އެންމެ ބޮޑެތި ބައެއް މަހުޖަނުން.
18 ޖެނުއަރީ 2022 - 06:10
5 comments
ކޮވިޑް-19 ގެ ވަބާގެ ތެރޭގައި އުޅޭތާ މިހާރު ދެ އަހަރަށް ވުރެ ގިނަ ދުވަސްވެގެން ދިޔަ އިރު، މި ބަލިމަޑުކަމުގެ ތެރޭގައި ވެސް ދުނިޔޭގެ އެންމެ ބޮޑެތި މަހުޖަނުންގެ ތަނަވަސްކަން ދިޔައީ އިތުރުވަމުން ކަމަށާއި އެއާ އެކު ފަގީރު ގައުމުތަކުގެ ހާލަތު ދިޔައީ އިތުރަށް ގޯސްވަމުން ކަމަށް ހިލޭ ސާބަހަށް މަސައްކަތްކުރާ ޖަމިއްޔާ އޮކްސްފަމް އިންޓަނޭޝަނަލް އިން ބުނެފި އެވެ.
ދިރިއުޅުމުގެ ހާލަތުގައި ހުންނަ ފަރަގުތަކުގެ މައްސަލަތަކާ ބެހޭ ގޮތުން އާންމުކޮށް ވަކާލާތުކުރާ ޖަމާއަތުން ބުނި ގޮތުގައި ކޮވިޑްގެ ބަލިމަޑުކަމުގެ ތެރޭގައި ވެސް ދުނިޔޭގެ އެންމެ މުއްސަނދި 10 މީހުންގެ ތަނަވަސްކަން ދެގުނަ އުފުލިފައިވެ އެވެ.
އޮކްސްފަމް އިން ބުނި ގޮތުގައި އެންމެ ބޮޑު 10 މަހުޖަނުންނަށް ލިބެމުން ދިޔަ އާމްދަނީ 2020 ގެ މާޗްގެ ފަހުން ފެށިގެން ދިޔައީ އިންތިހާ އަށް އިތުރުވަމުންނެވެ. އަދި މިފަދަ ޓްރެންޑެއް އުފެދެމުން ދިޔަ އިރު، ދުނިޔޭގެ އިގުތިސާދީ ހާލަތަށް އެރި ލޮޅުމާ އެކު ފަގީރު ގައުމުތަކާއި އެ ގައުމުތަކުގެ މީހުންގެ ހާލަތު ދިޔައީ އިންތިހާ އަށް ދަށްވަމުންނެވެ.
ބިލިއަނަރުންގެ ޖީބުތައް ބޮޑުތަނުން ބަރުވަމުން ދިޔަ އިރު ކުޑަ އާމްދަނީ ލިބޭ ފަގީރު ގައުމުތަކުން ކޮވިޑްގެ ބަލިމަޑުކަމުގެ ތެރޭގައި ދުވާލެއްގެ މައްޗަށް 21،000 އެއްހާ މީހުންގެ ފުރާނަ ގެއްލެމުން ދިޔަ ކަމަށް ވެސް ބުންޏެވެ.
The poor die from COVID while the rich get richer, Oxfam warns https://t.co/anPjRCdraE via @AJEnglish #FightInequality #InequalityKills
— Oxfam International (@Oxfam) January 17, 2022
މީގެ ސަބަބުން އިގުތިދާސީ ގޮތުން ވެސް ބޮޑެތި ފަރަގުތައް އުފެދި، ހަމަހަމަކަން ނެތުމުގެ މައްސަލަ އިތުރަށް ބޮޑުވަމުން ދިޔަ ކަމަށް ބުންޏެވެ.
"ދުނިޔޭގެ އާބާދީގެ 99 ޕަސެންޓް މީހުން ދިގު ލޮކްޑައުންއެއްގައި ތިބި އިރު ވެސް މަހުޖަނުން އިތުރަށް މުއްސަނދިވެ، ފަގީރުންގެ ހާލަތު ދިޔައިީ ކަންބޮޑުވާ މިންވަރަށް ދަށްވަމުން،" އޮކްސްފަމްސްގެ އިނގިރޭސިވިލާގެ ޗީފް އެގްޒެކެޓިވް ޑެނީ ސްރިސްކަންދަރާޖާ ވިދާޅުވި އެވެ.
We’ve almost hit the two year mark of the pandemic, and the dark reality is that our world leaders are still putting profits over people. #TaxTheRich https://t.co/SKY6hWynYf
— OxfamAmerica (@OxfamAmerica) January 17, 2022
އޭނާ ވިދާޅުވީ ކޮވިޑްގެ ބަލިމަޑުކަމާ އެކު ބައިނަލްއަގުވާމީ ވިޔަފާރި އާއި ޓޫރިޒަމް ދާއިރާ ފަދަ ބޮޑެތި އިންޑަސްޓްރީތަކަށް ލޮޅުން އަރަމުން ދިޔަ އިރު 160 މިލިއަނެއްހާ މީހުން ދިޔައީ ބަނޑަށް ޖެހެމުންނެވެ.
"މިއީ ހަމަ ހަގީގަތުގައި އިގުތިސާދި ނިޒާމުގެ ބޭއިންސާފުކަމުގެ ތެރެއިން ވަރަށް ފުންކޮށް ވިސްނަން ޖެހޭ ބޮޑު މައްސަލައެއް،" ޑެނީ ވިދާޅުވި އެވެ.
ދުނިޔޭގެ އެންމެ މުއްސަނދި 10 މީހުންގެ ތެރޭގައި ހިމެނެނީ އީލޮން މަސްކް (286.1 ބިލިއަން ޑޮލަރު)، ޖެފް ބެޒޯސް (188 ބިލިއަން ޑޮލަރު)، ބާނާޑް އާނޯލްޓް (186.2 ބިލިއަން ޑޮލަރު)، ބިލް ގޭޓްސް (134.5 ބިލިއަން ޑޮލަރު)، ލެރީ އެލިސަން (120.1 ބިލިއަން ޑޮލަރު)، މާކް ޒަކަބާގް (117.5 ބިލިއަން ޑޮލަރު)، ވޮރެން ބުފެޓް (116.9 ބިލިއަން ޑޮލަރު)، ސާޖީ ބްރިން (115.1 ބިލިއަން ޑޮލަރު) އަދި މުކޭޝް އަމްބާނީ (98.7 ބިލިއަން ޑޮލަރު) އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ.
18 January 2022
އައިރު މުސްލިމުން ކަމުގައިވިޔަސް އީލޮން މަސްކް، ޖެފް ބެޒޯސް، ބާނާޑް އާނޯލްޓް، ބިލް ގޭޓްސް، ލެރީ އެލިސަން، މާކް ޒަކަބާގް، ވޮރެން ބުފެޓް އަދި ސާޖީ ބްރިން އާއި މުކޭޝް އަމްބާނީ ފަދަ މަހުޖަނުންނަކީ އެމީހުންގެ މުައްސަނދިކަމަކީ އެމީހުންގެ މުވައްޒަފުންގެ ބުރަމަސައްކަތްވެސް ހިމެނޭގޮތުން ކާމިޔާބުކުރެވިފައިވާ މަސައްކަތެއްކަންޤަބޫލުކޮށް އެމީހުނަށް ރަނގަޅު މުސާރައާއި އިތުރު ބެނެފިޓްދީގެން ތިބި އިޙްލާސްތެރި އަދި ސީއެސްއާރަށް ހޭދަކުރާ ދީލަތި ބައެއް.
ހުސް ދޮގު ތިއީ
19 January 2022
އައިރު މުސްލިމުން ކަމުގައިވިޔަސް އީލޮން މަސްކް، ޖެފް ބެޒޯސް، ބާނާޑް އާނޯލްޓް، ބިލް ގޭޓްސް، ލެރީ އެލިސަން، މާކް ޒަކަބާގް، ވޮރެން ބުފެޓް އަދި ސާޖީ ބްރިން އާއި މުކޭޝް އަމްބާނީ ފަދަ މަހުޖަނުންނަކީ ހަގީގަތުގައި އެމީހުންގެ މުވައްޒަފުންނަށް އިހާނެތިކޮށްހިތާ، ކުޑަމުސާރައެއްދީ، ޗުއްޓީވެސް ގިނަފަހަރު ނުދީ، އަޅުންގެ ގޮތުގައި ގެންގުޅޭ ބައެއް. ސީދާ ގާރޫނުންތަކެއް އެމީހުންނަކީ. އެމޭޒަންގެ މުވައްޒަފުން އުޅޭ ހާލު ބެލިންތޯ؟
އިސްމާލި
18 January 2022
އެއާ ހިލާފަށް މި ގައުމުގެ މިލިއަނަރުން އިތުރަށް ފަގީރުވެ، ރައްޔިތުން ގެ ޓެކްސް ފައިސާ އިން އެތައް މިލިއަން ރުފިޔާ ގެ ޓެކްސް އެމީހުނަށް މާފުކޮށްދީ، އެމީހުންގެ ވިޔަފާރިތަކުގެ މުދަލުން ޓެކްސް ކަނޑައި ހަދައިފޫއެވެ.
ހަލީފް
18 January 2022
ތިބުނާ މުއްސަދިން އިތުރަށް މުއްސަދިވީ ކީއްކޮށްގެންތަ؟؟ރާއްޖޭގެ ޑޮކްޓަރުންތަކެއް މިލިއަނުން ފައިދާނެގި ޕީސީއާރ ހެދީތަ؟
އަފްރާސިޔާބު
18 January 2022
ވެކްސިނަށް އިންވެސްޓް ކޮށްގެން އަދި ސިއްރު ކުންފުނިތައް މެދުވެރިކޮށް ގައުމުތަކަށް "ހިލޭ" ވެކްސިން ވިއްކައިގެން. ދެނެހުރިންތޯ ނޭފަތަށް އެ ކޮއްޕާ ކަފަ ބުރެއްގެ އަގަކީ ވެސް 35 ޔޫ.އެސް.ޑޮލަރ. އެހެންވީމާ އެމީހުން މުއްސަނދި ނުވިއްޔާ ދެރަ.