އިސްލާމިކް މިނިސްޓްރީގެ ސްޓޭޓް މިނިސްޓަރަކަށް އައްޔަންކުރެއްވި އަނިލް: އޭނާ އެކު އެ މިނިސްޓްރީގެ ސްޓޭޓުންގެ ގޮތުގައި ތިއްބެވީ ދެ ބޭފުޅުން.
27 ފެބުރުއަރީ 2022 - 17:56
14 comments
އިސްލާމިކް މިނިސްޓްރީގެ ސްޓޭޓް މިނިސްޓަރަކަށް ޝޭހް މުހައްމަދު އަނީލް މިއަދު އައްޔަންކުރައްވައިފި އެވެ.
އޭނާ މީގެ ކުރިން ވަނީ 2017 ވަނަ އަހަރުން ފެށިގެން ސ. ހިތަދޫ އިސް އިމާމުގެ މަގާމު އަދާކުރައްވައިފަ އެވެ.
އަނީލް ވަނީ މަދީނާގެ އިސްލާމިކް ޔުނިވާސިޓީން 2012 ވަނަ އަހަރު، އިސްލާމިކް ޝަރީއާއިން ޑިގްރީ ހާސިލްކުރައްވައިފަ އެވެ.
އަނީލްއާއެކު އިސްލާމިކް މިނިސްޓްރީގައި ދެ ސްޓޭޓް މިނިސްޓަރަކު ތިއްބަވާނެ އެވެ. މި ސަރުކާރުގައި އެ މިނިސްޓްރީގެ ސްޓޭޓް މިނިސްޓަކަށް އެންމެ ފުރަތަމަ ހަމަޖެއްސެވި ބޭފުޅަކީ ޝޭހް އިލްޔާސް ޖަމާލެވެ.
ދެ ސްޓޭޓް މިނިސްޓަރުންގެ އިތުރުން އިސްލާމިކް މިނިސްޓްރީގައި ހަތަރު ޑެޕިއުޓީ މިނިސްޓަރުން މިހާރު ތިއްބަވަ އެވެ.
ސްޓޭޓް މިނިސްޓަރެއްގެ މުސާރަ އަކީ މަހަކު 32،000ރ. އެވެ. އޭގެ އިތުރުން ސްޓޭޓް މިނިސްޓަރަކަށް މަހަކު 15،000ރ. ގެ އެލަވަންސެއް ލިބިވަޑައިގަންނަވާނެ އެވެ.
ދައުލަތުގެ މި އަހަރުގެ ބަޖެޓުގައި ސިޔާސީ 1،045 މަގާމަކަށް 407،685،241 މިލިއަން ރުފިޔާ ވަނީ ކަނޑައަޅައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ އަލީ.
28 February 2022
ސާބަހޭ ރައީސް ސޯލިޙް. ސާބަހޭ އެމްޑީޕީ. ލާމަރުކަޒީކޮށް ޤައުމު ހިންގާކަން ތިދަނީ ސާބިތު ކޮށްދެއްވަމުން. ސޯބެއަށްފަހު އަމީލުއަސް ސްޓޭޓް މިނިސްޓަރުކަން ދެއްވާފައި އައްޑޫގައި ވަޒީފާ ބެހެއްޓުމުން މިހާރު އައްޑޫގައި ސަރުކާރު 2 މިނިސްޓްރީއެއްގެ ދެ ސްޓޭޓް މިނިސްޓަރުން ހަމަޖެހުނީ. ތިއީ ވަރަށް ރަނގަޅު ކަމެއް. މިނިސްޓްރީތައްވެސް މާލެއިން ބޭރު ކުރަންވީ.
ހަސަން2332
28 February 2022
ޔާމީނު އިރުވެސް ސްޓޭޓް މިނިސްޓަރުން ތިބި .. ކޮންމެ ސަރުކާރެއްގަވެސް ކުރާ ކަމެއް މިއީ .. މީހަކައް އެއްޗެއް ލިބިގެން ހަސަދަ ނުވެބަލަ ..
ގާހިރާ ހިރަފުސް
28 February 2022
ޝޭހަކަށްވުރެ ބޮޑަށް ސިޔާސީ އެކްޓިވިސްޓެއް ތިއީ. މާ ލަސްވެސް ވެއްޖެ މަގާމު ދޭން
ސުއްބުހުން
27 February 2022
ހަރުކަމެއް ހަދުދަނާކަމެއް ނެތް ޅަ ކުދިންކޮޅެއް ލައިގެން ގައުމު ހިންގަން ހަދައިގެން އެއްކަމެއް ނުކުރެވޭ.
ސާމިރު
28 February 2022
އަދީބުވެސް އެއީ ހަރުމީހެއް ދޯ 500 ތާއީދުކޮށް، އުމުރު ހަމަނުވެގެން ގާނޫނުއަސާސީއަށް ބަދަލުގެނެސްގެން ވަޒީފާ ދިނީ، ގައިމުވެސް ގިނަ މެންބަރުންނަށް ވުރެ ތަންދޮރު އެނގޭނެ
ޖުލައި
27 February 2022
އަނިލް އަކި ގަދަ މިހެއް
ސަސި
27 February 2022
މަގާމު ލިބޭނި ހަމަ ހައްގުވެރިންނަށް. ހަދަ ވަރަކަށެ ސަރުކާރު ދިފާއު ކުރައްވަނީ
ސަސި
27 February 2022
ސަރުކާރު ޕުރޮމޯޓުކުރާވަރަށް ބަލާފަ ހަމަ ރަގަޅު މަގާމެއް. އަދިވެސް ލައްކަ މަގާމު އެބަހުރިދޯ
ހަމީދު އަލީ
27 February 2022
މިސަރުކާރުގަ ތިބީ ކިތައް ސިޔާސީ މީހުންތޯއާ އެމީހުނަށް މަހެއްގެ މައްޗަށް ހަރަދުކުރާވަރު ބަލާ ރިޕޯޓެއް ލިޔެލާނެ ނޫސްވެރިއެއް ނެތްތަ؟ ޓެކްސް ދައްކާ ދިވެހި ރައްޔިތެއްގެ ހައިސިއްޔަތުން މީ އަޅުގަނޑު އެނގެން ބޭނުންވާ މައުލޫމާތެއް.
ސާމިރު
28 February 2022
ދައުލަތަށް ޢާމްދަނީ ހޯދަނީ ވެސް ސަރުކާރުން
ޑޮކްޓާރ. ބަނާނާ
27 February 2022
މި ބޭފުޅުން މިހާރު ކިޔަވާ ވިދާޅުވެގެން އައިސް ދީނީ ގޮތުން ރައްޔިތުން ހޭލުންތެރިކުރުމުގެ ބަދަލުގައި ކުރާކަމަކީ ސޯޝަލް މީޑިޔާގައި އަމިއްލަޔަށް ޕްރޮމޯޓްވެ ޓްވީޓްކޮށް "ސިޔާސީ ޗަރުކޭސް" ކުޅެނީ 40 ނުވަތަ 50 ހާސް ކަނޑާލާ މުސާރައެއް ލިބޭ ސިޔާސީ މްގާމެއް ހޯދުމުގެ ބޭނުމުގައި.. ވަރަށް ސަލާމް!
ކުޗީ
27 February 2022
" މި ފަހަރުގެ ބަޖެޓުގައި ސިޔާސީ 1،045 މަގާމަކަށް މި އަހަރަށް 407،685،241 މިލިއަން ރުފިޔާ ވަނީ ކަނޑައަޅައިފަ އެވެ. " އަހަރަކު ބައި ބިލިޔަންއާ ގާތަށް ..... މިޔަށް ކިޔަނީ ބަތާހަރާމީ ....
ޖުހާނާ
27 February 2022
ދައުލަތުގެ ފައިސާއަކީ ވެރިއަކަށް ހުންނަ މީހެއްގެ އަމިއްލަ މުދާގަނޑެއްކަމަށް ވެރިމީހާ ދެކެނީ ކަމަށް ފެންނަނީ. ބޭނުން ނެތް މިންވަރަށް މަގާމުތައް އުފައްދައިގެން ސަޕޯޓަރުންނަށް ވަޒީފާދީ މުސާރަ ދިނުމަކީ ރައްޔިތުންގެ ފައިސާއަށް ޚިޔާނާތްތެރިވުން. އެކަމާމެދު ޤިޔާމަތް ދުވަހުން ސުވާލުކުރެވޭނެކަން އެނގޭބާ؟