"ކެންސަރާ އަމިއްލައަށް ކުރިމަތިލާން ޖެހުމަކީ އަމިއްލަ ނަފްސުގެ ހިތްވަރު ވަޒަންކުރެވުނު ކަމެއް. މިއަދު އަހަރެން ބުނާނީ އެއީ އަހަންނަށް ލެއްވި ރަހުމަތެއް ކަމަށް"
ކެންސަރާ ހަނގުރާމަކޮށް، އެ އުނދަގޫ ދަތުރުގެ ތަޖުރިބާތައް ހިއްސާކުރި ބައެއް މީހުން
29 ޖެނުއަރީ 2022 - 08:22
15 comments
ކެންސަރު ބަލީގެ ތަޖުރިބާ އެކި މީހުންނަށް ކުރެވެނީ އެކި ގޮތަށެވެ. މި ވޭން ހުރި ބަލި ޖެހިގެން ކުރަންޖެހޭ ހިތްދަތި ތަޖުރިބާ އެވެ. ބަލި ޖެހޭ މީހާގެ ފަރުވާގެ ކަންކަން ބަލަހައްޓައި އޭނާ އަށް އެހީވެދިނުމުގައި ކުރަންޖެހޭ ތަޖުރިބާ އެވެ. ނުވަތަ އާއިލާގެ މީހަކު ނުވަތަ އެކުވެރިޔަކަށް ކުރަންޖެހޭ މިފަދަ ތަޖުރިބާއެއް ފެނިގެންނެވެ.
ކެންސަރު ބައްޔާ އެކި މީހުން ކުރިމަތިލާ ގޮތާއި އެކި މީހުންނަށް ކުރަންޖެހޭ ތަޖުރިބާ ހިއްސާކޮށް ހޭލުންތެރިކަން އުފައްދަން ކެންސަ ސޮސައިޓީ އޮފް މޯލްޑިވްސް އިން ސޯޝަލް މީޑިއާގައި ފަށާފައިވާ #CancerThajuribaa ގެ ދަށުން އެތައް ބައެއްގެ ވާހަކަތައް އަންނަނީ ކިޔައިދެމުންނެވެ.
އެއިން ކޮންމެ މީހަކު ވެސް ކިޔައިދެނީ ތަފާތު ތަޖުރިބާއެކެވެ.
އައިނީ އަށް ތައިރޮއިޑް ކެންސަރު ޖެހިފައި ހުރިކަން އެނގުނީ ރާއްޖޭން ބޭރުގައި ކިޔަވަން އުޅެނިކޮށް، އުމުރުން 17 އަހަރުގަ އެވެ.
"ކެންސަރާ އެކު އުޅެން ޖެހުމަކީ ވަރަށް އުނދަގޫ ތަޖުރިބާއެއް. ކެންސަރާ މެދު މީހުން ދެކޭ ގޯސް ގޮތުގެ ސަބަބުން އަހަރެން އިތުރަށް ބަލިކަށިކޮށްލި. އެކަމަކު މާތްﷲ އަށް އޮތް އިތުބާރާއި އެތައް ބައެއްގެ ފަރާތުން ލިބުނު ލޯތްބާއި އެހީތެރިކަމުން، ކެންސަރާ ދެކޮޅަށް މަސައްކަތްކުރާ މީހެއްގެ ގޮތުގައި ހުރުމަށް ވަނީ ހިތްވަރު ލިބިފައި،" ސައިކޮލޮޖީ ކިޔަވަމުން، ވެކްސިނޭޝަން ސެންޓަރުގެ ވޮލަންޓިއަރެއްގެ ގޮތުގައި ވެސް މަސައްކަތްކުރާ އައިނީ ބުނެފައިވެ އެވެ.
Ainie was diagnosed with Thyroid cancer at 17yrs, while abroad for studies.
— Cancer Society of Maldives (@CancerSocietyMV) January 28, 2022
She was determined to beat it & to not let it get in the way of her life.
Today she is studying psychology and is a volunteer at the vaccination center.
This is Ainie's #CancerThajuribaa pic.twitter.com/j8qnIjqZaF
އުރަމަތީގެ ކެންސަރަށް 2013 ވަނަ އަހަރު ޑައިގްނޯޒްވެ ފަރުވާ ހޯދަން ޖެހުނު ޖީލާ އަށް ބަލި ހުރިކަން އެނގުނު ހުރި ހުރީ ސްޓޭޖް 2 ގަ އެވެ. ފަރުވާ ހޯދަން އޭނާ ރާއްޖޭން ބޭރަށް ދިޔައީ ފިރިމިހާއާ ވަކިންނެވެ. ވޭންދެވެނިވި ފަރުވާތައް ހޯދަން އަށް މަސް ދުވަސް ހޭދަކުރީ އެގޮތުގަ އެވެ. އޭނާ ހަ ފަހަރު ކީމޯތެރަޕީ ހޯދި އެވެ. ސާޖަރީ ހެދި އެވެ. އަދި 22 ފަހަރު ރޭޑިއޭޝަން ދިނެވެ.
"ކެންސަރު މިއީ ވަރަށް ބިރުވެރި ބަހެއް. ކެންސަރާ ބެހޭ ގޮތުން ނޭނގޭ އެތައް ކަމެއް އޭރު ހުރުމުން، މި ބައްޔާ ކުރިމަތިލުން ވީ ވަރަށް ދަތި ކަމަކަށް. ކެންސަރާ އަމިއްލައަށް ކުރިމަތިލާން ޖެހުމަކީ އަމިއްލަ ނަފްސުގެ ހިތްވަރު ވަޒަންކުރެވުނު ކަމެއް. މިއަދު އަހަރެން ބުނާނީ އެއީ އަހަންނަށް ލެއްވި ރަހުމަތެއް ކަމަށް،" ކެންސަރުން ސަލާމަތްވެފައިވާ ޖީލާ ކިޔައިދީފައިވެ އެވެ.
ޖީލާގެ ތަޖުރިބާއިން އޭނާ ބުނީ ކެންސަރާ ދެކޮޅަށް، ޕޮޒިޓިވްކޮށް ވިސްނައި، ޑޮކްޓަރުން ދޭ ލަފަޔަށް އިތުބާރުކޮށް ފަރުވާގެ ޕްލޭން ފޮލޯކޮށް، މާތްﷲގެ ރަހުމަތުން އުންމީދު ކަނޑާނުލައި ހިތްވަރުކޮށްފި ނަމަ ކާމިޔާބުވާނެކަން ޔަގީންކަމަށެވެ.
This is Jeela’s #CancerThajuribaa
— Cancer Society of Maldives (@CancerSocietyMV) January 27, 2022
She was diagnosed with stage 2 breast cancer in 2013. She had 6 cycles of chemotherapy, surgery and 22 fractions of radiation. Jeela stayed abroad for treatment, for 8 months, away from her husband and daughter.
What’s your story? pic.twitter.com/XsbOcPtSMz
"މިއަދު އަހަންނަށް އައިސްފައި މިވާ ބަދަލުގެ ސަބަބަކީ ކެންސަރާ ދެކޮޅަށް ކުރި ހަނގުރާމަ. އެއީ ﷲ ދެއްވި ކިތަންމެ ކުޑަ ނިއުމަތެއްގެ އަގު ވެސް މިއަދު ވަޒަންކުރެވޭތީ. ދިރިއުޅުމަކީ މިފަދަ އެތައް ބައިވަރު ނިއުމަތްތަކެއް. އަހަރެމެން ދަސްކުރަން ޖެހޭނީ އެ ނިއުމަތްތަކަށް ޝުކުރުކުރަން. ކެންސަރުން ދަސްވީ އެކަން،" ޖީލާ ބުނެފައިވެ އެވެ.
ކެންސަރު ބަލިން ރަނގަޅުވެފައިވާ ހުސެން ރަޝީދު އޭނާގެ ވާހަކަ ފަށަމުން ބުނެފައި ވަނީ ބައްޔާ ކުރިމަތިލިއިރު އަތުގައި އޮތީ ދެ ޓިކެޓް ކަމަށެވެ.
"އެއީ ﷲ ސުބްހާނަހޫ ވަތައާލާގެ އޯގާވަންތަވެރިކަމާ އެކު ހައްޖުގެ އަޅުކަން އަދާކޮށްގެން މާލެ އައި ޓިކެޓާއި މި ބައްޔާ ހަނގުރާމަކުރަން ލިބިފައި އޮތް ޓިކެޓް. ކޮންމެ ޓިކެޓެއް ވެސް އޯކޭ ކަމަށް ނިންމައި ﷲ ސުބްހާނަހޫ ވަތައާލާއަށް ވަކީލުކޮށްގެން މި ބައްޔާ ހަނގުރާމަ ފެށީ،" ހުސެން ބުނެފައިވެ އެވެ.
އޭނާގެ ތަޖުރިބާގައި ބުނީ އޮޕަރޭޝަނަކީ މި ބަލީގެ އެންމެ ފަރު މަރުހަލާ ކަމަށާއި ކީމޯ އާއި ރޭޑިއޭޝަން ފަރުވާގެ މަރުހަލާ އަކީ އެކަނިވެރިކުރުވާ ދުނިޔެމަތިން ފޫހިކުރުވައި، މީހާ މާޔޫސްކުރުވާ މަރުހަލާ ކަމަށެވެ.
"މިއީ އެންމެ ބޮޑަށް މި ބައްޔާ ހަނގުރާމަކުރަންޖެހޭ މަރުހަލާ،"
"ﷲގެ އޯގާވަންތަވެރިކަމާއި ރަހުމަތުން އެއްވެސް އަޅަކު ބޭރުކޮށްނުލައްވާނެކަން ޔަގީންކޮށް، ޑޮކްޓަރުންނަށް އިތުބާރުކޮށް، ހިނިތުންވުމާ އެކު ބައްޔާ ކުރިމަތިލާންވީ ވަގުތަކީ ކީމޯ އާއި ރޭޑިއޭޝަން ފަރުވާގެ ވަގުތު،" ހުސެން ކިޔައިދީފައިވެ އެވެ.
"ކެންސަރު ބަލިޖެހުމަކީ ވަރަށް ވޭންލިބިދެނިވި އެކަނިވެރިކުރުވާ ކަމެއް. އާއިލާގެ އެންމެން އެބައްޔެއްގެ ކެކުޅުން ތަހަންމަލްކުރަން ޖެހޭ ބައްޔެއް. މިބަލިން ސަލާމަތްވެވޭނީ ބަލިމީހާ ހިތްވަރާއެކު މިބައްޔާ ހަގުރާމަކޮށްގެން"
— Cancer Society of Maldives (@CancerSocietyMV) January 27, 2022
މީ ހުސައިންގެ ވާހަކަ. ތަޖުރިބާ ހިއްސާކޮށްލާ#CancerThajuribaa pic.twitter.com/vpY5EEFhgp
އޭރުގެ ހާލަތު އޮތް ގޮތް ސިފަކޮށްދެމުން އޭނާ ބުނީ އެކުވެރި، ސަޕޯޓް ގްރޫޕެއް ނޯންނަ ކަމަށާއި ކެންސަ ސޮސައިޓީއެއް ވެސް ނެތް ކަމަށެވެ.
"އަހަރެންގެ ސަޕޯޓް ގްރޫޕަކީ ރާއްޖޭގައި ތިބި ހެޔޮއެދޭ ދެތިން މީހެއްގެ ހަފުތާއަކު ދެ ދުވަހުގެ ފޯންކޯލާއި ތައިލެންޑުގައި ހުރި ދިވެހި ރަހުމަތްތެރިއެއްގެ ކޮންމެ ދުވަހެއްފެ ފޯން ކޯލް."
ހުސެން، ކެންސަަރު ބަލިކޮށް ސަލާމަތްވިތާ މިހާރު 20 އަަހަރު ވަނީ އެވެ.
މި އެންމެންގެ ވާހަކައިން ވެސް އެއް ކަމެއް އެނގެ އެވެ. ކެންސަރަކީ މަރު ބައްޔެއް ކަމަށް ބަލައި އުންމީދު ކަނޑާނުލުމެވެ. އެއްވެސް އިންސާނަކަށް ދެރަ ގޮތެއް ނުވާނެކަމާއި ޑޮކްޓަރުންނަށް އިތުބާރުކޮށް ފަރުވާގައި ދެމިހުރުމުގެ އަޒުމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުވަނދުލާ ދޮން ހުސޭނު
31 January 2022
އަޅުގަނޑުމެން ރަށުން އާއްމުކޮށް ފާހަގަވާ ކަމެއް އަބަދުވެސް ޒުވާން އަންހެންކުއްޖަކު ކެންސަރު ޖެހިގެން އުޅޭ ޚަބަރު. މިދެންނެވި ކުދިންނަކީ ސިގިރެޓް ބޮއެ ދުފާ އުޅޭ ބައެއް ވެސް ނޫން. އެފަދަ މީހުންނާ މައްސުނިވަނީއެއް ވެސް ނޫން. މިވާހަކަ މި ބުނީ ދުފުމާ ސިގިރެޓް ދިފާއުކުރާކަށް ނޫން. ވަކި ޖިންސެއްގެ ވަކި ފުރައެއްގެ ކުދިންނަށް ވަކި މުޖްތަމައެއްގައި މިކަން އާންމީ ކީއްވެތޯ ދެނެގަންނަން ޖެހޭކަން ހާމަކޮށްލަން.
ޙަބީބު
31 January 2022
ކެންސަރު ބައްޔައް މަގުފަހިވާ ސަބަބުތައް ދެނެގަތުން ވަރައް މުހިން މު މާލޭގެ ބާޒަރައް އިންޑިޔާއިން ެ ގެނެއްސަހުންނަ ތަރުކާރީ މޭވާގަ ގަހައްޖަހާ ބޭހުގެ އަސަރު ވަރައްބޮޑު ނަ މަވެސް މިކަ މެއް ނުބެލޭ މުއްދަތު ބޭސްޖަހާފަ މުއްދަތު ހަ މަނުކޮއް ހުންނަނީ
ހޭލުންތެރިވެރައްކާތެރިވޭ
30 January 2022
ކެންސަރު ގެ ތަފާތު ވައްތަރު ހުރޭ. ކެންސަރުޖެހުމަށް މެދުވެރިވާ އެތައް ސަތޭކަ ސަބަބު، މީގެތެރޭގައި އަދި މިހާތަނަށް އިންސާނުންނަށް ނުހޯދޭ ކިތަންމެ ސަބަބެއ ހުންނާނެ. ކޮންމެ ސަބަބަކާ ހެދި މި ބަލި ޖެހުނަސް އެއީ ހަމަ ވޭންދެނިވި ނުރައްކާ ބައްޔެއް. ކެތްތެރިކަމާ ހިއްވަރާ މާތް ﷲ ރުއްސެވުމާ އެކު މިކަމުން ސަލާމަތްވުމަށް މަސައްކަތް ކުރުން އޮތީ. ކަނޑައެޅިގެން އެނގޭ އަދި އެކަމެއް ނުކޮށް ހުރެވޭނެ، ދުންފަތުގެ އިސްތިޢުމާލުކުރުން ފަދަ ކަންކަމުން ދުރުވެތިބެވިދާނެ
ބަކުންބޭ
29 January 2022
ޙުސައިން އަކީ ބަލިބައްޔާ ދެކޮޅަށް މަސައްކަތް ކޮށްފައި ހުރި ފަރާތެއް، އެއިޑްސް އާ ދެކޮޅަށް ވަރަށް ގިނަ އެވެއަރނަސް ސެޝަން ހިންގި ފަރާތެއް، އެހެންކަމުން ތިފަދަ ކަމަކާކުރިމަތިލާން ހިތްވަރު ހުންނާނެ. ތިންބޭފުޅުންވެސް ކެންސަރުން ސަލާމަތްކޮށްދެއްވިކަމަށްޓަކއި ﷲ އަށް ހަމްދުކުރަން.
ކމނ
29 January 2022
ރާއްޖޭގައި ވަރަށް ގިނަ ބައްޔެއް މީ.. އެހެނަސް އެކަށީގެންވާ ފަރުވާއެއް މި ގައުމަކު ނެތް... ކިތައް ޕޭޝަންޓުން މިތަނުގައި ކުރި ކަންކަމުން ހާލަތު ގޯސްވީ؟
ޝަފީރު
29 January 2022
އުރަމަތީ ކެންސަރަކީ ފަރުވާ ކުޑަކަމުން ގިނަފަހަރަށް ވާރުތަކުރާ ބައްޔެއް. އެތަނުގައި އާދަޔާ ޚިލާފު ހަރުކަމެއް އުޅޭކަމަށް ފާހަގަ ކުރެވޭ ހިސާބުން މިކަމަށް ހޭލަންޖެހޭނެ ކަމެއް. އުރަމަތީ ކެންސަރަށް ވާރުތަކުރާ "ގަނޑުލުން" ބައްޔަކީ މާކުރިން ސުރެވެސް ދިވެހިޙަކީމުން "ކީމޯ" ދީގެން ރަނގަޅުކުރާ ބައްޔެއް. ހަކީމީ ބޭސް އަޅާފައި އަލިފާން ދަރުގަނޑަކުން ހޫނުކުރަނީ. އިންޝާﷲ ގަނޑު ވިރި މުޅީން ރަނގަޅުވޭ. ދުޢާ އަކީ މިނުރައްކާ ބަލިން އެންމެން ރައްކާތެރި ކުރެއްވުން.
ރޯސީ
29 January 2022
ޝަފީރު އެބަޖެހޭ ވަރަށް ބޮޑަށް ކެންސަރ ބައްޔާމެދު ހޭލުންތެރިވާން. އުރަމަތީ ކެންސަރ އަކީ ހަމައެކަނި ވާރުތަވެގެން އަންނަ ބައްޔެއް ނޫން އަދި ހަމައެކަނި ގަނޑުލައިގެން ޖެހޭ ބައްޔެއްވެސް ނޫން އަދި ހަމަ އެހެންމެ އުރަމަތީގައި ގަނޑުލާ ކޮންމެ ފަހަރަކީ ކެންސަރ އެއްވެސް ނޫން. ރަނގަޅަށް މައުލޫމާތު ނޭނގޭ ކަންކަމުގެ ވާހަކަ ތިގޮތަށް ދެއްކުމަކީ ވަރަށް ދެރަކަމެއް. ތިބާ އަށް الله ހެޔޮވިސްނުން ދެއްވާށި.
ްެއްރްެސސދ
29 January 2022
ހަމަ އެކަނި ހިއްވަރެއް ނޫން ބޭނުންވަނީ. މި ޒަމާނުގައި ފައިސާ ހުރި މީހުންނަށް ކަންތައްވަނީ. ކެންސަރަށްވުރެ މާ އާދައިގެ ބައްޔައް ފަރުވާ ނުކުރެވިގެން ސަލާން ޖަހާ މީހުން އެބަ ތިބި. އެ ބައްޔާ ހަނގުރާމަ ކުރުމުގެ ހިއްވަރު ނެތީމައެއް ނޫން. ޖީބުގައި ފައިސާ ނެތީމަ. ސިސްޓަމް އޮތީ އެހެން ޑިޒައިން ކޮށްފަ. ކެންސަރާ ހަނގުރާމަ ކުރުމުންދާ އެންމެންނަށްވެސް ރަނގަޅު ސިއްހަތެއް ދެއްވާށި.
ކޮރަލް
29 January 2022
ކެންސަރު ޖެހޭ މާއްދާތައް ހުން ނަތަކެތި ރާއްޖެ އެތެރެ ކުރަން ހުއްދަ ދެ އެވެ. ސޮސެޖް ، ފޯން ، ބައެއްކަހަލަ ޕެކެޓް އަށް އަޅާފަ ހުންނަ އެއްޗެހި ، އީ ސިނގިރެޓް ، ސިނގިރެޓް ، ދުންފަތް އަދިވެސް ވ ގިނަ ބާވަތް ތައް އެތެރެ ކޮށް ބޭޏުން ކުރެ އެވެ.
އަބޫބަކުރުބެ
29 January 2022
ފޯނަކީ ކެންސަރުޖެހޭއެއްޗެއްތަ؟ ޑރ. އަކު މިކަން ސާފުކޮށްލައިދީބަލަ.
ނޫސަންގު
29 January 2022
މީ ވަރަށް ހިތްވަރު ގަދަ ބޭފުޅުން ކޮޅެއް. މާތްﷲ މި ބޭފުޅުންނަށް ހެޔޮ ދުޢާ. އަދި ކެންސަރ ސޮސައިޓީ އިން ތިކުރައްވާ މަސައްކަތުގައި ބަރަކާތް ލައްވާށި.
ގުދުގުދުލީބެއްޔާގެ ތެދުބަސް
29 January 2022
ކެންސަރުޖެހޭ ސަބަބެއް ދިރާސާކުރާފަރާތްތަކަށް އަދިވެސް މުޅިއަކުން ސާފެއްނުވޭ. އެކަމަކު ޝައްކުވާ ކަންތައްތަކެއް ހުރޭ ޖެހިދާނެކަމަށް ބެލެވޭ ސަބަބުތަކެއްކަމަށް. ތިންބޭފުޅުންވެސް ކެންސަރަށް މަގުފަހިވާން ދިމާވި ސަބަބު ހިއްސާކޮށްލިނަމަ ކިހާ ރަނގަޅުވީސް. އޭރުންތާ ބަލައިގެންވެސް އުޅެން އެނގޭނީ. އެއީ ދިވެހި ހަރުބަހުގާވެސް އޮންނަނީ ރައްކާވެތިބިއްޔާ ދަތުރޭ.