ބީއެމްއެލް އިން ބުނީ ކޮވިޑްގެ ތެރޭގައި މިއީ އަންދާޒާ ނުކުރެވޭ ވަރުގެ ފައިދާއެއް ކަމަށް
ބީއެމްއެލްގެ ސީއީއޯ ޓިމް ސޯޔާ ނޫސްވެރިންގެ ބައްދަލުވުމެއްގައި--ފޮޓޯ:މިހާރު
27 ޖެނުއަރީ 2022 - 10:57
33 comments
މިދިޔަ އަހަރު ބީއެމްއެލަށް ފައިދާގެ ގޮތުގައި 1.7 ބިލިއަން ރުފިޔާ ލިބިއްޖެ އެވެ.
ބީއެމްއެލުން ބުނީ އޮޑިޓް ނުކުރާ މާލީ ހިސާބުތަކުން ދައްކާ ގޮތުން ޖުމުލަ އާމްދަނީ ހުރީ 3.8 ބިލިއަން ރުފިޔާގައި ކަމަށެވެ. މިއީ، ކޮވިޑް-19 އާ ގުޅިގެން ކޮށްފައިވާ ނޭދެވޭ އަސަރާ އެކު ލިބުނު ގެއްލުމުން އަރައިގަތުމުގައި ރަނގަޅު ކުރިއެރުމެއް ހޯދައި، އާމްދަނީ ލިބޭ މައިގަނޑު ދާއިރާތަކުން އަންދާޒާ ކުރި ވަރަށް ވުރެ ރަނގަޅު ނަތީޖާއެއް ކަމަށް ބީއެމްއެލް އިން ބުންޏެވެ.
މިދިޔަ އަހަރު އެ ބޭންކުން ކޮށްފައިވާ، 3.8 ބިލިއަން ރުފިޔާގެ ވިޔަފާރި އަކީ، އޭގެ ކުރީ އަހަރަށް ވުރެ ގާތްގަނޑަކަށް 60 ޕަސެންޓް އިތުރު އަދަދެކެވެ.
ބީއެމްއެލުން ބުނިގޮތުގައި، މި ކާމިޔާބީ ހާސިލު ކޮށްފައި ވަނީ އެ ކުންފުނިން މުޖުތަމައަށް އެހީތެރިވުމަށް ކަނޑައަޅާފައިވާ މަގްސަދުތައް ވެސް ހާސިލް ކުރަމުންނެވެ.
ބީއެމްއެލްގެ ބަޔާނެއްގައި، ސީއީއޯ ޓިމް ސޯޔާ ވިދާޅުވެފައިވާ ގޮތުގައި މިދިޔަ އަހަރު ވިޔަފާރިން ހަރުދަނާ ނަތީޖާއެއް ހޯދިފައިވުމަކީ ލިބުނު ވަރަށް ބޮޑު ކާމިޔާބީއެކެވެ.
"[މި ކާމިޔާބީ ލިބުނީ] ރާއްޖޭގެ އެކި ކަންކޮޅުތަކުގައި މަސައްކަތްކުރަމުން އަންނަ އަޅުގަނޑުމެންގެ ޓީމުތަކުން ވަރުބަލިކަމެއް ނެތި ކުރި ބުރަ މަސައްކަތުން. އަޅުގަނޑުމެން ދޫކުރާ ލޯނުގެ ނިސްބަތްވަނީ އިތުރު ވެފައި. އަދި އުފެއްދުންތެރި ނޫން ލޯނުގެ ނިސްބަތް ވަނީ ރަނގަޅުވެ 2.5 ޕަސެންޓުގައި ހިފެހެއްޓިފައި. މިދިޔަ އަހަރު އާންމު ފަރުދުންނާއި ވިޔަފާރިތަކަށް 3.3 ބިލިއަން ރުފިޔާ އަށް ވުރެ އިތުރު އަދަދަކަށް އާ ލޯނު ދޫކޮށްފައިވޭ."
އޭނާ ވިދާޅުވީ މި ނަތީޖާ އާއެކު ހަރުދަނާކަމާ އެކު ދެމެހެއްޓެނެވި ގޮތެއްގައި ބޭންކުން ކަނޑައަޅާފައިވާ އަމާޒަށް ދިއުމަށް ލިބުނީ އިތުރު ބާރެއް ކަމަށެވެ. މިދިޔަ އަހަރުގެ ފައިދާއާ އެކު ބޭންކްގެ ހިއްސާދާރުން އުއްމީދުކުރާ ފަދަ ކުރިއެރުމެއް ބޭންކަށް ހޯދައިދިނުމަށް ވެސް ފަސޭހަވާނެ ކަމަށް އޭނާ ވިދާޅުވި އެވެ.
ކޮވިޑާ ގުޅިގެން 2020 ވަނަ އަހަރު ބީއެމްއެލްގެ ސާފު ފައިދާގެ ގޮތުގައި ލިބުނީ 325 މިލިއަން ރުފިޔާ އެވެ. މިއީ އޭގެ ކުރީ އަހަރުގެ ފައިދާ އަށް ވުރެ 70 ޕަސެންޓް ދަށް އަދަދެކެވެ. ދެހާސް ނަވާރަ ވަނަ އަހަރު އެއް ބިލިއަން ރުފިޔާގެ ފައިދާ ބީއެމްއެލް އިން ހޯދާފައި ވެ އެވެ.
މިދިޔަ އަހަރު ބޭންކުގެ އެސެޓަށް ގާތްގަނޑަކަށް 7.6 ބިލިއަން ރުފިޔާ އިތުރުވެފައިވާއިރު ކަސްޓަމަރުން ޑިޕޮސިޓްކޮށްފައިވާ އަދަދަށް ވަނީ 5.3 ބިލިއަން ރުފިޔާ އަށް އިތުރުވެފަ އެވެ. އަދި ބޭންކުގެ ރައުސްމާލާއި ލިކުއިޑިޓީ ރޭޝިއޯ ވަނީ ގާނޫނުން ލާޒިމްކުރާ މިންވަރަށް ވުރެ މަތީގައި ހިފެހެއްޓިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޕަޓަސް
27 January 2022
ރިބާ ރިބާ ރިބާ
އޮނަރަބްލް އަފީފު ދީދީ
27 January 2022
ފައިދާއަށް ފެންނަ 1.7ބ ރުފިޔާ ދޭއް ނުވަތަ 3 ގުނަ އިތުރުވާނެ ބެންކުންކުރާ އިސްރާފު ކުޑަކޮށްފިނަމަ. # ބެންކް ހެޑްއޮފީސް ގޯޅިތެރޭގައި ބިޑްކުރުމެއްނެތި "މީހެއްގެ ގޯތީގައި" ބެންކުން ޙަރަދުކޮށް 10 ބުރީގެ އިމާރާތެއް ކޮށްފައިވާއިރު އަހަރަކަށް އެތައްމިލިޔަން ރުފިޔާގެ ކުއްޔަށް ހެޑްއޮފީހާއި ނަސަންދުރައާއިދެމެދުން 2 އިމާރާތް އަދި ސްޓަރ ކުލައުޑް އިން 2 ފުލޯރ ހިފާފައި މުޅިރަށަށް އަލިވާވަރުގެ ބޯޑްއަޅުވާފައި 4 މޭޒުބަހައްޓައިގެން ކުލިދެއްކުން ނޫންކަމެއްނުކުރޭ.
އަހުމަދު ހަސަން
27 January 2022
ފައިދާ ނުވާބެންކެއްގެ ބޭންކުގެ ހުރި ޑިޕޮސިޓްރުން ގެ ލާރި ހިމާޔަތް ކުރާނީ ކިހިނެއްބާ؟ މިތާ ކޮމެންޓް ކުރާ ދަންނަ ބޭކަލުން ކިޔާދީބަލަ، ބޭންކު ކުރިމަތީގަ ކިއުޖެހިގެން ޑިޕޮސިޓަރުން ތިބި ގައުމުތަކުގަ ގެ މީހުން ތިބިތަން ތަން ޙަބރުތަކުން ފެނުނަސް އެވީގޮތް ނޭގުނެއްނޫން، ދިވެހިރާއްޖޭގަ ހުރި ބީސީސީ އައި އަށް ވީގޮތް ނޫސްވެރިން ލިޔެދީބަލަ. މިބޭކަލުންނަށް .
ހަސަން234323
27 January 2022
1.7 ފައިދާ ލިބުން އިރު އަދިވެސް މިއުޅެނީ 2 ދުވަހުން 1 ދުވަހު އިންޓަނެޓް ބޭންކިންގް ގެ ކޮންމެވެސް މައްސަލައެއް ޖެހިގެން އިތުރައް ފޮނެވޭ ލާރިކޮޅު ނުލިބިގެން .. އޯޓީޕީ ނުބަޔޭ ކިޔާފަ ބަލާ އިރު މި އިންނަނީ ޓްރާންސްފާ ވެފައި .. ބޭންކައް އިތުބާރު ކޮއްގެން ނޫން ލާރި ބަހައްޓަނީ އިތުރު ގޮތެއް ނެތީމަ ..
ޝައުފާނާ
27 January 2022
މީނަގެ ނަމްބަރު ހޯދަދީބަ ކުއްޖަކު
ޢިބޫ
27 January 2022
ފައިދާވާނެނު ލޯނެއް ނަގާމީހަކު ހޭއަރުވާލާ، އަދި ކުރެޑިޓް ކާޑަކުން ބޭރުން ވިޔަފާރި ކޮއްފިއްޔާ އެބޭނުން ކުރާ އަދަދުގެ ދެބާކުޅަ އެއްބާ ދަމާގަނޭ.
ދިވެހީން
27 January 2022
ބޭންކްއޮފް މޯލްޑިވުސް އަށް ފައިދާ ވާތީ ހާދަބަޔަކު ރުޅިއެބައާދޭ!! އެއީ ކީއްވެބާ!! އޭގެތެރޭން ގިނަމީހުން އެކައުންޓް ހުޅުވާފަހުރީ ބޭންކްއޮފްމޯލްޑިވުސްގަ.!!
ވިދެހީން
27 January 2022
ހެހެހ. ކޮމެންޓުން އެނެގެނު ކަލޭގެ ގަމާރުކަން.
ހުސެންް
27 January 2022
ރުޅިއަރައިގެން އެއުޅެނީ އެއްކަލަ ސަބުސިޑީ ގުރޫޕް. ތިގުރޫޕަށް ރަނގަޅު އެއްގޮތެއްވެސް ނޯންނާނެ.
ގަހޭ
27 January 2022
ދެންކޮބާ، 2020 ވަނަ އަހަރުގެ ހިއްސާގެ ފައިދާ ލާރިކޮޅު. މިހާރު 2021 ވެސް ނިމިއްޖެ.
ސިމްޕަލް
27 January 2022
އަދި މާގިނައިން ފައިދާވާނެ، އަމިއްލަ މީސްމީހުން އަތުން ކުއްޔަށް ހިފާފައި ހުންނަ އިމާރާތްތަކުގައި ބޭންކްގެ އޮފީސްތައް ހިންގުން ހުއްޓާލައިފިނަމަ.
ައަޙުމަދު
27 January 2022
1700 މިލިއަން ރުފިޔާގެ ފައިދާއެއް މިދިޔަ އަހަރު ރައްޔިތުންގެ އަތުން ބޭންކަށް ލިބުނޯ. އެކަމަކުވެސް ރައްޔިތުންގެ ބޭންކޯ. ދެން މިއަށް ރައްޔިތުން ނަގަނީ އޭތަ ބުނަންވީ. ޫރައްޔިތުންގެ ބޭންކް ޭ ގެ ނަން ބޭނުންކޮށްގެން މިހާބޮޑު ޢަދަދަކުން ކޮންމެ އަހަރަކު ފައިދާ ނެރޭނަމަ ބީ.އެމް.އެލް އަކީ އަހަރެމެން ރައްޔިތުންގެ ބެންކޭ ކިޔައިގެން އޮޅުވާލައިގެން ތިކަން ނުކުރުމަށް މެނޭޖްމަންޓްގައި ވަރަށް އަދަބު ވެރިކަމާއިއެކު އެދި ދަންނަވަން. އަޖައިބުވެ މަ އަންތަރީސްވެއްޖެ!
ހުސެންް
27 January 2022
ައަޙުމަދުގެ ބޭންކު ކިޔަންވީ. އޭރުން ރަނގަޅުވާނެ. މިމީހުނަށް އެނގެނީ އަތުނަފައިން މަސައްކަތެއް ނުކޮށްލާރި ހޯދަން. އެހެން ބަޔަކު ނުވަތަ ކުންފުންޏެއް ކުރިއަރާފިއްޔާ މިމީހުން ވަރަށް ކެކޭނެ. ައަޙުމަދު އަޖައިބު އަންތަރީސް ވިޔަކަސް އަހަރެމެން އަޖައިބެއްނުވޭ.