އަރަބިއްޔާ ސްކޫލުގެ އާ އިމާރާތް އަޅަން ހަމަޖައްސާފައިވާ ބާޖަމާލުއްދީން ބިން.-- ފޮޓޯ: ފަޔާޒު މޫސާ/ މިހާރު
07 އެޕްރީލް 2022 - 12:41
10 comments
އަރަބިއްޔާ ސްކޫލުގެ އާ އިމާރާތުގެ މަސައްކަތް އަންނަ އަހަރުގެ ތެރޭގައި ނިމޭނެ ކަމަށް އެޑިއުކޭޝަން މިނިސްޓަރު ޑރ. އައިޝަތު އަލީ އިއްޔެ ވިދާޅުވެއްޖެ އެވެ.
މީގެ އަށް އަހަރު ކުރިން ބޭނުންކުރަން ފެށި އަރަބިއްޔާގެ އިމާރާތުގެ ތަނބުތަކުގައި ވަރަށް ބޮޑަށް ރެނދުލައި ގެއްލުން ލިބިފައި ހުރުމުން މިދިޔަ ޖެނުއަރީ މަހުން ފެށިގެން ދަރިވަރުންނަށް ވަގުތީ ގޮތުން ކިޔަވައިދެމުން އަންނަނީ ކުރިން ފޮރިން ފޮރިން މިނިސްޓްރީ ހިންގި އިމާރާތުގަ އެވެ.
ސަރުކާރުން ނިންމާފައިވަނީ ބާޖަމާލުއްދީން ބިމުގައި އަރަބިއްޔާ ސްކޫލްގެ އާ އިމާރާތް އަޅާށެވެ.
މިނިސްޓަރު "މިހާރު" އަށް ލިޔުމުން ދެއްވި ޖަވާބުގައި ވިދާޅުވީ، މި އަހަރުގެ ތެރޭގައި އަމަލީ މަސައްކަތް ފަށައި އަންނަ އަހަރުގެ ތެރޭގައި އަރަބިއްޔާގެ އާ އިމާރާތް ނިމޭނެ ކަމަށް އުއްމީދުކުރެވޭ ކަމަށެވެ.
އަމަލީ މަސައްކަތް ފެށުމަށް އެޑިއުކޭޝަން މިނިސްޓްރީން ވަނީ ބާޖަމާލުއްދީން ބިމުގައި މިހާރު ހުރި އިމާރާތްތައް ތަޅާލާނެ ބަޔަކު ހޯދަން މިދިޔަ މަހު އިއުލާނުކޮށްފަ އެވެ. އެ އިއުލާނާ ގުޅިގެން 22 ފަރާތަކުން ކުރިމަތިލި އެވެ.
ބާޖަމާލުއްދީންގެ ނަމުން މަޝްހޫރުވި އިމާރާތުގައި އެންމެ ފުރަތަމަ ހިންގީ ޖަމާލުއްދީން ސްކޫލެވެ. އެ ތަން ވަރަށް ބޮޑަށް ބާވެ، ހަލާކުވުމުން އެ ސްކޫލްގެ ދަރިވަރުންނަށް އެ އިމާރާތާ ޖެހިގެން އާ ސްކޫލެއް ހަދައިދީ ދަރިވަރުން ބަދަލުކުރި އެވެ.
އެ އަށް ފަހު، ބާ ޖަމާލުއްދީން އިމާރާތް ބޭނުންކުރީ ގައުމީ ޔުނިވާސިޓީގެ ކޯސްތައް ހިންގުމަށެވެ. ނަމަވެސް އެތަން ބޭނުންކުރުމަށް ނުރައްކާވެފައިވާ ކަމަށް ބުނެ ކުރީގެެ ސަރުކާރުން އެމްއެންޔޫ އެތަނުން ބޭރުކުރީ އެވެ. އޭގެ ފަހުން، އިލެކްޝަންސް ކޮމިޝަން (އީސީ) އިން އިންތިޚާބީ މަރުކަޒުގެ ގޮތުގައި އެ ތަން ބޭނުންކުރަން ފެށި އެވެ. އަރަބިއްޔާގެ އިމާރާތް އެޅުމަށް އެ ތަން ވެސް ވަނީ ހުސްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޖަކުޒީ
07 April 2022
އަންނަ އަހަރޭ ބުނެވިދާނެ 31 ޑިސެންބަރ 2023 އަށް ވެސް. އަންނަ އަހަރު ނިމޭނެ.
ދަގަނޑޭ
07 April 2022
ކޮބާހޭ އަސްލުސުވާލުގެ ޖަވާބު؟ ކީއްވެހޭ މީގެ 8 އަހަރު ކުރިން އިމާރާތްކުރި އާ ކަށިކެޓު އިމާރާތެއް 8 އަހަރު ތެރޭގައި ބޭނުން ނުކުރެވޭ ވަރަށް ތަނބުތަކުގަ ރެނދުލައި ތިހިސާބަށް ދާންޖެހުނީ؟ އަރަބިއްޔާ ވީމާ ވާގޮތްތޯއޭތީ؟ ދެންވެސް ވާނީ ހަމަ ތިހެންތޯއޭ؟ މިނިސްޓްރީގެ ޝަރުތަކީތޯއޭ އެއީ ޢަރަބިއްޔާ ސްކޫލް ވެއްޖެއާ ހައެއްކަ އަހަރުތެރޭ ބޮލަށްވެއްޓޭ ފެންވަރަށްހެދުން. ކޮބާތޯއޭ މިކަމުގަ ޒިންމާވާންޖެހޭ މީހުން. ކޮންކްރީޓަކީ 100 އަހަރަށް ދެމިހުންނަ އެއްޗެކޭ މީހުން ކިޔާ
ޙަލީ
07 April 2022
ޢާން 1 އަހަރުން ނިންމަން ޕާޓީ ކުދިންކޮޅަކަށް ޙަވާލުކުރާނީ. ޜަނގަޅަށް ނުވަދެ އުޅެނިކޮށް އަނެއްކާ ބޮލަށް ވެއްޓޭނެހެން. އޭރުންތާ މިރާއްޖޭގަ އުޅޭ ވާނުވާ ނޭނގޭ މީހުން އަރަބިއްޔާ ޕޭރަންޓުންނަށް ބަވާނީ. އަބަދު އަރަބިއްޔާ ޕޭރަންޓުން ގޯސްވަނީ އެެކުދިންގެ ހައްގު ހޯދަން އުޅުނީމަ. ޢެކުދިން މަގުމަތިވެގެން އުޅޭތަން ފެންނަ ބަޔަކު މިގައުމުގަ ނޫޅެ.
ރަދީފްއޮފިޝަލް
07 April 2022
އަރަބިއްޔާގެ އާއިމާރާތް އެއީ ކިތަށް ފްލޯގެ އިމާރާތެއް ތޯ ސާފެއް ނޫން.މި ލިޔުމުން އެކަން ސާފްވިނަމަ ވަރަށް ރަނގަޅުވީސް.ވ.ވ.ވެދުން
2022
07 April 2022
"ބާޖަމާލުއްދީންގެ ނަމުން މަޝްހޫރުވި އިމާރާތުގައި އެންމެ ފުރަތަމަ ހިންގީ ޖަމާލުއްދީން ސްކޫލެވެ. އެ ތަން ވަރަށް ބޮޑަށް ބާވެ، ހަލާކުވުމުން އެ ސްކޫލްގެ ދަރިވަރުންނަށް އެ އިމާރާތާ ޖެހިގެން އާ ސްކޫލެއް ހަދައިދީ ދަރިވަރުން ބަދަލުކުރި އެވެ." ޓްރެފިކް ބޮޑު އެސަރަހައްދަށް އެހެން ސްކޫލެއް ނުގެނެސް އެބިން ދެންވެސް ދޭންވީ ޖަމާލުއްދީނަށް، އެއީ ޖަމާލުއްދީނަކީ ޖާގައިގެ ދަތިކަން ބޮޑުނަތީޖާނެރޭ ސްކޫލެއް. ނިމޭގަޑީގަ ވަދެ ނިކުމެ ވާން އުޅޭ ހާލުން ހިތްހަލާކުވާވަރުވެ.
2022 ކިޔާބަމި
07 April 2022
ތިބުނީ ޢަރަބިއްޔާ އަކީ ނަތީޖާ؟؟ ބަލަ އެއީވެސް ޖާގައިގެ ދަތިކަން އޮވެ ވަންނާނެ އިމާރާތެއް ނެތް މި ބިމަށްް އުފަށް މިިގައުމުގެ ދަރިންތަކެކޭ. އެތަން ޖަމާލުއްދީނަށްދިނީމަ ޓްރެފިކެއްވެސް ބޮޑެއްނުވޭތޯ؟ އަޅުގަނޑުމެންގެ ދަރިން އެކަކާ ބާރަޔާ ދެމެދު 3 ހަތަރު ސްކޫލުން ނެެރެ މަގުނަތިވާތަން ބަލަން އަދި މާހިތްދަތި އިނގޭތޯ. ތިބޭފުޅުންނަށްވުރެ މާހހާލުގަ ވަދެ ނިކުމެ އުޅުނީ ކިތަން ސްކޫލަށްތޯ އެކުދިން ގެންގޮސް ވެއްދީ؟ ޢަމިއްލަ އިިމާރާތް ބާވީމަ އެތަނުން ނެެރެފަ.
ހހމަ
07 April 2022
ފަޅު ރަށެއްގައި އުޅެންވީ ނޫންތޯ. ފެށޭ ގަޑިޔަކަށް އަދި ނިމޭގަޑިޔަކަށްވެސް އިތުރު ބައެއްގެ އުނދަގުލެއްނުވާނެ. ކެތްތެރިކަން ނެތްނަމަ ހިތްފަޅައިގެންވެސްދާވަރު ބޮޑުވާނެ. މިޤައުމުގައި ޢަރަބިއްޔާއަށްވުރެ ބޮޑަށް ނަތީޖާ ނެރެދިން ސްކޫލެއް ނުދެކެން. ޤައުމުގެ ހުރިހާ ދާއިރާއެއްގައި އެތަނުގެ ދަރިން އިސްސަފުގައިނެތް ދާއިރާއެއްނެތް.
މަތީނު
07 April 2022
އެސް.ޖޭ ކޮންސްޓްރަކްޝަން ނޫން ބަޔަކަށް ނުދެއްޗޭ!
48343
07 April 2022
އެހެންވީނާ އަންނައަހަރުގެ އިންތިޚާބުގެ ވޯޓުލިބޭނެތާ އެއޮށްވަރުގަދަ ޕޭރަންޓުންގެ ފަރާތުން.
ޙަލީ
07 April 2022
ބޭފުޅާ ޢަރަބިއްޔާ އޭ ކީމަ އެކުދިންނާ އެބެލެނިވެރިން ނުވޭތޯ މިގުމުގެ ބަޔަކަށް؟ ތީދެން ނަސްލީ ތަފާތުކުރުމަށްވވުރެވެސް ހުތުރު ކަމެއްނު. ބަލަ އަރަބިއްޔާ ޕޭރަންޓުންގެވެސް ވޯޓު ލައިގެންނޭ މިގައުމަށް އިންތިހާބު ކާމިޔާބުވަނީ. ކީކޭބާ ތި ހީކުރަނީ.