އައިޖީއެމްއެޗުގެ 25 ބުރީގެ އިމާރާތުގެ ބިންގާ އެޅުމުގެ ރަސްމިއްޔާތުގައި ރައީސް ވާހަކަފުޅު ދައްކަވަނީ -- ފޮޓޯ: ރައީސް އޮފީސް
05 ޖޫން 2016 - 23:21
23 comments
ބޮޑެތި ކުށްތަކަށް އަރައިގަނެ އެކަކު އަނެކުގެ ފުރާނަ ދުއްވާލާތަން ބައްލަވަން ނުހުންނަވާނެ ކަމަށާއި ކުށްތަކަށް އަރައިގަންނަ މީހުން އެކަން ހުއްޓާލުމަށް ރައީސް އަބްދުﷲ ޔާމީން މިރޭ ގޮވާލައްވައިފި އެވެ.
އައިޖީއެމްއެޗްގެ އާ އިމާރާތުގެ މަސައްކަތް ފައްޓަވައި ދެއްވުމަށް ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސް ވަނީ ކުށްތަކަށް އަރައިގަންނަ މީހުން ދެވަނަ ހިޔާލެއްގައި ތިބި ނަމަ އެ ހިޔާލު ދޫކޮށްލުމަށް އެދިވަޑައިގެންފަ އެވެ.
ރައީސް ވިދާޅުވީ ސަރުކާރު ދެމިއޮތް ހިނދަކު ރާއްޖޭގައި މަރުގެ ހުކުމް ތަންފީޒު ކުރާނެ ކަމުގެ ޔަގީންކަން ދެއްވާ ކަމަށެވެ.
ރައީސް ވިދާޅުވި ގޮތުގައި ރާއްޖޭގައި ހިނގާ ބޮޑެތި ކުށްތައް ހުއްޓުވުމަށް ސަރުކާރާއި ތަހުގީގީ އިދާރާތަކުން ކެނޑިނޭޅި އަންނަނީ މަސައްކަތް ކުރަމުންނެވެ. އެގޮތުން ޝަރުއީ ކޯޓުތަކުގައި ހުރި މަރުގެ މައްސަލަތައް އަވަސް ކުރުމަށް މަޝްވަރާ ކުރެއްވި ކަމަށާއި ސުޕްރީމް ކޯޓާއި ކްރިމިނަލް ކޯޓަށް ހުށަހަޅާފައިވާ މަރުގެ މައްސަލަތައް އަވަހަށް ނިންމާނެކަމުގެ ޔަގީންކަން ލިބިވަޑައިގެންފައިވާ ކަމަށް ރައީސް ވިދާޅުވި އެވެ.
އައިޖީއެމްއެޗުގެ 25 ބުރީގެ އިމާރާތުގެ ބިންގާ އެޅުމުގެ ރަސްމިއްޔާތުގައި ރައީސް ވާހަކަފުޅު ދައްކަވަނީ -- ފޮޓޯ: ރައީސް އޮފީސް
ކުށްތަކަށް އަރައިގަތުން އިތުރުވަމުން ދަނީ ޝަރުއީ ދާއިރާގެ ގިނަ މަރުހަލާތަކެއް ކަޑައްތު ކުރަން ހުރުމުން ކަމަށް ވެސް ރައީސް ވިދާޅުވި އެވެ.
މިކަން ކަމަކީ ހަމައެކަނި ރައީސް ވިދާޅުވެގެން ބުނަން ޖެހޭ ކަންކަމެއް ނޫން. މިކަންކަމަކީ ދިވެހިންގެ ހައްގުގައި އެކަމެއް ބެލުމަށް ޒިންމާ އުފުލިފައި ތިބި މުއައްސަސާއަކުން ޒިންމާ އުފުލަން ޖެހޭ ކަންކަން. --ރައީސް
ރައީސް ވިދާޅުވީ ޝަރުއީ ދާއިރާގައި ހުރި މައްސަލަތައް ހަލުވިކަމާ އެކު ނިންމާ ނަމަ، ޖިނާއީ ބޮޑެތި ކުށްތަކަށް އަރައިގަތުމުގެ ފުރުސަތު ނެތް ކަން އެ ކުށްތައް ކުރާ މީހުންނަށް ވެސް އެނގިގެންދާނެ ކަމަށެވެ. އެހެންކަމުން ސަރުކާރުން ކޯޓުގެ ހުކުމްތައް ތަންފީޒު ކުރަން ކެތް މަދުވެފައި ތިބި ކަމަށް އެމަނިކުފާނު ވިދާޅުވި އެވެ.
"ރާއްޖޭގައި އާންމުވާކަށް އަޅުގަނޑު ހަމަ އެއްގޮތަކަށް ވެސް ބޭނުންވާ ކަމެއް ނޫން، (މީހުންގެ ފުރާނަ ދުއްވާލުމަކީ). އެހެންވީމަ މިކަން އެބަ ހުއްޓުވަން އެބަޖެހޭ،" ރައީސް ވިދާޅުވި އެވެ.
ރައީސް ވިދާޅުވީ ޝަރުއީ ދާއިރާގެ މައްސަލަތައް އަވަސް ކުރުމަކީ މުޅި އުންމަތް އެކަމަށް އެދިއެދި ތިބި ކަމެއް ކަމަށެވެ. އަދި ސަރުކާރުން ކޮންމެ ކަމެއް ވެސް ކުރާނީ ގާނޫނީ ތަރަހައިގެ ތެރެއިން ކަމަށް ވެސް ވިދާޅުވި އެވެ.
މާލޭގައި މިދިޔަ ހުކުރު ދުވަހު ހިނގި މާރާމާރީގައި 14 އަހަރުގެ ދެ ފިރިހެން ކުއްޖަކު ވަނީ މަރާލައިފަ އެވެ. އެގޮތުން އެ ދުވަހު ހަވީރު ހިނގި މާރާމާރީގައި ކަރަށް ވަޅި ހެރުމުން ކ. ކާށިދޫ އަހްމަދު އިރުޝާން މަރުވި އިރު އޭގެ ތިން ގަޑިއިރު ފަހުން ބުރަކައްޓަށް ވަޅި ހަރައިގެން މަރުވީ މާލެ އަށް އުފަން ފާތިރު މުހައްމަދެވެ.
ފުލުހުން ބުނީ ދެ ކުދިންގެ މަރާ ގުޅިގެން ދެ ކުއްޖަކު ހައްޔަރުކޮށް އިތުރު ބަޔަކު ހޯދުމުގެ މަސައްކަތް ކުރަމުން އަންނަ ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހޫރޯ
07 June 2016
ބަލަން ތިއްބަވަނީ ހަމަ، ކުރިން ބްރޯއަށް މިހާރު އަސްލުމީހާއަށް ކޮންހާ ބާރުތަކެއްތޯ ދެއްވީ، އޭގެ ނަތީޖާ ނޫންތޯ ގޭންގުތައް ބާރުވެރިވެގެން މިއުޅެނީ. މިއީ އެންމެނަށްވެސް އެނގޭ ބޮޑެތި ސިއްރު ބިރުން ހައްޕު ކިޔައިގެން، ނުވަތަ ލިބޭ މަންފާއަކަށްޓަކައި ތިބެނީ. ތިޔަކަމުގައިވެސް ވާނެގޮތަކީ އިސްލާމީ ޝަރީޢަތުގައި މަރުގެ ޙުކުމް ތަންފީޛުކުރަން އޮތް ގޮތް ބާއްވާފައި ސިޔާސީގޮތުން މީހުން މަރާނީ. ދެރަކަމުގެ ކޮޅެއްވެސް ނެތް.
ގޭންގްޒް
07 June 2016
އަފިހުން ދިނީމާ ރައްޔިތުން ތިޔަ ކަމެއްވެސް ހަނދާން ނެތިދާނެ.. ކޮންއިރަކުން ތޯ އަފިހުން ކޮޅު ބައްސަވަނީ
މަމެން
07 June 2016
ގައުމީ މައްސަލައަކަށް މިކަން ނުވޭތޯ؟ މާލެ އަމާން ތަނަކަށް ނުހެދޭނަމަ ވެރިއަކު މިގައުމުގައި ހުރުމުގެ ބޭނުމެއްނެތް. އެމީހަކަށް އެމީހެއް. މަތިމައްޗަށް ހުކުމްކޮށްފަތިބި އެތައް ކުއްވެރިންނެއް މިހާރުވެސް މަގުތަކުގައި އެއުޅެނީ. މޫނަށް ކަނދުރާއަށް ބަލަންހަދައިގެން މިކަންކަން ނުވެގެން ތިއުޅެނީ. ގައުމީ ޓާސްކް ފޯހެއް ހަދަންވެއްޖެ ނޫންތޯ. ރާއްޖޭގެ ހުރިހާ ރައްޔިތުންގެ ހައްގުގައި މާލެ އަމާން ތަނަކަށް ހަދަން ނުކުންނާކަށް ނުވޭތޯ؟
ބޫ
07 June 2016
ތަންފީޒުކުރާނަމޭ ވިދާލުވަނީ ރައްޔިތުންގެ ލޮލުގައި އަނދުން އަޅުވައި މާ ދީނަށް ލޯބިކުރައްވާކަމަށް ވިސްނައިދެއްވަންތޯ؟ ހައްޔަރުކުރި އެކަކާވެސްމައްސަލަޔާ ގުޅުމެއް ނެތިގެން ދޫކޮށްލުމުން ބައްލަވަން ނުހުންނަވާނެކަން އެބަ އެނގޭ.
މޮހޯ
07 June 2016
ޢެހެންވެއްޖެއްޔާ ބަލަންނުހުރެ އަވަހައްނިދާލާ
ތަންފީޒު
06 June 2016
ތަންފީޒު ނުކުރެވިގެން ތިޔަ އުޅެނީ ކީއްވެތަ؟ މަޖިލިސް ހިތަކަށް ލިބިފަ، ޝަރުއީ ދާއިރާ މުށުތެރޭގައި، ވެރިކަމުގައި ހުންނެވީ ވެސް ހަމަ ތިބޭފުޅާ ނޯންތޯ...
ޝާފީ
06 June 2016
އެކަންވެސް ނުބެލީމަވީނު، އެބަބެލޭތަ ކަމެއް؟
އަދުރޭ
06 June 2016
ބަލާނެކަމެއްނެތް ބެލިޔަސް ކުރެވޭނެކަމެއް ނެތީމާ ދެން ނުވެސްބަލާނެތާ
މެންޓަލިސްޓް
06 June 2016
މަނިކުފާނު ވެރިކަމަށް އައިފަހުން 19 މީހުން މަރައިފި ގޭންގް ހަނގުރާމައިގައި ، އެހެންވީމަ ކޮންކަމެއްތޯ ތިޔަކުރެވުނީ ؟ ދެންއޮތީ ހުމާމްމަރާލުން ، އޭރުން އަފްރާޝީމްގެ މައްސަލަ ވަޅުލެވުނީ ، އެކަމަށް ޙަރަދުކުރިމީހުނާއި ބައިވަރިވި އެހެންމީހުން ސަލާމަތްވީ . އެހެންނޫންތޯ ؟؟
މިނިވަން ޚިޔާލް
06 June 2016
ދެން ކީއްތޯ ކުރައްވާނީ... ހީއެއްނުވޭ އެއްވެސްކަމެއް ކުރެވޭނެހެން. މޮޅުވާހަކަދެއްކިދާނެ. މިގައުމު މިހިސާބަށް ދިޔައީވެސް މަނިކުފާނާއި މަނިކުފާނުގެ ތުއްދޮންބެ ވެރިކަމުގަ ތިއްބާނޫންތޯ. މިހުރިހާކަމެއްގެ އަސްލުކަމަށްވާ މަސްތުވާތަކެތީގެ ހާއްޔަކަށް ގައުމުބަދަލުވީވެސް ފުރިހަމަބާރާއި އިޚްތިޔާރު ލިބިފައިވަނިކޮށްނޫންތޯ! އެދުވަހު ނުކުރެވުނުކަމެއް މިއަދު ކިހިނެތްތޯ ކުރާނީ. ތިވިދާޅުވާ "އަފިހުން" ދީގެންވެސް ރަގަޅުވެއްޖިއްޔާ ރަގަޅު.