ހަނގުރާމައިގެ ތެރޭން ޔުކްރޭނަށް ވަޑައިގެން ޖޯންސަން ދެއްކެވީ ހިތްވަރު

އިނގިރޭސި ބޮޑުވަޒީރު ޖޯންސަން ޔުކްރޭނަށް ވަޑައިގެން ކިޔޭވްގެ މަގުތަކުގައި ހިންގަވަނީ. --ފޮޓޯ:އޭއެފްޕީ

ހަސަން އާމިރު، މިހާރު

10 އެޕްރީލް 2022 - 13:51

ކިޔޭވް (އެޕްރީލް 10) - ރަޝިޔާ އިން ޔުކްރޭނަށް އަރައި ހަނގުރާމަ ކުރަމުން ދަނިކޮށް އިނގިރޭސި ބޮޑުވަޒީރު ބޮރިސް ޖޯންސަން ޔުކްރޭނަށް ވަޑައިގެން ރައީސް ވޮލްޑޮމީރް ޒެލެންސްކީއާ އެކު މަގުތަކުގައި ހިންގަވައި، ހިތްވަރު ދައްކަވައިފި އެވެ.

އިނގިރޭސި ބޮޑުވަޒީރުގެ އޮފީހުން ބުނެފައި ވަނީ ޖޯންސަން ޔުކްރޭނަށް ވަޑައިގެންނެވީ ޒެލެންސްކީއާ ސީދާ ބައްދަލު ކުރައްވައި ޔުކްރޭނުގެ ރައްޔިތުންނާ އެކުގައިވާކަން ދެއްކެވުމަށް ކަމަށެވެ. އަދި ޔޫކޭ އިން ވަނީ 120 އާމަޑް ވެހިކަލާއި އެންޓި-ޝިޕް މިސައިލް ސިސްޓަމްތައް ޔުކްރޭނަށް ފޮނުވަން ނިންމާފައިވާ ކަމަށް ވެސް ބުނެފައިވެ އެވެ.

Today I met my friend President @ZelenskyyUa in Kyiv as a show of our unwavering support for the people of Ukraine.

We're setting out a new package of financial & military aid which is a testament of our commitment to his country's struggle against Russia’s barbaric campaign. pic.twitter.com/KNY0Nm6NQ3
— Boris Johnson (@BorisJohnson) April 9, 2022

ޖޯންސަންގެ ކުއްލި ދަތުރުގައި ވަނީ ޔުކްރޭނަށް އިތުރު 500 މިލިއަން ޑޮލަރުގެ އެހީ ދެއްވާނެކަމުގެ ޔަގީންކަން ދެއްވައިފަ އެވެ. އަދި ޔުކްރޭނުގެ އިމްޕޯޓަށް ޔޫކޭ އިން ޓެރިފް ލުއިތައް ދިނުމަށް ވެސް ވަނީ ނިންމަވައިފަ އެވެ.

އިނގިރޭސި ބޮޑުވަޒީރު ޖޯންސަން ކިޔޭވްގެ މަގުތަކަށް ނުކުމެވަޑައިގެން އާއްމުންނާ ބައްދަލު ކުރައްވަނީ. --ފޮޓޯ:އޭއެފްޕީ

ޖޯންސަން ވަނީ ޒެލެންސްކީއާ އެކު ޔުކްރޭނުގެ ކިޔޭވްގެ ފަޅަށް އޮތް މަގުތަކަށް ނުކުމެވަޑައިގެން އާއްމުންގެ ތެރޭން ބައެއް މީހުންނާ ބައްދަލު ކުރައްވައިފަ އެވެ. ޖޯންސަން ޔުކްރޭނަށް ވަޑައިގެންނެވީ، ދަތުރުގެ މައުލޫމާތު ކުރިން އިއުލާން ކުރެއްވުމެއް ނެތި އެވެ.

އިނގިރޭސި ބޮޑުވަޒީރު ޖޯންސަން ޔުކްރޭނަށް ވަޑައިގެން ރައީސް ޒެލެންސްކީއާ ބައްދަލު ކުރައްވަނީ. --ފޮޓޯ:އޭއެފްޕީ

އިނގިރޭސި ބޮޑުވަޒީރު ޖޯންސަން ޔުކްރޭނަށް ވަޑައިގެން ކިޔޭވްގެ މަގުތަކުގައި ހިންގަވަނީ. --ފޮޓޯ:އޭއެފްޕީ

ޔުކްރެއިން ރަޝިއާ ބޮރިސް ޖޯންސަން ވޮލޮޑިމީރު ޒެލެންސްކީ

2 ކޮމެންޓް, 10 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ގަޅިރަދީފް

11 April 2022

ސަަބަހޭ ޖޯންސަން. އަވައްޓެރި ބޮޑެތި ގައުމުތަކުން ކުޑަ ގައުމުތަކަށް ބުލީ ކުރުމާއި ބިން ފޭރުމާ ދެކޮޅަށް ތިޔަ ކުރަށްވާ މަސައްކަތަށް ﷲ ބަރަކާތް ލައްވާށި. އާމީން.