ހުރިހާ ރެސްޓޯރަންޓަކުން ވެސް ރޯދަ މެނޫތައް މިހާރު ނެރެފި. މެނޫތަކަށް ބަލާލުމުން އެހެން އަހަރުތަކާ މާ ބޮޑު ތަފާތުތަކެއް ފާހަގަ ނުކުރެވުނަސް، ރެސްޓޯރަންޓްތަކުން ބުނީ ރަހަތައް ރަނގަޅުވާނެ ކަމަށް.
ކްރޮސްރޯޑުގެ "ކަޅުއޮޑި" ރެސްޓޯރެންޓް. މާލެ ސަރަހައްދުން އެންމެ އަގު ބޮޑު ރޯއްދަވީއްލުން ލިބެނީ މި ރެސްޓޯރެންޓުން--ފޮޓޯ:ފޭސްބުކް
04 އެޕްރީލް 2022 - 11:47
46 comments
ރޯދަ މަހާ އެކު އެންމެންގެ ކަޅި ވެސް ދެން ހުއްޓޭނެ އެއް ކަމަކީ ރެސްޓޯރެންޓްތަކުގެ މެނޫތަކެވެ. އާއިލާ ނުވަތަ ރައްޓެހިންނާ އެކު ރޯދަ ވީއްލަން ދާނެ ތަނެއް ނިންމުމަކީ ލައްކަ މަސައްކަތެވެ. ގޭތެރޭގެ ރޯދަ ވީއްލުމުގެ މާހައުލު ބަދަލުކޮށްލަން އެއް ފަހަރު ނަމަވެސް ބޭރުން ރޯދަ ވީއްލުމަކީ ދިވެހިން ކުރަމުން އަންނަ ކަމެކެވެ.
މިފަހަރު ވެސް ރެސްޓޯރެންޓްތަކުން ވަނީ ރޯދަ މެނޫތައް އާންމުކޮށްފަ އެވެ. ބައެއް ތަންތަނުގައި އެކި ދުވަސް ދުވަހު ހުންނަނީ އެކި ކުޒީންތަކަށް ހާއްސަ ކެއުންތަކެވެ. އެހެން ބައެއް ތަންތަނުން ތިން ހަތަރު މެނޫ އޮތް އިރު އަނެއް ބައި ތަންތަނުގެ އަގުތަކާއި ރޯދަ ވީއްލުން ދޭ ގޮތް ވެސް ތަފާތެވެ.
ކްރޮސްރޯޑްސް: އެންމެ އަގު ބޮޑު މެނޫތައް
ކްރޮސްރޯޑްސްގެ މެރީނާގައި ހުންނަ "ކަޅުއޮޑި" އާއި "ބީން އެންޑް ކޯ" އަކީ މާލެ ސަރަހައްދުން އެންމެ އަގު ބޮޑު ރޯދަ ވީއްލުމެއް ލިބޭ ދެ ރެސްޓޯރެންޓެވެ. "ކަޅުއޮޑި" ރެސްޓޯރެންޓުން ރޯދަ ވީއްލުމެއް ލިބެނީ މީހަކަށް 55 ޑޮލަރު (848ރ.) އަށެވެ. އެ ރެސްޓޯރެންޓުގައި އޮންނަނީ މައިގަނޑު އެއް މެނޫ އެވެ. އެ މެނޫގައި ބޮޑަށް އިސްކަން ދީފައި ވަނީ ދިވެހިންގެ މެދުގައި އެންމެ މަގްބޫލު ކެއުންތަކަށެވެ. އަދި ދިވެހި "އޮތެންޓިކް" އުފެއްދުންތައް ވެސް އެ ރެސްޓޯރަންޓުން ލިބެ އެވެ.
ކަޑު އޮޑި ރެސްޓޯރެންޓް: މިއީ މި އަހަރުގެ އެންމެ އަގު ބޮޑު ރޯދަވީއްލުން ލިބޭ ރެސްޓޯރެންޓް
"ބީން އެންޑް ކޯ" ރެސްޓޯރެންޓްގެ ރޯދަ ވީއްލުމެއް އުޅެނީ މީހަކަށް 50 ޑޮލަރު (771ރ.) އެވެ. އަދި ކުޑަކުއްޖަކަށް 40 ޑޮލަރު (617ރ.) އެވެ. ކްރޮސްރޯޑްސްގެ މެރީނާ އަށް ދިއުމުގެ ޓްރާންސްފާއާ އެކު އެ ރެސްޓޯރެންޓުން ރޯދަ ވީއްލަން ފާހަގަކޮށްލެވޭ ތިން މެނޫއެއް އޮވެ އެވެ. އޭގެ ތެރެއިން ކޮންމެ މެނޫ އެއްވެސް އިހްތިޔާރު ކުރެވޭނެ އެވެ. މި މެނޫގައި ދިވެހި ކެއުންތަކާއި އިޓާލިއަން ގިނަ ކެއުންތަކެއް ހިމަނާފައިވެ އެވެ.
އެޗްއައިއެޗް: މިފަހަރު ވެސް ބޮޑު ތަފާތެއް
އެޗްއައިއެޗްގައި ރޯދަ ވީއްލުމެއް ހުރީ މީހަކަށް 40 ޑޮލަރު (617ރ.) އެވެ. އަދި ކުޑަކުއްޖަކަށް (386ރ.) އެވެ. އެޗްއައިއެޗުން ވަނީ ހަފްތާގެ ކޮންމެ ދުވަހަކަށް ތަފާތު މެނޫއެއް ހަދައިފަ އެވެ. އެ ހޮޓެލުން ބުނީ އެހެން ރޯދަ މަސްތަކޭ އެއްގޮތަށް މި އަހަރުގެ ރޯދަ މަހުގެ ރޯދަ ވީއްލުންތަކަށް ބުކިންތައް ލިބެމުން އަންނަ ކަމަށެވެ.
"އެހެން އަހަރުތަކާ ހިލާފަށް މި އަހަރުގެ ރޯދަ މަހު ދިވެހިން އާންމުކޮށް ކާ ބާވަތްތަކުގެ އިތުރުން މެލޭޝިއަން ކުޒީންގެ ރަހަތައް ވެސް ރޯދަ ވީއްލަތުން ފެންނާނެ،" އެޗްއައިއެޗުން ބުންޏެވެ.
ހުޅުލޭ އައިލެންޑް ހޮޓެލްގެ ރެސްޓޯޜެންޓް
އެޗްއައިއެޗުން ވަނީ ހަފްތާގެ ކޮންމެ ދުވަހަކަށް ހާއްސަ މެނޫއެއް ހަދައިފަ އެވެ. މި މެނޫގައި އެންމެ ހާއްސަ އެއް ކަމަކީ ގިނަ އަދަދެއްގެ ޑެޒާޓް ނުވަތަ ފޮނިކާތަކެތި ހުރުމެވެ. ކޮންމެ ދުވަހެއްގެ މެނޫގައި ވެސް ތަފާތު އަށް ޑެޒާޓެއް ލިބެން ހުރެ އެވެ.
ހޮޓެލް ޖެން: ހާއްސަ އޮފާތަކެއް
ޖެން ހޮޓެލްގައި އެކަކުގެ ރޯދަ ވީއްލުމުގެ އަގަކީ 30 ޑޮލަރު (463ރ.) އެވެ. ކުޑަކުދިންނަށް 15 ޑޮލަރު (231ރ.) އިން ރޯދަ ވީއްލޭނެ އެވެ. ޖެންގެ ރޯދަ ވީއްލުންތަކަށް ދާ މީހުންގެ އަދަދު އިތުރުވާ ނަމަ ބޮޑު ޑިސްކައުންޓެއް ލިބެ އެވެ.
ޖެންގެ ރެސްޓޯރެންޓް: އެތަނުން ގިނަ ބަޔަކު ރޯދަ ވީއްލާ ނަމަ ބޮޑެތި ޑިސްކައުޓްތަކެއް ލިބޭ-- ފޮޓޯ: ނިޝާން އަލީ/މިހާރު
މި މަހުގެ 9 ވަނަ ދުވަހުގެ ކުރިން ރޯދަވީއްލުމެއް 50 މީހުންނަށް ބުކް ކުރާ ނަމަ 10 ޕަސެންޓް ޑިސްކައުންޓް ދެ އެވެ. އަދި 100 މީހުނަށް ނަމަ 15 ޕަސެންޓް ޑިސްކައުންޓް، 150 މީހުންނަށް ނަމަ 20 ޕަސެންޓް ޑިސްކައުންޓް ދެ އެވެ.
މާގިިރި: ތިން އަގެއްގެ މެނޫތައް
މާގިރިން ތިން އަގެއްގެ މެނޫތައް ލިބޭނެ އެވެ. އެ ތަނުން ބޮލަކަށް 340ރ. އާއި 360ރ. އަދި 390ރ. އަށް ރޯދަވީއްލުން ލިބެ އެވެ. ތިން މެނޫއެއް ހިމެނޭ އިރު ރޯދަ މަހުގެ ފުރަތަމަ ހަތް ދުވަހުގެ ތެރޭގައި ރޯދަ ވީއްލަން ހިނގައްޖެ ނަމަ 15 ޕަސެންޓްގެ ޑިސްކައުންޓް ވެސް ލިބެ އެވެ. އަދި ކޮންމެ 11 މީހުންގެ ތެރެއިން އެކަކުގެ ރޯދަވީއްލުން ހިލޭ ދެ އެވެ.
މާގިރި ރޯދަ ވީއްލުން. އެތަނުގައި ތަފާތު ތިން މެނޫއެއް ތިން އަގެއްގައި ކޮންމެ ދުވަހަކު ވެސް ހުންނާނެ--ފޮޓޯ:މިހާރު
މާގިރީގެ މެނޫތަކުން ދިވެހި ކެއުންތަކުގެ އިތުރުން އިންޑިއާގެ ރަހަތައް ވެސް ތަޖުރިބާކޮށްލެވޭނެ އެވެ.
އެހެން ރެސްޓޯރެންޓްތައް: އެވްރެޖް އަގު ބޮލަކަށް 200ރ. ގައި
މި އަހަރުގެ ރޯދަ މަހު ރެސްޓޯރެންޓްތަކުގައި ޖުމްލަކޮށް ރޯދަ ވީއްލުންތައް ހުރީ ބޮލަކަށް 150ރ. އާއި 250ރ. އާ ދެމެދުގެ އަގުތަކެއްގަ އެވެ. މީގެ ތެރޭގައި ލެމަންގްރާސްގެ ރެސްޓޯރެންޓްތަކާއި ފުޑް ކޯޓުތައް ވެސް ހިމެނެ އެވެ.
މާލޭގައި އެންމެ ގިނަ ރެސްޓޯރަންޓް ހިންގާ ލެމަގްރާސްގެ އޮފިޝަލަކު ވިދާޅުވީ މި އަހަރުގެ މެނޫތައް ހާއްސަކޮށްފައި ވަނީ ދިވެހި ރަހަތަކަށް ކަމަށެވެ. ލެމަންގްރާސްގެ ރެސްޓޯރެންޓްތަކުގެ ތެރެއިން އެންމެ އަގު ހެޔޮ މެނޫތައް ހުރީ ލެމަންގްރާސް ފިފްތުގަ އެވެ. އެތަނުން 195ރ. އަށް ރޯދަ ވީއްލުމެއް ލިބޭ އިރު ސިޓްރޯން އާއި އެންމެ ފަހުން ހުޅުވި ޕޮމެލޯ އިން ވެސް ރޯދަ ވީއްލުންތައް ހުރީ 250ރ. ގަ އެވެ.
ޕޮމެލޯ ރެސްޓޯރެންޓް: އެ ތަނުން ރޯދަވީއްލުމެއް ލިބެނީ 250ރ. އަށް--ފައިލް ފޮޓޯ: ފަޔާޒް މޫސާ/ މިހާރު
"އެންމެ ބޮޑު އިސްކަމެއް ދެނީ ދިވެހިންގެ މެދުގައި އެންމެ މަގްބޫލު ރަހަތައް މެނޫގައި ހިމަނަން،" އޭނާ ވިދާޅުވި އެވެ.
މާލޭގައި މަޝްހޫރު ރެސްޓޯރެންޓެއް ކަމަށްވާ، ސޯލްޓުން ބުނީ އެ ރެސްޓޯރެންޓްގެ ރޯދަ ވީއްލުންތަކުގެ މެނޫތަކުގައި މިފަދަ އިސްކަން ދިނީ މީރު ކެއުންތަކަކަށް ކަމަށެވެ. އަދި ސިއްހަތަށް ފައިދާހުރި ގިނަ ކެއުންތަކެއް ވެސް ހުންނާނެ ކަމަށް އެތަނުން ބުންޏެވެ.
"މެނޫތައް ހުންނާނީ ވަރަށް ބެލެންސްކޮށް. ހަށިގަނޑަށް ބޭނުންވާ އެކި ނިއުޓްރިޝަންސް ލިބޭނެ ކެއުންތައް ހިމަނާފައިވާނެ،" އެތަނުން ބުންޏެވެ.
މާލޭގެ ފުޑް ކޯޓްތަކުގައި އެވްރެޖްކޮށް ރޯދަ ވީއްލުމެއް އުޅެނީ ބޮލަކަށް 150ރ. އިން މަތީގަ އެވެ. ބައެއް ތަންތަނުގައި 200ރ. އަށް ވެސް، އަދި 230ރ. އަށް ވެސް ރޯދަ ވީއްލުން އެބަ ހުއްޓެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފާހަގަ
07 April 2022
ތިޔައީ މުޅިން އިސްރާފް. އިސްރާފްކުރުމަކީ އިސްލާމް ދީނުގައި ހުއްދަ ކަމެއް ނޫން.
ސަދަން
05 April 2022
އަހަރެމެން ގެއިން މާ މީރު އަދި ހިތްހަމަ ޖެހޭ ރޯދަވީއްލުން ލިބޭ. ބޭނުމެއް ނޫން މިއިން ތަނަކަށް ދާކަށް. ތި އަގުބޮޑު މެނޫ ހަދާގެން ތިބޭ ތިމީހުން!
ސަހަރޯ ހ
07 April 2022
ދެން ގޭގަ އިނދެބަލަ
ހުސެން
05 April 2022
50 ޑޮލަރަށް ނުވަތަ 100 ޑޮލަރަށް ވިޔަސް ރޯދަވިއްލާށޭ ކިޔާފަގޮސް ނަމާދުވަގުތުދާއިރުވެސް އަޗާތަޅަންތިބެން ތިޔަތަންތަނަށްދާނެ މީހުންބައިވަރު، މިފަދަމީހުންނަކަށް ރޯދައިގެ ނުވަތަ ރޯދަމަހުން ލިބެންޖެހޭ އެއްވެސް ހެވެއްނުލިބޭ، އަޅުގަނޑަށް އެންމެމީރީ ކާންއެންމެބޭނުމީވެސް އެންމެ ހިތްހަމަޖެހެނީވެސް އަޅުގަނޑުގެ އަންހެނުން ހަދާއެއްޗެހި، ފުރީކޮށް ލިބެންއޮތަސް ތިޔަތަންތާކަށް ނުދާނަން،
ހަސަންނީ
05 April 2022
ތިޔޭ މައްސަލަ އަކީ. އެހެން މީހަކު އުޅޭ ގޮތައް ފާޑު ކިޔާ އެމީހަކައް ލިބޭނެ އެއްޗަކާ ނުލިބޭނެ އެއްޗެއް ކަލެއަކައް ނޭގޭނެ. އަދި ކަލެއަކައް ނޭގުމަކީ މައްސަލައެއް ނޫން. އެކަން ގަބޫލު ކޮއްބަލަ! އަގަ ތަޅައް 12 ގަޑިއިރު ތިއްބަސް ކަލެއަކައް ލިބޭނެ އެއްޗަކައް ގެއްލުމެއް ނުވާނެނު! ދެއްކީއްކުރައް ރަތައް އަރަނީ؟
ޙަސަން އަޙްމަދު
05 April 2022
ތިމާމެންގެ ނެތް ފެންވަރުން އަގުބޮޑުކޮށް ރޯދަވީއްލާކަށް ނުޖެހޭ. ގޭގައި އަނބިމީހާ އަވަދިވާވަރަށް "މީރެއްކަމަކު" ހެދިކާތަކާ ބުއިންތައް ވެސް ހައްދާކަށް ނުޖެހޭ. އަދި ބޭރުން ރޯދަވީއްލިޔަސް ނަމާދަށް ދާމީހުން ދޭ. ދެން ބުނަން އޮތީ އަނބިމީހާ ގޮވައިގެން ތިމާއަށް އަތްފޯރާ ވަރުގެ ރެސްޓޮރެންޓަކުން އަނބިމީހާއަށް ޗުއްޓީއެއް ދިނުމުގެ ގޮތުން ރޯދައެއް ވީއްލުމަކީ މަށަށް ހީވާގޮތުން ތިމާއަށް އެކަމުގެ ސަވާބެއް ވެސް ލިބޭނެކަމެއްހެން.
ކިތުނާ
05 April 2022
ހަސަނު މެންކަހަލަ މީހުން މަދުވީމަ އިސްރާފު ބޮޑުވަނީ
ހަހަހަހަ
07 April 2022
ކާކު އެހީ؟
ސުޕާރ
05 April 2022
100ރ ގެ ވެސް 1000ރ ގެ ވެސް ރޯދަ ވިއްލިޔަސް ހަމަ ދާނީ ގޮހޮރައް ދޯ. ލޮލް
އިއްލޭ
05 April 2022
ނަމާދެއް ކުރުމެއް ޒަކާތެއް ދެއްކުމެއް ނެތް ރޭގަނޑު ހަތަރުދަމު ހޭލާ ސައިކްބުރުޖަހާ ރައްޓެހިންނާއި އެކު މަޖާކޮށްފައި ގޭމް ކުޅެފައި ނުވިތާކަށް ބިޓުންނޭ ކިޔާ ބައެއްގެ ގާތަށް ވެސް ގޮސް ފަތިސް ނަމާދަށް ބަންގި ދީފާނެހެން ހީވީމައި ނިދާގޮތަށް ފަހެއް ޖެހީމަ ހޭލައިގެން ސައިކު ބުރުޖަހާލާފައި ބަންގި ގޮވީމައި ސުފުރާ މައްޗަށް އަރާ މީހުން ގިނައީ އަގުބޮޑުކޮށް ކީއްކުރަން އަގު ހެޔޮކޮށްވެސް ކެވިދާނެ އެކަމު އެއީ ރޯދަވެރިންނޭ ނުކިޔޭނެ.....
ފަހުދު
04 April 2022
11 މީހުން ކެއިމަ 11 ވަނަ މީހާގެ ގޭކުލި ދައްކައިދޭނެތަ؟
ނައިބު ތުއްތު.
04 April 2022
ލިއުން ލިއުނު ކުއްޖާ އަކަށް ނޭގޭދޯ ހުޅުމާލޭގައި ހުންނަ ދިއްދޫ ހޮޓަލާއި ހުވަދޫ ހޮޓާ އަދި އައްޑޫ ހޮޓަލުންވެސް ވަރަށް އަގުބޮޑުކޮށް ރޯދަ ވީއްލިދާނެކަން. އެތަނުން ދެބަނޑަށް ކާލައިގެން ބިލަށް އަރާނޯ 65ރ ވަރު. އެކަމަކު ކޮންމެ މީހަކަށް 930ރ ދިނީމަ އެއޮތީ އަގުބޮޑުކޮށް ކާންބޭނުން މީހުނަށް އެކަންވެފަ. މީތި ސަޅިއެއް ނޫންތަ ؟
ބޮޑުމީހާ
04 April 2022
ތަރާވީހަށްދާން އެންމެ ރީތިކޮށް ޤުރުއާން ކިޔަވާ މިސްކިތްތަކުގެ ލިސްޓެއްވެސް ހިމަނާލަބަލަ
ތުނިޔަ
04 April 2022
ފުރުޤާން މިސްކިތް..ޔަގީން ޥވ ވ ގިނަ މިސްކިތްތައް ކައިރިން ބުރުޖަހައިފިން ހަމަ ތިކަން ބަލަން.
ޖަބުރޯލް މޯޑޭ ގެ 10 ވަނަ ފަންގިފިލާ
04 April 2022
ޜެސްޓޯރަންޓް ތަކަށް ރޯދަ ވީއްލަން ދިއުމީ ކަންދެއްކުން... ތިއީ ލާދީނީ ކަމެއް. ﷲ ޢަންގަވާފައި ވަނީ ތިގޮތަށް އިސްރާފު ކުރުމެއް ނޫން. މީގެ 1400 އަހރު ކުރިން އަހަރުމެން މުސްލިމުން އުޅެމުން ދިޔަގޮތް ސިޔަރަތުން އެގެން އެ އޮތީ... ވީމާ ތި ކުރާ ކަންތަކީ ކަން ދެއްކުން... އިސްރާފް ކުރުން.
ޖަމަލު
04 April 2022
ދީނުގެ ހުކުމެެއް ތިހާ ފަސޭހައިން ޖަހާ ނުލެވޭނެ. ސޮރީ. އިސްލާމްދީނަކީ ކުޅޭކުޅޭ ދީނެެއް ނޫން
ޣުއި ފާތުމަ
04 April 2022
ދީނުގައި ބައި ހަދާފައި ގޮސް ރެސްޓޯރަންޓް ތަކުން ބޮޑު އަގުގައި ރޯދަ ވީލުން އޮވޭތޯ އަހާ ލެވުނީ.... ސޮރީ.... މި ގައިމުގައި އުޅެނީ ނުފޯރާ ފޮތިން ފޫގަޅައިން އުޅޭ ދެއްކުން ތެރިން
ހަމަ ރަނގަޅު
06 April 2022
ހަަމަ ރަނގަޅަށް ތިޔަ ބުނީ، މިގައުމުގައި އުޅެނީ މުޅިންވެސް ނުފޯރާ ފޮތިން ފޫގަޅާގެން އުޅޭ މީހުން. ޝުކުރިއްޔާ ކޮމެންޓަށް. ދަރަނިވެރިވެގެން ކާން ދާ މީހުން އުޅޭނީ ތަންތަނަށް، ގޮސްފަ ސޯޝަލް މީޑިއާއަށް ލާނެ.
ޙެހެހަހަ
04 April 2022
ތި ކަޅުއޮޑި ތީ ވަރަށް ކަޑަ ތަނެއް. 30 ރިފުޔާއަށް ލިބޭ ރިހަ އެތަނުން ލިބޭނީ 300 ރުފިޔާއަށް. ޢާދައިގެ މީހުން ދާން ހެޔޮވާވަރުތަނެއްނޫން އެއީކީ… އަދި އިންނާނެ ކުޑަ 3 އައިސްކިއުބް ވަރުގެ ކާރާކޮޅު ލާފަ ހަދާފަ އިންނަ އެއްޗެއް. ޢެހާ ނުބައި. ޢެއީ ކަރާ ސަޓަންޔޯ ތޮއްޑޫ މީހުންހަދާ. ދެން އޮތީ ކަނޑޫދޫ ރައިސް.. އެ ރަށު މީހުން ހަދާ އެއްޗެކޯ. ޢެކަމަކު އެ ހަދާކަން ދެނެހުރިވެސް މީހެއްނެއް. ޜަށްތަށު ނަމުގަ ފޭކް އެއްޗެހި ވިއްކާ ބައެއް.