ކުޑަކުދިންގެ މައްސަލަތައް ބަލަން އުފެއްދި ރިޔާސީ ކޮމިޝަނަށް މެމްބަރުން އައްޔަންކުރެއްވުމަށް ފަހު، ރައީސް އިބްރާހިމް މުހައްމަދު ސޯލިހު އެ ކޮމިޝަންގެ މެމްބަރުންނާ ބައްދަލު ކުރައްވަނީ.-- ފޮޓޯ: ރައީސް އޮފީސް
22 ފެބުރުއަރީ 2022 - 22:11
9 comments
ކުޑަކުދިންނަށް ކުރާ އަނިޔާގެ މައްސަލަތައް ބެލުމަށް އުފެއްދި ރިޔާސީ ކޮމިޝަންގެ މަސައްކަތްތައް ނިމުމުން، އެ ކޮމިޝަން މިއަދު އުވާލައިފި އެވެ.
ކުޑަކުދިންގެ ހައްގުތައް ރައްކާތެރިކޮށް ކަށަވަރުކޮށްދިނުމުގެ ބޭނުމުގައި ކޮމިޝަން އުފެއްދީ ފެބްރުއަރީ 20، 2020 ގަ އެވެ. ނަމަވެސް ހަވާލުކުރި މަސައްކަތްތައް ފުރިހަމަވެއްޖެ ކަމަށް ކަނޑައަޅައި ރައީސްގެ ގަރާރަކުން އެ ކޮމިޝަން ވަނީ އުވާލައިފަ އެވެ.
ކުޑަކުދިންނަށް ކުރާ އަނިޔާގެ މައްސަލަތައް ބަލަން އުފެއްދި ކޮމިޝަންގެ މައިގަނޑު މަސްއޫލިއްޔަތަކީ ކުޑަކުދިންނަށް ކުރާ އަނިޔާތަކާ ގުޅޭ މައްސަލަތަކުގައި ދައުލަތުން މަތިކޮށްފައިވާ ޒިންމާތައް އަދާކޮށްފައިވާ ގޮތާއި މިހާރުގެ ހާލަތު ދެނެގަތުމެވެ.
އޭގެ އިތުރުން ކުޑަކުދިންނަށް ދިމާވާ އަނިޔާގެ މައްސަލަތަކުގެ ބާވަތާއި އެކަންކަން ދިމާވި ތަނާއި ވަގުތާއި ހާލަތާއި އެކަމުގައި ޝާމިލްވާ މީހުންގެ އުމުރާއި އިގްތިސާދީ އަދި އިޖުތިމާއީ ހާލަތާއި ކުށްކުރަން ނުވަތަ އަނިޔާ ލިބެން މެދުވެރިވާ ސަބަބުތައް ހޯދައި އަނިޔާ ލިބުނު ކުދިންގެ މިހާރު ހާލަތާ ބެހޭ މައުލޫމާތު އެއްކުރުން ހިމެނެ އެވެ. އަދި ދައުލަތުގެ އިދާރާތަކުން އެ ބާވަތުގެ މައްސަލަތަކުގައި ޒިންމާ އަދާކޮށްފައިވާ ގޮތާއި މިންވަރު ދެނެގަތުމަކީ ވެސް އެ ކޮމިޝަންގެ ޒިންމާއެކެވެ.
ކުޑަކުދިންނަށް ކުރާ އަނިޔާތަކުގެ މައްސަލަތައް، ފަސް މެމްބަރުންގެ ކޮމިޓީން ދިރާސާކޮށް، ދިރާސާގެ ހޯދުންތަކުން ވަޒަންކުރެވޭ ކަންކަމާމެދު، ކަމާ ގުޅޭ އިދާރާތަކުން އަޅްންޖެހޭ ފިޔަވަޅުތައް ބަޔާންކޮށް، ރައީސް އިބްރާހިމް މުހައްމަދު ސޯލިހަށް ތަފްސީލީ ރިޕޯޓެއް ހުށަހަޅާނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
23 February 2022
ހައުސިންގ މިނިސްޓްރީވެސް އުވާލާ. ދިވެހިކޮންމެ ރައްޔިތަކަށް ފްލެޓެއް ލިބިއްޖެ! 2018 ވަނަ އަހަރު 20 ހާސް، 2019 އަހަރު 10 ހާސް، 2020 ގަ 7000 2021 ގަ 5000 އަދި 2022 ގަ 1500 އަޅާ ޖުމްލަ 57000 އަޅައިފި. ޝުކުރިއްާ އިބޫ
ނަށީދު
23 February 2022
މިހާރު ކުޑަކުދިންނަށް އަނިޔާކުރުން ނިމުނީ ތަ؟
އަލީލީ
23 February 2022
ފާޑުފާދުގެ ނަން ދީފަ ކޮމިޓީތަށް ހަދައިގެން ވާ ކަމެއް ހަރާމް. ޕާޓީ ބަޔަކަށް ލާރިގަނޑެއް ދޭން ކޮންމެ ސަރުކާރަކުން ކުރާ ކަމެއް މީ. މައުމޫނު ސަރުކާރު ނިމުންތަނުން ރިޔާސީ ކޮމިޝަނެއް ހަދައިގެން ވީ ކަމެއް ހަރާމް. މިހާރު އޮންބަޑު ޕާރސަން އޮފީހެއް ހަދައިގެން ޕާޓީ ބަޔަކަށް ވަޒީފާ ދޭން ވެގެން.
ޢަނީ
23 February 2022
ކުރިކަމެއްގެ ނަތީޖާކޮބައިތޯ؟މިއީ މިސަރުކާރުގެ ހާލު.
1828
23 February 2022
ނަތީޖާއަކީ ސިއްރެއް. ނަތީޖާ ހާމަކޮށްފިނަމަ ޤައުމީ ސަލާމަތަށް ނުރައްކާވާނެތީ ނަތީޖާ ހާމަކުރެވެން ނެތް ވާހަކަ ވަރަށް ހިތާމައާއެކު ދަންނަވަން.
ޒުމާ
23 February 2022
ކޮންކަމެއްތޯ އެމީހުންކުރީ؟އެއްވެސް މައްސަލައެއް ބެލިތޯ؟ ކޮމިޝަން އުފެއްދިދުވަހު ނޫހުން ފެނުނު ކޮމިޝަން އުފެއްދިކަމުގެ ޚަބަރު.ދެން މިފެނުނީ 02 އަހަރުފަހުން އުވާލި ޚަބަރު.ބަރާބަރަށް މުސާރަ ނަގައިގެން އިނާޔަތް ނަގައިގެންތިބީ.މަރު ކޮމިޝަނެއްވެސް އުފެއްދި.ކޮންކަމެއްތޯ ބެލީ؟ނަތީޖާ ނެރެވުނުތޯ.މާދަން ކޮންމެވެސް މޮޅު ނަމެއްކިޔާފަކޮމިޝަނެއްހެދި ޚަބަރު ފެންނާނެ.
ރާއްޖެ
23 February 2022
މި ވެސް އޮތް ކޮމިޓީއެއްތަ؟ އިނދެ ވަރިކުރާ ކޮމިޓީއެއް ނެތްތަ؟
1828
22 February 2022
އަދިކިރިޔާ މިކޮމިޝަން އުފެއްދިކަން މި އިނގުނީ. ބޭކާރު ފައިސާ.
މިވަރެއްނެތް
22 February 2022
އެކޮމިޝަނުން ހެދުމާއެކު ހުރިހާ ކުޑަކުދިންގެ މައްސަލަ ބަލާ ހައްލުކޮށް އެއިން ކަމެއް ކުރިއަށް އޮތް 25 އަހަރު ތަކުރާރުނުވާވަރަށް ކަންކަންކޮށް ނިމުމުން ގައުމުގެ އެޗެޕްޓަރު މިނިމުނީދޯ! ބޯހަލާކު!