ޕްލޭނިން މިނިސްޓްރީގެ ސްޓޭޓް މިނިސްޓަރު އަހުމަދު ކަމާލުއްދީން އަދި މާލޭގެ މޭޔަރު ޑރ. މުހައްމަދު މުއިއްޒު-- މިހާރު ފައިލް ފޮޓޯ
19 މާޗް 2022 - 14:47
24 comments
ވިލިމާލެއިން ފައިބަރު މަސައްކަތަށް ބިން ކަނޑައެޅުމުގެ ބާރު މާލޭ ސިޓީ ކައުންސިލަށް އަދި ނެތް ކަމަށް ޕްލޭނިން މިނިސްޓްރީން އަންގައިފި އެވެ.
އެގޮތަށް ޕްލޭނިން މިނިސްޓްރީން އެންގީ ވިލިމާލެއިން ސްޓެލްކޯއަށް ދޫކޮށްފައިވާ ބިމާއި ދިރާގަށް ދޫކޮށްފައިވާ ބިން ހިމެނޭ ސަރަހައްދު ކައިރިން ފައިބަރު މަސައްކަތަށް ބިން ކަނޑައެޅުމުގެ މަސައްކަތް ސިޓީ ކައުންސިލުން ކުރާ ކަމުގެ މައުލޫމާތު ލިބިގެން ފޮނުވި ސިޓީއެއްގަ އެވެ.
މިދިޔަ ބުރާސްފަތި ދުވަހު ޕްލޭނިން މިނިސްޓްރީގެ ސްޓޭޓް މިނިސްޓަރު އަކްރަމް ކަމާލުއްދީން ސޮއިކުރައްވައި މާލޭގެ މޭޔަރު ޑރ، މުހައްމަދު މުއިއްޒަށް ފޮނުއްވި އެ ސިޓީގައި ބުނީ ވިލިމާލެއިން އެއްވެސް ބޭނުމަކަށް ބިން ދޫކުރެވޭނީ ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ 2-56 ގެ (ބ) ގައިވާ ގޮތަށް ލޭންޑް ޔޫސް ޕްލޭން ފާސްކޮށްގެން ކަމަށެވެ.
"ލޭންޑްޔޫސް ޕްލޭން ފާސްކުރުމެއް ނެތި ވިލިމާލެއިން އެއްވެސް ބޭނުމަކަށް ބިން ދޫކުރުމުގެ މަސައްކަތް ތިޔަ އިދާރާއަށް ކުރިއަށް ނުގެންދެވޭނެކަމުގައި ދެންނެވީމެވެ،" ޕްލޭނިން މިނިސްޓްރީން ފޮނުވި ސިޓީގައިވެ އެވެ.
މިދިޔަ ޑިސެމްބަރު މަހުގެ 12 ގައި ސިޓީ ކައުންސިލުން ވަނީ ލޭންޑް ޔޫސް ޕްލޭން މިނިސްޓްރީ އަށް ފޮނުވައިފަ އެވެ. އެކަމަކު އޭގައި ހުންނަން ޖެހޭ މުހިއްމު ބައިތަކެއް ނެތުމުން ގެންނަން ޖެހޭ އިސްލާހުތައް ފާހަގަކޮށް މިނިސްޓްރީން އެ ޕްލޭން އަނބުރާ ފޮނުވާލީ ޑިސެމްބަރު 28 ގަ އެވެ. ސިޓީ ކައުންސިލުން ބުނީ އެ އިސްލާހުތަކާ އެކު ލޭންޑް ޔޫސް ޕްލޭން މިދިޔަ ހަފުތާގައި ފޮނުވާފައިވާ ކަމަށެވެ.
މިފަހުން ލޭންޑް ޔޫސް ޕްލޭންގެ މައްސަލަ ބޮޑުވީ ވިލިމާލޭގެ ސިނާއީ ސަރަހައްދުން ބިން ކުއްޔަށް ދޫކުރުން ސަރުކާރުން ހުއްޓުވުމުންނެވެ. ލޭންޑް ޔޫސް ޕްލޭން ޕްލޭނިން މިނިސްޓްރީ އަށް ހުށަހަޅައި، އެ ޕްލޭން ފާސްވުމުން ނޫން ގޮތަކަށް ވިލިމާލޭގެ ސިނާއީ ސަރަހައްދުން ބިން ކުއްޔަށް ދޫކުރުމާއި ބިންތައް ބޭނުންކުރުމުގެ ބާރު ކައުންސިލަކަށް ނުލިބެ އެވެ.
އެ މައްސަލައިގައި ކައުންސިލާއި ޕްލޭނިން މިނިސްޓްރީއާ ދެމެދު ކޯޅުން ބޮޑުވެފައިވާއިރު މިނިސްޓްރީން ކައުންސިލްގެ ކަންކަން ސިފަ ކުރަނީ ސަރުކާރަށް "ދުއްޕާން" ކުރުމުގެ ގޮތުގަ އެވެ. އަދި ކައުންސިލުން ބުނަނީ ބިން ކުއްޔަށް ދޫކުރަން އިއުލާންކުރުމުގެ ކުރިން މިނިސްޓްރީއާ ބައްދަލުކޮށް މަޝްވަރާ ވެސް ކުރި ކަމަށެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލޭންޑު
20 March 2022
މިދެން ކިހާ ބޮޑުވެއްޖެ ކަމެއް. ބިންތަކުގެ ބަލަދުވެރިކަން ކޮންމެވެސް އެއްފަރާތަކަށް ދީބަލަ. ބޮޑެތި މަޤާމުތައްދީފަ ތިތިބީ، ރައްޔިތުންގެ ފައިސާއިން ޖީބު ފުރެންދެން މުސާރަ ނަގައިގެން އެއްބަޔަކު އަނެއްބަޔަކު ކޯޅި، ވަގަށްގޮވާ، ގެރިޒުވާބުކޮށް ސަޅިބައިސާ ކަނޑާކަށްނޫނޭ.
ކައްޕަޅިންނޭ
20 March 2022
ތަމެންގެ ސަރުކާރަކީ އެއީ ކައްޕަޅި ސަރުކާރެކޭ އިނގޭތޭ...
ގޮސަފިމަން
20 March 2022
މުއީޒަކީ ބޯހަރުކަމާ ގޮތްދޫނުކުރާ ކަމުގެ ލާމަސީލު މިސާލެއް އޭނައަށް މުހިންމީ އޭނަ ބޭނުންވާކަންކަން ރާސްޓަސްލާފަ ކުރުން ކޮންމެހެން ގާނޫނުގައޮންނަ ގޮތެއް ގަވާއިދުގައޮންނަގޮތެއް މުއީޒަށް މުހިއްމެއް ނޫން އޭނާއަކީ ގާނޫނާދުރު ރޯނުއެދުރެއް
ކަނޑުން 1000 ގޯތި
20 March 2022
ވަރަށް ރަނގަޅު ނިންމެވުމެއް އަވަށު ފަށަލައަށް އެނގެން ޖެހޭނެ ވިލިގިއްޔަކީ ކުޑަރަށެއް ކަމާ އެއީ ފުރި ބާރުވެ ތޮއްޖެހިފައިވާ ތަނެއްކަން ފައިބަރު ކުރާ ހަރުގެއާ ދިރިއުލޭ ގޭގެޔާ ގަވައިދުގައި ބުނާ ދުރުމިން ހޯދާނީ ކިހިނަކުންތޯ ފުރިބާރުވެފަ އޮންނަ ރަށެއްގަ އެފަދަ ތަނެއްގައި ފައިބަރު މަސައްކަތް ކުރަން ހުއްދަ ހޯދާ ނަމަ އެ ހުރި ގަވައިދުތައް ފެތިގެން ހުއްދަ ނުދެވޭނެ ކަން
އަހުމަދު އިބްރާހިމް
20 March 2022
ރައްޔިތުންގެ މަންދޫބަށް އިނގޭނީ ކަންކަން ކުރަންވީ ގޮތް. އަކުރަމް ކަމާލުއްދީން މީ ކާކުތަ. ނުކިޔަވާ ހރި ތަންދޮރު ނޭގޭ މީހެއް
ދޮން ދީދީ
20 March 2022
ލާމަރުކަޒީ އަކީ އެމްޑީޕީ އަށް ބާރު ލިބުނީމަ އޮންނަ އެއްޗެއް. މާލެ ސިޓީ ކައުންސިލަށާއި މޭޔަރަށް ސަރުކާރުން ކުރާ ޖެއްސުން ބަލައެއް ނުގަނެވޭނެ
ތައްހާޕ
20 March 2022
ލާމަރުކަޒީ މިވީ ސަރުކާރަށަ ހިތި ބޭހަކަށަތާ…
ޢަރުތަ
19 March 2022
"ކައުންސިލުން ބުނަނީ ބިން ކުއްޔަށް ދޫކުރަން އިއުލާންކުރުމުގެ ކުރިން މިނިސްޓްރީއާ ބައްދަލުކޮށް މަޝްވަރާ ވެސް ކުރި ކަމަށެވެ". ދެން މުއިއްޒުއަށް ފެންގޮތަކަށް ބިންދޫކުރަން މިނިސްޓރީން ބުނީބާ! މަޝްވަރާގަ ބުނީ ކީކޭބާ!؟
ކިމް
19 March 2022
ތިޔަށްވުރެ މުހިންމު ތިގާގަ ދުއްވާއެއްޗެހި ދުއްވޭގޮތް ހެދުން. ތިތަން ތަރައްގީނުވެގެން ތިއުޅެނީ އެހެންވެ. މޮޅެތި ވާހަކަދައްކާ އެންވަރަމެންޓަލިސްޓުން ފައިމަގުގަ އެބައުޅޭތަ؟ ހުރިހާދުއްޕާނެއް ވިލިނގިލި ރައްޔިތުންނަށް. ޖައްވުހޫނުވެ ލޮނުގަނޑުއުފުލެނީ ވިލިނގިއްޔާހެދިވިއްޔާ. ސަހަރޯހީވޭ
ބޮޑުމީހާ
19 March 2022
ލާމަރުކަޒީ ނިޒާމަކީ އިގިރޭސިވިލާތް ފަދަ ބޮޑެތޮ ގައުމުތައް ހިންގަން ރަގަޅު ނިޒާމެއް. މިރާއްޖޭގަ 500 މީހުންހަމަނުވާ ތަންތާގަ 5 ކައުންސިލަރުން ލައިގެން ބަޖެޓެއް ނެތި ކުރެވޭނެ އެއްކަމެއްވެސް ނެތް. ރާއްޖެ ތަރައްގީވާނީ އެއްފަސްކޮށްގެން. މިވިސްނުންހުރި ސިޔާސީ މީހާކު ނެތީ...
ބްރެއިން ޑްރެއިން
19 March 2022
މައްސަލައަކީ ލާމަރުކަޒީ ވުމެއްނޫން މައްސަލައަކި ދިވެހިން! ރަށެއް ނުވަތަ އަތޮޅެއްގެ ކަންކަން ނިންމަން ޖެހެނީ އެތަނެއްގަ އުޅޭބައެއް! މައްސަލައަކީ އަމިއްލައެދުން ބޮޑު ކަންކުރަންނޭނގޭ ޓްރައިބަލިސްޓިކް މޮޔައިން މަގާމުތަކަށް ހޮވުން، ކިޔަވައިގެން ހުރި ކަންކުރަން އިނގޭ އެތައްބައެއް އެބަތިބި، އެމީހުންނަށް ފުރުސަތެއް ނެތް މިތާކު!