ހޫނު މޫސުމުގައި ކަރަންޓް ބިލު ބޮޑުވާތީ ސްޓެލްކޯއިން މިއަހަރު ވެސް ކެމްޕޭނެއް

ކަރަންޓް ބިލް ބޮޑުވާތީ ސްޓެލްކޯއިން ފެށި ސޭވް އެނާޖީ ކެމްޕޭން ފެށުމުގެ ރަސްމިއްޔާތުގައި އެ ކުންފުނީގެ އިސް ބޭފުޅުން ބައިވެރިވެވަޑައިގަންނަވަނީ-- ފޮޓޯ: ފަޔާޒު މޫސާ/މިހާރު

އިދުހާމް ނައީމް، މިހާރު

13 ފެބުރުއަރީ 2022 - 14:20

12 comments

ހޫނު މޫސުމުގައި ގިނަ ގެތަކުން ކަރަންޓް ބިލް ބޮޑުވާތީ، އާއްމުން ހޭލުންތެރި ކުރުމަށް ހާއްސަ ކެމްޕޭނެއް ސްޓެލްކޯއިން މިއަދު ފަށައިފި އެވެ.

"ސޭވް އެނާޖީ" ގެ ނަމުގައި ފެށި މި ކެމްޕޭނަކީ 2019 ވަނަ އަހަރުން ފެށިގެން ކޮންމެ އަހަރެއްގެ ހޫނު މޫސުމާ ދިމާކޮށް ސްޓެލްކޯއިން ކުރިއަށްގެންދާ ކެމްޕޭނެކެވެ. މިއީ ހޫނު މޫސުމުގައި ކަރަންޓް ބިލް ކުޑަ ކުރުމަށް ކުރެވޭނެ ކަންކަމާ ގުޅޭގޮތުން މައުލޫމާތު ދިނުމަށް ހިންގާ ކެމްޕޭނެކެވެ.

ސްޓެލްކޯގެ މެނޭޖިން ޑިރެކްޓަރު ހަސަން މުޣުނީ ވިދާޅުވީ ފާއިތުވި 15 އަހަރުގެ ހިސާބުތައް ދައްކާ ގޮތުގައި ކޮންމެ އަހަރެއްގެ ވެސް ކުރީކޮޅު ކަރަންޓް ބިލުތައް ބޮޑުކަމުގެ ޝަކުވާތައް ލިބޭ ކަމަށެވެ. މިއީ ހޫނު ވުމުގެ ސަބަބުން އަންނަ ބަދަލެއް ކަމަށާއި އެ ކުންފުނީގެ ކެމްޕޭނާ އެކު ޝަކުވާތައް ވަރަށް ބޮޑަށް ދަށްވެފައިވާ ކަމަށް އޭނާ ވިދާޅުވި އެވެ.

މުޣުނީ ވިދާޅުވި ގޮތުގައި ހޫނު މޫސުމުގައި ވެސް ރަނގަޅު ގޮތުގައި ކަރަންޓް ބޭނުން ކުރެވިއްޖެ ނަމަ ބިލު 15 ޕަސެންޓަށް ދަށްވާނެ އެވެ. އަދި މިކަން ކުރުމަށް ސްޓެލްކޯ އިން ބޭނުންވާ އެހީތެރިކަން ލިބޭނެ ކަމަށް ވެސް އޭނާ ވިދާޅުވި އެވެ.

"ހޫނު މޫސުމާ ދިމާކޮށް ކަރަންޓް ހޭދަކުރާ ގޮތް ވަރަށް ބޮޑަށް ބަލަން ޖެހޭ. ރަނގަޅަށް ކަރަންޓް އިގްތިސާދު ނުކުރެވިއްޖެ ނަމަ އިސްރާފަކަށް މިވަނީ. އަޅުގަނޑުމެން ބޭނުން ނުވޭ އެއްވެސް ކަސްޓަމަރެއްގެ އަތުން އިތުރަށް ބޭކާރު ގޮތުގައި ފައިސާ ހަރަދުވާން. މި ކެމްޕޭނުގެ ދަށުން ކަސްޓަމަރުންނަށް ކަރަންޓް އިގްތިސާދު ކުރުމާ ގުޅޭ ގިނަ މައުލޫމާތު ލިބޭނެ،" މުޣުނީ ވިދާޅުވި އެވެ.

ސޭވް އެނާޖީ ކެމްޕޭނާ ގުޅޭގޮތުން ސްޓެލްކޯގެ މެނޭޖިން ޑިރެކްޓަރު މުޣުނީ ވާހަކަދައްކަވަނީ-- ފޮޓޯ: ފަޔާޒު މޫސާ/މިހާރު

ސްޓެލްކޯއިން ވަނީ މި ކެމްޕޭނުގެ ދަށުން ތަފާތު ހަރަކާތްތައް ކުރިއަށްގެންދަން ނިންމައިފަ އެވެ. މި ހުރިހާ ހަރަކާތެއްގައި ވެސް ކަރަންޓް ހޭދަކުރުމާ ގުޅޭ މައުލޫމާތު ލިބޭނެ އެވެ.

ސްޓެލްކޯގެ ކެމްޕޭނުގެ ދަށުން ރާވާފައިވާ ކަންކަން

- އެންމެ ބޮޑަށް އެނާޖީ ސޭވްކުރާ ކަސްޓަމަރުންގެ މެދުގައި ފައިސާގެ އިނާމް ލިބޭ ޕްރޮމޯޝަން ހިންގުން.

- ސްކޫލް ކުދިންނާއި ބެލެނިވެރިންނާއި މިނިސްޓްރީތަކާއި ސަރުކާރުގެ އިދާރާތަކުގެ މުވައްޒަފުންނަށް އަމާޒުކޮށްގެން މައުލޫމާތު ސެޝަންތައް ބޭއްވުން.

- މާލޭގެ އެކި ސަރަހައްދުތަކުގައި ބިލް ބޯޑުތައް ހަރުކުރުން.

- ސޯޝަލް މީޑިއާ ކެމްޕޭން.

- ސްޓެލްކޯގެ "މާޓީވީ" މެދުވެރިކޮށް މައުލޫމާތު ދިނުން.

- ކުޑަކުދިންގެ ހަވީރު.

ކަރަންޓު ސްޓެލްކޯ ކަރަންޓް ފިއުލް ސާޗާޖް

12 ކޮމެންޓް, 4 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖާބެ

14 February 2022

ކަލޯގަޔާ ދިވެހިރާއްޖެޔައް މިހާރު ސްޕްރިންގ، ސަމަރް، ފޯލް، ވިންޓަރ 4 މޫސުން އެބައާދެ ފައިސާ ފެލުމުގެ ސައިކޮލޮޖިކަލް ގޭމްގަ ދިވެހިން ވ.ފަސޭހައިން ޖެހޭނެ.. ތެލަކީ ރާއްޖެޔައް ސަބްސިޑައިޒްކޮށްގެން ގައްނައެއްޗެ، މީގެ އަގައ ބަދަލްގެންނަނީ ކަޓު ފައިސާ ނުވަތަ ދައުލަތުގެ ބަޖެޓް މިސްޔޫސްކޮށްގެން ރައްޔިތުން އަތިން އިތުރައް ޖޫރިމަނާ އަދި ޓެކްސްތަކާ ފީތަކާ ނުނެގޭތީވެ މިގޮތައް އިތުގޮތްގޮތުން ފެލަނީ.. ދައުލަތުގެ ޙަޒާނާއިންކުރާ ކަމެއް ރައްޔިތުންނައް ފޮރުވަގެން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކަނޑުކޮސް

14 February 2022

މިދިޔަ ދެތިން އަހަރު އެކަނިތަ ހޫނުމޫސުން އަންނަނީ، ކަލޭ ނެރުނު ފޮތުގައި އޮތްގޮތުން ޚިދުމަތް ދޭންފެށިތާ ބައި ގަރުނަށްވުރެ ގިނަވެއްޖެ. އެކަމަކު މިހާރަކު ހޫނުމޫސުން އައިސްގެން ކަރަންޓަށް މިވާގޮތެއް ނޭނގުނު. އަނެއްކާވެސް އެވޯޑެއް ހޯދަން މަޅިއެއް ޖަހަނީދޯ؟ މީ ހާދަ މަޖާކަމެކޭ. ދުނިޔޭގެ އެހެންގައުމުތަކުގަ ވާގޮތެއްނޫން މިއަކީ، އެއަރކޯނެއް ލައިފިއްޔާ ބޮޑުވަނީތަ؟ ނުލާ ގޭގެއިން ބޮޑުވަނީ ކޮންކަމަކާ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނޯއޭސީހޯމް

13 February 2022

ދެންތިހެންކިޔާފައި ބިލްބޮޑުކޮށްފައި ނުފޮނުވާތި. މިގޭގައި ހުންނަނީ 2 ފަންކާއާ ދޮންނަމެޝިނަކާ އިސްތިރިއެއް. ހޫނުމޫސުމުގައި އިސްތިރި އަވަހަށްހޫނުވެފަ މެޝިން ބާރަށް ދޮވެވިފަ ފަންކާ އިތުރަށް ބުރުއަޅާކަމެއް ނުދެނަހުރިން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެވެލި

13 February 2022

ހޫނު މޫސުމާ ފިނި މޫސުން އޮވޭތޯ މިގައުމުގައި؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

13 February 2022

ދެން ފިނިމޫސުމުގައި ސްނޯ ފޭބީމަ އިންޖީނުތަށް ނިއްވައިގެން އެބައި ފޫބެއްދީމަ ވީއެއްނުން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

14 February 2022

ސްނޯ ފައިބައޭ! ސަލްޓަންޕާކް ކަންމައްޗައް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

13 February 2022

މިއަށްވުރެން މާބޮޑުކަމެއް އެމްޑަބްލިއު އެސްސީ އިން ކުރަމު ންދަނީ! ގޭގެއަށް ލާ ފެންމީޓަރ ލަނީ 1800ރ ވަރު ދައްކައިގެން! އެކަމަކު މަހުފީގެ ގޮތުގައި 30ރ ކޮންމެ ފެންމީޓަރަކަށް އުމުރު ދުވަހަށް ނަގަމުން ދަނީ ކޮން އުސޫލަކުންބާ؟. ރައްޔިތުންގެ ހައްޤޭ ކިޔާ ބާރަށް ހަޅޭއްލަވާ މިއުޅޭ މަޖިލިސް މެންބަރުންނަށް މިވަރުގެ ކަމެއް ރައްޔިތުންގެ ހައްޤުގައި ކޮއްލަންނުކެރޭ! ދެން ދައުރު ހަމަވާން ކައިރިވީމާ ރައްޔިތުން ފެންނަވަރުން ގަޔަށްހިނިއަރައިގެން އުޅޭނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕުޓިން

13 February 2022

ސްޓެލްކޯ މިއީ އަސާސީ ހިދުމަތްދޭ ތަނެއް އެކަމަކު ސާފުފައިދާ 60 މިލިއަން، ބިލުތައް މިހާރު މަހު ކުލިއާ އެއްވަރުވަނީ، ސޭވްދަ ޕީޕަލް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބޫބަކުރު

13 February 2022

މިއީ ސަރުކާރުން އަންގައިގެން މިއަންނަމަހު ކަރަންޓް ބިލު ބޮޑުކޮށް ރައްޔިތުން ފެލާލަންވެގެން ޖަހާ މަޅިއެއް. ބަލަ މީ ހޫނު މޫސުމާ ފިނި މޫސުން އަންނަ ޤައުމެއްތަ؟ ކީއްވެތަ ސަރުކާރުން އަންގައިގެންނޭ ބުނަން ނުކެރެނީ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޙދޖފނދިހދ

13 February 2022

ސޯލާ ޕެނަލްއަށް ބަދަލުކޮށްލާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓޭ1

13 February 2022

މީނަ އެއްލައްކައިން މަތިން މުސާރަނަގައިން ދެން އަހަރުމެންވީ އަތުން ވިހޭ ދަނޑި ފަންކާ ހޯދައިން ފުޅި ބައްތި ދިއްލައިން ތިބެން. މީނަ އޭސީގަ ދެފައި ދަމާފަ. ދެން ހޫނު މޫސުމުގަ ބޮޑުވާ ބިލު ކީއްވެހޭ ކުޑަ ނުވަނީ ހޫނު މޫސުން ދިއައިމަ. އަނެއްކާ އަނެއް އަހަރުވެސް ވަނީ ބޮޑު. ބިލު ބޮޑު ކުރަންވެގެން މީހުން މައިތިރި ކުރާނެ ފޯމިއުލާއެއް ހޯދަނީ