ޚަބަރު / ރައީސް އިބްރާހިމް މުހައްމަދު ސޯލިހް

ބަންގްލަދޭޝ އިން ދެނީ ފާހަގަކޮށްލެވޭ އެހީތަކެއް: ރައީސް

ރައީސް އިބްރާހީމް މުހައްމަދު ސޯލިހާއި ބަންގްލަދޭޝްގެ ބޮޑުވަޒީރު ޝޭޚު ހަސީނާ ރައީސް އޮފީހުގައި މިއަދު ބައްދަލުުކުރައްވަަނީ. ފޮޓޯ: ނިޝާން އަލީ/މިހާރު

މުހައްމަދު ނަސީމް، މިހާރު

23 ޑިސެމްބަރ 2021 - 14:26

7 comments

ބަންގްލަދޭޝް އިން ރާއްޖެ އަށް ދެނީ ފާހަގަކޮށްލެވޭ ވަރުގެ އެހީތެެރިކަމެއް ކަމަށާއި ރާއްޖޭން އެކަން ބަލައިގަންނަ ކަމަށް ރައީސް އިބްރާހީމް މުހައްމަދު ސޯލިހު މިއަދު ވިދާޅުވެއްޖެ އެވެ.

ބަންގްލަދޭޝްގެ ބޮޑުވަޒީރު ޝޭޚު ހަސީނާއާއާ އެކު ރައީސް އޮފީހުގައި މިއަދު ދެއްވި ގުޅިފައިވައިވާ ބަޔާނުގައި ރައީސްް ވިދާޅުވީ ސިއްހީ ދާއިރާ އާއި މަތީ ތައުލީމާއި އިންސާނީ ތަރައްގީގެ ދާއިރާ އާއި ދިފާއީ ދާއިރާއިން ބަންގްލަދޭޝ އިން ރާއްޖެއަށް ދެނީ ފާހަގަކޮށްލެވޭ ވަރުގެ އެހީތެރިކަމެއް ކަމަށެވެ. ކޮވިޑް-19 ގެ ބަލިމަޑުކަމާ ގުޅިގެން އެ ގައުމުން ރާއްޖެއަށް ވެދިން އެހީއަށް އަށް ރައީސް ޝުކުރު އަަދާކުރެއްވި އެވެ.

ބަންގްލަދޭޝް އަކީ ސިއްހީ ދާއިރާއިން މަތީ ތައުލީމު ހޯދަން ރާއްޖޭގެ ގިނަ ދަރިވަރުންތަކެއް ދާ ގައުމެކެވެ. އެއާ އެކު ވެސް، ދެ ގައުމުގެ ދެމެދުގައި މިއަަދު ސޮއިކުރި، ހެލްތު ޕްރޮފެޝަނަލުން ފޮނުވުމުގެ އެމްއޯޔޫގެ ސަަބަބުން ރާއްޖެ އަށް ވަަރަށް ބޮޑު ފައިދާއެއް ކުރާނެ ކަމަށް ރައީސް ވިދާޅުވި އެވެ.

ބަންގްލަދޭޭޝްގެ ބޮޑުވަޒީރު ޝޭޚު ހަސީނާ، ރައީސް އޮފީހުގެ މެހުމާނުން ސޮއިކުރައްވާ ފޮތުގައި ސޮއިކުރައްވާ އިރު، ރައީސް އިބްރާހީމް މުހައްމަދު ސޯލިހު އަރިހުގައި. ފޮޓޯ: ނިޝާން އަލީ/މިހާރު

"ހެލްތު ޕްރޮފެޝަނަލުން ރެކްރޫޓްކުރުމާ ބެހޭ އެމްއޯޔޫއަކީ އަޅުގަނޑުމެންގެ ސިއްހީ ދާއިރާ ހަރުދަނާ ކުރަން ވަރަށް ބޮޑު އެހީތެރިކަމެއް،" ރައީސް ވިދާޅުވި އެވެ.

އެމަނިކުފާނު ވިދާޅުވި ގޮތުގައި ބަންގްލަަދޭޝްއާ ރާއްޖެއާ ދެމެދު މިއަދު ސޮއިކުރި އެމްއޯޔޫތަކާއި އެއްބަސްވުންތަކުން ރާއްޖެއަށް ގިނަ ފައިދާތަކެއް ކުރާނެ އެވެ. އެއީ ސިއްހީ ޕްރޮފެޝަނަލުން ފޮނުވުމުގެ އެމްއޯޔޫ އާއި ޑަބަލް ޓެކްސޭޝަން ދޫކޮށްލުމުގެ އެއްބަސްވުމަކާއި ކުޅިވަރުގެ ދާއިރާއިން އެއްބާރުލުމުގެ އެމްއޯޔޫއަކާއި މިލިޓަރީ އުޅަނދުތަކެއް ހަދިޔާ ކުރުމުގެ އެއްބަސްވުމެކެވެ.

"އަޅުގަނޑުމެން އުއްމީދުކުރަނީ، ވިޔަފާރި އާއި އިންވެސްޓްމަންޓުގެ ދާއިރާއިން މަޝްވަރާތައް (އިތުރަށް) ކުރިއަށް ގެންދަން. ބަންގްލަދޭޝްގެ މަސަައްކަތްތެެރިން އިގުތިސާދީ އަދި އިޖުތިމާއީ ގޮތުން ރާއްޖެއަށް ކޮށްދޭ ހިދުމަަތަށް، (މަޝްވަރާތަކުގައި) އަޅުގަނޑު ޝުކުރު އަދާކުރިން،" ރައީސް ވިދާޅުވި އެވެ.

އެމަނިކުފާނު ވިދާޅުވީ ދެ ގައުމުގެ ބައިލެޓްރަލް ދާއިރާގެ މަޝްވަރާތަކުގެ އިތުރުން ބައިނަލްއަގުވާމީ އަދި ސަރަަހައްދީ މައްސަލަތަކާ ބެހޭ ގޮތުން ވެސް ބަންގްލަދޭޝްގެ ބޮޑުވަޒީރާ މަޝްވަރާކުރައްވާފައިވާ ކަމަށެވެ. އދ. އާއި ބައިނަލްއަގުވާމީ އެހެން ޕްލެޓްފޯމްތަކުގައި ވެސް ބަންގްލަދޭޝަށް އެއްބާރުލުން ދޭން ތައްޔާރަށް ހުންނެވި ކަމަށް ވެސް އެމަނިކުފާނު ވިދާޅުވި އެވެ.

ބަންގްލަދޭޝް ރާއްޖެ-ބަންގްލަދޭޝް ރައީސް އިބްރާހިމް މުހައްމަދު ސޯލިހް ޝައިޚް ހަސީނާ

7 ކޮމެންޓް, 8 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

120687

25 December 2021

ބަންގްލަދޭޝް އިން ދިން ވެހިކަލަތައް ބަލަހައްޓަން، އެ ގައުމުގެ ފައުޖެއް މިކޮލުގައި ގާއިމްވެ ތިބޭނެ ތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގޮތްފޮތް

24 December 2021

އަމިއްލަ ތިމާމެންގެ ވިޔާނުވާކަމުން އޮތް މައްސަލައެއްގައި ހަޔާތެއް ނުބަހައްޓާ އެހެންމީހުނަށް އިހާނެތިބަހުން އެއްޗެހި ކިޔުމުގެ ބޭނުމެއްނެތް. ދުނިޔޭގެ ހުރިހާ ގައުމުތަކެއް އޮއްވާ ވަކި މިގައުމަށް އެންމެން އައީތަ؟ މީ ތިހާ ގައުމެއްނަމަ މާ ފަގީރު ރައްޔިތުން ބިތި ގައުމުތަކަކުން ހިލޭއެހީ ހޯދަން ދުވާނެތަ؟ ނޫނީ އެގައމުތަކުގެ ނިކަމެތި ރައްޔިތުންގެ ފައިސާ މިގައުމަށް ދޭންވޭތަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮރަލް

24 December 2021

ރާއްޖެ އިން ބަންގްލަދޭޝް އަށް އެތެރެ ކުރާ ޑޮލަރު މާގިނަ ވާނެ އެވެ. 250 ޑޮލަރު އަށް ފިހާރިގަ ބަހައްޓާފަ ހުންނަ ބިދޭސީ ށޭޓް މަހަކު 1500 ޑޮލަރު އެބަ ބޭރު ކުރެ އެވެ. ބޭރުކުރަނީ ބޭންކް އެއް މެދުވެރި ނުކޮށެވެ. އެމްއެމްއޭ އަދި ސަރުކާރަށް ވެސް މިމީހުން ބޭރުކުރާ ފައިސާގެ ތަފްސީލް އެއް ނޭނގެ އެވެ. މަނީ ލޯންޑް ކުރަނީ އެވެ. ބިދޭސީ މުސާރަ އާނުބައްދަލު ބޮޑެތި އަދަދު ތައް ރަށައް ފޮނުވާ އިރު ބެލޭނެ ގޮތެއް އޮންނަން ޖެހެ އެވެ. ދިވެއްސަކު ނަމަ ސުވާލު ގިނަ ވާނެއެވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގާހަކަ

24 December 2021

ކޮރަލް ކީއްވެތަ ފިހާރާގަ 750 ޑޮލަރަށް ވަފާތެރި މުރާލި ދިވެހި ޒުވާނާ ނުބަހައްޓާ 250 ޑޮލަރަށް ބިދޭސީއަކު ބަހައްޓަނީ؟ ގާމު 1000 ޑޮލަރު ސޭވްވީނު. އެގައމުތަކަށް ސަލާންޖަހާގެން އަހަރެމެން އުޅޭއިރު އަހަރެމެން ލަދުގަންނަވަން ނޫޅެބަލަ. ދުނިޔޭގައި މީހުން އުޅޭހެން ތަހުޒީބުވާން ދަސްކުރާކަށް ނުވޭބާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙިނި

23 December 2021

ވަގުންމިނިވަންކޮއް ވަގުންނައް އަދަބުނުދެވޭ ވެރިޔެއް ބެނުމެއްނެތް. ވެރިކަމައް އައީ ރާއްޖެއަކީ މުއްސަންދިގައުމެކޭ ކިޔައިގެން ކެންޕޭނުކޮއްގެން. ވެރިކަންލިބި ބަންދުކުރި ހުރިހާ ވަގުންނާ ޑުރަގު ޑީލަރުން މިނިވަން ތުކިއިރު ކޮބައިތޯ. ޞެނުންވަނީ މަރުގެ އަދަބު ތަންފީޒުކުރެވޭވަރު ގަޓުހުރި ވެރިޔެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލީ ރަމީޒު

23 December 2021

ގަވައިދާ ހިލާފަށް ރާއްޖޭގައި މަސައްކުރާ އަދި ވަގަށް އެތެރެވެގެން އުޅޭ ބަންގާޅިން ރާއްޖެ ބޭލުމަށާއި އަދި ބަނަްގާޅިން އިސްވެތިބޭ ހިންގާ ހަށިވިއްކުމުނުގެ ޖަރީމާތަކާއި މީހުން މެރުމުގެ ޖަރީމާތަށް ހުއްޓުވުމަށް ދިވެހި ސަރުކާރަށް ގޮވާލަން. އެހެންނޫނީ މި ގައުމުގެ ހާލަތު ވަރަށް ނުރައްކާވެ ކަންކަން ގޯހުންގޯހަށް ދިއުމަކީ ވަރަށް ގާތްކަމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސްނުހީނާ

23 December 2021

އެއްމެ ބޮޑު، އަދި ދިވެހިންނަށް އެއްމެ ފައިދާ ކުރާނެ އެއްބަސްވުމަކަށްވާނީ، މިގައުމުގައި ގަވައިދާއި ޚިލާފަށްއުޅޭ ބަނަގާޅު އެއްމެން ބަންގާޅަށް ގެންދިއުން!