މަހިބަދޫ ދާއިރާގެ މެމްބަރު އަހުމަދު ތޯރިގު: އޭނާ އާ ގުޅުން އޮތް ކުންފުންޏަކަށް މަޝްރޫއުތައް ދެނީ ރަނގަޅަށް ކަމަށް ޔޫތު މިނިސްޓަރު އަހުމަދު މަހުލޫފް ވިދާޅުވި---ފޮޓޯ: މަޖިލިސް
28 ފެބުރުއަރީ 2022 - 11:51
28 comments
ރައްޔިތުންގެ މަޖިލީހުގެ މަހިބަދޫ ދާއިރާގެ ޕީޕީއެމްގެ މެމްބަރު އަހުމަދު ތޯރިގް (ޓޮމް) އާ ގުޅުން އޮންނަ ކުންފުންޏަކަށް ފުޓްސަލް ދަނޑުތައް އަޅަން ގިނަ މަޝްރޫއުތައް ލިބެނީ އެ ކުންފުނީގެ ތަޖުރިބާ ހުރުމުން ކަމަށް ޔޫތު މިނިސްޓަރު އަހުމަދު މަހުލޫފް ރައްޔިތުންގެ މަޖިލީހުގައި މިއަދު ވިދާޅުވެއްޖެ އެވެ.
އޭނާ އެހެން ވިދާޅުވީ، ތޯރިގްގެ ކުންފުންޏާ ހަވާލު ކޮށްފައިވާ މަޝްރޫއުތައް ގަސްދުގައި ލަސް ކޮށްފާނެ ކަމަށް ބިލެއްދޫ ދާއިރާގެ އެމްޑީޕީގެ މެމްބަރު އަހުމަދު ހަލީމް (ދޮންބިލެތް) ވަޒީރުންނާ ސުވާލުކުރުމުގެ ވަގުތުގައި ފާހަގަކުރެއްވުމުންނެވެ. އެހެންވެ، ޒުވާނުންނާއި ކުޅިވަރާ ބެހޭ ވަޒީރުގެ އަރިހުން ހަލީމް ސާފުކުރައްވަން ބޭނުންވީ އަންނަ އަހަރުގެ ރިޔާސީ އިންތިހާބާ ދިމާކޮށް، އެމްޑީޕީ އަށް ލިބޭ ވޯޓު މަދުކުރުމަށްޓަކައި އެފަދަ ކަންކަން ކުރަމުންދޭތޯ އެވެ.
އެ ސުވާލަށް ޖަވާބު ދެއްވަމުން މަހުލޫފް ވިދާޅުވީ، ތޯރިގާ ގުޅުން އޮންނަނީ "މައިނާ" ނަމަކަށް ކިޔާ ކުންފުންޏެއް ކަމަށާއި އެ ގުޅުން އޮތަސް އެ ކުންފުނި އޮންނަނީ ތޯރިގްގެ ނަން މަތީގައި ނޫން ކަމަށެވެ.
މަޖިލީހުގެ މިއަދުގެ ޖަލްސާގައި މެމްބަރުންގެ ސުވާލުތަކަށް މަހްލޫފު ޖަވާބު ދެއްވަނީ.---ފޮޓޯ: މަޖިލިސް
މިނިސްޓަރު ވިދާޅުވިގޮތުގައި، ޓެންޑާ ބޯޑުން ވަނީ އެ ކުންފުންޏާ ނުވަ ދަނޑެއްގެ މަސައްކަތް ހަވާލު ކޮށްފަ އެވެ. އޭގެ ތެރެއިން ނުނިމި ހުރީ ތިން ދަނޑެއްގެ މަސައްކަތް ކަމަށް އޭނާ ވިދާޅުވި އެވެ.
"ގަސްދުގައި ލަސްކުރުމާއި ސަރުކާރަށް އުނދަގޫ ކުރުން ފަދަ ކަންކަމެއް ފާހަގައެއް ނުކުރެވޭ،" މަހުލޫފް ވިދާޅުވި އެވެ.
ޔޫތު މިނިސްޓްރީން މަޝްރޫއުތައް ހަވާލު ކުރާއިރު، ވަކި ބަޔަކަށް މަޝްރޫއުތައް ދިނުމަށް ނުވަތަ ނުދިނުމަށް މަސައްކަތް ނުކުރާ ކަމަށް ވެސް އޭނާ ވިދާޅުވި އެވެ.
މަހްލޫފު ވިދާޅުވީ، މައިނާ ކުންފުންޏަށް އެހާ ގިނަ މަޝްރޫއުތައް ލިބެނީ މި ސަރުކާރު ހަވާލުވުމުގެ ކުރިން ވެސް އެ ކުންފުނިން ރާއްޖޭގެ އެކި ސަރަހައްދުތަކުގައި ބައެއް ދަނޑުތަކުގެ މަސައްކަތް ކޮށްފައިވާތީ އެ މީހުންގެ ތަޖުރިބާ އަށް ލިބޭ މާކްސްގެ ތެރެއިން ކަމަށެވެ.
ދަނޑު އެޅުމުގެ މަޝްރޫއުތައް އެއް ފަރާތަކަށް ލިބޭ ވަރު ގިނަވާތީ އެހެން ކުންފުނިތަކަށް ވެސް ފުރުސަތު ފަހިކޮށްދިނުމަށް މަޝްވަރާ ކުރަމުން އަންނަ ކަމަށް މަހުލޫފް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢަރުތަ
28 February 2022
ތިޔަބުނާ މައިނާ ކުންފުނި ވުޖޫދަށް އައިތާރީޚް ހާމަކޮށްލިނަމަ، ހުރި ތަޖުރިބާއަކާ މިސަރުކާރު އައުމުގެ ކުރިންވެސް އެމީހުނަށް ދަނޑުތައް އަޅަން ހަވާލުކުރީ ކިހިނެއް ކީއްވެގެންކަން ވަރަށް ސާފުވީސް.
ރައްޔިތުންނަށް ދަތިކުރާތީ
28 February 2022
ތަޖްރިބާކާރު ޓީޗަރުންވެސް މިދަނީ ލައިސަންސޭ ކިޔައި މަސައްކަތުން ދުރުކުރަމުން.
ފޮނިފޮނިޓައްޕު ކުމާރު
28 February 2022
ޓޮމް ނަގާނެ ޖެރީގެ ޕުރޮޖެކްޓުތައްވެސް. ދުނިޔެއަކީ މިކަހަލަ ތަނެއް.
ހުސދޮގު
28 February 2022
ތިބުނާ މައިނާ ކުންފުންޔަކީ ޓޮމްގެ ކުންފުނޮޔެއް. 2019 ގަ އުފެއްދި ކުންފުންޔެއް ތި ބުނާ ތަޖުރިބާ އެއް ނުހުންނާނެ. ކުރި ސަރުކާރުގަ މި ކުންފުނި ވުޖޫދުގަވެސް ނޯންނާނެތާ
އެހެން
28 February 2022
2019 ގައި އުފެއްދި ކުންފުންޔެއް ވިޔަސް ވަރަށް ތަޖުރިބާ ހުންނާނެ. ނިންމާފަ ހުރި ދަނޑު ތައް ބަލާލީމަ ވެސް އެކަން ފެންނަން އެހުރީ. ޝުކުރިއްޔާ
ހަރީރާ
28 February 2022
ކަޓު ނުލިބޭ ގޮތަކަށް އެއްވެސް ކަމެއް ނުކުރާނެ. މީ ލައްކަވާހަކަ.
މޯޑް
28 February 2022
މަހުލޫފަކީ ފީފީއެމް ފަފެޓެއް. ވަރައްސާފްކޮށް މި ބުނީ. މީނާ ގުޅުން އޮށްނަނި މުޅިންވެސް ފީފީއެމް އެކްޓްވިސްޓުންނާ. ނިއު ވެސް ސަސްފެންޑް ކޮށްފަ މި ބާންވަނީ މަހޭގެ ނުލަފާ ކަމުން ހަމަ
ޖާބެ
28 February 2022
ހުސް ކަޓުފައިސާ.. ދޮންބިލެއްތައް ޕްރޮޖެކްޓް ނުދިނީ %5 ގެ މައްސަލައިގަ ލަދުން ބޯހަލާކު ދޮންބިލެއްމެން މިހާރު ރިޓަޔަރ ކުރަންވީ
ކުންނާ
28 February 2022
ހާދަ ލަދުގަންނަ މީހެއް ދޯ؟
ކަނބާ
28 February 2022
ކުރިމަތިލާނެ ކުންފުންޏެއްނުވިޔަސް ދޮންބިލެތް ހިއްސާވާ ކުންފުންޏަކަށް ޕްރޮޖެކްޓެއްގެ މަސައްކަތެއް ދޭން ހެޔޮނުވާނެ އެވެ. މ.ފ.ދ ތިން އަތޮޅުގެ ފެރީގެ ޚިދުމަތް ދިނުމަށް ފައިސާ އާއި، ކުއްޔެއް ނުހިނގާގޮތަށް ބޮޑު ދެ ފަޅުރަށް ދިނީމާ ވީގޮތް އެއޮތީ ފެންނާށެވެ. އެންމެފަހުން ފެރީކުރްންޖެހުނީ އެމްޓީސީސީއަށެވެ. މީ ކިހާ ގާބިލް ކުންފުންޏެއް ހިންގާ މީހެކެވެ.
ޑެމޯކްރޭޒީ؟
28 February 2022
ބަލަ ނަޝީދު ފެކުސަނު ކުދިން ހާދަ ބޮޑައެކޭ މިހާކަނީ، އެކަމު އެމްޑީޕީއަކީ ވަކި ކުލަޔަކަށް ނުބަލާ ފުރުސަތުތަކާ ޚިދުމަތްދޭ ޑިމޮކްރަޓިކް ޕާޓީއެކޭ ގޮވަނީ ވެސް ހަމަ އެކުދިން.. ރައީސް ސޯލިހާއި ވަޒީރުން ވަކި ކުލައެއް ނުބަލާ ރަނގަޅު ކުންފުނިތަކަށް މަސައްކަތް ހަވާލު ކުރީމަ ތިޔަ ކުދިން ތިޔަ އުޅެނީ ސިޔާސީކޮށް ވަޒީރާ ރައީސްގެ އަގު ވައްޓާލަން.. ތިޔައީ ކޮން ކަހަލަ ޑިމޮކްރަސީއެއްތޯ؟؟
ކަމަނަ
28 February 2022
ގުޅިގެން ވަގުން ގައުމު ހުސްކޮއްލަނީ
ޢަރުތަ
28 February 2022
އަބަދުވެސް އެކަން އޮންނަ ހަމަތަކުގެމަތިން، ވެރިކަމަށް އަންނަ ކޮންމެ ބައެއްގެވެސް މައިގަނޑު މަޤްސަދަކީ "ގުޅިގެން ހުސްކޮށްލުން"، ކުރިންވެސް މިހާރުވެސް އަދި ފަހުންވެސް ތިކަން ދާނީ ކުރިއަށް........
ފިޓް
28 February 2022
މަޚުލޫފުއަކީ ކާކުކަން ދިވެހިރާއްޖޭގެ ރައްޔިތުންނަ އެގޭނެއެވެ. ކޯޓުގައި މައްސަލައޮވެ މިނިސްޓަރު ކަމުން ދުރުކުރަށް ރައީސް އަށް ނުކެރިގެން މިއުޅެނީ ނަޒާހަތްތެރިކަމުންތޯ ؟ މަޚުލޫފު ހީކުރަނީ ދައްކާ ކޮންމެ ވާހަކަ ރައްޔިތުން ގަބޫލުކުރާނެކަމަށެވެ. ރައްޔިތުންނަކީ ގަމާރު ބައެއްކަމަށް ތޯއެވެ. ކޮލިޓީދަށް ބޮޑުއަގު ހުށައެޅީމާ ޕްރޮޖެކްޓް ލިބެންއޮންނާނީ ކަޓުލިބުން ނޫންގޮތެއް ނޯންނާނެއެވެ.
ޢަރުތަ
28 February 2022
31 ޑިސެމްބަރ 2021 ގަ އާއަހަރު ފާހަގަކުރަން ބޭއްވި ޝޯގެ މަސައްކަތް ދިނީ ކޮންބަޔަކަށްބާ! އިވެންޓް ހަދާ ހުރިހާ މީހުން ރާއްޖޭގެ އެކިއެކި ރިސޯޓު ތަކަށް ތަންތަނަށް ދާން ހަމަޖެހި ނިމުނީ ދެން އިއުލާނު ކުރީ ޝޯ ތައްޔާރުކުރާނެ ބަޔަކު ހޯދަން، އަތްނުފޯރާވަރުގެ ސާމާނުގަ އެކަން ކޮށްދޭނެ ބަޔަކު ހޯދަން އިއުލާނުކޮށްފަ، އެފަދަ އެއްވެސް އެއްޗެއް ނެތް މީހަކަށްދިނީ ބޮޑު ކަޓެއް ލިބޭ ގޮތަށް މާކުރިން ނިންމާފަ އޮތީމަ ކަމަށް އެވެރިން ކިޔާއުޅެނީ.