގުޅައިގެން މި ހުރިހާ ދުވަހު މަސައްކަތްކުރީ،" ނަހުލާ ވިދާޅުވި އެވެ.
ޓްރާންސްްޕޯޓްގެ މަސައްކަތް ލަސްކަމަށް ގަބޫލުނުކުރައްވާ ކަމަށް މިނިސްޓަރު ވަނީ މީގެ ކުރިން ވެސް ތަކުރާރުކޮށް އެތައް ފަހަރަކު ވިދާޅުވެފަ އެވެ.
ޓްރާންސްޕޯޓްގެ ހިދުމަތް ލަސްވާތީ އާއްމުންގެ ކަންބޮޑުވުންތަކާ ގުޅިގެން، ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން ޓްރާންސްޕޯޓް މިނިސްޓްރީ އާއި ޓްރާންސްޕޯޓް އޮތޯރިޓީގެ އިސްވެރިންނާއެކު މިމަހު ކުރީކޮޅު ބޭއްވި ބައްދަލުވުމެއްގައި އޭނާ މަގާމާ ހަވާލުވެވަޑައިގަތް ފަހުން މިހާތަނަށް ވަރަށް ގިނަ ކަންކަން ބަދަލުކުރެވިއްޖެ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
މުހައްމަދ
30 November 2021
ތަނުގަ މައްސަލައެއް ނެއްކަމަށް ގަބޫލު ކުރެވޭނަމަ ތިކަން ހައްލު ކުރެވޭނެ ގޮތެއް ނޯންނާނެ އެވެ. ފުރަތަ އެބަ ޖެހޭ އެކަން ގަބޫލުކުރަން އޭރުން އެކަމަށް ހޯދޭނެ ހައްލު ތަކާއި މެދު ވިސްނޭނީ
ޗަރުކޭސް
30 November 2021
އަސްލު ޓްރާންސްޕޯޓު ހިދުމަތް މިހާރު ގޯހެއް ނޫން. މަގޭ ލައިސަންސް އާކުރީ އޮންލައިންކޮށް ޖެހިގެން އައި ދުވަހު އެ ލިބުނީ ކިއުގަ ނުޖެހި ލޮކަރަކުން މި ހުރިހާ ދުވަހު ޓްރާންސްޕޯޓުގަ ތިބީ 21 މުއައްޒަފުންނޭ ބުނީމަ މަ އެކަމަކު އަޖައިބުވި....
ދޮންނަނި
29 November 2021
ވޮށިފިލާ ގަ ލިޔެގެން ޝަކުވާގެ ތަފްސީލް ބުނެދިނަސް އެކަމު ގެ ގާބިލް ކަން ނެއްމީހަކަށް ނޭގޭނެ ...ދެންތިބުނަނީ މީހާރު ހުރިވަސީލަތްތަކުން ނޭ ލަސްވަނީ މީގެ ކުރިން ތިޔަ ނަހުލާ އެއް ތިތަނަކާ ހަވާލު ނުވާ އިރަކު 3 ދުވަހުން ނީ މޭ ކަންތައް މީހާރު ނިމެނީ 6 މަސްދުވަހުން އެހެން ވީމަ ތިބުނީ އެއިރު ހުރި މިނިސްޓަރަކު ތި ދިޔައީ އެއިރު ގެންގުލުން ވަސީލަތް ތަކާ ސޮފްޓް ވެއާރ ތައް ހިފައިގެނޭތަ... މިވަރު ފެންވަރު ނެއްމީހަކު މިވަރުގެ މަގާމަކާ ހަވާލު ކުރި މީހަކު ހޯދަބަލަ
ޢެޑްމުންޑޯ
29 November 2021
ޢަސްލު ރުޅިމަޑު ، ވަރަށް ގަދަޔަށް ރުޅިއަންނަންޖެހޭ ، ކީއްވެގެންކަން ސުވާލުކުރައްވާ މިންބަރުންނަށްވެސް އެގޭނެ ،
ގަރޫޑާ
29 November 2021
މިކަމުން ފެންނަނީ މާޔޫސްކަން! ކިޔެވިއަސް މޮޅުވިޔަސް ފުރުސަތު ލިބެނީ މޮޅެތިމީހުންގެ ދަރިންނަށާ އަނބިންނަށް.ގައުމުގަ އެބަތިބި މި ޓްރާންސްޕޯޓް ހިންގޭވަރު މޮޅެތި ދަރިން އެމީހުންނާ މިތަން ހަވާލުކޮށް މާލެ ފިޔަވާ އެހެން ސަރަހައްދެއްގަ ބައިނަލް އަގުވާމީ އެއާރޕޯޓެއް ހަދަން އެބަޖެހޭ.
ބުރުމާ
29 November 2021
ފޮޓޯ އިން ވަރަށް ރުޅިގަދަ ވެފަ ހުރިކަން އެނގޭ
އަސްލުހާލަތު21
29 November 2021
މިނިސްޓަރަށް ނޭނގޭ މިނިސްޓަރ ކުރެއްވި ހުވާވެސް.. ރައީސް ބުނާކޮންމެކަމެއް ކުރާށޯ ތިމަންނާ ހުވާ ކުރީ.. ޤާނޫނު އަސާސީގަ ވަޒީރުކަމުގެ ހުވާގަ އޮންނަނީ އިސްލާމު ދީނަށާ ޤާނޫނު އަސާސީއަށާ ޤާނޫނަށް ހުރުމަތްތެރިކޮށް ހިތުމަށް... ދެން ރައީސް ކަމެއް ހަވާލުކުރީމަ ވަޒީރު އެކަން ކުރަންވާނި ޤާނޫނީ ގޮތުން ފުރިހަމަ ކުރަންޖެހޭކަންކަން ފުރިހަމަކޮށްފަ ދެއްތޯ؟ ޤާނޫނު މުގުރާފަ އެއްވެސްކަމެއް ކުރާކަށް ރައީސް ނާންގަވާނެ.. ވަޒީރުގެ ނާޤާބިލުކަން ޖަވާބުން ސާފުވީ.
ބުރުވާލިބާގިރުގެ ސިޔާސީ ކާސިމު
29 November 2021
މަޖުލީހަށް ހާޒިރުކުރީމާ ކަމަނާބުނި ކޮވިޑުތެރޭގާ 24 ގަޑިއިރުކަހަލަގޮތަކަށް އުޅުނީ މަސއްކަތުގައޭ. އެވަރަށް މަސައްކަތރްކުރިއިރުވެސް ކަމަނާއަށް ހަދާކަމެއްނުވިއޭ މަގޭހިތަށްމިއަރަނީ.
ހަމްނޭ
29 November 2021
ސުވާލެއްކުރުމުން އެސުވާލު ސާފުނުވިނަމަވެސް ރުޅިއަންނާކަށްނުޖެހޭ. ތިކަމުންވެސް ދޭހަވާއެއްޗަކީ މިނިސްޓަރުގެ ސިޔާސީފިކުރާއި ތަޖުރިބާނެތްކަމާއި ނާޤާބިލްކަން. އޮޅުންފިލުވައިގެން ޖަވާބުދޭން ދަސްކުރުއްވުން ބުއްދިވެރި!
އެކްސްް
29 November 2021
ލިބެނީ ކޮންޝަކުވާއެއްކަން ސާފުކޮށްދޭން ޖެހޭނެ. އެހެންނޫނީ ކިހިނެއް ޖަވާބުދާރީ ވެވޭނީ؟ ޓްރާންޕޯޓުގެ ޚިދުމަތްތައް ޖުމްލަގޮތެއްގައި ރަނގަޅޭ ބުނެވޭނީ. އެތަނަށް ނުގޮސް އޮންލައިންކޮށް ޚިދުމަތަށް އެދެވި، އަވަސް ސްޕީޑެއްގައި ބޭނުންވާ ޚިދުމަތެއް ލިބިދެވޭ.