އައްޑޫ އިންޓަނޭޝަނަލް ޕޯޓް ބޮޑު ކުރަނީ އެމްޓީސީސީއާ ހަވާލުކޮށްގެން. މި މަޝްރޫއުގެ ދަށުން އެ ސަރަހައްދު ހިއްކާއި މަގަތު ފާލަން ބޮޑު ކުރާނެ--ފޮޓޯ:އެމްޕީއެލް
04 އެޕްރީލް 2022 - 12:51
2 comments
އައްޑޫ އިންޓަނޭޝަނަލް ޕޯޓު ބޮޑުކުރުމުގެ މަސައްކަތުގެ ފުރަތަމަ ފިޔަވަހީގެ މަސައްކަތްތައް އަންނަ އަހަރުގެ ޖުލައި މަހަށް ނިންމާލެވޭނެ ކަމަށާއި އޭރުން ބޮޑެތި ބޯޓުފަހަރުން މުދާ ބާލަން ފަސޭހަވާނެ ކަމަށް އެމްޕީއެލް އިން ބުނެފި އެވެ.
އެމްޕީއެލް އިން ބުނީ މި ޕްރޮޖެކްޓްގެ ފުރަތަމަ ފިޔަވަހީގެ މަސައްކަތުގެ ތެރޭގައި މަގަތު ފާލަން ބޮޑު ކުރުމަށާއި އިތުރަށް އެ ސަރަހައްދު ހިއްކުމާއި ބްރޭކްވޯޓާ އެޅުމުގެ މަސައްކަތް ކުރާނެ އެވެ.
އެމްޕީއެލް އިން މިހާރު އަންނަނީ ޕޯޓަށް ގެންނަ ބަދަލުތަކާ ގުޅޭ ގޮތުން މުވައްޒަފުން ތަމްރީންކުރުމުގެ މަސައްކަތް ކުރަމުންނެވެ.
އައްޑޫ އިންޓަނޭޝަނަލް ޕޯޓު ބޮޑު ކުރުމުގެ މަސައްކަތް ހަވާލުކޮށްފައިވަނީ އެމްޓީސީސީއާ އެވެ. އެ ޕްރޮޖެކްޓްގެ އީއައިއޭގެ މަސައްކަތް އެމްޓީސީސީން އަންނަނީ ކުރަމުންނެވެ.
އައްޑޫ އިންޓަނޭޝަނަލް ޕޯޓް ބޮޑު ކުރުމުގެ މަސައްކަތް ކުރަނީ. މި ޕްރޮޖެކްޓްގެ ދަށުން ބޮޑެތި ބޯޓު ފަހަރަށް މުދާ ބާލަން ފަސޭހަ ވާނެ--ފޮޓޯ:އެމްޕީއެލް
ހިތަދޫ ޕޯޓުގެ މާސްޓަ ޕްލޭން ޑިޒައިންކޮށްފައިވަނީ ކަމާ ގުޅުންހުރި މާހިރުންނާ އެކު މަޝްވަރާކޮށް، ޕޯޓުގެ އެތެރެއަށް ވަދެވޭ ގޮތަށް ރައްކާތެރި ބަނދަރެއްގެ ގޮތުގައި ކަމަށް އެމްޕީއެލް އިން ބުންޏެވެ. މިއާ އެކު ކުރިން ދިމާވި ހުރިހާ މައްސަލައަކަށް ހައްލު ލިބޭނެ ކަމަށް އެމްޕީއެލް އިން ބުންޏެވެ.
ރައީސް އިބްރާހީމް މުހައްމަދު ސޯލިހު އައްޑުއަށް ކުރެއްވި ދަތުރުފުޅުގައި ވަނީ ޕޯޓާ ބެހޭ ގޮތުން ހުރި ކަންބޮޑުވުންތައް އޮޅުންފިލުއްވައިފަ އެވެ.
އައްޑޫ ސަރަހައްދީ ޕޯޓް ތަރައްގީކުރުމުގެ މަޝްރޫއުގެ ދަށުން، ފަސް ލައްކަ ކިއުބިކް މީޓަރުގެ ސަރަހައްދެއްގެ ބަނދަރު ފުންކުރުމާއި، 8 ހެކްޓަރުގެ ސަރަހައްދެއްގެ ބިންހިއްކާނެ އެވެ. އަދި 2،000 މީޓަރުގެ ސަރަހައްދެއްގައި ބޭރުތޮށި ލައި، 500 މީޓަރުގެ ސަރަހައްދެއްގައި ރިވެޓްމެންޓް ޖަހާނެ އެވެެ.
ގާތްގަނޑަކަށް 212 މިލިއަން ރުފިޔާގެ މި މަޝްރޫއުގެ މަސައްކަތް ހަވާލުކުރީ މިމަހުގެ ދެ ވަނަ ދުވަހު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
04 April 2022
އައްޑޫގައި ހިންގާ ޕްރޮޖެކްޓްތަކަށް ކަނޑުމަގުން އައްޑުއަށް ގެންނަމުދާ ގޭންއެެަރޕޯޓް ޖެޓީއަށް ބާލަން ހުއްދަދިނުން ހުއްޓާލާކަށް ނުވޭތޯ. # މަގު ހެދުމަށާއި އައްޑޫ ޕޮލިސް އެކަޑަމީ އެޅުމަށް ގެނައި ހިލަވެއްޔާއި އެފަދަ މުދާ ބޭލުމަށް ބޭނުންކުރި ހެވީލޯޑް ވެހިކަލްތަކުގެ ސަބަބުން އެއަރޕޯޓްގައި ހުރި އެތައްޒަމާނެއްވެފައިވާ ރީތި މަގުތައް މުޅިން ސުންނާފަތިވެގެން ހިގައްޖެ. ބަދަލުގައި މަގުތައް މަރާމާތުކޮށްދޭނެކަމަށް ބުނިކަމުގައިވިޔަސް އެމީހުން އެކަމެއް ނުކުރޭ.
އޮނަރަބްލް އަފީފު ދީދީ
04 April 2022
ތިޔަ ބަނދަރު ހަދާއިރު އައްޑޫގެ ޑޮމެސްޓިކް ހާބަރ ވެސް ތިތަނާއި ދުރުނޫން ސަރަޙައްދަކަށް ބަދަލުކޮށް ތަންކޮޅެއް ޒަމާނީ ޑޮމެސްޓިކް ބަނދަރެއް ހަދާފަ ވަގުތީ ގޮތުން ކާރގޯ ސްޓޯރ ކުރެވޭނެ ގޮތަކަށް ރައްކާތެރި ޑޮމެސްޓިކް ހާބަރެއް ކާގޯ ޓާމިނަލަކާއި އެކުގައި ހަދާންވީނޫންތޯ. # އޭރުން އައްޑުއަށް ގެންގަ ވެހިކަލްތައް ރާއްޖޭގެ އެހެން ސަރަޙައްދުތަކަށް ގެންދިއުންފަދަ އެތައްކަމަކަށް ފަސޭހަވެ އެމްޕީއެލްގެ އިކްއިޕްމަންޓް މިފަދަ ކަންކަމަށް ކުއްޔަށްނަގަން ފުރުސަތު ލިބޭނެ.