ފެނަކަ ފުވައްމުލަކު އިންޖީނުގެ: އެސްޓީއިން ތެލުގެ އަގު ބޮޑުކުރުމުން ކަރަންޓް އުފައްދާ ކުންފުނިތަކުން ދަނީ ސާޗާޖު ބޮޑުކުރަމުން. ފޮޓޯ: ފެނަކަ ފުވައްމުލައް
22 ޑިސެމްބަރ 2016 - 10:38
14 comments
ކަރަންޓް އުފައްދާ ކުންފުނިތަކަށް އެސްޓީއޯ އިން ވިއްކާ ޑީސަލްގެ އަގު ލީޓަރެއް 8.91 ލާރި އަށް ބޮޑުކުރުމުން ފެނަކަ އިން ވެސް ތެލުގެ ސާޗާޖްގެ ގޮތުގައި ޔުނިޓަކަށް ނަގާ މިންވަރު 27 ލާރި އަށް ބޮޑުކޮށްފި އެވެ. ނަމަވެސް އެ ކުންފުނިން ތެލުގެ ސާޗާޖަށް ބަދަލު ގެނައި ދުވަހެއް ނުބުނެ އެވެ.
ރާއްޖޭގެ އެންމެ ގިނަ ރަށްތަކަށް ކަރަންޓުގެ ހިދުމަތްދޭ ކުންފުނީގެ މެނޭޖިން ޑިރެކްޓަރު އަހުމަދު ޝަރީފް މިއަދު ވިދާޅުވީ ތެލުގެ ސާޗާޖް ބޮޑުކުރަމުން އަންނަނީ އެ ކުންފުންޏަށް އެސްޓީއޯ އިން ވިއްކާ ތެލުގެ އަގު ބޮޑުކުރުމާ ގުޅިގެން ކަމަށެވެ. އެ ގޮތުން ޑީސަލް ލީޓަރެއް ގަންނަން ލިބޭ އަގު 8ރ. އަށް ވުރެ ބޮޑުވާ ނަމަ ކޮންމެ ދިހަ ލާރިއަކުން ތިން ލާރި ސާޗާޖުގެ ގޮތުގައި އެ ކުންފުނިން ވެސް ނަގާ ކަމަށް އޭނާ ވިދާޅުވި އެވެ.
"އަޅުގަނޑުމެން އެސްޓީއޯއާ އެބަ މަޝްވަރާކުރަން ކަރަންޓުގެ އަގު ހެޔޮކުރެވޭނެ އެހެން ގޮތްތަކެއް ހޯދަން. އެ ކަންތައް ހަމަޖެހުމުން އޭގެ ތަފުސީލްތައް އާއްމުކުރާނަން،" ޝަރީފް ވިދާޅުވި އެވެ.
އޭނާ ވިދާޅުވީ ހަމަޖެހިފައި އޮންނަނީ އެސްޓީއޯ އިން ރަށްރަށަށް ތެޔޮ ސަޕްލައި ކޮށްދޭ ގޮތަށް ކަމަށެވެ. އެހެން ނަމަވެސް އެ ކުންފުނިން އަމިއްލަ އަށް ސަޕްލައި ކުރީމަ ތެލަށް ކުރާ ހަރަދު ކުޑަވާނެ ކަމަށް ވެސް ޝަރީފް ވިދާޅުވި އެވެ.
ފެނަކަ އިން ކަރަންޓުގެ ހިދުމަތް ދޭ 152 ރަށުގައި ކަރަންޓް އުފައްދަން ތެލަށް މަހަކު 60 މިލިއަން ރުފިޔާ ހަރަދު ކުރާ ކަމަށް ތަފާސްހިސާބުތަކުން ދައްކަ އެވެ.
އެ ކުންފުނިން ތެލުގެ ސާޗާޖަށް ގެނައި ބަދަލާ ގުޅިގެން މަހަކު އެވްރެޖްކޮށް 500 ޔުނިޓްގެ ކަރަންޓް ބޭނުންކުރާ ގެއަކުން ސާޗާޖުގެ ގޮތުގައި 135ރ. ދައްކަން ޖެހޭނެ އެވެ.
އެ ކުންފުނިން ތެލުގެ ސާޗާޖު ބޮޑު ކުރިއިރު ސްޓެލްކޯ އިން ވެސް މި މަހުގެ ނުވަ ވަނަ ދުވަހުން ފެށިގެން ޔުނިޓަކަށް 27 ލާރި ނަގަން ވަނީ ނިންމައިފަ އެވެ.
މިދިޔަ ޖެނުއަރީ މަހު އާއްމުން ބޭނުންކުރާ ކަރަންޓްގެ އަގުތަކަށް ގެނައި ބަދަލާ ގުޅިގެން ކަރަންޓް ބިލު ބޮޑުވާ ކަމުގެ ޝަކުވާ ގިނަ ބަޔަކު ކޮށްފައިވެ އެވެ. އަދި އޭގެ ފަހުން 500 ޔުނިޓުން ފެށިގެން ދަށުގެ ޔުނިޓްތަކުގެ އަގު ހެޔޮކުރި އެވެ. އަދި އެއާ އެކު ވެސް ކަރަންޓް ބިލު ބޮޑުވާތީ އެ ޓެރިފް ރޭޓްތަކަށް ބަދަލު ގެންނަން ނިންމާފައިވާ ކަމަށް މި އަހަރުގެ ކުރީކޮޅު ރައީސް އަބްދުﷲ ޔާމީން ވިދާޅުވެފައިވެ އެވެ. ނަމަވެސް ކަރަންޓުގެ އަގަށް އޭގެ ފަހުން އެއްވެސް ހެޔޮ ބަދަލެއް ގެނެސްފައެއް ނުވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވުޒާރާ
22 December 2016
ހާދަ އަވަހޭ އަރައިގެން ދާލެއް
ފަލަކު
22 December 2016
އާރ.ޓީގައި ސަރުކާރުން ކަރަންޓް ޚިދުމަތްދެނީ ގެއްލުންކޮށް. ފިޔަފާރި ކުންފުނިތައް ނުހިންގޭނެ ގެއްލުން ކޮށް. އެހެންކަމުން 27ލާރިއަކީ ނިސްބަތުން ކުޑައެއްޗެއްޗެއް. އެހެންކަމުން 75ލާރި ލިޓަރަކުން ނަގައިގެން ނޫނީ ކުޑަފައިދާއެއްވެސް ނުލިނޭނެ.
ހާސަރު
22 December 2016
ބިޑްނުކޮށް ތެޔޮގަނެގެން ރައްޔިތުން ފެލަނީ ބިޑްކުރާނަމަ އަގުހެޔޮވާނެކަން އެއޮތީ އެއަރޕޯޓުން ފެންނަން ، ތިހުރިހާތަނަކަށްވުރެ އެތައް ތަނެއް އަގުހެޔޮކޮށް އެތަނުން ތެޔޮހޯދަނީ
ސައްދާމް
22 December 2016
ސްޓެލްކޯ އާއި ފެނަކަ ދެ ކުންފުނި............ މާލެ ވީމާ ސްޓެލްކޯ ކަރަންޓް ރާއްޖޭގެ އެހެން މީހުންނަށް ވުރެ އަގު ހެޔޮކޮށް............މުވައްޒަފުން މުސާރަ ބޮޑު ؟ ރާއްޖެތެރެ ވީމާ ފެނަކަ ކަރަންޓް މާލެއަށް ވުރެ އެތައް ގުނަ އަގުބޮޑު...........މުވައްޒަފުން މުސާރަ ކުޑަ ؟ އެކަމަކު މި ދެ ކުންފުނި އަކީ ވެސް ދިވެހި ދައުލަތުގެ 100% ހިއްސާވާ ކުންފުނި........ ރާއްޖެތެރެ މީހުން ވެސް ދައުލަތަށް ޓެކުސް ދައްކަނީ ހަމަ އެއްވަރަކަށް........
ގައުމު
22 December 2016
ވަރަށް ރަނގަޅު ވާހަކައެއް. މީ ނަސްލީ ތަފާތުކުރުން ހައްދުން ނެއްޓިފައި އޮތް ޤައުމެއް. އާބާދީ ކުޑަ ރަށުގެ މީހާވެސް ދައްކަންޖެހޭ ޓެކުހެއް ދައްކަންޖެހެނީ ތަފާތެއްނެތި. ޢެކަމަކު އެ ޓެކުހުން އެއްކަލަ މީހާއަަށް ލިބޭ ޚިދުމަތް ކުޑަރަށުގައި އުޅޭތީ ލިބެނީ ކުޑަކޮށް.
އަބްދުއްލާ އަލީ
22 December 2016
ކަރަންޓް ބިލަށް އެއްވެސް ޗާޖެއް އެއްކުރެވިއްޖެ ނަމަ އެފައިދާ އެއް އެނެގެނީ ގާނޫނުއަސާސީ އާ ހިލާފަށް. ސްޓެލްކޯ އިން ވިޔަސް ފެނަކަ އިން ވިޔަސް ކަރަންޓް ބިލުގާ ހިމެނޭނީ އެމީހުން ވިއްކާއެއްޗެއްގެ އަގު ޔުނިޓަކަށް ކަނޑައަޅާ މިންވަރުން. ގާނޫނުއަސާސީގެ 97 ވަނަ މާއްދާ ގަ ބުނަނީ ރައްޔިތުން އަތުން ފީއެއް ނުވަތަ ޓެކުހެއް ވިޔަސް ނުވަތ އެނޫން ފައިސާއެއް ވިޔަސް ނެގޭނީ ރައްޔިތުނަގެ މަޖިލީހުން ފާސްކޮށްފައިވާ ގާނޫނެއް އޮވެގެން. ކަރަންޓް ބިލުގާ ކަރަންޓް ވިއްކާއަގު އޮވެފާއޭ ގެ އިތުރު ފީއެއް ނުވަތަ ޗާޖެއް ގާނޫނަކުން ބާރު ލިބިގެން މެނުވީ ނުނެގޭނެ.
އަހްމަދު ތަކުރުފާނު
22 December 2016
ގާނޫނުގައި އޮންނަ ގޮތަށް ކޮންކަމެއްތަ މިހާތަނަށް މިމީހުންކުރީ؟ އިންތިޚާބުވެސް އެދަނީ ފައިފުހި ދަށުން ދެމިގެން. ކިތައް އޮފީހުން ކިތައް ޖޫރިމަނާ އެބަނަގާތަ؟ ޚާއްޞަކޮށް މީރާ އިން. ކާކު އެކަމާ ބަހެއް ބުނީ. ކޯޓަކަށް ދިޔައީ (ކަމެއް ވިޔަސް ނުވިޔަސް) . ހެދި ކޮންމެ ގޮތެއް ވަރިހަމަ ވެގެން ތިބޭނެކަން ރަނގަޅަށް އެނގޭތީވެ، 7 ދުވަހުން ހަނދާންނެތޭ ރައްޔަތުން ދިރިއުޅޭ މިގައުމަށް މިއަދު މިހެންވެފަ މިއޮތީ.
2ކޭ3
22 December 2016
ސަރުކާރަށް ހިންދެމިލަން އޮތީ ރައްޔިތު މީހާ ކުޑަކަކޫ ޖައްސުވާފަ....ގައުމަށްޓަކާ،ދީނަށްޓަކާ ވޯޓް ދިން އެއްމެނަށް ޝުކުރިއްޔާ...
އަނދިރިއަލީ
22 December 2016
ތިޔަކަހަލަ ޝުކުރިއްޔާއެއް ކިޔާނެކަމެއްނެތް: ވޯޓްދިނީ ދެއްކި ވާހަކަޔާ އެއްގޮތަށް އަމަލުކުރުމަށް: އަންނި ރައީސްވެސް ހޮވީ އެކަހަލަ މޮޅެތި ވާހަކަތައް ދައްކައިގެން ؛ އެހެންވެ އޭނާ ހޮވުނީ، ހޮވުނީމާ ޤައުމު ދަރުވާލާފައި ދެންނުވާނެއޭ ގޮވަމުން ދުވެރައްކާވީ. މިހާރު މިފެންނަނީ ނުވިތާކަށް އެއްޗެއް އޮތީވިއްޔާ ވިއްކާހުސްކުރަމުން ދާތަން. ވިއްކާވިއްކާ ހުސްވީމާ، އަމައްޔާތް މަށެއްނޫނޭ މަޖިލިސްއޭ އެހެން ހެއްދީ ގޮވަމުން ފިލީމާ ހުންނާނީ ރަނގަޅުވެފައިދޯ 2ކޭ3
ސައްދާމް
22 December 2016
ރައީސް އަބްދުﷲ ޔާމީނު އެބުނާ ތެޔޮވަޅު ފެނުނީމާ ދެން ރަނގަޅުވާނެ........... މޮޅު އިކޮނޮމިސްޓު ޔާން......... ރައްޔިތުން ބޭނުންވާ ގޮތަށް މިދަނީ.......
ށަވީދު
22 December 2016
އެސްޓިއޯ އަކީ ރައްޔިތުންނަށް ހެޔޮއަގުގައި ޚިދުމަތް ފޯރުކޮށްދިނުމަށް އުފެއްދިކުންފުންޏަކަސް މި ފެންނަނީ ދަރަނި ކުންފުނިތައް އެސްޓީއޯ ސަބްސިޑައިޒް ކޮށް އެކަވަރ ކުރަން ފެލާތަން..
ފެނަކަ މީހާ
22 December 2016
ފެނަކަ އިން ތެޔޮ ގަންނަނީ އަގުހެޔޮކޮން. ޑޮކިއުމެންޓްސްތައް ބެލީމަ ހަގީގަތް ފެންނާނެ.
އަކޯ
22 December 2016
އަހަރެމެން ތެޔޮގަންނަނީ 7.00 ރ އަށް... ފެނަކައާ ސްޓެލްކޯއަށް 8ރ އަށްވުރެ ބޮޑު... ކޮންވައްތަރު އިކޮނޮމިސްޓް ވެރިކަމުގަ ހުންނަނީ؟
ބޫ
22 December 2016
މިކަހަލަ ކަމެއް މަމެން ރަށު ކަތީބުވެސް ކުރި. ބޭބެއަށް ތެޔޮފިހާރައެއް ހުޅުވަން ރައްޔިތުންގެ ބަޖެޓުން ފައިސާ ދީފައި އޭނާ އަތުން ރައްޔިތުންގެ އިންޖީނުގެއަށް ތެޔޮގަންނަނީ އަގުބޮޑުކޮށް.