އިސްތިއުފާ ދެއްވި ގަވަރުނަރު އަޖިތު. --ފޮޓޯ:ގެޓީ އިމޭޖަސް
08 އެޕްރީލް 2022 - 16:37
5 comments
ކޮލަމްބޯ (އެޕްރީލް 8) - ސްރީ ލަންކާގެ އިގްތިސާދު މިހާރު އޮތް ހާލަތަށް ވެއްޓުނީ ދާދި ފަހުން މަގާމުން އިސްތިއުފާ ދެއްވި މަރުކަޒީ ބޭންކުގެ ގަވަރުނަރު އަޖިތު ކަބްރާލްގެ ސަބަބުން ކަމަށް ކުރެވޭ ތުހުމަތުތަކާ އެކު އޭނާ ގައުމުން ބޭރަށް ފުރައިގެން ދިއުން ކޯޓުން މަނާކޮށްފި އެވެ.
ކޮލަމްބޯގެ މެޖިސްޓްރޭޓް ކޯޓަކުން މިހާރު ވަނީ އަޖިތާ ދެކޮޅަށް ހުށަހަޅާފައިވާ މައްސަލަތަކަށް ޖަވާބުދާރީވުމަށް މި މަހު 18 ވަނަ ދުވަހު އެ ކޯޓަށް ހާޒިރުވުމަށް އަމުރު ނެރެފަ އެވެ. ކޯޓުން ވަނީ އޭނާ ފުރައިގެން ދިއުން ހުއްޓުވުމަށް އިމިގްރޭޝަން އޮތޯރިޓީ އަށް ވެސް އަންގައިފަ އެވެ.
މިދިޔަ ހޯމަ ދުވަހު އިސްތިއުފާ ދެއްވި އަޖިތަކީ މަރުކަޒީ ބޭންކު ހިންގުމަށް ރައީސް ގޯޓާބޭ ރާޖަޕަކްސާ އިޚްތިޔާރު ކުރެއްވި ފަރާތެކެވެ. އެކަމަކު ބައެއް އެކްޓިވިސްޓުން މިހާރު ތުހުމަތު ކުރަނީ ގައުމުގައި ބޭރު ފައިސާގެ ތާށިކަން އިންތިހާ ދަރަޖައަށް ކުރިމަތިވެ މާލީ ދަތިތަކާ ކުރިމަތިލާން ޖެހުމުގެ ޒިންމާ އަޖިތު އުފުއްލަވަން ޖެހޭނެ ކަމަށެވެ.
އަޖިތު އިސްތިއުފާ ދެއްވީ ކެބިނެޓް އިސްތިއުފާ ދިންތާ އެއް ދުވަސް ފަހުންނެވެ. ސަރުކާރުގެ ބައެއް ފަރާތްތަކުން ވެސް ތުހުމަތު ކުރަނީ އިގްތިސާދީ ހާލަތާ ބެހޭ ގޮތުން ރައީސް އަށް ވެސް އަޖިތު ސައްހަ މައުލޫމާތު ނުދެއްވާ ކަމަށާއި އިންޓަނޭޝަނަލް މަނިޓަރީ ފަންޑް (އައިއެމްއެފް) އިން ބެއިލްއައުޓް ޕެކޭޖެއް ދުރާލައި ހޯދުމަށް ވެސް އޭނާ ހުރަސް އަޅުއްވާފައިވާ ކަމަށެވެ. އައިއެމްއެފްގެ އެހީ އަށް އެދޭނެކަން ސަރުކާރުން ހާމަކޮށްފައި ވަނީ މިދިޔަ މަހު އެވެ. ނަމަވެސް އެ މަޝްވަރާތައް އަދިވެސް ނުފަށަ އެވެ.
އަޖިތު ކުރިން ވިދާޅުވަމުން ގެންދެވީ ފޮރިން ރިޒާވް އިތުރު ކުރުމަށް ގައުމުގެ އެތެރޭން އޭނާ އަށް ހައްލު ހޯއްދެވޭނެ ކަމަށެވެ. ނަމަވެސް ހަގީގަތަކީ އެންމެ އަސާސީ ތަކެތި އެތެރެކުރުމަށް ވެސް ލަންކާގައި މިހާރު ޑޮލަރު ނެތް ކަމެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޕޯ
10 April 2022
އައްދިއްޔޯތް! ބުރޯކަހަލަ ޖަމުރާއެއް ހޯދައިގަތީދޯ!!!! ރަށްތަކާއި ފަޅުތައްވިއްކަމުން ގޯނިގޯންޏަށް ލާރިއަޅައިގެން ބަހަމުން ގެންދިޔައިރު ރައީސް ޔާމީނަށް އެކަންވީ ޒާތީ!!!! މިކަލޭގެ އިގުތިސޯދު ހަނާއަރުވަމުންދިޔައިރު ބޮޑުވަޒީރާއި ރައީސްތިބީ ކީއްވެފަބާ؟
ޑައިޓ8
09 April 2022
ޢެއީ އަސްލު މީހާ. ޙުރިހާ ކަމެއް ގޮސްވެގެން ދިޔައީމަ ހުންނާނެ ޒިންމާ ނަގަން ވަޒީފާ ދީފަ ހުންނަމީހުން. މިސާލަކަ، ޔާމިންގެ ވެރިކަމުގާ އަދީބު. ޢެއީ އަސްލު މީހާ.
ދިވެހިނަރު1
09 April 2022
މިތާނގެ ކުރީގެ ގަވަރުނަރެއް އެބައުޅުއްވާ އެމްއެމްޕީއާރުސީގެ ލާރިގަނޑު ކައިހުސްކުރިއިރު ބަލަން އިނދެފާ ތިމަން ދެނަހުރި ކަމެއް ނޫނޭ ކިޔާފަ.
ރޯޒަސް
09 April 2022
ޕާލްމެންޓުގައި އެބަ ތިއްބެވި ތިކަން ދަންނަ 50 މެމްބަރުންވެސް. ކޯޓުތަކުގައި އެބަތިބި ތިކަން ދެނަހުރި ގާޒީންވެސް. ފުލުހުންގެ އިންޓެލިޖަންސްގަވެސް އެބަތިބި އެނގޭ މީހުން. ބީއެމްއެލްގެ ހުރިހާ ވެރިންނަށްވެސް އެނގޭ، ކުރީ ސަރުކާރުގެ ބޮޑެތިން އެންމެނަށްވެސް އެނގޭ.. ހައްޔަރުކޮށްފައި ނުކުރާނެ މީހަކު ނެތް.
ބީރުބޮލު ވަޒީރު.
08 April 2022
ދާދި ގަހަކުން މިސްރުގެ ޑިމޮކްރަސީ ރައީސް މުހައްމަދު މުރްސީ ވެސް ވަރަށް އިތުބާރު ކޮށްފަ އޭނާގެ ޑިފެންސް މިނިސްޓަރަކަށް ހަމަޖެއްސެވީ މިހާރު ވެރިކަމުގައި އެހުރި އަބުދުލް ފައްތާހު ސީސީ. އެކަމަކު އެމެރިކާ އަތްބާނައިގެން ސީސީއާ ސިފައިންގެ ޖެނެރަލުން ގަނެލީ. މުރުސީ ޖަލަށް ލެވުނީ. ޖަލުގައި އޮވެ އަވަހާރަވީ. މުރުސީއަކީ އެމެރިކާއާ އިޒްރޭލާ ދެކޮޅު ބޭފުޅަކަށް ވުން ކުށަކީ. ލަންކާއަށް ވެސް ތިއޮތީ އެލަނޑު ލިބިފަ. ތިއަ ގަވަރުނަރުވެސް ތިއަހުރީ ގަނެލާފަ.