ޚަބަރު / އަލީ ނިޒާރު، މޭޔަރު (އައްޑޫ ސިޓީ)

ކޮމަންޑޫ ދާއިރާ ކެމްޕޭންގައި އައްޑޫގެ މޭޔަރު ބައިވެރިވެޑައިގަތުމުން ފާޑުކިޔުންތަކެއް

ސ. ފޭދޫން، އަހުމަދު އަދްޝަން، މިހާރު

30 ޖެނުއަރީ 2022 - 10:59

ކޮމަންޑޫ ދާއިރާގެ ބައި-އިލެކްޝަންގެ ކެމްޕެއިނަށް މުޅި ސަރުކާރާއި އެމްޑީޕީ ވަރަށް ބޮޑަށް ހުސްވެފައިވާއިރު، އެ ކެމްޕެއިނަށް އައްޑޫގެ މޭޔަރު އަލީ ނިޒާރު އެ ދާއިރާ އަށް ވަޑައިގަތުމުން ގިނަ ބައެއްގެ ފާޑުކިޔުން އޭނާ އަށް އަމާޒުވެއްޖެ އެވެ.

އަންނަ ހޮނިހިރު ދުވަހު ބާއްވާ އެ ބައި-އިލެކްޝަންގައި އެމްޑީޕީގެ ކެންޑިޑޭޓް މުހައްމަދު ރާޝިދަށް ކެމްޕެއިން ކޮށްދެއްވުމަށް ކޮމަންޑު އަށް ވަޑައިގެން ނިޒާރު ވަނީ މިދިޔަ ހުކުރު ދުވަހު އޮތް ޖަލްސާއެއްގައި ވާހަކަ ވެސް ދައްކަވައިފަ އެވެ. އަދި ކެމްޕެއިނާ ގުޅުން ހުރި ވާހަކަތައް އަމިއްލަ ޓްވިޓާ އެކައުންޓްގައި ވެސް ޕޯސްޓް ކުރެއްވި އެވެ.

ހުކުރު ދުވަހުގެ ހަރަކާތުގައި ނިޒާރު ވިދާޅުވީ، ރާއްޖޭގެ ތަރައްގީ އަށް އޮތް ހަމައެކަނި ހައްލަކީ އެމްޑީޕީ ކަމަށާއި އެހެންވެ ރާޝިދަށް ކޮމަންޑޫގެ މީހުން ކޮންމެހެން ވެސް ވޯޓް ދޭންޖެހޭ ކަމަށެވެ.

Hehehe. Aslu ma heekedei Nizar akee asluves varah democratic meeheh kamah. But just same ....
— Ibrahim (@Ibrahim01804245) January 29, 2022

"މިއީ އެއްވެސް މީހަކު މިކަމާ ދެކޮޅު ހަދާނެ ވާހަކަތަކެއް ނޫން. އަޅުގަނޑުމެންނަށް އެ ހަގީގަތް ތަޖުރިބާ ކުރެވިއްޖެ، އެ މަންޒަރުތައް ފެނިގެން ގޮސްފި." އޭނާ ވިދާޅުވި އެވެ.

Check out your “Atholhu”!!!!
— Ali (@fithuroan) January 30, 2022

ނިޒާރު، އެ ކެމްޕެއިންގައި ބައިބެރިވެވަޑައިގެންފައިވާތީ ސޯޝަލް މީޑިއާގައި ފާޑުކިޔާފައިވާ ބައެއް މީހުން ބުނެފައިވާ ގޮތުގައި އަމިއްލަ ސިޓީ، އައްޑޫގައި ކޮވިޑް ހާލަތު ވަރަށް ގޯސްވެފައި އޮއްވައި، އެކަމާ ނޫޅުއްވައި ޕާޓީގެ ސިޔާސީ މަސައްކަތުގައި އުޅުއްވުމަކީ ބަލައިގަނެވޭނެ ކަމެއް ނޫނެވެ.

Dhuniyege best mayor komando ah vadaigannavai.. mi faharu komandoo ge magithah amilla ah gas hedhey hen hedheyne kamah vidhaalhu vani
— katheeb Hassan (@KatheebH) January 28, 2022

"ފުރަތަމަ އަމިއްލަ ސިޓީގެ މީހުންގެ ހައްގުތައް ހިމާޔަތް ކުރެވޭތޯ ބަލާބަލަ،" މީހަކު ބުނެފައިވެ އެވެ.

ނިޒާރުގެ ޑިމޮކްރެޓިކް ކަމާ ދޭތެރޭ ވެސް ސުވާލު އުފެދޭ ކަމަށާއި އަދި އޭނާއާ މެދު ވަރަށް މާޔޫސްވެއްޖެ ކަމަށް ވެސް ބައެއް މީހުންގެ ކޮމެންޓްތަކުގައި ވެ އެވެ.

ރައްޔިތުން މަޖިލިސް ކޮމަންޑޫ ދާއިރާގެ ބައި-އިލެކްޝަން އެމްޑީޕީ ކެންޑިޑޭޓް @Rashid141221 ގެ ކެންޕެއިން ހިނގާލުން ކޮމަންޑޫގައި ކުރިއަށްދަނީ #VoteRashid #Agenda19 pic.twitter.com/MnPpJQ6eYN
— MDP Secretariat (@MDPSecretariat) January 28, 2022

މިކަމާ ބެހޭ ގޮތުން ނިޒާރު މިއަދު "މިހާރު" އަށް ވިދާޅުވީ ކެމްޕެއިންގައި އޭނާ ބައިވެރިވެވަޑައިގަތީ އެމްޑީޕީގެ ފަރާތުން ލިބުނު ދައުވަތަކަށް ކަމަށެވެ. އަދި އެ ދަތުރުގެ ހަރަދު ކުރީ ވެސް އެ ޕާޓީން ކަމަށް އޭނާ ވިދާޅުވި އެވެ.

"ރަސްމީ ދަތުރެއްގައި މިދިޔަ ހަފުތާގައި މާލެ އަށް ވެސް ދާން ޖެހުނީމާ، ވީކެންޑާ ދިމާކޮށްފައި ކޮމަންޑު އަށް ދިޔައީ. އެ ރަށުގައި މިހާރު އެ ހިންގާ ކެމްޕޭން ހަރަކާތްތަކަކީ މި ފަހުން ޕާޓީން [އެމްޑީޕީން] ކުރިއަށް ގެންދާ އެންމެ ބޮޑު ސިޔާސީ ހަރަކާތް ވެސް ވީމައާ އެކު ބައިވެރިވާން ބޭނުންވީ،" ދަތުރަށް ފަހު ރޭ އައްޑު އަށް ވަޑައިގެންނެވި ނިޒާރު ވިދާޅުވި އެވެ.

"އަޅުގަނޑު ގަބޫލުކުރަނީ ޕާޓީގެ އެ ކަހަލަ ހަރަކާތްތަކުގައި ބައިވެރިވާން ޖެހޭނެ ކަމަށް. ކުރިން ވެސް އެ ކަހަލަ މަސައްކަތްތަކުގައި އުޅެފައި ހުރީމާ، އެ ހައިސިއްޔަތުން ކޮމަންޑޫ ބައި އިލެކްޝަންގެ ކެމްޕޭނަށް ދިޔައީ."

ކޮމަންޑޫ ދާއިރާގެ ބައި-އިލެކްޝަންގެ ކެމްޕެއިންގައި ސަރުކާރުގެ ވަސީލަތްތަކުގެ އިތުރުން އެކި ކަހަލަ ނުފޫޒު ފޯރުވާ ކަމަށް ބުނެ، އެތައް ބަޔަކު ދަނީ ފާޑުކިޔަމުންނެވެ. މި ކެމްޕެއިނަށް، މި ސަރުކާރު ހިންގާ ކޯލިޝަންގައި ހިމެނޭ ކުރީގެ ރައީސް މައުމޫން އަބްުދުލްގައްޔޫމްގެ އެމްއާރުއެމް ފިޔަވައި ޖުމްހޫރީ ޕާޓީ އާއި އަދާލަތު ޕާޓީން ވަނީ އެމްޑީޕީއާ ބައިއަތު ހިފައިފަ އެވެ. އެމްޑީޕީގެ ކެންޑިޑޭޓަށް ތާއީދު ކުރުމުގެ ބަދަލުގައި އެމްއާރުއެމުން ނެގީ އިންތިހާބަށް ސަރުކާރުން ނުފޫޒު ފޯރުވާ މައްސަލަ އެވެ.

އެމްޑީޕީ ށ. ކޮމަންޑޫ އައްޑޫ މޭޔަރު އަލީ ނިޒާރު، މޭޔަރު (އައްޑޫ ސިޓީ) ކޮމަންޑޫ ދާއިރާގެ ބައި-އިލެކްޝަން

23 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެކުނު

01 February 2022

ތިޔަ ހަމައިން ބަލާނަމަ މިކެންފޭނުގަ ޔާމީނު ބައިވެރި ވުމަކީވެސް ލަދުހުތުރުކަމެއް! ޖަމީލު ބައިވެރިވުމަކީވެސް ލަދުހުތުރު ކަމެއް! އެންމެ ހުތުރީ އިހަވަންދޫ މުހައްމާ ބައިވެރިވީމަ! ގައުމިއްޔަތަށްޓަކާ އިސްލާހަށްތަކާ ނުކުންނަބަޔަކު ޕޯޑިއަމްގަ އެހާ ހުތުރުބަހުން ވާހަކަދެއްކުމަކީ ހަގީގަތުގަވެސް ލަދުހުތުރުކަމެއް! ނާގާބީލު މިހައްމާ ދެވަނަ ފަހަރަށް އިހަވަންދޫ ގޮނޑިހޯދަން ތިޔަކުރަނީ ބޭކާރު މަސައްކަތެއް! ފުރަތަމަ ކޮމިއުނިކޭޝަން ސޮކިލް ދަސްކުރަންޖެހޭ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބޭރުވެލާ

31 January 2022

ފާޑުކިޔަސް ނިޒާރު އަކީ މަގުމަތީ ހަރަކާތުގެ ފަހުލަވާނެއް....އެއްވުން ތަކުގަ ފަޅުފިލުވަދޭ ބައިވެރިއެއް......އުއްމީދު ކުރަން މޭޔަރުގެ ޒިންމާ ދޫކުރައްވާފަ މަގުމަތީ ހަރަކާތާއި ގުޅި ވަޑައިގަންނަވާނެ ކަމަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހުސޭނިކުބެ

30 January 2022

ދިވެހިން ތަރައްގީވެގެން މިއުޅެނީ ގެންގުޅޭމޯބޭލު ފޯނުންނާއި ބޯލާކޮފީންނޭ ބުނަންޖެހެނީ މިހެންވެ. އަދިވެސް ވިސްނުން ފައިގެ ބޮޑުބާއިގިއްޔާހިސާބަށްވެސް ނުފޯރާ. ސަރުކާރު ހިންގާ ޕާޓިގެ އިސްމީހެއްގެ ހައިސިއްޔަތުން ސަރުކާރު ބޭނުންވާ މީހަކަށް ވޯޓުހޯދަދިނުމަށް ދެކުނުމީހަކު އުތުރަށް ދިއުން އުތުރުމީހަކު ދެކުނަށްދިއުން ކޮބާމައްސަލައަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިލާ

30 January 2022

ބަލަ ނިޒާރުވެސް ފިރާގުވެސް ގެންގޮސްގެން އެ ގޮނޑި ނަގަންޖެހޭ.. ކައުންސިލް އިންތިހާބު ގެއްލުނުފަހުން "މައި ސަރުކާރުން" އޮތީ އިންޒާރު ދީފަ މި ގޮނޑިއަށް ބަލާފަ ނޫނީ ދެން ޚަރަދު ނުކުރެވޭނެކަމަށް.. އެހެންވެ ތެޅި މަރުވަނީ..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުލޭ

30 January 2022

ނޭފަތުކުރިއާ ހަމައަށް ފެންގަނޑު އެރީމާ ތެޚިފޮޅިގަންނާނެ. އެކަހަލަ ގޮތެއް ފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސިމްޕަލް

30 January 2022

ބައި އިލެކްޝަނަށް ކެމްޕޭން ދާގޮތުން ހަނދާން ވަނީ 90ގެ އަހަރު ތަކުގައި ވިކްޓްރީއާ ނިވްރޭޑިއަންޓް ކުޅޭ ފުޓްބޯޅަ ފައިނަލް މެޗެއްހެން. އެދުވަސްވަރު ފެންނާނެ ރާއްޖޭގެ އެކިދިމާލުން "ސިމްސިމް ކިޔަވާ" މީހުން މާލެ ގެނެސް ގޭގޭގައި ބައިތިއްބާފައި ހުންނަތަން. މީހުން ބުނެ އުޅުނީ އެއީ އުންޑަ ކައްކަން ގެނެސްފައި ތިބޭ މީހުންކަމަށް. މެޗުން މޮޅުވާން، ދަނޑުބޭރުންނާ ދަނޑުމަތިން ކުރެވެން އޮތްހުރިހާ ކަމެއް ކުރާނެ. ނުފޮރުޅާ ގަލެއް، ފެންނުނަގާ ވަޅެއް މާލެގައި ނުހުރެއޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަނބޫޗީ

30 January 2022

ގޮނޑި ލިބެންދެން ރައްޔިތުން ކައިރިން ޕާޓީ މީހުން ސަލާމް ޖަހާނެ. އެޔަށްފަހު ހަރާމްކޯރުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރަދީފު ބިން ރަފައިދާ

30 January 2022

މޭޔާރު ކުރާނެކަމެއްނެތިއްޔާ މަހަށް ދޭބަލަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕާރޓީ ޕްލޭސް

30 January 2022

އެއްވެސް ވމައްސަލައެއް އޮތް ކަމެއް ނޫން އެއީ އޭނާގެ ލީޑަރޝިޕް ފެނިގެން ދިޔަ ކަމެއް ޕާރޓީން ކުރާ ކަންކަމުގަ ޕާރޓީގެ މީހުން ފެނިގެން ދިޔުން އެއީ މުހިންމު ކަމެއް ކަހާތަން ހިރުވައިވެސް ނުލާ ތިބުމެއް ނޫން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކައުންސެލަރު

30 January 2022

"ރާއްޖެތެރޭގެ" ދާއިރާއެއްގެ އެންމެ ގޮނޑިއަކަށް ރައްޔިތުންގެ މަޖިލީހެއްގެ ސުޕަމެޖޯރިޓީ އޮތްޕާޓީއަކުންނާ އަދި މުޅި ސަރުކާރެއްގެ ހުރިހާވެރިންނާ ސަރުކާރު ހިއްސާވާ ގިނަ ކުންފުނިތަކެއްގެ ވެރިންނާ ނުވިތާކަށް "ކަމާނުބެހޭ ވެރިން" ވެސް ހިމަނައިގެން ކެމްޕޭނު ކުރީމާ ސަރުކާރެއްގެ ހުރިފެންވަރު މިފެންނަނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަލީމަ ދައިތަ.

30 January 2022

ކޮން ރާއްޖެތެރެއެއް ކިޔާކަށް.ތިއީ 'ކ.އަތޮޅު މާލެ އަކީ ރާއްޖެތެރޭގެ އެންމެ ބޮޑުރަށް' ދިވެހިބަހުގައި ތެރެ ނުވަތަ އެތެރެ ކިޔަނީ މެދުގައި އޮންނަ ތަނަތަނަށްކަމަށް އޮވޭ. އެހެން ކަމަށްވާނަމަ ތިއީ ރާއްޖޭގެ މެދުތެރޭގައި އޮތް ރާއްޖެތެރޭ ރަށެއް.