30 ޖެނުއަރީ 2022 - 11:31
12 comments
އައްޑޫގައި ބިން ހިއްކުމުގެ ބޮޑު މަޝްރޫއެއް ފަށަން ނިންމާފައިވާތީ، އެ މަސައްކަތް ނިމުމުން ކުރިއެކޭ އެއްގޮތަށް އާންމުންނަށް ގޯތި ދޫކުރާނެ ކަމަށް މޭޔަރު އަލީ ނިޒާރު މިއަދު ވިދާޅުވެއްޖެ އެވެ.
އޭނާ "މިހާރު" އަށް ވިދާޅުވީ، ގޯތި ދޭނެ ބިމުގެ ދަތިކަން މި ވަގުތު އައްޑު އަށް ވަރަށް ބޮޑު ކަމަށާއި ބޯހިޔާވަހި ކަމަށް ހާއްސަ ކޮށްގެން ކުރިން ބިން ދޫކުރަމުން އައި ގޮތަށް ބިން ދޫކުރުމަކީ މިހާރަށް ބަލާއިރު ކުރަން ފަސޭހަ ކަމެއް ނޫން ކަމަށެވެ.
ނިޒާރު ދެކެވަޑައިގަންނަވާ ގޮތުގައި، އެއީ ދާއިމީ ހައްލެއް ވެސް ނޫނެވެ.
"އެކަމަކު ބިން ހިއްކަން ކުރިއަށް ގެންދަން ނިންމާފައިވާ މަޝްރޫއަށް ފަހު އައްޑޫން އަލުން ގޯތި ދޫކުރުމަކީ އަހަރެމެން ކުރާނެ ކަމެއް،" މޭޔަރު ވިދާޅުވި އެވެ.
އައްޑޫގެ ހަތަރު ސަރަހައްދެއްގެ ބިން ހިއްކުމުގެ މަޝްރޫއު ކުރިއަށް ގެންދަން ނިންމާފައި ވަނީ އިންޑިއަން އެގްޒިމް ބޭންކުގެ 800 މިލިއަން އެމެރިކާ ޑޮލަރުގެ ލައިން އޮފް ކްރެޑިޓް ފެސިލިޓީގެ ދަށުންނެވެ. މި މަޝްރޫއުގެ ދަށުން އައްޑޫންް ގާތްގަނޑަކަށް 230 ހެކްޓަރުގެ ބިން ހިއްކާނެ އެވެ. އެކަމަކު، އެ މަސައްކަތް އަދި ބަޔަކާ ހަވާލު ނުކުރާތީ އެ ކަމަށް ނަގާނެ ދުވަހެއް ނޭނގެ އެވެ.
އައްޑޫގައި އެންމެ ފަހުން ބިން ހިއްކާފައި ވަނީ ކުރީގެ ރައީސް އަބްދުﷲ ޔާމީންގެ ވެރިކަމުގައި ފޭދޫންނެވެ. އެކަމަކު ފޭދޫ ވަށައިގެން ހިއްކި ބިމުން ބޯހިޔާވަހިކަމަށް ބިން ދޫކޮށްފައެއް ނުވެ އެވެ. އެކަމާ ގުޅިގެން އާންމުންގެ ޝަކުވާތަކެއް ހުރި އިރު، ފޭދޫ ހިއްކި ބިމުން ލޯކަލް ޓޫރިޒަމަށް ބިން ދޫކޮށްފައިވެ އެވެ.
ކައުންސިލުން ދާފި ފަހުން ވަނީ ބޯހިޔާވަހިކަމުގެ މަޝްރޫއުތަކެއް ކުރިއަށް ގެންދަން ތުރުކީގެ ވިޒްޔޮން ވިލާ ކުންފުންޏާއި ޗައިނާގެ ބީޔޫސީއެންޖީއާއެކު ވެސް އެއްބަސްވުންތަކެއްގައި ސޮއިކޮށްފަ އެވެ.
މިހާރު ގޯތި ލިބި، ގެ ނުހެދި ތިބި މީހުންނަށް ހެޔޮ އަގުތަކެއްގައި ގެ ހެދުމުގެ ފުރުސަތު ޗައިނާގެ ކުންފުނީގެ އެހީތެރިކަމާއެކު ލިބޭނެ އެވެ. ތުރުކީގެ ކުންފުނީގެ މަޝްރޫއުގެ ސަބަބުން، ފްލެޓް އުސޫލުން ބޯހިޔާވަހިކަމުގެ ދަތިކަމަށް ހައްލެއް ލިބޭނެ އެވެ.
"އެ ދެ ކުންފުންޏާ ގުޅިގެން ހިންގާ މަޝްރޫއުތަކުގެ ސަބަބުން އައްޑޫގެ ބޯހިޔާވަހިކަމުގެ މައްސަލަތަކަށް ބޮޑު ހައްލެއް އަންނާނެ،" ނިޒާރު ވިދާޅުވި އެވެ.
އައްޑޫން ބިން ހިއްކައިގެން ގޯތި ދޫކުރަން ނިންމާފައިވާއިރު، އެންމެ ފަހުން ގޯތިދޫކުރަން އިއުލާންކުރީ 2019 ގަ އެވެ. އޭރު ކައުންސިލުން އިއުލާންކުރީ އައްޑޫގެ ވަކިން އޮންނަ ހުޅުދު އާއި މީދޫން ކޮންމެ އަވަށަކުން 2،000 އަކަފޫޓްގެ 50 ގޯތި ދޫކުރުމަށެވެ.
ކުރީގެ ރައީސް މުހައްމަދު ނަޝީދުގެ ވެރިކަމުގައި ފޭދޫގެ ދެ ދިމާއެއްގައި 25 ހައުސިން ޔުނިޓް އެޅި އެވެ. އަދި ޔާމީންގެ ވެރިކަމުގައި ހިތަދޫގައި 264 އަދި ހުޅުމީދޫގައި 48 ފްލެޓް އިމާރާތްކުރި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަބީބު
31 January 2022
ގޯތިދީގެން ޑުރަގްހާލި ހަދަނީ ވީ މާ ދެކޮޓަރީގެ ފުލެޓު އަލާފަ ދިނުން މާރަނގަޅު އައްޑޫ މީހުން ނޫޅޭ މިތާ އުޅޭކައް
ނޯވޭ
31 January 2022
ސްޕީކް ފޯ ޔޯ ސެލްފް. އައްޑޫގަ އެބަތިބި ގޯތިނުލިބި މާލޭގައި މީހުން އުޅޭހާ ދަތި ހާލުގަ އުޅޭ މީހުން. ފްލެޓް އެއް ނޫން. ހަމަ ބިން ބޭނުން!
ޙަބިބު
31 January 2022
މަހާޖައްރާފުގެ ފޮނި މީރުކަން އައްޑޫގެ ރައްޔިތުންނައް ހޯދައިދެއްވާ ޔާ މީނު ޙަމަބެސްޓު
ކާރޫ އަހުަމދު
30 January 2022
އައްޑޫގައި އެންމެ ފަހުން ބިން ހިއްކާފައި ވަނީ ކުރީގެ ރައީސް އަބްދުﷲ ޔާމީންގެ ވެރިކަމުގައި އަދިވެސް ވިއްޔާ ވާނީ ޔާމީނަށް. އެކން ނިޒާރުވެސް ގަބޫލްކުރޭ. އެކަމަކު ޕާޓީއަށްޓަކައިވީމަ އެހެން އެއްޗެކޭ ކިޔަނީ
ތިނަދޫ މީހާ
30 January 2022
ހަވަރު ތިނަދޫގައި ތިބި ގޯއްޗަށް ޝަރުތު ހަމަވާމީހުންނަށް ގޯތި ނުދީ ރަށުން ބޭރު މީހުންނަށް ތިނަދަުއިން ގޯތި ދީފިއްޔާ ތިނަދޫއިން އެމްޑީޕީގެ ވަސް ވެސް ފުހެވިގެން ދިއުން ވަރަށް ކައިރިއެވެ. އައްޑޫ މީހުންގެ ގޮތެއް ބުނެދޭކަށް ނޭގެއެވެ
މުހައްމާބެ
30 January 2022
އައްޑޫއަކުން ދެންގޯއްޗެއްނުދޭނެ ވަރައްސާފް އެކަމުގެ ހަެކި އައޑޫގަ އެފެއްޓީ މާލޭގެގޮތައް ރިޔަލްސުޓޭޓް ފުލެޓް (ގެސްޓް ހައުސް) ވިޔަފާރި ނަމުގަ ރައްޔިތުންގެ ބޯހިޔާވަހިކަމުގެ މަސްރޫއް މީމައުމޫނުގެ ދައުރުގަ ފެއްޓިރައްޔިތުން އަޅުވެތިކޮއް ފަސޭހަކަމާއެކް ވޯޓްހޯދަން ރައްޔިތުމީހާ ބުރަމަސަތްކަތް ކޮއްގެންހޯދާމަދު ފައިސާކޮޅު ކުލިގެގޮތުގައި އަދުލީމަ ރައްޔިތުމީހާޔައް މަޖްބޫރްވީނޫންތޯ 5 އަހަރުން އެނަގާވޯޓްގަ މީހުން ބަހާ ހަދިޔާ(ރިސްވަތް) ގަހިފަން މީރާވައިގެން ހިނގ
ގުދުގުދާބެއްޔާ
30 January 2022
ތިޔަ ގާނޫނު ނުހިގަނީ މާލޭ ސިޓީއަށް އެކަނި މާލެސަރަހައްދު ހިއްކިފަހުން މިހާރި 40 އަހަރަށްވުރެން ގިނަދުވަސްވެ ކާފަގެ ގޯތި 9 ބަޔަށް ފޮތިކޮށް މީހަކަށް 100 އަކަފޫޓްގައި ދިރިއުޅެ ކޮންމެ މީހަކަށް 6 ދަރިން ލިބިފަ މިވަނީ! މާލޭ ރައްޔިތުންނަށްއަނިޔާވެރިވީ 2009ގައި ފަރުކޮޅު ފުއްޓާއެއްކޮށް ނަސީދު އެޗްޑީސީއަށް ދިނީމައި! އެޗްޑީސީއިން ލޯލާރިއެއްވެސް ޚަރަދުނުކޮއް! 2023 ގައި ވޯޓްހޯދަން މާލޭމީހުންގެ ގާތައް އައިސްފިނަމަ ތަފާލެއް ޖަހާނެވާހަކަ ދަންނަވަން!
ގުދެއްނެތް މީހާ.
30 January 2022
ރާއްޖޭގެ އެހެން ރަށްރަށަށް އަޮތޮޅުތެރެއޭ ކިޔައިގެން ކަލޭމްން މުޅި ދައުލަތުގެ ޙަޒާނާއަށް ވެރިވެގެންތިބޭނަމަ ކަލޭމެނެކޭ އެއްވަރަށް އެހެން ރަށްރަށުގެ ރައްޔިތުނަށްވެސް ތިޔަ މުޤައްދަސް ރަށްގަނޑުގެ މައްޗަށް ހައްޤުތަކެއް ހިމެނޭނެ. އެހެން ނޫންކަމަށްވާނަމަ ކަލޭމެން މަސައްކަތްކޮށްގެން ރާއްޖޭގެ ވެރިކަން ލ.އަތޮޅު ގަމަށް ބަދަލުކޮށް ތިޔަ ޙައްޤު ހޯދާ. އެކަމަކު ކަލޭމެން ބޭނުމީ ކުލީ އަޅުން ކަލޭމެންގެ ރަށަށް ޖަމާކުރަން އެހެން ނޫންތޯ.
އައްސިދަ
30 January 2022
މޭޔަރަށާއި ކައުންސިލަރުންނަކަށް ތިކަން ނުކުރެވޭނެ. ލާމަރުކަޒީއޭ އެމްޑީޕީ ކިޔައި އުޅުނު ކަމުގައިވިޔަސް މާތޮޑާ އަސްލަމް ބުނާ ގޮތަކަށް މެނުވީ މަގުގައި ގާކޮޅެއްވެސް ބާއްވަން ކައުންސިލަރަށް ބާރެއްނެތް.
އޮނަރަބްލް އަފީފު ދީދީ
30 January 2022
އައްޑޫގެ އާބާދީ 4 ގުނަ ކުރުމަށާއި އަވަރަށްޓެރި ދެކުނު އަތޮޅުތަކުން އައްޑުއަށް ހިޖުރަކުރާން ބޭނުން މީހުނަށް ފުރުސަތު ދިނުމަށްޓަކާ ހިއްކެންއޮތް އެންމެބޮޑަށް އައްޑޫ ހިއްކަންޖެހޭ. # އެހެން ނަމަވެސް ތަރުތީބު އުސޫލަކުން ކަންކުރުމަށްޓަކާ ފުރަތަމަ އައްޑޫ ގޭންއެއަރޕޯޓް ފުލްފުލޭޖްގައި އިންޓަރނޭޝަނަލް އޮޕަރޭޝަނަށް ގެނެސް "ބޮޑު ތަޅު އަޅުވާފައިވާ އައްޑޫގެ އިޤްތިސޯދު މިނިވަންކޮށް" ރައްޔިތުންނަށް އުއްމީދު ގެނެސްގެން މެނުވީ ތިކަންކަން ކާމިޔާބުކުރަން އުދަގޫވާނެ.
ޑޮކްޓާރ. ބަނާނާ
30 January 2022
ޥޯޓް ދުވަސް ކޮޅު ކައިރިވާތީވެ ކަރުން ނާރު ފުއްޕާވަރަށް ހަޅޭއްލާ ފަތުއަޑު ކިޔާފަ ތަރައްގީ ގެ ނަމުގައި މަގުހެދުމާއި ފާހާނާ ހޮޅިވާޅުލާ ތަރައްގީގެ ޕްރޮޖެކްޓް ހިންގާ ވާހަކަ ދައްކާނެ... މިއަދުވެސް އައްޑު އަތަޮަަޅު ރައްޔިތުމީހާގެ ޖީބަށް ވައްނާނެ އެއްޗެއްނެތް! ލިބޭ ވަޒީފާއެއްނެތް! އާއިލާ ދެކެން ރަށަށް ދާނަމަ 2666 ރުފިޔާ ޓިކެޓެއް! ރަދީފު ބެނާހެން ތަފިރިން ލަދަ ވީ ކޮންތާކި !!!!!
ރަދީފްއޮފިޝިއަލް
30 January 2022
އައްޑޫ މީހުންގެ ބޮލުގަ ޖަހާލަން ރަނގަޅު ޗިޕެއް ހިފައިގެން މީނަ ރޭ އަތޮޅަށް އައީ.އަތް ޖަހާ ، އަތް ޖަހާ.ވ.ވެދުން