ވިޔަފާރި / އުރީދޫ

އުރީދޫ ކަސްޓަމަރުންނަށް އިންޓަނެޓް ބޭނުންކުރުމުގައި ދަތިތަކެއް ދިމާވެދާނެ

މީހަކު ޓެބްލެޓެއް ބޭނުން ކުރަނީ: އުރީދޫ އިންޓަނެޓް ހިދުމަތައް ބުރޫ އަރާފާނެ ކަމަށް އެ ކުންފުނިން ބުނޭ--

އިދުހާމް ނައީމް، މިހާރު

01 ފެބުރުއަރީ 2022 - 12:58

1 comments

އުރީދޫ ކަސްޓަމަރުންނަށް އިންޓަނެޓް ބޭނުން ކުރުމުގައި ދަތިތަކެއް ދިމާވެދާނެ ކަމަށް އެ ކުންފުނިން ބުނެފި އެވެ.

އެ ކުންފުނިން ކުރި ޓްވީޓެއްގައި ބުނީ އިންޓަނެޓް ހިދުމަތަށް ބުރޫ އަރާނެ ކަމަށް ލަފާކުރެވެނީ އެ ކުންފުނީގެ ބައިނަލްއަގުވާމީ އައިއެސްޕީ ޕާޓްނަރަކަށް ދިމާވި މައްސަލައަކާ ގުޅިގެން ކަމަށެވެ. އައިއެސްޕީ ޕާޓްނަރުންނަކީ ކުންފުނިތަކާ ގުޅިގެން އިންޓަނެޓް ހިދުމަތް ދޭ ބައިނަލްއަގުވާމީ ކުންފުނިތަކެވެ.

Our customers may be facing some interruptions in using internet services, due to an unforeseen issue faced by our international ISP partner.
— Ooredoo Maldives (@OoredooMaldives) February 1, 2022

ހިދުމަތްތަކަށް ބުރޫ އަރާފާނެ ކަމަށް ބުނެ އުރީދޫން ކުރި ޓްވީޓް--

މި މައްސަލަ ހައްލުކުރުމަށް އެ ޕާޓްނަރާ އެކު އުރީދޫން މަސައްކަތް ކުރަމުން އަންނަ ކަމަށާއި މައްސަލަ ހައްލުވިހާ އަވަހަކަށް ހިދުމަތް މެދުނުކެނޑި ލިބެމުންދާނެ ކަމަށް އުރީދޫން ބުންޏެވެ.

މިކަމުގެ ސަބަަބުން ކަސްޓަމަރުންނަށް ދިމާވާ ދަތިތަކަކަށް އުރީދޫން ވަނީ މައާފަށް އެދިފަ އެވެ.