ފިނޭންސް މިނިސްޓްރީގެ އިމާރާތް--ފޮޓޯ:މިހާރު
24 ޖެނުއަރީ 2022 - 11:43
11 comments
ކުރީގެ ރައީސް އަބްދުﷲ ޔާމީން ސަރުކާރުން ނެގި ސޮވެރިން ބޮންޑަށް ދައްކަން ޖެހޭ 894 މިލިއަން ރުފިޔާ ޖޫން 22 ގެ ކުރިން ދައްކާ ހަލާސްކުރަން ޖެހޭ ކަމަށާއި އެ ފައިސާ މުއްދަތުގެ ތެރޭގައި ދައްކާނެ ކަމަށް ފިނޭންސް މިނިސްޓްރީން ބުނެފި އެވެ.
ދައުލަތުން 2017 ވަނަ އަހަރު ވިއްކި 200 މިލިއަން ޑޮލަރު (3 ބިލިއަން ރުފިޔާ) ގެ ''ސަނީ ސައިޑް'' ބޮންޑުގެ ބޮޑުބައެއް މިދިޔަ އަހަރު ސަރުކާރުން ދެއްކި އެވެ.
އެ ފައިސާ ދެއްކީ ދަރުމަވަންތަ ހޮސްޕިޓަލް އެސެޓެއްގެ ގޮތުގައި ބޭނުންކޮށްގެން އަރަބި މާކެޓަށް ވިއްކި ސުކޫކުން ލިބުނު ފައިސާއިންނެވެ.
ސަނީސައިޑް ބޮންޑަށް އިންވެސްޓަރުންނަށް އަނބުރާ ދެއްކި 2.9 ބިލިއަން ރުފިޔާ މިދިޔަ އަހަރު ދެއްކުމުން ދުނިޔޭގެ ބޮޑެތި ބޭންކްތަކުންނާއި ރޭޓިން އޭޖެންސީތަކުން ވަނީ ތައުރީފުކޮށްފަ އެވެ. މިގޮތަށް އަވަހަށް ދަރަނި ދެއްކުމުން، ބޮންޑްގެ ސެކަންޑަރީ މާކެޓުގައި އޭރު މުއާމަލާތްކުރަމުން ދިޔަ އަގު ވެއްޓިފައިއޮތް އޮތުން ރަނގަޅުވި އެވެ.
މިއަހަރު ދައުލަތުން 2.8 ބިލިއަން ރުފިޔާ ލޯނުތަކަށް އަނބުރާ ދައްކަން ޖެހެ އެވެ.
ބޭރުގެ ލޯނުތަކުގެ އިތުރުން މިދިޔަ އަހަރު ދައުލަތުގެ ދަރަނި ހުރީ 80 ބިލިއަން ރުފިޔާގަ އެވެ. މިއީ ޖީޑީޕީގެ ނިސްބަތުން 103 ޕަސެންޓެވެ. މިއަހަރު ނިމޭ އިރު ދަރަނި ގެރެންޓީއާ އެކު 102 ބިލިއަން ރުފިޔާއަށް އަރާނެ ކަމަށް ބަޖެޓުގައި ލަފާކޮށްފައިވެ އެވެ. މިއީ ގައުމީ އުފެއްދުންތެރިކަމުގެ ނިސްބަތުން 117 ޕަސެންޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަސީ
24 January 2022
ސުކުރިއްޔާ ޗައިނާސަރުކާރައް ތިދެއްވާ އެއްބާރުލުމައް
ކިއްލި ބާޝާ
24 January 2022
ރައްޔިތުމިހާ ވިއްކައި ކައިފޫ ވައިދިއްވައިލައިފޫ
ބޮޑުމީހާ
24 January 2022
އެމްއމްޕީއާރުސީ ވަގުންގެ މުދާ ދައުލަތަށް ނަގާބަލަ. ޕީޕީއެމް.އެމްޑީޕީގަ އެނޫން މީހަކު ނެތް. ދެޕާޓީ ގުޅިގެން ގައުމު ފެލަނީ
ޢަހޫ
24 January 2022
ބަރާބަރު ވާހަކައެއް
މޮހޮނު ދިނަސް
24 January 2022
މމޕރސ ވައްކަމެއް ނުކުރޭ. ކުރިނަމަހީ ވަގުންނައް އަދަބު ދޭނެ. ތިކަން ހަނދާން ނައްތާލާފަ، އަވަހައް ޓެކްސް ލާރި ދީ، އޭރުން އެނަގާ ލޯނު ތަކާއި ބޮންޑު ތަކައް ސަރުކާރުގަ ފައިސާ ހުންނާނީ. ވަރައް ގިނައިން ދެއްޗޭ، އެއީ އޭގެން އެއްބައި، 'ގެއްލޭނެ' ކަމައް ބަލާފަ.
ސެޕްލިންގ
24 January 2022
އޭނަ އެމްއެމްޕީއާރުސީން ނެގި 3 ބިލިއަން ދައުލަތަށް ހޯދަދިނީ ލޯނެއް ނަގައިގެންދޯ ވަރަށް ސަޅި
ގޮވެލި
24 January 2022
މިއީ ޖީޑީޕީގެ ނިސްބަތުން 103 ޕަސެންޓެވެ. މިއަހަރު ނިމޭ އިރު ދަރަނި ގެރެންޓީއާ އެކު 102 ބިލިއަން ރުފިޔާއަށް އަރާނެ ކަމަށް ބަޖެޓުގައި ލަފާކޮށްފައިވެ އެވެ. މި ޖުމްލައިވާ "އަރާނެ" މި ބަހުގެ ބަދަލުގައި އޮންނަންވާނީ "ތިރިވާނެ" ކަމަށެވެ.
އަލީ1
24 January 2022
80 ބިލިޔަނުން 102 ބިލިޔަނަށް އަރާނީކީނޫންތޯ؟ ތިބޭފުޅަކަށް ކުށްދެއްކުމުގެ ވިސްނުން ކިތަންމެ ވަރަކަށްވެސް އެނގިފަ އެބަހުރި. ލިޔެފަ އޮތް އެއްޗެއް ނޭނގުނަކަސް. އަދުރޭ ހިސާބު. ޕީޕީ ގޮލަޔަކާ ވައްތަރީ
ޢޮޑްރޭ
24 January 2022
ޢަދުރޭ އަކަށް ވަކި ދުލެއްނުކުރޭ ދޯ؟
ސުކޫތެއް
24 January 2022
ޔާމީނުގެ ދަރަނިތަކުން ސަލާމަތް ނުވާނެ މަގޭ ހޫރުކާފަދަރިންވެސް...
ލޯނު526
24 January 2022
ޔާމީނު ލޯނުނެގީ އެތަކެތި އަނބުރާ ދައްްކާގޮތް ޕްލޭންކޮށްފައި...