99 ޕަސެންޓް އިންޖީނުގެތައް އާއްމުން އުޅޭ ސަރަހައްދާ ދުރަށް

ފެނަކައިން ރަށެއްގެ އިންޖީނުގެ އެޅުން ފެށުމަށް ބޭއްވި ރަސްމިއްޔާތެއްގެ ތެރެއިން--ފޮޓޯ:ފެނަކަ

ފާތިމަތު ޝަނާ މުހައްމަދު، މިހާރު

31 ޑިސެމްބަރ 2021 - 14:37

ރަށްރަށުގެ އިންޖީނުގެތައް އާއްމުން ދިރިއުޅޭ ސަރަހައްދުތަކާ ދުރަށް ގެންދިއުމުގެ މަސައްކަތުގެ 99 ޕަސެންޓް ނިމިފައިވާ ކަމަށް ފެނަކައިން ބުނެފި އެވެ.

ފެނަކައިން ބުނީ މި މަސައްކަތުގެ ދަށުން މ. ރަތްމަންދޫގެ އިންޖީނުގެ ވެސް އަޅާނީ އާންމުން ދިރިއުޅޭ ސަރަހައްދާ ދުރުގައި ކަމަށެވެ.

އިންޖީނުގެތައް އާންމުން ދިރިއުޅޭ ސަރަހައްދުތަކުގައި ހުރުމުން އެކަމުގެ އުނދަގޫތައް އެ ސަރަހައްދުތަކުގައި އުޅޭ މީހުންނަށް ކުުރިމަތިވެ އެވެ. އާންމުގޮތެއްގައި ރަށްރަށުގައި ވެސް އިންޖީނުގެތައް އަޅާފައި ހުންނަނީ އާންމުން އުޅޭ ސަރަހައްދުތަކާ ދުރުގަ އެވެ.

އެކަމަކު އިންޖީނުގެތައް ބަދަލުކުރަން ޖެހެނީ ރަށްރަށުގެ އާބާދީ އިތުރުވެ، އިންޖީނުގެއާ ކައިރިން އާންމުންނަށް ގޯތި ދޭން ފެށުމުންނެވެ.

މީހުން ދިރިއުޅޭ ސަރަހައްދުތަކުގައި ހުރި އިންޖީނުގެތައް އެކަހެރި ސަރަހައްދުތަކަށް ބަދަލު ކުރުމަށް ރައީސުލްޖުމްހޫރިއްޔާ އިބްރާހީމް މުހައްމަދު ސޯލިޙް ވެ ވަޑައިގެންނެވި ވައުދު ރަތްމަންދޫ އިންޖީނުގޭގެ ބިންގަލާއި އެކު 99% ހާސިލް ކުރެވިފައިވާކަން އުފަލާއިއެކު ފާހަގަކުރަން.
— Fenaka Corporation Ltd (@TeamFenaka) December 30, 2021

ފެނަކަ ޓްވީޓް

ފެނަކައިން ރާއްޖޭގެ 150 ރަށެއްގެ ފެނާއި ކަރަންޓުގެ ހިދުމަތް އަންނަނީ ފޯރުކޮށްދެމުންނެވެ. އެ ކުންފުނިން ކަރަންޓް ހިދުމަތް ފޯރުކޮށްދޭ ހުރިހާ ރަށެއްގެ އިންޖީނުގެތައް މިހާރު ވަނީ އާންމުން އުޅޭ ސަރަހައްދުތަކާ ދުރަށް ރީލޮކޭޓްކޮށްފަ އެވެ.

ކަރަންޓު އިންޖީނުގެ ފެނަކަ ކޯޕަރޭޝަން

4 ކޮމެންޓް, 1 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފަހުދު

01 January 2022

150 އިންޖީނުގެ %99 ބަދަލުކުރީތޯ؟ ނޫނީ އޭގެތެރެއިން ކޮންމެވެސް އަދަދެއްގެ %99 ތޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހައްވާ

31 December 2021

ގދ- ގައްދޫ އާއި ގއ- ގެމަނަފުށި އިންޖީނުގެ ހުންނަނީ ރަށުގެ މެދުގައި ، ވަށާގެން އުޅޭ ގޭގޭގެ މީޙުންނަށް ދުމުގެ އަސަރުކޮށް ވަރަށް އުދަގޫވޭ ، 99 ޕަސެންޓް އެއީ އަދުރޭގެ ހިސާބުން ސައީދު ދަސްކުރި ހިސާބެއްތޯ ؟؟؟؟