އައްމަޓީ ކުރީގެ އަޑުއެހުމެއްގައި: އޭނާ ދޫކޮށްލި މައްސަލަ ހައި ކޯޓުން މާދަމާ ނިންމާނެ
05 އެޕްރީލް 2022 - 20:43
5 comments
ޚިޔާނާތުގެ ގިނަ ދައުވާތަކެއް އުފުލާފައިވާ ސީލައިފް ގްލޯބަލް ކުންފުނީގެ ވެރިޔާ އަހުމަދު މޫސާ (އައްމަޓީ) ބަންދުން ދޫކޮށްލި މައްސަލާގެ ހުކުމް މާދަމާ އިއްވަން ހައި ކޯޓުން ހަމަޖައްސައިފި އެވެ.
ފްލެޓް އަޅައިދޭނެ ކަމަށް ބުނެ ގިނަ ބައެއްގެ އަތުން ފައިސާ ނެގި މައްސަލާގައި ދައުވާ އުފުލާފައި ވަނިކޮށް މިދިޔަ މަހު ކްރިމިނަލް ކޯޓުން އައްމަޓީ ދޫކޮށްލީ ޝަރުތުތަކާ އެކު އެވެ. އެ މައްސަލަ ދައުލަތުން ހައި ކޯޓުގައި ވަނީ އިސްތިއުނާފްކޮށްފަ އެވެ.
އެ މައްސަލާގެ ހުކުމް ހައި ކޯޓުން އިއްވަން ހަމަޖައްސާފައިވަނީ މާދަމާ ހެނދުނެވެ.
މިއީ އައްމަޓީ ބަންދުން ދޫކޮށްލި ތިން ވަނަ ފަހަރެވެ. މީގެކުރިން ދެފަހަރަށް ކްރިމިނަލް ކޯޓުން އޭނާ ދޫކޮށްލުމުން ވެސް، އޭނާ އޭރު އަލުން ބަންދުކުރީ ހައި ކޯޓުގެ އަމުރަކަށެވެ.
ޚިޔާނާތުގެ 40 އަށް ވުރެ ގިނަ ދައުވާ އައްމަޓީގެ މައްޗަށް ދައުލަތުން ކުރެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކަބަޑޭ
06 April 2022
ރާއްޖެއަކީ ފަތުރުވެރިންނާ މަކަރުވެރިންނާ ކުށްވެރިންގެ ސުވަރުގެ އޭ ނުބުނާންވީ އެއްވެސް ސަބަބެއްނެތް!
އަލިފުޅު1111
06 April 2022
ކޮންފަދަ ކަމެއްތަ މީ؟ ތިޔަ ސީލައިފްއިން އެޕާޓްމަންޓް ގަންނަން ޢާއްމުން ދިންފައިސާ ރަނުން ރަނަށް ވަނީ އަދާކޮށްފަ. އެއީ ދިވެހި ދައުލަތުގެ ފައިސާއަކުންނޫން. އެފައިސާދީފައިވަނީ ސީލައިފުން ބިންގަތުމަށް އެޗްޑީސީއަށް ދީފައިވާ ފައިސާއިން. ވީމާ، އަންމަޓީ ދެމުމުގެ ބޭނުމަކީ ކޮބާ؟؟؟؟؟ އެއަށްވުރެ މާތާހިރޭނުން އެމްއެމްޕީއާރުސީއިން ފައިސާނެގި އަދީބުއާ އަދި އެހެން މީހުން ޖަލަށްލިއްޔާ...
ށަވިޔަނި
06 April 2022
ހުސް ސިޔާސީ ހަޑިމުޑުދާރު ގޭމްތައް.
އަޙުމަދު.
06 April 2022
ދެން ތިކަން ނިމުނީ ކަންނޭންގެ. ތިގޮތަށް ހުރިހާކަމެއްވެސް މިދާނީ. ޙައްޖަށް މިހުން ގެންދަން ލާރި ނެގިމީހާ ކޮބާ؟ އެމް އެމް ޕީ އާރު ސީގެ ފައިސާތަކަށް ޚިޔާނާތްތެރިވި މީޙުންތަށް ކޮބާ. ވީކޮންކަމެއް؟
ކޮރަލް
05 April 2022
ބޮޑު ކަމަކަށް ވެއްޖެ އެވެ. ތިޔަ ދޫކޮށްލާ މީހާ ހައްޔަރު ކުރަން ވީ އެވެ.