ލަންކާ ސަރުކާރާ ދެކޮޅަށް ކޮލަމްބޯގައި މިއަދު މުޒާހަރާ ކުރަނީ. --ފޮޓޯ:އޭއެފްޕީ
03 އެޕްރީލް 2022 - 02:10
3 comments
ކޮލަމްބޯ (އެޕްރީލް 2) - ސްރީ ލަންކާގައި މާދަމާ ބާއްވަން އުޅޭ ބޮޑު މުޒާހަރާއެއް ހުއްޓުވުމުގެ ބޭނުމަކީ އެ ގައުމުގައި 36 ގަޑިއިރަށް ކާފިއު އިއުލާންކޮށްފި އެވެ.
ހޮނިހިރު ދުވަހު އިރުއޮއްސި 6 އިން ފެށިގެން އިއުލާންކުރި ކާފިއުގެ މުއްދަތު ހަމަވާނީ ހޯމަ ދުވަހުގެ ހެނދުނު ކަމަށް ފުލުހުން ބުންޏެވެ. ކާފިއު އިއުލާންކޮށްފައި ވަނީ ލަންކާގައި ތަކެތީގެ އަގުބޮޑުވުމާއި އަސާސީ ބައެއް ތަކެތި ނުލިބި އަދި ކޮންމެ ދުވަހަކު ވެސް 13 ގަޑިއިރަށް ކަރަންޓް ކެނޑުމާ ދެކޮޅަށް އިދިކޮޅު ފަރާތްތަކުން ބޮޑު މުޒާހަރާއެއް ބާއްވަން ރޭވި މުއްދަތުގަ އެވެ. ނަމަވެސް ކާފިއު އިއުލާންކުރި ނަމަވެސް މިރޭ ވެސް ބައެއް މީހުން ވަނީ ތަންތަނަށް އެއްވެފަ އެވެ.
ލަންކާގެ އެސްޓީއެފްގެ ސިފައިން މަގުތަކުގައި ސަލާމަތީ ކަންކަން ބަލަހައްޓާ އިރު ކޮލަމްބޯގެ މަގެއްގައި މީހަކު މިއަދު ހިނގާފައި ދަނީ. --ފޮޓޯ:އޭއެފްޕީ
ރައީސް ގޯޓާބޭ ރާޖަޕަކްސާގެ ގެކޮޅު ހިމެނޭ ސަރަހައްދުގައި ބުރާސްފަތި ދުވަހުގެ ރޭ މުޒާހަރާ ކުރުމާ ގުޅިގެން އެ ރޭ ވެސް ވަނީ ކާފިއު ހިންގައިފަ އެވެ. އަދި ހުކުރު ދުވަހު ވަނީ ކުއްލި ނުރައްކަލުގެ ހާލަތު އިއުލާންކޮށް، މީހުން ހައްޔަރުކުރުމުގައި ސަލާމަތީ ފަރާތްތަކަށް ގާނޫނީ ގޮތުން އިތުރު ބާރުތައް ދީފަ އެވެ.
ލަންކާގައި އާދިއްތަ ދުވަހު ބާއްވާ ބޮޑު މުޒާހަރާ އަށް މީހުން ނުކުތުމަށް ގޮވާލަމުން ދަނީ ސޯޝަލް މީޑިއާގެ އެކި ވަސީލަތްތައް މެދުވެރިކޮށެވެ. ލަންކާގައި ސޯޝަލް މީޑިއާ ދާދި ފަހުން ވަނީ ހަތަރު ފަހަރަށް ބަންދުކޮށްފަ އެވެ.
ބުރާސްފަތި ދުވަހުގެ ރޭގެ މުޒާހަރާ އިން ހައްޔަރުކުރި 53 މީހުންގެ ތެރޭން 21 މީހުން ވަނީ ކަފާލާތުގެ ދަށުން ހުކުރު ދުވަހުގެ ރޭ ދޫކޮށްލައިފަ އެވެ. ބާކީ ތިބި މީހުން އަދިވެސް ތިބީ ބަންދުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަމް67
03 April 2022
މިހާލަތުގައި ދިވެހިންނައް ވީވަރަކުން ސަރުކާރުން ލަންކާ އައައް އެހީއެއްދިނުން ރަނގަޅު. ޢެންމެ ދުރުގަ އޮތް ޖަޕާނައްވެސް ދިވެހިން މަސްކޭސް ފޮނުވި
އަބްޑޫޅް
03 April 2022
އިންޑިޔާއިން ހަދިޔާުކުޅަ މަނަވަރަކާ، އިންޑިޔާއިން ހަދިޔާކުޅަ އަލިފާން އިންޖީނަކާ، އިންޑިޔާއިން ހަދިޔާކުޅަ ހެލިޕޮކުޓަރަކާ، ސިފައިންގެ ކުދިންކޮޅެއް، ރާއްޖޭން ފޮނުވީމަ ތިޔަ މައްސަލަ ހަމަޖެހޭނެ. ކާފިޔު އޯޑަރު ހިންގުމުގެ ބޭނުމެއް ނެތް.
ޑއިޓީ
03 April 2022
ކާފިއު ހިންގައިގެން ވެރިކަން ކުރާ ހިސާބަ ދިޔައީމަ އިސްތިއުފާ ދޭންވީ. ޔާމިން ވެސް މިހެން މިގައުމުގާ ކަައިފިއުހިންގި. އެވެރިކަން ނިމިގެން ދިޔައީ.