ޑައިވިނަށް ގޮސް އުޅެނިކޮށް ގެއްލުނު ޓޫރިސްޓް މީހާ ހޯދުމަށް އެމްއެންޑީއެފުން ކަނޑުގެ ސަރަހައްދު ބަލަނީ.-- ފޮޓޯ: އެމްއެންޑީއެފް
16 ޖެނުއަރީ 2022 - 16:16
4 comments
އދ. މާންދޫ ކައިރި ފަރަކަށް އިއްޔެ ޑައިވިނަށް ފައިބައި އުޅެނިކޮށް ގެއްލިއްގެން ހޯދަމުން ދިޔަ ޓޫރިސްޓް ކަނޑުއަޑީގައި މަރުވެފައި އޮއްވައި މިއަދު ފެނިއްޖެ އެވެ.
އެމްއެންޑީއެފުން ބުނީ އެމީ ހާ ހަށިގަނޑު ފެނިފައިވަނީ އޭނާ ގެއްލުނު ފަރާ ވަރަށް ކައިރިން، ކަނޑުގެ 15 މީޓަރު އަޑިން ކޯސްޓް ގާޑްގެ ޑައިވަރުންނަށް ކަމަށެވެ. ހަށިގަނޑު މިހާރު ކަނޑުއަޑިން ނަގާފައިވާ ކަމަށް އެމްއެންޑީއެފުން ބުންޏެވެ.
އުމުރުން 69 އަހަރުގެ އިނގިރޭސިވިލާތުގެ އެ އަންހެން މީހާ ގެއްލުނުކަން އެމްއެންޑީއެފަށް ރިޕޯޓްކުރީ އިއްޔެ މެންދުރު ފަހު އެވެ.
"ގޮމަ" ނަމަކަށް ކިޔާ ދޯންޏެއްގައި އޭނާއާ އެކު އިތުރު ޓޫރިސްޓުންތަކެއް ވެސް އިއްޔެ ޑައިވިނަށް ދިޔަ އެވެ.
ގެއްލުނު މީހާ ހޯދުމަށް އެންއެންޑީއެފުން ވަނީ ކަނޑުގެ ބޮޑު ސަރަހައްދެއް ކަނޑާއި ވައިގެމަގުން ބަލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙިނި
17 January 2022
އުމުރުން ދުވަސްމީ ޓޫރިސްޓުންނައް ހާއްސަ ސަމާލުކަން ދޭންޖެހޭ
ނަޖްވާ
17 January 2022
ޑައިވިންގ އަށާއި ސްނޯކްލިންގ އަށް ގޮސްގެން ޓޫރިސްޓުންނަށް ދިމާވާ ހާދިސާތައް މެދުވެރިވާ ސަބަބުތައް ހޯދާ ދިރާސާކޮށް އެފަދަ ހާދިސާތައް މެދުވެރިވުން މަދުކުރެވޭނެ ގޮތްތަކެއް އެބަ ހޯދާ ބަލަން ޖެހޭ ކަމަށް ދެކެނީ! އެ މީހުންނަކީ ޑައިވިންގ ސެޓްފިކެޓް އޮތް ބައެއްތޯއާ އެއްވެސް ކަހަލަ ސިއްހީ މައްސަލައެއް ހުރިތޯ ބަލާފަތޯ ޑައިވިންގ އަށް ނޫނީ ސްނޯކްލިންގ އަށް ގެންދަނީ! މި ކަންކަން ބެލެންޖެހޭނެ ކަމަށް ދެކެނީ!
ޑައިވަރ
16 January 2022
މަރުހަބާ ކޯސްޓްގާރޑް ޑައިވާރސް
ޕިލާން
16 January 2022
ގެސްޓުން ޑައިވިންގއަށް ގޮސް ގެއްލޭ އިރު ޒިންމާވާނެ ފަރާތެއް ނުހުރޭބާ؟؟ލައިސަންސް އޮތް މީހުނާ އެކުގައިތޯ ދަނީ..