ތެޔޮ ފީފާއެއްގެ އަގު މިހާރު ވަނީ 112 ޑޮލަރު (1،727ރ.) އަށް ވެއްޓިފައި.
ތެޔޮ ފެކްޓްރީއެއް--
10 މާޗް 2022 - 09:31
21 comments
އޯޕެކްގެ އެންމެ ބާރުގަދަ އެއް ގައުމު، ޔޫއޭއީން ތެޔޮ އުފައްދާ ވަރު އިތުރު ކުރަން ނިންމާފައިވާ ކަން އިއުލާން ކުރުމާއެކު، ތެލުގެ އަގު މިއަދު ބޮޑުތަނުން ވެއްޓިއްޖެ އެވެ.
އެ ގައުމުން މި ގޮތަށް ނިންމީ ރަޝިއާ އިން ޔުކްރޭނަށް ދޭ ހަމަލާތަކާ ގުޅިގެން ދުނިޔޭގެ ބާޒާރުގައި ތެލުގެ އަގު ކަންބޮޑުވާ ވަރަވަށް އުފުލެމުން ދިއުމާ ގުޅިގެންނެވެ. މިދިޔަ އަންގާރަ ދުވަހު ދުނިޔޭގެ ބާޒާރުގައި ސާފު ނުކުރާ ތެޔޮ ފީފާއެއްގެ އަގު ހުރީ 129 ޑޮލަރު (1،989ރ.) ގަ އެވެ.
ޔޫއޭއީގެ ވޮޝިންޓަން އެމްބަސީން ނެރުނު ބަޔާނެއްގައި ބުނީ، ތެލުގެ އަގު ކަންބޮޑުވާ ވަރަށް އުފުލެމުން ދާތީ އޯޕެކްގެ ގައުމުތަކުން ތެޔޮ އުފައްދާ ވަރު އިތުރު ކުރުމަށް އެ ގައުމުން ތާއީދުކުރާ ކަމަށެވެ.
އެ ގައުމުގެ ބަޔާނާއެކު، 129 ޑޮލަރަށް ލިބެން ހުރި ސާފު ނުކުރާ ތެޔޮ ފީފާއެއްގެ އަގު މިހާރު ވަނީ 112 ޑޮލަރު (1،727ރ.) އަށް ވެއްޓިފަ އެވެ. މިއީ ރަޝިއާ އާއި ޔުކްރޭނުގެ ހަނގުރާމަ ފެށުމުގެ ކުރިން ހުރި އަގާ އަޅާ ބަލާއިރު ބޮޑު އަގެކެވެ. މިދިޔަ ފެބްރުއަރީ މަސް ފެށުނު އިރު ތެޔޮ ފީފާއެއްގެ އަގު ހުރީ 97 ޑޮލަރު (1،495ރ.) ގަ އެވެ.
ދުނިޔޭގެ ބާޒާރުގައި މި އަހަރު ތެލުގެ އަގު އުފުލޭނެ ކަމަށް މިދިޔަ އަހަރުން ފެށިގެން ވެސް ލަފާކުރި އެވެ. ނަމަވެސް އޭރު ލަފާކުރީ މި އަހަރު ނިމޭއިރު ތެޔޮ ފީފާއެއްގެ އަގު 100 ޑޮލަރަށް އަރާނެ ކަމަށެވެ.
ދުނިޔޭގެ ބާޒާރުގައި ތެލުގެ އަގަށް އައި ބަދަލާއެކު، ރާއްޖޭގައި ވެސް ޕެޓްރޯލާއި ޑީސަލުގެ އަގު ވަނީ އުފުލިފަ އެވެ. މި ވަގުތު ރާއްޖޭގައި ޕެޓްރޯލް ލިޓަރެއް 14.60ރ. އަށް ލިބޭއިރު ޑީސަލް ލިޓަރެއްގެ އަގަކީ 14.80ރ. އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކޮރަލް
10 March 2022
ޔޫއޭއީ އަކީ އެމެރިކާ އާ ޔޫރަޕް ގެ އިންވެސްޓޤމަންޓް ތަކެއް އޮތް ގައުމެކެވެ. އެމީހުންނަށް އާއެކޭ ބުނުން ނޫން ގޮތެއް ނެތެވެ. ނޫނީ ދަތި ކުރުމެވެ.
ދެއުޅިއެއްނުވާ ޤަވާއިދު
10 March 2022
މިރާއްޖޭގަ ކޮންމެ ކަމެއް ހައްލުކުރަން މުޒާހަރާ ކުރުން ނޫން ގޮތެއް ނޯވޭ ދޯ. ކީއްކުރާނީ ވެރިކަންވެސް ހޯދަނީ އެހެން ވިއްޔަ! ??♂️
ގަމާރު
10 March 2022
ދުނިޔޭގައި އަބަދުވެސް އަގުކިޔަނީ ސާފުނުކުރާތެލަށް ބަލައިގެން ސާފުނުކުރާ ތެލުގެއަގު ބޮޑުވީމަދޯ ސާފްކުރާތެޔޮވެސް ބޮޑުވަނީ އެސްޓިއޯ އިންތެލުގެ ފައިދާގެ ގޮތުގައި 6.4 ބިލިޔަން ނެގީމަ ފައިދާއެއްނުވޭތާ !
ޒައިކް
10 March 2022
ދެން ރައްޔިތުން ނިކުންނަންވީ ދޯ؟؟ޓުކުސީ ދަތުރުގެ އަގު ކުޑަ ކުރަށޭ ކިޔާފާ މުަހަރާއަށް؟؟
ޑްރައިވަރާ
10 March 2022
ޓެކްސީ ދުއްވާ މީހުންނަށް ތިކަމެއް ނޭނގޭނެ. ނުވެސް ފެންނާނެ
ޑެބީ
10 March 2022
އެސްޓީއޯއަށް އަގުހެޔޮ ތެޔޮ ޝިޕްމަންޓް ލިބޭކަމަކަށް ނުވާނެ. މިއަދުވެސް ދުނިޔޭގެ ބާޒާރުގަ ތެޔޮ އަގުބޮޑުވެބަލަ 1 ގަޑިއިރަށް ނަމަވެސް އެސްޓީއޯއަށް އޭގެން 3 ޝިޕްމަންޓް ތެޔޮ ގަނެފަހުންނާނީ. ހެއްވާކަމެއް މިވެސް.
އަލް ތެޔޮ ވަލް ބީތާ ވަލް ކުރްސީ ވަލް ކޮސް ވަލް އެސްޓީއޯ
10 March 2022
ސާފުނުކުރާ ތެޔޮ އަދި ސާފުކުރި ތެޔޮ. (މި ދެބާވަތުގެ ތަފާތު އެނގުން މުހިންމު.
53ރދ5
10 March 2022
ޝުކުރިއްޔާ ޔޫއޭއީ.
ދޫނި
10 March 2022
ހަލޯ އެސްޓީއޯ އަގުވެއްޓެނީ. ނުވޭތަ ކުޑަކުރާކަށް
މޯޑް
10 March 2022
ވިލާއިން ތެޔޮ ވިންކަނި އެސްޓީއޯއަށް ވުރެ ވެސް ބޮނޑްކޮށް. މިވެސް ދެށް މިހާރު ބޮނޑް ވެއްޖެ ކަމެއް ސޭޓަށް ހުރިހާ މޮޅެއް
ސާބަސްހަމަ
10 March 2022
ވިލާއިން ނުގަނޭ