މިނިސްޓަރު މައުސޫމް ގއ. ވިލިނގިލީގެ ކައުންސިލާ ބައްދަލު ކުރައްވަނީ-- ފޮޓޯ: މިހާރު
23 ޖެނުއަރީ 2022 - 11:43
24 comments
ރާއްޖެ އަށް ޓޫރިސްޓުން އަންނަނީ ބަރަހަނާވެ އުޅެން ނޫން ކަމަށާއި އެއީ ހޯމް ސްޓޭ ޓޫރިޒަމް ފަށާއިރު ކަންބޮޑުވާން ޖެހޭ ކަމެއް ނޫން ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް އިއްޔެ ވިދާޅުވެއްޖެ އެވެ.
ގއ. އަތޮޅުގައި ލޯކަލް ޓޫރިޒަމް ފުޅާ ކުރުމުގެ މަޝްވަރާތަކަށް އެ އަތޮޅަށް ކުރައްވަމުން ގެންދަވާ ދަތުރުގައި ވެރިރަށް ވިލިނގިއްޔަށް ވަޑައިގެން މިނިސްޓަރު ވިދާޅުވީ ހޯމް ސްޓޭ ފަށަން ނިންމެވީ ވެސް ވަރަށް ބޮޑަށް ވިސްނެވުމަށް ފަހު ކަމަށެވެ. މިހާރު ރާއްޖެއަކީ ސަގާފީ ޓޫރިޒަމް އޮތް ގައުމަކަށް ވާއިރު މީހުން ދިރިއުޅޭ ރަށްތަކަށް ދަތުރުކުރާ ހުރިހާ ޓޫރިސްޓުންނަކީ ވެސް އެ ސަގާފަތް ތަޖުރިބާ ކުރަން ދާ ބަޔަކަށްވާއިރު ބަރަހަނާ ހާލުގައި އުޅެން ބޭނުންވާ ބަޔަކު ރަށްތަކަަށް ނުދާނެ ކަމަށް އޭނާ ވިދާޅުވި އެވެ.
މައުސޫމް ވިދާޅުވީ އެންމެ ފުރަތަމަ ގެސްޓްހައުސް ވިޔަފާރި ފެށި އިރު، ޓޫރިސްޓުންގެ ސަބަބުން ރަށުގެ މާހައުލު ހަލާކުވާނެ ކަމަށް ބުނި ނަމަވެސް މިއަދު ގެސްޓްހައުސް ޓޫރިޒަމަކީ ކާމިޔާބު ޕްރޮޑަކްޓެއް ކަމަށެވެ. ގެސްޓްހައުސް ޓޫރިޒަމާ އެއްގޮތަށް ރަނގަޅަށް ރެގިއުލޭޓް ކުރެވިއްޖެ ނަމަ ހޯމްސްޓޭއަކީ ވެސް ރަށުގެ އެންމެންނަށް މަންފާ ލިބޭނެ ޕްރޮޑަކްޓަކަށް ވާނެ ކަމަށް އޭނާ ވިދާޅުވި އެވެ.
"ވަރަށް ކުރިން 1980 ގެ އަހަރުތަކުގައި އޮތް އެއްޗެއް ހިޕީ ޓޫރިޒަމަކީ. އެގޮތަށް ބަރަހަނާވެގެން އުޅެން މިހާރު ޓޫރިސްޓުން ބޭނުމެއް ނުވޭ. ގެސްޓުން އަންނައިރު އެ މީހުންނަށް ރަށުގެ އާއްމު އިޖުތިމާއީ މިންގަނޑު ރަނގަޅަށް ކިޔައިދިނީމަ އެގޮތަށް އަމަލު ކުރާނެ. ކަލްޗަރަލް ޓޫރިޒަމް ތަޖުރިބާކުރަން ގިނަ ޓޫރިސްޓުން އަންނަނީ ވެސް،" މައުސޫމް ވިދާޅުވި އެވެ.
"އަޅުގަނޑު ވަރަށް ބަލައިފަ މިކަން ފަށަން ނިންމީ ވެސް. އެފަދަ ކަމެއް ވާނެ ކަމަށް ހީވާ ނަމަވެސް އަޅުގަނޑު ސޭފްޓީ މެޝާސް ވަރުގަދަ ކުރާނަން. ރާއްޖޭގައި މިކަން މެނޭޖް ކުރެވޭނެ."
ދާންދޫ ދާއިރާގެ މެމްބަރު ޔައުގޫބް އަބްދުﷲ ވިދާޅުވީ ރަށެއްގެ ރައްޔިތުން ނުރުހޭ ނަމަ ހޯމް ސްޓޭ އެ ރަށެއްގައި ނުފަށާނެ ކަމަށެވެ. ހޯމްސްޓޭގެ ސަބަބުން ރަށުގެ އާއްމު ހާލަތު ގޯސްވާނެ ކަމަށް ދައްކާ ވާހަކަތަކަކީ ސިޔާސީ ބޭނުމެއްގައި ދައްކާ ވާހަކައެއް ކަމަށާއި ރައްޔިތުންނަށް މަންފާވާ ކަންކަމުގައި ހިޔާލުތަފާތުވުން ދުރުކުރަން ޖެހޭ ކަމަށް ވެސް އޭނާ ވިދާޅުވި އެވެ.
"މާފުށީގައި ގެސްޓްހައުސް ވިޔަފާރި ކުރާތާ 12 ވަރަަކަށް އަހަރުވަނީ. ކިތަށް މީހުން ދީން ދޫކޮށްލީ. އެމްޑީޕީ ސަރުކާރިން ކޮންމެ ކަމެއް ކުރިއަސް ދީނާ ދުރު ކަންކަމަށް މިހަދަނީ. ރައްޔިތުންނަށް ފައިދާވާ މިކަހަލަ ކަންކަމުގައި ހިޔާލުތަފާތުވުން ދުރުކޮށްގެން މަސައްކަތް ކުރަން ޖެހޭނީ،" ޔައުގޫބް ވިދާޅުވި އެވެ.
ޓޫރިޒަމް މިނިސްޓަރު ގއ. ކުރައްވާ ދަތުރުގައި އެ އަތޮޅުގެ ހުރިހާ ރަށަކަށް ގެންދަވަނީ ޒިޔާރަތް ކުރައްވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެން
24 January 2022
ހޯމްސުޓޭއަކީ އެއްވެސް މައްސަލައެއްނޫން އެކަމުގެ ސަބަބުން ރައްޔިތުންގެ އާމްމުދަނީ ވަރަށްބޮޑަށް އިތުރުކުރެވޭނެ، ނަމަވެސް މައުސޫމް މިކަމުގައި މާބޮޑަށް އަނގަ ގަދަވެއްޖެހެން އަޅުގަނޑަށްހީވަނީ، ޓޫރިސްޓުން އަނަނަނީ ބަރަހަނާވާކަށްނޫން ތެދެއް، ނަމަވެސް ގިނަ ޓޫރިސްޓުންނަކީ ބަރަހަނާކޮށް ތިބޭބައެއް އިތުރަށް ބަރަހަނާ ވާކަށްނުޖެހޭ، އިސްލާމްދީނާ ރާއްޖޭގެ ސަގާފަތާ ވަރަށް ނުގުޅޭގޮތަކަށް ހެދުންއަޅާބައެއް، މިކަމުގެ ނޭދެވޭއަސަރު ކުރާނެ، މެނޭޖެއްނުވެސްކުރެވޭނެ
އުދުހޭ
23 January 2022
އަންނަނީ ޗުއްޓީއަށް. އައިސް ބައެއްފަހަރު ބަރަހަނާވެސްވޭ. ދިވެހިންވެސް ބޭރުގައުމުތަކަށް ދަނީ ވިޔަފާރިއަށް. ގޮއްސައި ޒޫ ބަލާލަންވެސްދޭ.
ބުރުގާ
23 January 2022
ދިވެހިންނައް ވަރިހަމަވާނެ ޑޮލަރުދީފަ ބަރަހަނާ ވަނިކޮއް. މާފުށިގަވެސް ފުރަތަމަ ޓޫރިސްޓުން ބިކްނީ ލައިގެން ރަށުތެރޭ ހިނގަންފެށީމަ ބުނީ ޅަދަރިންގެ އިޖުތިމާއީ ފޭރާން ވީދި، ދީން ހަލާކުވަނީޔޯ. ދެން ގުއްކިޔާފަ ޑޮލަރު ވެހެން ފެށީމަބުނީ ކަލޭމެން ބިކްނީގަ ތިބޭ ޓޫރިސްޓުނާ ދިމާލައް ނުބަލާށޯލަ.... ވާސަރީ!!!!!!
ބުނަން
23 January 2022
އަންނަނީ ބަރަހަނާ ނުވާންކަން ނޭނގިގެން އުޅެނީ ކާކަށްތޯ؟ މައްސަލައަކީ ނާނދެ، ނުލައި، ތިބޭކަން. އަނދެގެން ވެސް ނާނދެ، ލައިގެން ވެސް ނުލައި ތިބޭ މީހުންވެސް އެބައުޅޭ. ދިވެހިރާއްޖެ ނޫނިއްޔާ އެގައުމަކުން ޒަމާނުއްސުރެ ބަލައިގެންފައިވާ އިޖުތިމާއީ އަދި ދީނީ އަގުތައް ގޮނޑަށްޖަހާފައި ލާރިހޯދަންއުޅޭ ގައުމެއް މުޅިދުނިޔޭގައިވެސް އޮވެދާނެކަމާމެދު ސުވާލުއުފެދޭ.
އަދާ
23 January 2022
ރަށްރަށަށް ޓްވަރިސްޓުން އަންނާތީ ކަންބޮޑުވަނީ ރިސޯޓްތައް ހިންގާ މަހުޖަނުން. އެމީހުންގެ އާމްދަނީ މަދުވެދާނެތީ. މިކަން ފަތުރަނީ އަފްއާނިސްތާނުގެ ތޯލިބާނުންނަށް ތާއީދުކުރާ އަދި އެކަންފެތުރުމުން މަންފާ ލިބޭ ހަރުކަށި ފިކުރުގެ މީހުން ލައްވާ. އާއްމު ރައްޔިތު މީހާ ފުދުންތެރިކަމާއެކު އުޅޭތަން ފެނުމަކީ މިބައިގަނޑަށް ކަމުދާ ކަމެއްނޫން. ރިސޯޓް ހިންގާ މީހުން އެތަނަށް ލިބޭ އާމްދަނީ ބަހައްޓަނީ ރައްޖޭން ބޭރުގެ ބޭންކްތަކުގައި.
ވަތުއޮޑި
23 January 2022
ބަޔަކު ނުކުމެ ބަރަހަނާ ކުރަނީތަ ގަދަކަމުން؟
ހިބަރު
23 January 2022
އެކަމަކު ވަނީ ބަރަހަނާ! ލޮލް
ޙުމެެ
23 January 2022
ޢަންނަނިީ ބަރަހަނާވަަކަށްނޫން. ޢެކަމަކު އުޅެނީ ބަރަހަނާކޮށް
ބަރަހަނާ
23 January 2022
ބަރަހަނާ ވާކަށްނޫން އަންނަނީ ، އެކަމަކު އުޅެނީ ބަރަހަނާކޮށް ، ގަމާރު މިނިސްޓަރަށް މިކަންނޭގޭތީ ހިތާމައަކީ ،ގަވާއިދެއް އޮތަސް އެއަށް އަމަލުނުކުރެވޭކަން ، ތޮއްޑޫ އާއި މާފުށިން އެގޭނެ
ބޮޑުމީހާ
23 January 2022
ވެރިކަން ނިމޭއިރުވެސް މަޝްވަރާކުރުމުގަ. ތިތާ ނުހެދި ހުރި ރިސޯޓްތައް ހުޅުވާކަށް ނުވޭތަ، ކޮލަމާފުށި ކައިރީވެސް އެބަ އޮތް ރިސޯޓެއް ނުނިމި 8 އަހަރު މިވަނީ. ރިސޯޓް ކުދިން ނައިޓަށް ރަށަށް ދިއުން އަދި ހަމަނުޖެހޭބާ! ރިސޯޓް ވަޒީފާތަކުގަ އޯޓީ ނުދޭ މައްސަލަ ކޮބާ