މިފްކޯ މަސް ފިހާރައިން މަސް ކޭސް ގަނެގެން ބަޔަކު މިރޭ ދަނީ. --މިހާރު ފޮޓޯ: ފަޔާޒް މޫސާ
28 ފެބުރުއަރީ 2022 - 18:56
49 comments
މޯލްޑިވްސް އިންޑަސްޓްރިއަލް ފިޝަރީޒް ކޮމްޕެނީ (މިފްކޯ) އިން އުފައްދާ މަސްދަޅުގެ އަގު މާދަމާ އިން ފެށިގެން ބޮޑުވާނެ ކަމަށް އެ ކުންފުނިން މިއަދު ބުނެފި އެވެ.
މާޗު މަހު ފުރަތަމަ ހަފްތާ އިން ފެށިގެން މަސްވެރިންގެ އަތުން މަސް ގަންނާނީ ދުނިޔޭގެ ބާޒާރުގައި މަހުގެ އަގަށް ބަލާފައި ކަމަށް ރައީސް އިބްރާހިމް މުހައްމަދު ސޯލިހު ވަނީ މި އަހަރުގެ ރިޔާސީ ބަޔާނުގައި އިއުލާން ކުރައްވައިފަ އެވެ.
މިފްކޯގެ ސީއީއޯ އިސްމާއިލް ފައުޒީ "މިހާރު" އަށް މިއަދު ވިދާޅުވީ މާދަމާ އިން ފެށިގެން މަސްވެރިންގެ އަތުން މަސް ގަންނަ އަގަށް އަންނަ ރަނގަޅު ބަދަލާ އެކު މަސްވެރިންނަށް އިތުރު ކުރިއެރުމެއް ލިބޭނެ ކަމަށެވެ. އަދި އޭގެ ސަބަބުން އެ ކުންފުނީގެ ބައެއް އުފެއްދުންތަކުގެ އަގަށް ބަދަލުތަކެއް އަންނާނެ ކަމަށް އިސްމާއިލް ވިދާޅުވި އެވެ.
މިފްކޯ އިން ކަނޑާއި އެއްގަމުގައި ހިންގާ ގިނަ އޮޕަރޭޝަންތަކުގެ މައިގަނޑު ކޮމްޕޯނަންޓަކީ ތެޔޮ ކަމަށާއި ދުނިޔޭގެ ތެލުގެ ބާޒާރަށް މިހާރު އަންނަމުންދާ ބަދަލުތަކާ ގުޅިގެން ހަރަދުތައް ބޮޑުވަމުން އަންނަ ކަމަށް އިސްމާއިލް ވިދާޅުވި އެވެ.
މިފްކޯގެ ސީއީއޯ އިސްމާއިލް---ފޮޓޯ: މިހާރު
އޭގެ އިތުރުން ކޮވިޑް-19 އާ ގުޅިގެން އައި ގޮންޖެހުންތަކާ އެކު ވެސް މިފްކޯގެ އުފެއްދުންތައް ވީހާވެސް ރަނގަޅު އަގެއްގައި ކަސްޓަމަރުންނަށް ފޯރުކޮށްދިނުމަށް މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ.
"މިދިޔަ ދެ ފަހަރު ވެސް ތެލުގެ އަގު ބޮޑުވި އިރު އަޅުގަނޑުމެން އަގަށް ބަދަލެއް ނުގެންނަން. އެކަމަކު އޮޕަރޭޝަނަލް ކޮސްޓުގެ ބޮޑު ބައެއް ހޭދަ ވަނީ ތެލަށް. އެހެންވެ އޭގެ އަސަރުތަކެއް ކުރާނެ،" އިސްމާއިލް ވިދާޅުވި އެވެ.
އަގުތަކަށް އަންނަ ބަދަލާ އެކު މިފްކޯ އިން ވިއްކާ މަސްދަޅު ކޭހަކުން 50-60ރ. ދެމެދުގެ އަދަދަކަށް ބޮޑުވާނެ ކަމަށް އިސްމާއިލް ވިދާޅުވި އެވެ. އަދި އެ ކުންފުނީގެ އެހެން ޕްރޮޑަކްޓުތަކުގެ އަގަށް ވެސް ބަދަލު އައުން އެކަށީގެންވާ ކަމަށް ސީއީއޯ ވިދާޅުވި އެވެ.
"އަޅުގަނޑުމެން އުންމީދު ކުރަނީ ތެލުގެ ބާޒާރަށް މި އަންނަ ލޮޅުންތަކާ އެކު ވެސް އަގުތަކަށް ހެޔޮ ބަދަލެއް ގެނެވޭނެ ކަމަށް. އަދި ރޯދައިގެ ކުރިން އިތުރު އުފެއްދުންތައް ވެސް އަންނާނެ،" އިސްމާއިލް ވިދާޅުވި އެވެ.
ބާޒާރުގައި 48 ދަޅުގެ ތެޔޮ މަސްދަޅު ކޭހެއް މިހާރު ލިބެނީ 610ރ. އަށެވެ. އަދި 24 ދަޅުގެ ކުޑަ ކޭހެއް ލިބެނީ 305ރ. އަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބެޔަސް ނުބެޔަސް
01 March 2022
މަސްވެރިންނަށްޓަކައި މަސް ގަންނަން މިޖެހެނީ އަގު ބޮޑުކޮށްދޯ އާންމުން
ޖާލީނޫސް
01 March 2022
އަހަރެމެން މެދުއިރުމަތީ ގައުމެއްގައި އުޅުނު އިރު އެތާގެ ސަރުކާރު ބޭކަރީތަކުން ރޮށި އަގުބޮޑުކުރި ދެތިން ލާރި. ރައްޔިތުންނާ މީޑިއާ ނިކުމެކަންތައް ބޮޑުކޮށްލީމާ ތިރިވެއްޖެ. މިރާއްޖޭގަ އޮންނަ ކަހަލަ ސިޔާސީ މިނިވަންކަމެއް އެތާކު ނޯވޭ އެކަމަކު.
ޝަފީރު
01 March 2022
މަބުނީމެއްނު ހަމަ ކުއްލިއަކަށް މާރޗްމަހު ދުނިޔޭގެ ބާޒާރުގައި ދިވެހި ކަނޑުމަހުގެ އަގު މައްޗަށް ދަނޭ. މިވަރުގެ ދިރާސާއެއް ކާމިޔާބުކަމާއެކު ކުރެވުނު އެއްވެސް ކުންފުންޏެއް މިދުނިޔެމަތީ ހުރިހެނެއް ހިޔެއްނުވޭ. ރައްޔިތުން ފެލައިގެން ދުނިޔޭގެ ބާޒާރުގައި މަހުގެ އަގު ބޮޑުކޮށްފި. އަދި ނުއަހާ ވާހަކައެއް ތެޔޮވިއްކައިގެން މިފްކޯ ނަފާ ހޯދާވާހަކައެއް. މަސްވެރިންގެ ފަސޭހައަށް ތެޔޮ ވިއްކާ ބައެއް. މީގެކުރިން. މިހާރު އެކަންވެސް ބަދަލުވީތާދޯ. މީ މަޖާބައެއް.
ލުތުފީ
02 March 2022
މިފްކޯގެ ބޯޓުތަކާއި، މަސްފިނިކުރާ ނިޒާމާއި، މަސްބަންދުކުރާ ފެކްޓްރީ ގައި ބޭނުންކުރަނީ ތެޔޮ. ތެލުގެ އަގަށް އަންނަ ކޮންމެ ބަދަލަކުން ކުންފުނީގެ ހިންގުމުގެ ޚަރަދަށް ބަދަލު އަންނާނެ.
އާހު!
01 March 2022
ޔާރައްބީ! ރޯދައާއިދިމާކޮށް މިވާގޮތެއްދޯ!
އޯލްޑްސްޓޮކް
01 March 2022
ވިޔަފާރި ސްޓަންޓެއް.. އޯލްޑް ސްޓޮކް އެއްފަހަރާ ދުއްވާލީ.. ދިވެހިންގެ ގޮތް އެނގެއެއްނު..
ކާފަބެ
01 March 2022
ތިވާނީ ރޯދައިނާތްދޭން ލާރިކޮޅެއްހޯދަން ކަމަށްވާނީ ވ ސަލާން
މީން
01 March 2022
ސަރުކާރުގެ ކުންފުނިތަކަކީ ކޮންމެ ކުއާޓާއެއްގައި ބިލިއަނުން ފައިދާ ހޯދަން އޮންނަ ތަނެއްގެބަދަލުގައި ރައްޔިތުންނަށް އަގުހެޔޮ ހިދުމަތް ތކެއް ލިބޭނޭ ގޮތެއް ހަދަން އުޅެބަލަ.
ބޮޑު ކައްނެލި
01 March 2022
މިހާރުވެސް ބާޒާރުން ކަންނެލި ކިލޯއެއް 30 ރ 40 ރ އައްލިބޭއިރު ރައްޔިތުންގެ ހައްގުގައި ސަރުކާރުން ވިއްކަވަނީ 120ރ އަށް ކިލޯއެއް
ކަންނެޔޮ
01 March 2022
ކޮންތަކުން ހުރީ ތި އަގަށް؟ 30-40 އަށް؟
ލުތުފީ
02 March 2022
ރިޖެކްޓް ކުރާ ކަންނެލިވެސް ތިއަގުގަ ނުލިބޭ. އަދި މަސްކަޑާ ކަށިނެގީމަ މަހުގެ ބަރުދަމުގެ %50ވަރު ލުއިވާކަން އެގިލައްވާތޯ. ދެން ކޮބާ ޕެކިންގ އަށާއި، ފިނިކޮށް ބަހައްޓަން ކުރާ ޚަރަދު.
ޢިސްމާއިލް
01 March 2022
ދެރަ ކަމަކީ ދުނިޔޭގެ ބާޒާރުގަ ތެލުގެ އަގު ހެޔޮވެފަ ބާނާ މަހުގެ އަދަދު ގިނަ ވިޔަސް އަގު މަތިވި އެއްޗެއްގެ އަގު ދެނެއް ތިރިނުވާނެތީ. ފާއިތުވެ ދިޔަ ތާނގަ ވެސް ތެލުގެ އަގު ވެއްޓި މަސް ބާނާ މިންވަރު އިތުރުވެފަ އެބަހުރި. ޢެހެނޭ ކިޔާފަ މަސް ދަޅުގެ އަގު ތިރިވި ހަދާނެއް ނުވޭ.
ހެޔޮއޭ
01 March 2022
ތިޔަކަހަލަ މީހުންނަށް ހެޔޮ އެއްވެސް ގޮތެއް ނޯންނާނެ.
މަސްދަޅު
01 March 2022
ތިކަމާ އެއްވެސް ޝަކުވާއެއް ނުކޮއް މާދަމާއިން ފެށިގެން އަހަރެމެން ތިބޭނީ މަސްދަޅު ނުކައި.
އަހުމަދުދު
28 February 2022
2018 ގައި -/30ރ -/35ރ އަށް ސައިކަލު ޓޭންކު ފުރާލެވޭ، 2019 އިން ފެށިގެން ބޮޑުވަމުން އައިސް މިހާރު -/43ރ އަށް، މަސްދަޅު އަގު ބޮޑުވަނީ، އައިސް ކުކުޅެއް 1400 ގުރާމު -/60 ރ އަށް ލިބުނު އެކަމު މިހާރު -/75ރ މީ ހައްގު މިންވަރުބާ ސިޔާސީ މަޤާމުތައް އިތުރުވަނީ، ކައުންސިލަށް ކުރިމަތިލާ ނުހޮވުނު ފަރާތްތަކަށް ތަފާތު ނަންނަމުގައި ބޮޑެތި މުސާރައިގެ މަޤާމުތަށް އިތުރުކުރަނީ..ދައުލަތުގެ ދަރަނި އެތައް ބިލިޔަން ރުފިޔާއެއް ދަރަނި ވެރިވެއްޖެ..ހުރިހާ ބުރައެއް ރައްޔަތުމީ
ތެދުމީހާ
01 March 2022
ރައިއްޔަތުންނަށް ހުރިހާބުރައެއް. އެގޮތުން އާސަންދަޔާ ވަޒީފާގެ އިނާޔަތްތަކާ (ރޯދަ އިނާޔަތް، މިނިމަމްވޭޖް) އެންސްޕާޔާ ސަބްސިޑީތަކާ (ހަނޑޫ ހަކުރު ފުށް އެއަރލައިން ޓިކެޓް މަސްވެރިން ދަނޑުވެރިން ކަރަންޓް...)ފޮތްތަށްހިލޭލިބުމާ މިހެންގޮސް ހާދަބުރަޔޭ އަދިވެސް ލުއިބޭނުން