ކުޅިވަރު / އެމްޕީއެލް

އެމްޕީއެލްގެ ޕޯޓް ސޭފްޓީ ރަންގައި ބައިވެރިވާން ހުޅުވާލައިފި

އެމްޕީއެލް ޕޯޓް ސޭފްޓީ ރަން ލޯންޗު ކުރުމަށް ބޭއްވި ހަފުލާގެ ތެރެއިން --- ފައިލް ފޮޓޯ: ފަޔާޒު މޫސާ

ހުސެއިން ހަބީބް، މިހާރު

16 ޑިސެމްބަރ 2021 - 18:38

1 comments

އެމްޕީއެލްއިން މިމަހު 31 ބާއްވާ ޕޯޓް ސޭފްޓީ ރަންގައި ބައިވެރިވާން މިއަދު ހުޅުވާލައިފި އެވެ.

ހެލްތު ސޭފްޓީ އަށް އާންމުން ހޭލުންތެރި ކުރުމުގެ ގޮތުން ބާއްވާ ދުވުމަކީ ފަސް ކިލޯ މީޓަރުގެ ދުވުމެކެވެ. އެޕްމީއެލްއިން ބުނީ ބައިވެރިންގެ އަދަދު ލިމިޓްކޮށްފައިވުމުން ވީއެންމެ އަވަހަކަށް ރަޖިސްޓްރީވުމަށް އެދޭ ކަމަށެވެ.

Registration is open now! Limited slots.
Application form: https://t.co/GwwQPwvkxY #PortSafetyRun #PortSafetyWeek2021
— Maldives Ports Limited (@Portmv) December 16, 2021

އެމްޕީއެލް ޕޯޓް ސޭފްޓީ ރަންގައި ބައިވެރިވުމަށް މި ޓްވީޓްގައިވާ ލިންކަށް ޒިޔާރަތް ކުރައްވާ

ދުވުމުގައި ވާދަކުރާ ބައިވެރިންގެ ރަނިން ކިޓް ވިއްކައިގެން ލިބޭ ފައިސާ ހަދިޔާ ކުރާނީ ކުޑަ ކުދިންގެ ހައްގުތަކަށް މަސައްކަތް ކުރާ ޖަމިއްޔާ، އާކް އަށެވެ. ރަނިން ކިޓް ދޫކުރަން ފަށާނީ މިމަހު 27-28 އަށެވެ. މާލެއިން ރަނިން ކިޓް ލިބޭނީ އެމްޕީއެލްގެ އިދާރާއިންނެވެ. ހުޅުމާލެއިން ކިޓް ދޫކާރާނީ އެމްޕީއެލް ހުޅުމާލެ ޓާމިނަލުންނެވެ.

މި ދުވުން ބާއްވާނީ ހުޅުމާލޭގަ އެވެ. އެދުވަހު ހެނދުނު 6:30 ގައި ދުވުން ފަށާނީ ހުޅުމާލޭ ސެންޓްރަލް ޕާކް ސަރަހައްދުންނެވެ. މި ރަން އާ ގުޅޭ އިތުރު މާއުލޫމާތު ހޯދުމަށް 9858685 ނުވަތަ 7926226 އަށް ގުޅުމަށް އެމްޕީއެލްއިން އެދެ އެވެ.

"ހެލްތު ސޭފްޓީ އަށް އަމާޒުކޮށް މި ރަން މި ލޯންޗް ކުރީ ޖެނަރަލް ޕަބްލިކްގެ ވެސް ސިއްހީ ރައްކާތެރި ކަމާއި ސަލާމަތަށް ހޭލުންތެރިކަން އިތުރު ކުރުމަށް،" އެމްޕީއެލް ސީއީއޯ، ޝާހިދު އަލީ ވިދާޅުވެފައިވާ އެވެ.