ރިލްވާންގެ މައްސަލާގައި އެޗްއާރުސީއެމް އިންސާފުވެރިއެއް ނޫން: އާއިލާ

ރިލްވާން: އޭނާ ވަގަށް ނެގީ ދިރިއުޅޭ އެޕާޓްމެންޓް ކައިރިން.

ފަޒީނާ އަހުމަދު، މިހާރު

11 ޑިސެމްބަރ 2016 - 13:01

މިނިވަން ނޫހުގެ ނޫސްވެރިޔާ އަހްމަދު ރިލްވާން "ގެއްލުވާލި" މައްސަލާގައި ހިއުމަން ރައިޓްސް ކޮމިޝަން (އެޗްއާރުސީއެމް) އިން އިންސާފުވެރިކަމާ އެކު މަސައްކަތް ކޮށްފައި ނުވާ ކަމަށް އޭނާގެ އާއިލާ އިން އިއްޔެ ބުނެފި އެވެ.

ރާއްޖޭގެ އިންސާނީ ހައްގުތަކުގެ ހާލަތާ މެދު ކަންބޮޑުނުވާ ކަމަށް އެޗްއާރުސީއެމުން ބުނެފައިވާތީ އެކަން ކުށްވެރިކޮށް ރިލްވާންގެ އާއިލާ އިން ނެރުނު ބަޔާނުގައި ބުނީ ރިލްވާން ގެއްލުވާލިތާ 855 ދުވަސްވެފައިވާއިރު ސަރުކާރުން އެކަން ތަހުގީގުކޮށް ކަން ހިނގި ގޮތުގެ މައުލޫމާތު އާއިލާ އަށް ފޯރުކޮށްދީފައި ނުވާ ކަމަށެވެ. އަދި އެ މައްސަލާގައި އެއްވެސް ބައެއްގެ މައްޗަށް މިހާތަނަށް ދައުވާ ވެސް އުފުލާފައި ނުވާއިރު، އިންސާނީ ހައްގުތަކުގެ ހާލަތާ މެދު އެޗްއާރުސީއެމްގެ ކަންބޮޑުވުމެއް ނެތުމުން ހިތާމަކުރާ ކަމަށް އާއިލާ އިން ބުންޏެވެ.

"އަޅުގަނޑުމެންގެ ދަރިފުޅު ގެއްލުވާލުމާ ގުޅިގެން ދައުލަތުގެ ޒިންމާދާރުކުޑަކަމުން އެކަމުގައި ޝާމިލްވާކަމަށް ބުނާ އެންމެން މިއަދު ދިވެހިރާއްޖެ އިން ފުރައިގެން ގޮސްފައިވާއިރު، މިއަދު އަޅުގަނޑުމެން އިންސާފު ހޯދަން ދާނެ ތަނެއް ނެތްއިރު އަޅުގަނޑުމެންގެ ދަރިފުޅަށް ވީގޮތެއް އެއްވެސް ފަރާތަކުން ހާމަކޮށްދީފައެއް ނެތެވެ،" ބަޔާނުގައިވެ އެވެ.

ރިލްވާންގެ އާއިލާ އިން ބުނީ އޭނާގެ މައްސަލާގައި މިހާތަނަށް ހައްލު ހޯދައި ނުދިނުމަކީ އެހެން މީހުންނަށް ވެސް އޭގެ ބިރުވެރިކަން އޮތް ކަމެއް ކަމަށެވެ. މި ހާލަތު ގައުމުގައި އޮތްއިރު އެޗްއާރުސީއެމުގެ ކަންބޮޑުވުމެއް ނެތުމަކީ އިންތިހާއަށް ނުރައްކާ އޮތް ކަމެއް ކަމަށް ވެސް ބަޔާނުގައިވެ އެވެ.

މަރުގެ އިންޒާރުތަކަކަށް ފަހު، މިނިވަން ނޫހުގެ ނޫސްވެރިޔާ "ގެއްލުނީ" ހުޅުމާލޭގައި އޭނާ ދިރިއުޅޭ އެޕާޓްމެންޓުންނެވެ. އެ ހާދިސާ އަށް ދެ އަހަރު ފުރިފައި ވާއިރު ތަހުގީގު ދަނީ ކޮޅެއްގައި ނުޖެހި އެވެ. މި މައްސަލައާ ގުޅިގެން ފުލުހުން މި އަހަރުގެ ކުރީކޮޅު ބުނެފައި ވަނީ ރިލްވާން ގެއްލުމުގެ ކުރިން ބަޔަކު އޭނާއަށް ފާރަލި ކަމަށެވެ. އަދި އޭނައަށް ބަޔަކު ފާރަލަމުން ދިޔަ ވީޑިއޯއެއް ފުލުހުން އާއްމު ވެސް ކުރި އެވެ.

މީޑިއާ ނޫސްވެރިކަން ހިއުމަން ރައިޓްސް ހިއުމަން ރައިޓްސް ކޮމިޝަން އަހުމަދު ރިލުވާން އެޗްއާރުސީއެމް

10 ކޮމެންޓް, 34 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މީމު

12 December 2016

އެނގެން ޖެހޭ މީހުން އެ އުޅެނީއެއްނު ޕާޓީ ތަކުގެ މީހުން ހިފޭތޯ ވިއްޔާ! އެހެންވެ ކޮންމެވެސް މީހަކަށް ރޭކާލާވަރު ވާން ވެއްޖެތާ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މިއޮތީނު

12 December 2016

މިޚަބަރުގައި އެބަ އޮތެއްންނޫންތޯ އާއިލާއިން ބުނެފަ "އެކަމުގައި ޝާމިލްވާކަމަށް ބުނާ އެންމެން މިއަދު ދިވެހިރާއްޖެ އިން ފުރައިގެން ގޮސްފައިވާ"ކަމަށް...މި ޖުމްލައިގައި މިބުނާ "އެންމެން"ނަކީ ކޮންބައެއްތަ؟ އަދި "ޝާމިލްވާކަމަށް ބުނާ" ކަމަށް އެބުނަނީ ކޮން ފަރާތަކުންތަ؟ އާއިލާއަށް މާބޮޑަށްވެސް އެބަ އެނގޭ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިޔާސް

12 December 2016

އެޗް އާރު ސީ އެމް އަކީ ޕާރޓީ އެކްޓިވިސްޓުން ކޮޅެއް ތިބި ތަނެއް އެހެން މުވައްސަސާތަކެކޭ އެއްގޮތަށް އެތަންވެސް އެއޮތީ މުށުތެރެއަށް ލައިފައި ދެކޮޅަށް އެއްޗެކެ ބުނާއިރަށް މަޖްލހަށް ވައްދަާ ބޭރުކުރާނެ އމީހުންވެސް އެތިބީ މަގާމްގެ ބޭނުމަށް މުސާރަކޯލޫ ލިބެންޏާ ނިމުނީ ، މުއަދަތު ހަމަވަންދެން ތިބެވޭނީ މުބާ ގޮތަކަށް ސަރުކާރުން ކޮންމެ ފަދަ ކަމެއްކުރިޔަށް ސަނާ ކިޔައިގެން ގޭންގްތަކަށް އާންބަސް ބުނެގެން! ޝުކުރިއްޔާ ޔާމިން!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންސާނާ

12 December 2016

އެޗް.އާރް.ސީ.އެމްގެ މަސްއޫލިއްޔަތަކީ ހަމައެކަނި ރިލުވާން އަށް ވީގޮތެއް ހޯދުމެއްނޫން. ރިލުވާން ގެއްލުމަކީ ހިތާމައިގެ ކޮޅެއްވެސް ނެތް ކަމެއް، އެކަމަކު ރިލުވާންގެ ހައްގު، އާއިލާގެ ހައްގު ހޯދައިދޭން މަސައްކަތް ކުރެވޭނީ ފުލުހުންނަށް. ރިލުވާންގެ އާއިލާއިން އެބުނާ "އެންމެން" ހޯދައި ތަހުގީގުކޮށް ހެދޭނީ ފުލުހުންނަށް، ދެން އިންސާފު ހޯދައިދެވޭނީ ޝަރީއަތުން، މިމަރުހަލާތަށް ލަސްވާތީ ގުޅުން ހުރި ފަރާތްތަކުގެ ހައްގުތަކާއި، ކަންބޮޑުވުންތަށް ކަމާއިބެހޭ ފަރާތްތަކުގެ ސަމާލު ކަމަށް ގެނެސް އެކަންތަށް އަވަސް ކުރުމަށް ކޮމިޝަނުން މަސައްކަތް ކުރާކަމަށް އެބަބުނޭ އަދި އެކަން އާއިލާއަށް އެނގޭ. ދެން ކޮމިޝަނަށް ރިލުވާން ވީމިވެނި ތަނެއްގައި މިވެނި ކަމެއް ވެފައޭ ކިޔާފައި ގޮސް ގެނެސްދެވޭނެހެނެއް ހީނުވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދެންހަމަ

11 December 2016

ސަރުކާރުން ތިބުނާރިލުވާނެށްގެ މައްސަލަ އިންސާފުވެރިކޮށް ނުބަލަންޔާމު ދެންވީނު ރިލުވާނުގެ އާއިލާއިން އެމައްސަލަ ބަލަން ސަރުކާރަށް އެކަންވީގޮތް ނޭންގެންޔާމު ކިހިނެއްތަ އެމައްސަލަ ބަލަނީ ދެން އެހެންނޫނީޔަ ރިލުވާނުގެ އާއިލާއިން ބުނަންވީނު އެކަންކުރި ބައެއް އޭރުންސަރުކާރުން އެމައްސަލަ ބަލާދޭނެ ރިލުވާނު އާއިލާއިން ވާހަކަ ދައްކާގޮތުން ހީވެ ރިލުވާނަށް ވީގޮތް މާރަގަނޅަށް އެއާއިލާޔަށް އެނގޭހެން ދެންކީވެތަ އެކަންސިއްރު ކުރަން ތިއުޅެނީ ވަކިބައެއްގެ ބޮލުގަ އެކަން އަޅުވަންތަ ނޫނިއްޔާ ސަރުކާރުގެ މަތީމަގާމު ތަކުގަ ތިބި ބޭފުޅުންބޮލުގަ އެކަން އަޅުވަން ބޭނުންވަނީތަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައިމިނާ

11 December 2016

ރިޟްވާން ގެއްލުމުން ހޯދުނީ މާލެ ފެރީޓާރމިނަލާހަމަޔަށް ކަންވެދިޔަގޮތް. އޭގެ މިކޮޅު ހޯދޭގޮތެއްނުވި. އަޖާއިބެއްނޫންތޯ؟ ހުޅުމާލޭގަވެސް ކެމެރާހުރޭބަހައްޓާފަ. އެކެމެރާތަކުން ފެންނަ އެއްޗެއް ނޭނގެނީ. ހަމަގަސްދުގަ މިހިސާބަށް މިކަންތައް ހުއްޓާލާފަމިއޮތީ. ހޯދާކަށް ނުވެސްއުޅޭ. ހޯދަން އެއްވެސް މަސައްކަތެއްވެސްނުކުރޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަލީ

11 December 2016

ވޯޓުކަރުދާސް ކޮޅު 500 ރުފިޔާއައް ވިއްކާނުލާތި ޔާމިނައް ގައުމު އޮތީ ވަރައްނާޒުކުހާލެއްގަ މާދަމާ ވަގުން ހިފާހައްޔަރުކޮއް ރިލުވާނުގެ ހަގީގަތް ހޯދުމައް އެހީވެދެއްވާ